اذا استمر الاضراب هالاسبوعين
الحكومة حتنتهي نهائياً
وراح تشكل حكومة طوارئ بتدخل الامم المتحدة
لان #الاضرب و #العصيان لمدة اسبوعين
هذا يعني الوضع
خارج سيطرة الحكومة

فـيا طلاب يامدرسين يامدراء يا اهل الغيرة
لحد يداوم
كل واحد راح يحصل ع حقوقة
ورح ترجع حقوق الشهداء
هذا دين
برگبتنا
لازم نوگف الهم ولأهلهم

ونضمن مستقبل الجميع❤️

شفتو من صار اضراب الاسبوع الفات
الامم المتحدة دزت ممثلتهم للتحرير
ووقفوا حتى الاطلاقات

ف بس شدتها هلاسبوعين
التزموا بالعصيان والاضراب والاعتصام

ولحد يخاف لا مدرس ولامدير ولا دكتور
هذا حقكم القانوني ❤️

#نريد_وطن

#دوامك_يكسر_ظهري
#دوامك_خيانة_للشهداء
#عمموها

ما بقى شي عل نصر ان شاء الله طلاب نريد دعمكم ❤️🌸

ابتعدوا منا رحمة لاهلكم
بسبب هذا التقرب ديصير نقص حاد بالمواد الطبية والاكل ، وحالات اغماء .

والاهم لا تغش بامتحانك بالكلية🖤

ادخلوا للكوكل وتاكدو😍😍

الثورة اذا بقت هيج ع هالوضعية مو بصالحنة لان الخسائر دتصير بس بالشعب اما الحكومة ديكسبون وقت بين ميرتبون امورهم اما للطفرة او للقمع بدليل القنابل الجديدة اللي ديضربوها الي مدينفعها لا الببسي ولا الخميرة,,, ماكو انسان ميتعب وتخلص طاقته ويجي يوم والمتظاهرين يتعبون وينسحبون تدريجيا اذا ماصار تغيير بنمط المظاهرات، اقروا هذا المنشور منقول من احد الاشخاص👇

منقوول
السلام عليكم
اخوتي اني عسكري قديم وحبيت اساعدكم وانطيكم نصائح بخصوص ثورتكم من الناحية العسكرية...
اولا:كل اللي سويتوا عاشت ايدكم علية والحكومة الان ساقطة عسكريا والدليل الجيش اللي موجود ببغداد سحبوا السلاح منه وخاصة القريبين من المنطقة الخضراء خوفهم من الانقلاب وليس الخوف عليكم.
ثانيا: الحكومة دتماطل وانتو بهاي وكفتكم دتنطوهم وقت حتى يرتبون اوراقهم وبنفس الوقت احسبوا حساب بعد كم يوم حيصير ملل وتعب عند البعض وحينسحبون وممكن يقل الدعم (افتراضيا) فالحكومة ماعدها شي الوقت لصالحها بس انتو الوقت مو بصالحكم شهداء دتروح يومية وجرحى وهذا مو صحيح المجتمع الدولي دعمة ضعيف للمتضاهرين من الناحية الاعلامية حتى الامم المتحدة ردناهم يسوون شي وما سوو
ثالثا: حتى تضغطون على الحكومة بصورة سلمية ،قطع الطرق ببغداد وشل الحركة ومسك الارض من قبل المتضاهرين بقطع كل جسور بغداد فقط سيطروا على الجسور
اهل الدورة جسر الطابقين وجسر المعلق
اهل البياع وحي العامل جسر الجادرية
اهل الكاظمية والاعظمية جسر ١٤ رمضان والأئمة
اهل الرحمانية جسر الصرافية
اهل العلاوي جسر الشهداء والاحرار
اهل الزعفرانية جسر ديالى
وبقية المناطق دعم الهم
اذا قطعتوا الجسور شليتوا الحركة ببغداد وهذا ضغط عليهم.
رابعا: وجودكم بهالكم الهائل بالتحرير خطأ لان اذا انتو فاتحين ساحة تظاهر واحدة يسيطرون عليكم بينما اذا فتحتوا اكثر من ساحة ما يسيطرون عليكم ابد لان القوات الموجودة قليلة جدا (الجيش ورقة المتظاهرين الرابحة).
خامسا: جيشنا (امري القطعات والالوية) كون شجاع مثل ماتعودنا عليكم اذا لواء واحد علن العصيان للحكومة بقية الالوية حتتشجع وحتسقط الحكومة بدون حتى ماتدخلون الخضراء ..
سادسا:رئيس الوزراء مخطوف حاليا وهمة مشتتين وهاي فرصتكم تسقطون الحكومة بطريقة سلمية.
شكرا لكم
شاركو الموضوع
منقول

وصلني الان ...

