٠
٠
٠
للناشد انجيب عذار.
ولروحي نقول ايش غيبه٠
٠
٠
٠

عبدالكافي البرعصي:-

منام ياغني واخطور
وتجي صداف وتريد تنتسا؟
_________

الشوشان :
ألووه نين فات الضمي ..
و أرووه نار جا صادربها #

#الكترابيل :
نزل عزيز فينا دار ..
قشوش لنار كانت طافية #

#الكترابيل
نار غني و الفاضي قستي ..
نين علي واجد دريستي #

اغليت عالجواجي فوق ماتصور
تهنا علي روحك ولا تشغلني
تعاته ايجور كيف ما يجور
نا انحمل عنك كان ماتحملني

و في الليل يبقـن سامـرات ارماقي
ان غفّن تجيهن من اطيافـه جفلـه🖤!.

•

كنيبه يخف اشوي،
اريافكن بعد سهرايته •


•

•

تواطت النار معاي،
بعد عزيز جا منه خبر •

•

-
توازت مع لولاف ،
لا رياف لا رجا لا امعاده .

.

ماعاد نقبلوا فِ المعاذِير ؛
ولَا انصـــدّروا فِ النوايا ..
انكافوا الخيــر بالخيـر ؛
و اردُود السّوايــا سوايا! ..

.

ٰ


حتّـى  اسكُوتـك   يحسبُـوه  نقِـيدَة ؛
ويقولو سكت شكله اغْلب ف الدوّة! ..

قلُوب "حقد" مافيهن اقْرام عقيـدَة ؛
وبسُـود  النوايَـا  يطبـخن من  جـوّا ! ..


ٰ

.


نحن بالحيل تراخينا،
نين الحزاز اطمع فينا.


.

،

وكيف مَا يطارح فـيِ البنادم ظله
  زوله مطارحنيِ هناك وهّانا…!

لها زمان ما جتني عليه ابشاره
ولا عد جواب القيت فيه باريدي🖤!.

نحنا في السوايا نزمطوا واندسوا ،
وهم في طرفنا حامدين اشكروا ..

'
تاخذ علل تقنيط موا متراخي
الدي وين يلزمني ايجيك امربط 🤎.

- تسَاءل :

أيش درت يا الليّ ناسِي طريق الله ..
وكل درّب في الدنيَا مشِيت وراه ؟ .

مراد البرعصي ودقة الوصف :

نفخ الروح في ميت وردّه
سر الله يعلم ما وراه
ونا ما متت لكن لي مده
حالي حال من النادر دواه
يوم يسيل دمعي ع المخده
ويوم ايخيب تصنت اغناه
اتلوم عليه يوميلك بيده
شور الصدر واللي في خفاه
إن ريت انسان يبكي ما تشده
خله نين يشبع من ابكاه
الحي الدمع عمره ما يهده
يهده حزن في صدره كماه

و الي خذاك من يمناي؛
اجعل غلاه مقتول فأوله..

في بَرقة لا نقول:
"التجاوُزُ خُدعة، لا أحَد ينسَى كيف سُرِقت الطّمأنينةُ مِن صَدرِه."

بَل نقُول:
اسّا ينطفَو لولاف طَفوةْ جَمرة؛
الّي قالّك.. كذاب يامجروحة ..

الّي تنسرق منّه احوَاشةْ عمرَه؛
ماعاد ينسَى نيـن تطلع روحَه! ١..

•
.
.
.
عزيلة الغـلا يـا هـل تـرى مـتـذكـر
والا كــتـابـه مــن احـذانـا صـكــر
ياهل ترى فاكرني
وفاكر الماضي قبل لا يهجرني
اياماً وهو ديما عزيز ف قرني
وانا زاد في جنبه مكان امحكر
ايـامـاً ونـا وياه قـنـگ قـنـي
علي مـن فينا بالغلا متسّـكـر
زعم ياعرب صايد هنا متهني
وطايل لذيذ النوم مو متعكر
ورايق ويصبح ماعلي يغني
ويمسى نهاره ما علي يوكّر
خلاني بروحي ماعلي متعني
وياسه علي ضابط ونا متعسكر
.
.
.
•