Love kills you slowly when it grows inside of you like a cancer 🙂

يتذكر عدد الرسايل اللي وصلاته بخط اليد 😔💛

صح، بما إنه فبراير وشهر هدايا وهكي خل نعطيكم نصائح عن الهدايا والحاجات الكيوت اللي تفرح فعلًا

1- الهدية مش محتاجة وقت ولا مناسبة
يعني تلحلح أنت وياه وعبّر عن مشاعرك بالفعل، في أي وقت وفي أي زمان

2- الهدية مش في سعرها ولا شكلها
رسالة بخط اليد تغني عن ألف هدية

وتذكر القاعدة الأبدية اللي لازم تتعامل بيها هي: «يُقال أن البساطة نصف الجمال»
وخلوني نحرّف شوي وهكزا، وقيل مرةً أنها الجمال كله

المهم 3- اعتمد على عنصر المفاجأة
تهديش في الوقت المتوقع منك، هكي هتضمن فرحة عارمة، خليك دائمًا يونيك، مش مُتوقع

بخصوص هادي النقطة
مرة طلعت مع صاحبي في يوم ميلاده
ولفينا في المحلات، ولما عجلاته حاجة -كانت بسيطة والله- طول جبتهاله
الله الله ع الفرحة اللي كانت ع وجهه 😭😂 حتى صاحب المحل كان مصدوم

ع النقيض، زميلي كان ينق ع هدية صاحبته ويلمح
ولما عطاهالها الفرحة كانتش زي المتوقع
لأنها اوردي تعرف في هدية وممكن كانت تراجي حاجة أحلى

4- الأغاني، الصور، الكلمات تعد هدايا
لكنها تحتاج إلى توثيق، لا تُغفل هكذا لحظات

المهم
5- قلنا البساطة
تو خل نعطيكم لفل أعلى منها
الصناعات اليدوية تتفوق على كل شيء في الهداية
مثال: رسالة مع كتاب، أفضل من كتاب بروحه
رسمة مع وردة، أحلى من الوردة بروحها
أهم حاجة تكون
Made with love 🌚💛

أمثلة على هدايا تهبل:
-طرف واحد وحيد من تشوكلت يحبه الشخص، مع ورقة مزينة مكتوب فيها بخط اليد، ومربوطة بخيط زغبي.

-وردة ملفوفة بورقة مرسومة -يدويا- تبان كأنها سكرينز للمحادثات بس تكون رسم

- كتاب مع إهداء فيه في أول صفحة وتعبيرًا عن إنه عجبك وحبيت منه يشاركك نفس الشعور اللي مريت بيه لما قريت الكتاب

-تابع الكتاب: يكون فى الكتاب بين كل عدة صفحات ورقة صغيرونة جدًا فيها رسالة لطيفة.

-تابع هدية الكتاب: يكون في دوائر/خطوط على عدة كلمات في الكتاب، ولما تنتهي القراءة تكون تكونت رسالة من الكلمات.

-والمزيد المزيد من الأفكار إلى هتنتقل مشاعرك للشخص بشكل حقيقي-

6- الهدية الحقيقية هي أنت، لذلك عبر عن نفسك، مش تجيب تحفة والا حاجة تلم الغبرة فوق الدولاب.🌚💛