اخوان رجاءا بله تصعيد ولنظل نكبر الامور والي بالمفارز الطبية ضروري تنشرون التوعية
اول شي بالنسبه للادوية فالادوية متوفرة بكميات جبيرة بس بسبب ضعف التواصل بين المفارز الطبية دتخلص من وحدة وتتواجد بالثانية وكلما تتقدم باتجاه الجسر (بالاخص تحت جسر الجمهورية والسنك) تشح الادوية فياريت المراكز الي بالساحة والسعدون لان تللود عليهم اقل يدعمون القريبات ويشوفون احتياجاتهم ويفترون عليهم
ثاني شي اخوان ديصير Misuse واستخدام كلش خاطئ بالادوية والسبب قلة الخبرة والاندفاع واغلب الموجودين بالمفارز طلاب يعني اليوم كمثال وكعت دخانية يمنه كدامي خلصو عليهه بطلين نورمال سلاين و٣ بطاله ببسي علساس ديطفوهه وبعدين طفت وحدهه .. النورمال سلاين تره مو مادة تحيي وتميت ولا هيه life-saving تره اول ايام جنه مستمرين بلياهه بالببسي والخميرة (والي عن تجربة اشوف مفعولهم احسن منه) ولا هوه ماده سحريه تخلص بطل دتغسل بيهه وجه الي يجيك مختنك هذا شي تسوي ببطاله المي العندك فياريت وعي اكثر بصرف الادوية لان كمياة مهولة دتنصرف بنتائج قليله وياريت كل وحده يكون بيهه طبيب او صيدلي يشرف ويوجه بهذا الموضوع و اهم شي التركيز على علاج حالات الاختناق والاسعافات الاولية.
ونداء اخير رحمه لوالديكم عوفو الجسوووور والي جواهه وانسحبو للساحه عوفو الجسوووور عوفووووهه وطلعو من جواهه لان دتتاذون انتو ودتعمون عالعالم فدوة اروحلكم تره ارواحكم وارواح المتظاهرين مو رخيصة.

م̷ـــِْن انَـَY̷ ̜̩̐̌̋O̷ ̜̩̐̌̋U̷ ̜̩̐̌̋ـَتَ ?
انا العراق
ولماذا انَـَY̷ ̜̩̐̌̋O̷ ̜̩̐̌̋U̷ ̜̩̐̌̋ـَتَ هكذا. !
دعني احدثك عن قصتي
كنت جميلا جدا وكان أإأبـْيے يحبني اكثر م̷ـــِْن جميع اولاده
عندما اصبحت شابا
الجميع يتموني
ويحسدوني لاني املك كل شي
مررت بكثر م̷ـــِْن المشاقات
اغتصبوا بنتي الجميله واسمها بغداد
فرقني اعدائي عن شقيقتي واسمها الكويت
لم يعد ليـّۓ اصدقاء
وقتلو اختي الثانيه واسمها سوريا لدي بنت جميله 😘للاسف لكثره جمالها مزقوها وقتلوها اسمها موصل 😞
وبقيت وحيداً😔
كل يوم يقتل ليـّۓ ابن
قاموا بسرقتي!!!
قاموا بسرقتي
وم̷ـــِْن ثم قاموا بحرقي
وحرقوا بساتيني
والآن كل شي لدي لقد اصبح مشوها لم اعد جميلا
وولت تلك قصائد الغزل لجمالي

اخوتي هذه الشخص اسمه سيف وهذي صوره رحمه الموتاكم كلبت التحرير عليه كلب ماكو اليعرفه اليشوفه يتصل بيه ع هذه الرقم وهسه امه ادك وتلطم ياريت تشاركون المنشور بلكت اكو شخص يتعرف عليه 07713021329 او اي مكان خلي ايخابرني ادعمنه بمشاركة المنشور جزاك الله وجهازه مغلق صار ٣ ايام ادمن وافق رحمه الموتاك واخوتي الي بلمطعم اي شخص يتعرف ع شكله خلي ايخابرني اني جوه بساحة ونسئلكم الدعاء

قبل خمس سنوات رسم الشاب سجاد عباس هذه العين وكتب عبارة "اكدر اشوفك" والتي هي على المطعم التركي وفي وقتها قال انها عين الشعب التي تراقب الخضراء، اليوم اصبح المطعم التركي ايقونة الاحتجاج.

