بالنسبة لليوم ❤️
الموضوع موبس تحرير لا
الموضوع جان شخصي النا ك كليات كدام وزارة التعليم
الكليات تجمعات هائلة من البشر
ناس هواية
وصدكوني اعرف اكو ناس وضعها واهلها واني واحد منهم
الاهل والعركات والحجي وخصوصا اذا بنات مو احنا ولد
واللي منشول ومريض وهواية
بس هية وكفة لبلدنا
موبس وكفة
صنع تاريخ احنا دنصنع تاريخ
عجيب هالبشر تمشي بنفق السعدون ياريت تكدر تلكة مجال
تروح يم المطعم مقبط
وين تروح تحط رجلك تصعد عالجسر عود خوفة ؟ كومة ناس ❤️
خوفتهم اليوم من عدنا خلتهم يسوون دروع بشرية حتى !!! بباب الوزارة عبالهم حنقتحهمهم مثلا ؟
يجيك طبيب وصيدلاني يضربك ؟ لهل درجة المخ يابس مثلهم عبالهم كلشي بالقوة لوما هية سلمية سلمية
❤️ والله فوتة
الاذان بالتحرير طعمه غير
واكثر شي بنص حديقة الامة ومن طلعنا نسمع النشيد كلها بصوت واحد
جسمك يرتعش من تسمع الكل بصوت واحد
تحس كلشي ذاب كل الفوارق كلشي
احنا كلية اسنان
احنا اشرس كلية
احنا الصفوة مالتهم
احنا البديناها
شرارتها احنا والله
ليش اعدادنا دتقل؟
كلما نريد نستسلم خل نسال روحنا شكو بدينا اصلام ن البداية
واما بالنسبة ل محيتغير شي والحكومة
الواحد الصح يغير نفسه ❤️ واني مؤمن انه الشعب ماطول هيج استعد وذوب الفوارق وكلشي بيناتهم فمستعدين يغيرون نفسهم
اذا منغير نفسنا كلشي منسوي حيروحون سياسيين وكلشي محننجز
بس لان نغير نفسنا حنصنع بلد افضل
اخذوا اليابان
المانيا
كل هالبلد الرفضت
توحدوا وقبل كلشي ( قبلوا بفكرة تغيير نفسهم ) غيروا من نفسهم وجعلوا نفسهم اناس احسن
بطبعائهم بكلشي
ولهذا ايماني راسخ بهل مظاهرة حتنجح
حتنجح لان من داخلنا
لان هية مو حزبية ولا شي هية بالضبط صحوة طلاب
موبس طلاب
صحوة ضمير وبلد ❤️
بالمناسبة ترة
حرام علينا نكره ابونا البلد
العراق شعليه اذا سياسيه جياسة حب وناس تافهة ؟
وباكونا ليش نكره العراق
بكل بلد بالعالم احنا خاضعين وعبيد ل جوازاتنا وفلوسنا بدونهن احنا فلس منسوة
وشهاداتنا همين
زين وين اليحبك ويحتضنك بدون اي شرط وقيد ؟ تاكل وتشرب وكلشي بيه ؟
اي نعم بيه فساد وكلشي
والشافه موقليل
شاف حرب ايران وخليج اولى وثانية وطائفية وكلشي
كلشي شاف العراق بس الشعب بعده بحيله
لان احنا منرضخ
لان منريد نستسلم
كلشي شاف العراق ترة !!!!! يبو من عصر التاريخ ليهسة دك لازميه اكس مربع حاصل فاصل ماخذيه
زين وبعدين حنظل راضخين ؟
لا
زين والثورة حل ؟ اكيد بس الحل يبدي من انفسنا احنا
اذا منغير نفسنا ميتغير مجتمع واذا منغير المجتمع محيتغير شي
احنا ينظرولنا الطبقة المثقفة
احنا الايد الوحدة وخصوصا الاسنان
ذولة مرعبين والكعبة الاسنان بالتبرعات بالتنظيم بالطلعات بالوكفات والله مملحوكين
احنا الاسنان من الشايفهم اني انه ابد مابيناتنا طبقية على بعض سواء بالمراحل او ك بين الناس نفسها
كلش مستعدين واحد يساعد اللاخ وينطي كل البكلبه
سواء يعرفه ميعرفه
فوارقنا تذوب نقاشاتنا تصير
تحتدم نوعا ما لكن نصفو
ليش ؟ لان احنا الاسنان
احنا نمشي شغل الطبيب والصيدلاني بس محد يمشي شغلنا
ليش ؟ احنا حالة خاصة بالمجتمع
احنا نخبة من البشر ترة واعوذ بالله من كلمة انا او نحن
بس احنا نخبة حتى بعين نفسنا شريحة خاصة احنا
ولوما شريحة خاصة مجان الطب اله فرع كامل بس النا اسمه "طب الاسنان"
فليش صوتنا يروح اضراب اوكي اضراب حلو
وكلشي
بس وين لمتنا ❤️ وين صوتنا ؟
ونتذكر دوم التغيير ميبدي الا اذا غيرنا نفسنا
وعينا
صرنا ناس افضل نسعى للافضل نريد الافضل منكول يلة وهذا الموجود وهذا اليصير
القدر موجود والحظ موجود وكلشي موجود بس مال واحد يستسلم لا والله واكفة شكو بدينا بيها اذا حنعوفها ؟ زحمة كلش مو ؟
مجرد حركة كلب وداحجيها لان تضوج اشوف كليتي الافتخر بيها وياما وياما رفعة راس هالكلية اشوفها 1 متر مربع بساحات الاعتصام

