أهلا وسهلا طلاب🤗❤
نرحب بيكم جميعا ، ونتمنالكم سنة دراسية سعيدة😁 ، تونسو بيها كد ما بيكم لان راح تشوفون أيام *بيضة😂
هاي القناة بيها كل شيء يخص المرحلة 1 من موادها وملازمها pdf وأسئلة ومعلومات تفيدكم كلش ، طبعا كل هذني بمجهود الممثلين وبعض الطلاب وتعبهم وما قصرو وية المرحلة وجانو كد المسؤلية❤😘
حبيت أجمعهن الكم علمود تصير مرتبة وسهلة عليكم
كونوا متعاونين بيناتكم بالضراء قبل السراء والله يسهل لكم جميعا❤

(1)-#دينتل_أناتومي(تشريح أسنان) :

أول 3 لكجرات سهلة كلش راح تعرفون بيها أنواع الاسنان الدائمية والمؤقتة وأعدادهن وأنظمة تسمية الأسنان ، وكذلك المعالم او التضاريس العامة للاسنان ، مواضيع حلوة وتونس
من لكجر4 وفوك راح يبدي سن سن ، كل سن صفاته ومناطقه بالتفصيل ، هنا راح يصير عدكم تعقيد لان تخربطون بينهن ، بس سهلة ان شاء الله بكثرة الدراسة ، وهذا كلة باللكجر.
بالاضافة اكو جزء عملي #النحت
راح تنحتون سن سن وتمتحنون بكل نحت سن وحد . وهذا الجزء الاحلى بكل المرحلة واكثر شيء راح تتونسون بيه.
وهذا بالمختبر
.....................................................................

#
#
#

(2)-#هيومن_أناتومي(تشريح عام/جسم الأنسان) :

أول 4 لكجرات أشياء سهلة مثل تقسيم الجسم الى مناطق وتسميتها واتجاهات وانواع العظام والغضاريف والعضلات والمفاصل والجهاز العصبي والخ...أشياء بسيطة وسهلة الفهم
أما بقية اللكجرات راح تتكلم عن الهيكل العظمي بصورة كاملة ، الجمجمة وعظامها وأجزاءها بالتفصيل ، والعمود الفقري كذلك والاطراف العليا والسفلى كلها بالتفصيل وكذلك عن منطقة تجويف الصدر من قلب ورئة وتفاصيلهما.
مادة معقدة بس بكثرة الدراسة تصير سهلة.
المختبر مالها شيء بسيط مجرد شرح المادة وراح ينعاد شرحها باللكجر(محاظرة بقاعة جبيرة كل المرحلة)
.....................................................................

#
#
#

(3)-#فيزياء:

مادة كلش سهلة وبسيطة ، قوانين وتعاريف تكدرون تكولون مثل الي بالاعدادية بس بيها مواضيع جديدة.
والمختبر مالها كلش حلو عبارة عن تجارب ، التجربة تكتبوها بتقرير وبالمختبر شرح التجربة وترسمون البياني وية التقرير ، الشرح مال التجارب راح تقروه بس بيوم الكوز😂
.....................................................................