هاي مواد الثاني كاملة وبالترتيب ويرجع لفضل كم طالب من مرحلتنا الله يحفظهم صورهن ونشروهن لحضة بلحضة بايام الدوام والدراسة😘 ، واذا ألله خلانة طيبين نكمل وياكم بشرح المهمات ونمط كل دكتور مثل مرحلة1🎀

سلام عليكم طلاب
مقبلين ع سنة دراسية جديدة
مبروك النجاح للي صعدو مرحلة2
والمكملين ان شاء الله تلحكون جماعتكم لل2

باعو طلاب ، المرحلة1 جانت عبارة عن مقبلات
يعني سنة تعارف وتهيئة نفسية وعملية للكلية

المرحلة 2 طفرة كلش جبيرة
راح تختلف عدكم كمية المواد والمعلومات المتراكمة ، بالبداية ، اول شهر تمرون بصدمة ويئس من كمية المواد المتراكمة ، بس اياكم ثم اياكم واحد منكم يستسلم الهن ويعلن خسارته للمرحلة2 من اول شهر ، كومة طلاب من عدنا صار بيهم هيج وبالكوة تلاحكو ع نفسهم بالكورس 2 ونجحوا الحمدلله واكو رسبوا واكو حملوا
بالمرحلة 2 حضور اللكجرات كلش مهم ، بي درجات وبي كوزات عليهن درجات ، وكذلك كل دكتور يكول مهمات يجن ٨٠% منهن اكو بيهم ميكولون
واللابات بعد اهم خصوصا البروس اياكم تضربون ولو ربع لاب ، لان يأثر عليكم باللاب الوراه
المهم طلاب ارجع واكول لحد يستسلم الها
كبرتو سنة ، خبرتكم ازدادت ، عقلكم كبر ، حفظكم ل اللغة ال E راح يصير عدكم زلاطة ، الملزمة ام 5 صفحات الي تقروها ب5ساعات راح تقروها بساعة
رتبو اموركم من اول شهر وكلشي يمشي عدكم وتصير مرحلة سهلة وبسيطة بالقراية اليومية البسيطة بدون ضغط ع نفسكم

وان شاء الله اني مستمر وياكم بالمهمات والملاحظات حول الدكاترة وملازمهم
بالتوفيق ان شاء الله🌷

مكان مختبرات المرحلة 2 طب اسنان بغداد

#بروس بظهر التسجيل يم اللوكرات(الباب يمه مجمدة)

#الانتومي نفسه طابق اخير كلية

#الهستو نفسه البايو

#الفزيو يم البايو ع صفحة

#بايوكمس ط1 من جهة باب الكلية ع يسار الطابق ثم يسار كبل

ال #dm طابق ارضي مستشفى ، مقابيل قطع باصات البيشنت اول باب ع اليمنة

#الاورال_والامبريو نفس اللاب ط7 مستشفى مقابيل نهاية صعدة درج الطابق

مساء الخير طلاب
هلسنة اسلوبي بالمهمات راح يتغير وياكم لان المادة جبيرة مو مال هذا مهم وهذا مهم

وهذا الاسلوب يفيدكم اكثر من ناحية كمية المادة
بالبداية راح اشرحلكم كل مادة من ناحية دكاترتها شلونهم وشلون مزاجهم وطبعهم بالاسئلة وتسهيلاتهم وية الطلاب ، وكذلك شراح يصير وياكم وتمرون بيه ع مدار سنة دراسية كاملة

والمهمات بس الواضحة كلش و 70% تجي اكلها الكم
اما الباقي يبقة عليكم من بالاعتماد ع شرحي لكل دكتور من ناحية مزاجه وتعامله ونمطه وتسهيلاته تكدرون تحرزون نوعية الاسئلة
ومثل مكتلكم اللكجر كلش مهم من عدة نواحي
الدرجات والكوزات والحظور والمهمات(بالنسبة للدكاترة الي يطون مهمات)الي تجي منها خير من الله..
🌷

