نحنا في السوايا نزمطوا واندسوا ،
وهم في طرفنا حامدين اشكروا ..

'
تاخذ علل تقنيط موا متراخي
الدي وين يلزمني ايجيك امربط 🤎.

- تسَاءل :

أيش درت يا الليّ ناسِي طريق الله ..
وكل درّب في الدنيَا مشِيت وراه ؟ .

مراد البرعصي ودقة الوصف :

نفخ الروح في ميت وردّه
سر الله يعلم ما وراه
ونا ما متت لكن لي مده
حالي حال من النادر دواه
يوم يسيل دمعي ع المخده
ويوم ايخيب تصنت اغناه
اتلوم عليه يوميلك بيده
شور الصدر واللي في خفاه
إن ريت انسان يبكي ما تشده
خله نين يشبع من ابكاه
الحي الدمع عمره ما يهده
يهده حزن في صدره كماه

و الي خذاك من يمناي؛
اجعل غلاه مقتول فأوله..

في بَرقة لا نقول:
"التجاوُزُ خُدعة، لا أحَد ينسَى كيف سُرِقت الطّمأنينةُ مِن صَدرِه."

بَل نقُول:
اسّا ينطفَو لولاف طَفوةْ جَمرة؛
الّي قالّك.. كذاب يامجروحة ..

الّي تنسرق منّه احوَاشةْ عمرَه؛
ماعاد ينسَى نيـن تطلع روحَه! ١..

•
.
.
.
عزيلة الغـلا يـا هـل تـرى مـتـذكـر
والا كــتـابـه مــن احـذانـا صـكــر
ياهل ترى فاكرني
وفاكر الماضي قبل لا يهجرني
اياماً وهو ديما عزيز ف قرني
وانا زاد في جنبه مكان امحكر
ايـامـاً ونـا وياه قـنـگ قـنـي
علي مـن فينا بالغلا متسّـكـر
زعم ياعرب صايد هنا متهني
وطايل لذيذ النوم مو متعكر
ورايق ويصبح ماعلي يغني
ويمسى نهاره ما علي يوكّر
خلاني بروحي ماعلي متعني
وياسه علي ضابط ونا متعسكر
.
.
.
•

•
.
.
.
فارح و زاهي بيه نومك طيّر؛
بـ عيدك معاه مبسوط جوك راق"

سبحانه بعد ماكنت في اتحيّر؛
بكثرة كلامك فالعلل لبّاق؛ •

طوعتيني في يديك في تسيّر،
شور المعارك في عتمّ فرّاق.

انعارك علي شانك تقول اقصيّر •
في كل خطوة عالغلط دقّاق؛

بقيت من غلاي وحالتي تطيّر؛
اتسوف و داير فالغلا نقناق'

اليوم فالغلا تميت نا متغيّر؟،
تقول في غلاي مصادرك بنداق'

و الفارس الخاسر ما عليه اتعيّر،
الغاوي سلاحه فالغلا زلّاق •
.
.
.
•

.
.
كان يا قمر ريته الي جارحنا؛
قوله بعد فرقاك فرقت نحنَ.
.
.

-
خلك هناك اوحدك في رقراقه
لا نعول فيك ولا تعول بسيه
خلني بروحي مزنتي براقه
انجول في لوطان ومانهاب قضيه
لا فاهقك يصعب علي اطقاقه
ولا تخصني نسمة هواء ابحريه
ياما امهون للزمان رفاقه
نا وخاطري ناظرين كيفك 100
مربوحه مسامح يا كحيل ارماقه
حتى ونحنا هم الحقانيه ..

-

•

فيك عزيز حتّى و هو يڪوّي
حظّه زين يشرق تشربيله.

•

ٰ

عليك الصلاة في كل وان وحين ؛
وعليك كل وقت وكل حين سلام ..

اعداد النفس واعداد رمش العين ؛
واعداد ما طروك وما سهو الآنام ..

وان شاءالله روَايا نرجعوا صادرين ؛
من حوضك، وفِـ جوارك يجي لختام ..

بجاه من خلقنا من شراب وطِين ؛
ودار خاتمةْ الاديان هو الإسلام ..

الشّاعر/ علي شَحّات.

ٰ

• {وَلَا تَنْسَوُا الْفَضْلَ بَيْنَكُمْ}

  جنّي مواجع من احذاه و هِبْته ؛
"لآجل وصَاةْ الله" ، ما ڪدّيتَه! ..


ٰ

ٰ

و اكرهنِـي  صحِيـح،  امغَيْـر "لا اتّبَـلَّى"
واضرب احساب في عَقلك نهار المِيتة ..


ٰ

حرام يا العين عليك ,,
         فِ اصيامي بكيتي ع القدم  ..

"30، رمضَان، 2025م" :



- جدّةْ عِيد لاقَيت الغوالِي ,,
حَنّ الله عَ القلب الشقِيّ ..
عِيد النّاس عاطِيها العالِي ,,
و نا عِيدَين مَنّ ابهن علَيّ 🖤..

-

.


وهي فالمحاضر كيفها هيالي
لا القيت لانلقي الها تمثيله...!


.

راني فيك نا مطروف عين،
وفيك انقول ما نعشق بعدها.. ♡

لو كان ما فزعلك صبح.!
ما ليلة البارح تهلبك.
.
.
.

.
.
.
الي صايره فالعقل،.
مِن مَن نقول، ونقولها لمن..
.
.
.

.
.
.
مغير بختنا بلهوّن؛
العين خير ياما مسلفه..
.
.
.