اذا عدكم اي سؤال تفضلوو سئلوني

شرح نمبرنك سستم مال دنتل اناتومي 👆🏻

شوفوا اخوانكم الطلاب المتظاهرين شلون اعتدوا عليهم اليوم
طلاب عيب عيب عيب تبقون ساكتين ومداومين ع هاي الوضعية....

الي صار اليوم شي مينسكت عنه ابد
طلاب طالعين ياخذون حقي وحقك ينضربون؟؟!
طالب ينضرب بيا دوله هاي
فهل من مستنكر فهل من مُهتم؟

انا الله وانا اليه راجعون شهيد الحق مهند القيسي 💔😔 الله يرحمك يا بطل

ستلاحقكم هذه الاصوات الى ابد الآبدين 💔.
بدعوة أم ستخسف ارضكم والله ، #قائدنا_شهيد
#مهند_القيسي

الي ما استشهد بل واقع استشهد نفسيا 💔

متابعة لبيج اتحاد طلاب العراق خل يصعد..

طلاب طبعا لاحضنا عليكم خايفين من الوضعية😂 ،
باعو الاول سهل فوك ما تصورووون ،
بالبداية هسة صحيح تطولون بالفهم والدراسة لدرجة الملزمة احتمال بيومين يلا تخلصوها وهذا شيء كلش طبيعي لان كلة انگلش ومو لغتك الام ، بس صدكوني يوم عن يوم راح تصير كلش كلش سهلة ، اخذوا الوضعية بكل هدوء وراحة ، وشهر شهرين راح تصير كلش عادي الدراسة والتسخيت يصير بفلس😂 ، الملزمة الي هسة طولون بيها يومين راح طولون بيها ساعتين بعد فترة ،
والدكاترة مال الاول ترة كلش طيبين ومتساهلين وحتة اسئلتهم سهلة للي يقرة زين* مو فوول ، بس عدكم الانتومي شوية عقدة بس تنفك ،
مسألة وقت لا اكثر
بالتوفيق🌷👏🏻

طلاب ، اكيد كلكم تواجهون صعوبة والوقت ميكفي ، فلتخافون
اهم شيء عدكم اللابات ضبطوهن يوم بيومه وحاولو تفولون بيهن وسهلة ترة ، كل يوم لاب او لابين ،
اما اللكجرات مو شرط تخنكون نفسكم ولازم تكملوهن ، هي بيومهن تصفة ، مثلا لو عدكم فصلي اسبوع جاي ، بالزايد 4 او 5 لكجرات ، واكو 2 واكو 3 ، تقرون كل يوم واحد وراح تشوفون تلحكون وزايد
وبعد فترة ليست طويلة ، راح تكومون تقرون كل المادة بليلة الامتحان لان القراية تسهل عدكم يوم عن يوم ...
الله يسهللكم

همتكم فصل1 ومد ، شدو حيلكم علمود تحصلون خوش درجات وترتاحون بالفصل 2 والفاينل
لان العام هواي طلاب سختو فصل1 ومد ونلاصت عليهم وتضايقو لابعد الحدود بالفصل 2 والفاينل وخصوصا فصل 2 المواضيع تصعب اكثر من هسة بس لتخافون كلها تدبر اذا نطيتو حقهن...
ولا تخنگون نفسكم بالدراسة ، تونسوا كد ما بيكم(عزايم ، سفرات والخ..)👏🏻
ونصيحة حفلة تعارف لسوون افضل لان بس صرف فلوس هواي بيها ، احنا العام ردنا نسوي بس العدد مخدمنا ولغيناها وكان افضل قرار لان اصلا تعارفنا ك كروبات ومالها داعي للحفلة الي بس صرف فلوس ، اهم شيء حفلة التخرج❤.....
موفقون👏🏻

طبعا بعض الطلاب يسألوني عن الكوزات ويكولون مهمة لولا
طلاب كتلكم المختبر اهم شيء لازم تفولون بيه وكلش سهل لاغلب المواد وعليه 5 درجات من اصل 15 بالفصل 1 او 2
الكوزات باللاب عليهن 4 والحضور 1
اما ال10 اللخ ع اللكجرات وتتقسم بالتساوي اذا كان عدكم اكثر من دكتور لكجر ،
مثلا كيمياء عدكم دكتورتين كل وحدة 5 وهكذا ، والحضور مال اللكجر ما ينقصون عليه ،
والكوزات مال اللكجر فقط مال د.نغم دنتل تحسبها اما بقية المواد كلاوات ،