#البروس

احلا مادة بالمرحلة 2 واكثر مادة مهمة ك طبيب اسنان

دكاترة البروس النظريين كلش حبابين ومساهلين وية الطالب وملازمهم بسيطة ومو معقدة

نجي ع اللاب ،
د.علي جميل اكثر دكتور مشدد وصارم بالمرحلة2
حاولو تتسايرون وياه قدر الامكان ،

د.يقظان يعني ارحم من علي جميل

عملي البروس هو عبارة عن صنع طقم اسنان من قاعدة(ريكورد بيس) ومصفطة عليها الاسنان بواسطة شمع (البايت رم) وكل هذا تشتغلوه ع جهاز(ارتكيوليتر)
هم يطوكم كل الادوات والاجهزة

راح تمرون بعدة مراحل عملية يمكن 5 او 6 مراحل ع مدار السنة
وتقييم العملي(الدرجات) كل مرحلة ع حدة تتقيم بنهايتها
اخير مرحلة من تنتهون ويقيمونكم ، راح تفلشون شغلكم كله ويطوكم بايت رم بالبيت تلزكوه ع الريكورد بيس تحضيرا للفاينل العملي

طبعا مصطلحات جديدة عليكم بس من طبون لاب تفتهمون كلامي

ملاحضة/ البروس لابه مينضرب ابد ، لان الشغل التالي يعتمد ع السابق ، والسابق اذا جان غلط التالي غلط وهكذا

تقسيم الدرجات

#كورس_اول 15 درجة
11 عملي
4 نظري ما بين كوزات لابات(90℅ من الكوزات ، سؤال واحد تعداد) ومحاضرات(كل 3 محاضرات كوز بيهن)

#مد 20(الاسئلة كلش كلش سهلة مال كل الدكاترة ومكررة 80% سنين سابقة)

#كورس2 نفس كورس 1

#فاينل 50
20 عملي(تشتغلون المرحلة الاخيرة من الطقم وهي تصفيط الاسنان)
30 نظري(هم كلش سهلة ومكررة)

بارك الله بيك

وبيك🖤

#الانتومي

تقريبا مثل المرحلة 1

#اللاب
نفس دكاترة العام وتعرفون اسلوبهم
ما عدا د.فراس كلش مختلف ومشدد وراح يعانون منه الكروب اليجيهم لهذا حاولوا تكون ايجابيين وياه دائما ولا تسوون اي شيء يخصكم ك كروب كامل بدون علمه

#اللكجر
د.احمد القيسي
دكتور متناقض بين ملازمه واسئلته
من الصعب يجيب سهل ومن السهل يجيب صعب
شرحه متواضع
بس سمعت انو د.فراس ديجيكم حاليا ، وبعدين يجي احمد
احنة العام بس احمد باللكجر والاسئلة كلها هو يسويها
بالنسبة ل احمد اسئلته الفصلية سهلة ٩٠% تعداد و mcq بس مثل مكتلكم متناقض

اما فراس الي اعرفه دكتور مشدد وصارم اما اسئلته ممجربها والحمدلله😂

#تقسيم_الدرجة
جانت

فصل الاول 15 ، لاب5 ، 4 كوز ، 1 حضور ، لكجر 10 , 6فصلي ، 3 حضور ، 1 بحث بقرص

مد 20

فصل الثاني
العام نغدرنا صار اللاب 7 ، 2 حضور 5 كوز ، واحتمال عملي من 3 تحضير للفاينل
اللكجر 8 مدري شلون طشرت هاي 8 بس اذكر هم نغدرنا وما حسب حضور ، بس مشاركة باللكجر من درجة او 2

الفاينل عملي 20

النظري 30

#DM

#اللاب

بس د.زينب اخذتنا
وردة مال الله ، دكتورة كلش مساهلة وتساعد الطالب
ما اعرف اذا تجيكم غيرها بعد وياها
اللاب عبارة عن شرح للمحاضرة نفسها