تنبيه هام الى كل المتبرعين
هواية منكم ديسلم مبالغ تبرعات لشراء مستلزمات طبية لناس همه مو مجموعة طبية او مجرد طلاب
هالشي ديادي الى هدر بالاموال والمستلزمات الطبية وسوء استخدام
الاربعاء كان عدد المفارز الطبية مايتجاوز ١٤ مفرزة
اليوم العدد تجاوز ال٣٠ مفرزة
صح دائرة صحة الرصافة نشرت مفارز جديدة وعيادات متنقلة لكن للاسف هوايه من المفارز الموجودة غير قانونية
وديجمعون تبرعات لمستلزمات طبية وتاليها اما دتناخذ وتنباع للصيدليات
او تهدر باستخدام خطا
فيا عيني الوضع حاليا مايحتاج تبرعات الحمدلله الشغلات الديحتاجوها بسيطة ودنكدر نسد بيها حتى لو بتبرعات بسيطة مايحتاج حالة الذعر الي تصير وتعالو وتبرعو وكذا
الاحتياجات صار يومين شغلات حبوب بسيطة للمعده او التهابات
المفارز اغلبها طلاب وحتى مو مجموعة طبية اني بصراحة من يجون يريدون مواد طبية مدنجهزهم من عدنا وماننطي اي شي طبي الا للمفرزة الي نعرف كلش زين بيها طبيب
مفارز فتحوها طلاب علوم وتحليلات وتقنيات
اوك مشكورين بس الافضل يندمجون وية اي مفرزة رسمية قريبة عليهم ويكونون تحت اشراف ستاف طبي
احسن مما ياخذون ويسحبون مواد وتالي يصرفوها غلط وياذون بدل مايفيدون
اكو مفارز وهمية انتحلت صفة مجموعة وتجمع تبرعات لحسابها الشخصي والدكتور الي انتحلو اسمه كصفة للمفرزة اشتكى عليهم حاليا
فالله يخليكم تبرعاتكم هل تروح للناس الصح
ولا تخلقون ازمة احتياج الحمدلله هاليوميم الوضع والتجهيز الطبي هواية احسن
والي يعرف اي شخص مسوي خيمة وهو مو مجموعة طبية خل يبلغه ان يندمج مع اقرب مفرزة رسمية حتى نشتغل صح لان هدفنا واحد

عمموا هذا البوست رجاءا
#نازل_اخذ_حقي

السلام عليكم ايها الشعب العظيم،
اقبل اقدامكم واحد واحد،

اما بعد
أكو فكرة بسيطة بطرحها، لكنها مؤثرة اذا حصلت في الواقع
- شايفين واحنا اطفال شلون كل خميس نأدي مراسيم رفعة العلم، ونصطف بنشاط وحيوية وحب فطري للعراق وللعلم؟
شلون كلنا مجتمعين تحت سقف « العلِم والعَلم » ولابسين زي واحد، وتسريحة شعر وحدة ووقوف واحد؟

شنو رأيكم هذي الوقفة نسويها بالتحرير يوم الخميس المقبل المصادف ( 7 / 11 )
تخيلوا ملايين من الشعب لابسين زي ابيض
ملايين يأدون مراسيم « رفعة العلم »
ملايين يرددون « ايها العلمُ » بنشاط وحب وافتخار وشجاعة
ملايين من الشعب العراقي يباوعون عالعلم شلون ينرفع شوي شوي للسمااااااااا ويرفرف بانفاس الشهداء
ملايين يادون التحية للدم،وللعراق،وللعلم

بشرط العلم ينرفع فوق « المطعم التركي »

اااااالله! ااااالله!
مجرد ماتخيلت طاحن دموعي
لعد من اشوف هالمنظر شراح يصير بية؟
وشراح يصير باالسياسيين؟

اللي ارجوا منكم
تععمون هالفكرة ونشروها وتشاركوها بكل مكان حبا بهذا الوطن الحزين
تحت هاشتاگ

#اصطفاف_عراقي
#اصطفاف_الشعب_بوجه_الفساد

شاركوها فدوة رحت لاقدامكم، منقوله