شنو فائدة دعم المنتج الوطني ؟

ناخذ مثال معمل لانتاج الشيبس

أصغر معمل يحتاج ١٥ عامل لتشغيله من عمال الانتاج وعمال المخزن وحراسه ... الخ

عبالكم الفائدة بس لهذول ال١٥ عامل يعني ؟

* راح يستفاد الفلاحين والمزارعين لان المعمل يحتاج للمواد الغذائية كمواد اولية

* راح يستفاد ابو الارض الي مأجر منه المعمل والمخازن

* راح يستفادون سواق التريلات وكيات الحمل الي يجيبوله مواد اولية للعمل

* راح يستفادون سواق الگاز الي يجيبولة وقود للمولد

* راح يستفادون اهل الصيانه مال مولدات

* راح يستفادون سواق الكيات الي توزع المنتج مالته

* راح يستفادون شركات الطباعة والترويج

* راح يستفادون سواق التكسي والكيات ينقلون عمال المعمل

* راح يوفر عمل لمندوبين يروجون لبضاعته

* راح يستفاد عمال البناء والصباغين لان المعمل يحتاج لتوسعة وادامة كل فترة

عبالكم هاهية خلصت الفائدة ؟

هذول المستفادين الي ذكرتهم عدهم عوائل ؟عدهم اولاد ؟ عدهم سيارات ؟ عدهم بيوت ؟

راح تصير عندة قدرة
* يدفع اقساط لمدارس اولاده
* و اقساط للكليات
* خطوط نقل اولاده
* شراء الملابس
* تسوق للبيت من السوبر ماركت
* ياكل بالمطاعم
* يگعد بالكوفي
* يفول بانزين
* يصلح سيارته
* يشتري غراض للبيت
* يجيب عمال يشتغلون بالبيت
* يصعد تكسي او كية يتنقل بيها
* ... الخ

هسة منو استفاد ؟ المدارس والكليات واهل السوبر ماركت واهل المطاعم واهل الحرف وسواق الاجرة ... الخ ( الجميع يستفاد )

والشغلة الاهم هي توفير العملة الصعبة وماتطلع للخارج وتبقى تداور داخل البلد

يعني دعمك للمنتج الوطني وانت سائق سيارة اجرة او صاحب سوبر ماركت او صاحب حرفة راح ترجع فائدته ألك

وبعد هرم الفائدة اكبر من هل شي بس هاي اختصرتا الكم وتخيل لو المعمل ضخم وبي ١٠٠٠ عامل شلون راح تزيد الفائدة .
دعم المنتوج الوطني - واجب وطني

مليون عار ع كل موظف وطالب يداوم الأحد....

امريكا ليست اقوى من الله وايران ليست اقوى من الله نعم الدعاء غير مستجاب ولكن ليعلم العقل المتصل بان الله خلق لكم عقل منفصل انتم من يتحكم بهذا العالم واي تدخل إلهي لن يتم الا بعد ان يرى العدل قبل الدين ، الوفاء قبل الصلاة ، والصدق قبل الصوم
هذا قانون الله في السماء قبل الارض ..
غيروا ما بانفسكم كي يستجاب الدعاء وتحقن دماء الابرياء
#ثورة_عقول

في محطة قطارات نوتنغهام في الجزء القديم في بريطانيا يوجد المنتج العراقي وهو غطاء المجاري مستورد من العراق نهاية 1968

الي اريد اوصلة الكم من هذا المنشور ان لازم نرجع صناعتنة نفس قبل الدول تستورد المنتجات العراقية مو احنه الي نستورد من الدول

#صناعتنا_فخرنا 🇮🇶❤️🖤

تعازينا الحارّة المصحوبة بالدموع لأصحاب حملة - "١٢/٨ الرجوع لمقاعد الدراسة"
و نگللهم خيرها بغيرها 😂😂

بما انو افتتاح ملعب الحبيبية/مدينة الصدر قريب

عندي فكرة نطلق هاشتاك تكون لعبة الافتتاح بين اساطير العراق ونجوم ساحة التحرير

نصيحة😂
ولو اني ضد التدخين

الله يبعدنة من هلأذية

اميين ☺️