#اللكجر
تجيكم هم زينب وعلي جميل


#تقسيم_الدرجة
جانت

فصل1 ، 15

5 عملي(تطيكم ملف بي سلايدات تحفظونها والامتحان يكون عبارة عن عرض السلايد بالشاشة وتكتبون اسمه او حاجة عنه هي تطلبه ، هي تفهمكم)
6 نظري باللكجرات(زينب+علي)
2 شفهي(واحد واحد بالاسامي مثل المدرسة ، هي تحدد المادة)
2 كوزات

مد 20

فصل2 ، 15

عملي 5 مثل فصل1
7 نظري(زينب+علي)
3 كوزات

#الاورال_امبريو

باعو بكليتنا هاي المادتين عبارة عن خوات جوكر نفس اللاب ونفس الدكاترة ونفس تقسيم الدرجات تقريبا والمادتين بيهن تشابه بسيط بالمحتوى

الاورال اصعب مادة بالمرحلة 2 لان بي معلومات حشك ، راح تعانون منها كلش اذا خليتوها تتراكم وممكن تضيع منكم درجات فصليات كاملة ، لهذا دريبالكم تتهاونون وياها ، والامبريو يخصه الكلام هم بس اقل ب 30%

د.بان هاي هم وردة مال الله وتحب تساعدكم لابعد الحدود

د.ايناس تشوفوها تضحك وياكم وتشاقة بس دريبالكم منها بالاسئلة تغدركم هوااي

د.ندى
مشددة وصارمة ، رغم اسئلتها صعبة بس بيها شغلة وحدة حلوة انو الي تكول عليه باللكجر مهم يجي بالنظري

اللكجر نفسهن يجن

#تقسيم_الدرجة

#الامبريو

فصل1 ، 15

5 عملي (نفس dm سلايدات)

5 لاب (1 حضور ، 4 كوز + مساعدة كيرڨ ع المشاركة)

5 نظري لكجر( من 10 ويقسمون ع 2)

مد 20

فصل2 نفس 1

فاينل عملي 10 سلايدات

نظري 40

#الاورال

فصل 1 ، 15

5 عملي

5 ( دفتر رسم مجهر1 ، و4 ما بين حضور وكوزات لكجر ولاب)

5 نظري لكجر مثل الامبريو

مد 20

فصل2 نفس 1

فاينل عملي ، 7 سلايدات شاشة ، 3 سلايدات مجهر

نظري 40

#الهستو

مادة كلش كلش كلش سهلة ودكاترتها هم كلش ورود
بعد ميحتاج اكمل شرح😂

#تقسيم_الدرجة

فصل 1 ، 15

5 لاب(1 دفتر ، 1 حضور ، 3 كوز الي كلش سهل عبارة عن سلايد واسمه)

10 لكجر ( احمد 3.4 ، والدكتورتين الباقيات ع 3 ، 3 ، والباقي حضور لكجر)

مد 20

فصل 2 نفس 1

فاينل
عملي 15 (سلايدات)
نظري 35

لتغركم كبر المادة النظرية لان الاسئلة كلش سهلة ، احمد يجيب بس mcq بالفصلي ، والباقيات فراغات واكثر شيء بالاسود الغامق

#البايوكمستري

اللاب
دكاترة اللاب كلش حبابين وسبورت

اللاب بالبداية بس كوزات بعدين ورة 5 لابات يمكن يصير كوزات+عملي بسيط تحليل وهلسوالف وياه دفتر تسجيل التجربة

ومادة اللاب سهلة بس مطوله

اللكجر

د.شيماء
بالبداية راح تكرهوها واني هم كرهتها العام اول مطبت ، بس دكتورة وردة مال الله ، تساعدكم بالاسئلة كلش ، بحيث العام mcq المد والفاينل كلها من الي سويناها بالكلاسرووم
ملازمها صعبة بس تسهل بالمهمات مالتها

خلو بالكم شكو مهم تكوله باللكجر هو يجي

د.ايمان هم راح تكرهوها بالبداية ، بس دكتورة وردة مال الله(لحيت ب وردة مال الله ، ما عندي غير تعبير 😂)

