متعرفش هل هي مشكلتك ولا انه اتس اوكي مزال صغير و مزال هتقدر ادير و مزال هتسافر و تشوف الدنيا و ادير الي تبيه ولا خلاص تو ليت عمرك هيضيع هكي باقيته يعني من الاخير متعرفش تتوتر لانك مديرش في شي ولا تهدى لانه عادي مزال متعتبرش كبير هلبا و مزال في حياة قدامك

انا عايزه اشوف اخري فين بس 😂😂

شكرن ليبيا🖤

هو حتى انا فاشل
لكن نحط في فشلي على ليبيا عارف

هو اني نشوف في هلبا ناس تقول في الكلام هدا انه مش السبب في ليبيا لكن لما تحي تشوف الناس الي ناجحه عندنا هتلقي ظروفهم تختلف علي ظروفك لنم خلرنا منكدبوش علي روحنا لو كنا برا ليبيا كنا علي الاقل مكملين سنه في الجامعه برو

مش كبير ومش صغير
كل واحد ووقته
وماتعرفيش امتى مكتوبلك ربي ياخد امانته سو مش شرط تكون مزال حياة قدامك
مدام تبي حاجة
ديري في اقرب فرصة

قريت وتخرجت وزمرت وقاعد نخدم وهذا كله مش نجاح
مش نجاح انك تكون تخدم في خدمتين
النجاح انك تكون عايش متريح على اللي تدير فيه
وفي ليبيا هذا مهناش
النجاح انك تحقق حلمك وتدير اللي انت تطمحله
مش تخدم خدمتين ومتشحط ومتزمرة عليك وتبني حوش وتتزوج
هذا انجاز يب لكن مش نجاح

ايوا و هادي نقطه تانيه الي يجي يقولك لا اقرا هندسة لانه فيها فلوس برو وتفك باهي اني منحبهاش و عارفه روحي هنكره حياتي دبل بسببها يعني علاش نقرا ولا نخدم حاجه منحبهاش و متخلينيش فرحانه و نمشيلها بالسيف عليا لباقي سنين حياتي؟ علي خاطر الفلوس ولا الناس بش تقول اوه هذا مهندس نبو نولو زيه؟ موضوع مستفز

بجديات اني نشوف انه حياتك تعيشها صح و كيف ماتبي لما تكون ادير في الشي الي تحبه و فرحان و انت ادير فيه و راضي علي روحك حتي لو كان ضد العادات و التقاليد و المجتمع في الاخير هدا الي هتعيش معاه باقي حياتك و تتفكره لما تولي شيباني و مش قادر حتي تتحرك

مش مشكلتك هي وبعدين مش حيضيع شي في عمرك ان شاء الله كلشي لاحقة عليه من القرايا للسفر لغيره الفكرة بس انه توا مزال شوية الشوية هادي حتمشي بالنسبة للقرايا شوية وحتلقي روحك بديتي وبالنسبة للتعطيلة توا اغلبنا دفعتنا تبهدلنا بسبب كورونا وعطلنا سنة ومعاها وفي غيرنا صح كملو سنة وسيم لكن ماتندريش مرات تعطيلتهم بعدين تجي ولا حني التعطيلة هادي شن يطلع فيها خير من وراها لكن صدقيني ما تأخر شي والوقت الي زدتي حصلتيه هذا مرات تطلعلك حاجة فجأة تديريها فيه سوا كورس ولا هك ماتندريش وبرضو مش شرط لكن ما يعنيش هذا ان خلاص هادي نهايتك المسيرية ونحكم عليك بالفشل وحيضيع عليك حيجيك وقتك هي هك الدنيا يوم ليك ويوم لغيرك ما تقعديش تضايقي فروحك على حاجات مش بيدك بس

كلامي طويل لكن اقريه😂

والمهم توا ان شاء الله حنشوفك متخرجة وناجحة وعايشة برا وكلشي😂

i'm not crying you are 🥺🥺😭

نعلي نعلي ان شاء الله الزوز 🖤🖤

اميننن يارب ونولو معبيات هيهي🖤

لا شيء ينقذ المرء كإيمانه بنفسه.