ፕሮጀክቶችን ወደ ምርት ለማሸጋገር የፋይናንስ ድጋፋችንን እናጠናክራለን — አቶ አቤ ሳኖ የኢትዮጲያ ንግድ ባንክ ፕሬዚዳንት
*******
የኢትዮጵያ ንግድ ባንክ የተጀመሩ የኢንዱስትሪ ፕሮጀክቶች በፍጥነት ተጠናቀው ወደ ምርት እንዲሸጋገሩ የሚያስችል የፋይናንስ ድጋፉን አጠናክሮ እንደሚቀጥል የባንካችን ፕሬዚዳንት አቶ አቤ ሳኖ ገለጹ።
አቶ አቤ ሳኖ የመሩት የባንኩ ከፍተኛ አመራር ቡድን በገላን ከተማ የሚገኘውን ኤ.ኤም.ጂ (AMG) ኢንዱስትሪ ፓርክ ጎብኝቶ፣ በፓርኩ የሚከናወኑ የኢንቨስትመንትና የማምረት እንቅስቃሴዎችን ተመልክቷል።
አቶ አቤ በጉብኝቱ ወቅት እንደገለጹት፣ የማኑፋክቸሪንግ ዘርፉ የውጭ ምንዛሬ ገቢን በማሳደግ፣ የአገር ውስጥ ምርትን በማስፋፋትና የሀገር ውስጥ ገበያን በማረጋጋት ወሳኝ ሚና አለው።
በመሆኑም የተጀመሩ ፕሮጀክቶች በተቻለ ፍጥነት ተጠናቀው ወደ ምርት እንዲሸጋገሩ ባንካችን የጀመረውን የፋይናንስ ድጋፍ አጠናክሮ እንደሚቀጥል አረጋግጠዋል።
የኤ.ኤም.ጂ ኢንዱስትሪ ፓርክ ባለቤትና ዋና ሥራ አስፈፃሚ አቶ አብዱልሃኪም መሐመድ በበኩላቸው፣ በባንካችንና በድርጅታቸው መካከል ያለው ትብብር ወደ ተሻለ ደረጃ መሸጋገሩን ገልጸው፣ ባንካችን እስካሁን ላደረገላቸው የፋይናንስና ሙያዊ ድጋፍ አመስግነዋል።
የተጀመሩት ፕሮጀክቶች በአጭር ጊዜ ወደ ሥራ እንዲገቡ ተጨማሪ የፋይናንስ ድጋፍ እንደሚያስፈልግ ጠቁመው፣ ከባንኩ ጋር በበለጠ ቅርበት ለመሥራት ያላቸውን ዝግጁነት ገልጸዋል።
በጉብኝቱ ወቅት የባንኩ አመራሮችና ባለሙያዎች ከፋይናንስ ድጋፍ ባሻገር ተቋሙ የሚያከናውናቸውን ፕሮጀክቶች በመከታተል ሙያዊና ቴክኒካዊ ድጋፍ እያደረጉ መሆኑ ተገልጿል።
ይህም ባንኩ ሀገር በቀል ተቋማትን በመደገፍ፣ የማኑፋክቸሪንግ ዘርፉን በማጠናከርና የኢንዱስትሪ ልማትን በማፋጠን ያለውን ቁርጠኝነት የሚያሳይ መሆኑ ተመልክቷል።

የኢትዮጵያ ንግድ ባንክ ሠራተኞች እና የማኔጅመንት አባላት በአንድ ጀምበር 800 ሚሊዮን ችግኞችን በመትከል አዲስ ታሪክ በሚጻፍበት ሀገራዊ መርሐ ግብር ላይ አሻራቸውን ለማኖር በለሚ ኢንዱስትሪ ፓርክ ችግኞችን በመትከል ላይ ይገኛሉ።

የችግኝ መትከል መርሀ ግብሩ በሰውነት ማሟሟቂያ ነው የተጀመረው።