ملازمها سهلة صعبة بس اسئلتها ما متوقعه يعني من كلشي تجيب

د.محمد سامي
يجيكم باللحضات الاخيرة وهو مثل الورقة الرابحة الكم بالبايوكمس ، لان يطيكم الاسئلة بالمحاضرة يكللكم هذا وهذا يجي


#تقسيم_الدرجة

فصل 1 ، 15

لاب 5( ما بين كوزات وحضور ودفتر)

لكجر 10

5 ايمان
( تسويها من 10 تجمع ما بين فصلي من 5 وحضور الي كلش مهم عدها وكوز اللكجر والهوموورك بعدين تتقسم ع 2)
يعني الي ماخذ 5 فصلي وعنده صفر بالحضور والكوزات والبقية تنحسب اله 2.5 من 5 عند ايمان

5 شيماء
بالضبط نفس ايمان

مد 20

فصل 2 نفس 1

فاينل
عملي 15( 3 هدية بالجيب بس تحضرون لاب ودفتر وتسجيل ارقام ، 12 ع ملازم اللاب)

نظري 35

#الفزيو

اللاب

دكاترة حبابين ومساهلين

اللاب عبارة عن تجارب كل لاب تجربة وبي كوزات

اللكجر

د.خالد

محاضرته تحشيش+ونسة ويوزع درجات مثل التمن والقيمة ويساعد الطالب لابعد الحدود بس مرات يگلب ويقفل

ملازمه مطولة والفصليات شوية صعبة بس يساعدكم بالمد والفاينل يطيكم الرتن الي يجي

د.سحر
حبابة ومساهلة ، ملازمها مطولة ، اسئلتها سهلة واضحة وهم تطيكم الرتن بالمد وفاينل

د.شذى ، دكتورة اختلافية كلش بالاسئلة ، اذا تريد تجيب وياها درجة زينة سطر متعوف من ملازمها
تخيلوا العام امتحنة فصلي 4 ملازم حشك معلومات

الاسئلة 4 نقاط فراغات ، من كل ملزمة جايبه فراغين بنقطة وحدة

#تقسيم_الدرجات

فصل 1 ، 15

5 لاب(ما بين كوزات وحضور)

10 لكجر

3.4 خالد

والباقي بالنص سحر وشذى

مد 20

فصل2 نفس 1

فاينل
عملي 15

نظري 35

طلاب
ولو متاخر عليكم ، لان اني باجر دوامي يبدي😂

المهم
هذا كله راح تمرون بي السنة لنهايتها بالتفصيل
تفاصيل بسيطة تخليكم ترتبون وضعكم تمام من هسة بالمرحلة 2 ، علمود بعدين متنلاص عليكم

مثل مكتلكم حضور المحاضرات بالمرحلة2 مهمة بكد اهمية اللاب

واكرر مرة الف انو تضبطون فصل1 والمد ، علمود ترتاحون بالفصل2 والفاينل
لان ف1 ومد بداية سنة دراسية ومتوسطها يعني شحنكم 100% المفروض(لان الجو معتدل وبارد يساعد ع الدوام) ، اذا طبيتو الفصل 2 شحنكم 50% لان الجو حار ورمضان ، وتلاص عليكم اذا مستغليتو 50% الراحت
هاي كلها عوامل اذا مو من هسة تهتمون بيها ، النجاح صعب جدا

واحد منكم يخبر بشار ، يخبرني قبل اسبوع من امتحانكم الفصلي بمادة معينة علمود انطيكم المهمات مال كل ملزمة وشلون تجي الاسئلة
لان هلسنة ماكدر انطي يومه بيومه مثل العام مادتكم قليلة وسهلة والباقي يبقة عليكم وع تعبكم وبالنسبة للاب من اول كوز راح تعرفون نمط اسئلة كل دكتور..

واخيرا اتمنى بعد أن ادعوا ألله تكون سنة دراسية حلوة وتمر بسلام رغم هاي الظروف الصعبة كلش الي دنعيشها والمستقبل المجهول
اتمنى كلمن يسعى لنجاح ولهدف نبيل يحققه مهما كانت الظروف ومثل ما ينگال ال يتعب يلعب وتصير سوالف.....💌