حتى لو حسيتوا حضوركم مقصر
حتى لو
حضوركم موقليل
لتكولون اسنان ومدنسوي شي
عدا عن اعتصام الكلية والدعم والتحفيز الدينطيه ! والخوة الدتربطنا
واحلى شعور حسه اي شخص بينا بحياته واني متاكد من هالشي
حضوركم ممقصر
من اهل التحرير يشوفون حشود هائلة تجيهم تعيط تصيح لحد ميبح صوتها بالروح بالدم نفديك ياعراق
يتذكرون تضحيات اهل الطبية والمفارز والتعب
يتقوون اكثر
احنا مو الة نوكف بنص المطعم ونهوس
كلمن يادي دوره
واحنا دورنا مو قليل ترة
كافيهم الدعم النفسي اليجيهم كلما يشوفون هالحشود

بالنسبة لاعداد كليتنا اليوم يخزي كلش مع الاسف....

اسف عالاطالة بس ❤️ هاي كليتي
هذولة رفعة راسنا
كل واحد بينا رفعة راس اللاخ
احنا ارج واحد
مابينا سن يوكع
كلنا لازمين بعض ونظل اقوى مع بعض
ميحتاج نحركهم ونطبلهم ونقتلهم
كلماتنا دتعذبهم
شوفوا وجوه الوزارة اليوم والله
تخربون ضحك
دروع بشرية من الخوف مسوين
صايرين سوبر كيوت
من الخوف !

صورة ثورة + منشور فساد؟؟

عمي الحكومة ما عليها عتب والله

العتب ع الشعب الفاسد ، اذا صلح الشعب صلحت حكومته

انتهى الكلام......

وإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ (11) أَلَا إِنَّهُمْ هُمُ الْمُفْسِدُونَ وَلَٰكِن لَّا يَشْعُرُونَ (12)

الرسامة
امال محمد عبيد

الطالب حسن معيوف
بعد ان حصل على المعدل الأعلى في العراق للصف السادس العلمي، وبعد ان تبرع بمبالغ الهدايا لبناء مدرسه في القريه النائيه التي يسكنها، ها هو اليوم يشارك أخوانه المعتصمين بحملة الرسم على الجدران..✌🇮🇶

ما اتفقنا هيج 😂😂😂😂

متضاهرين من يتحمسوون زيادة 👆🏻

ههههههههههههههههههههههههههه

ان شاء الله ع وجهم يصير التغيير🖤🇮🇶

اكييد ان شاء الله بس احنا نحب نشاقة وياهم 😂❤️🌸

هلاو شباب/بنات
١) المتظاهرين كلش محتاجين أكل ينضم و ينأكل من يبرد ..
يعني معجنات و فطائر وكليجه و بورك الخ..
بنات الي تكدر تسوي اي شي ينضم و ينأكل بعدين ياريت لو الي يكدر يشتري بكيفه والأحد نوصله لهناك ان شاء الله

٢) الي عنده ملابس ويريد يتبرع بيها ياريت
اكو هوايه هناك كلهم مديرجعون على بيوتهم اصلا و دشوفون الجو شلون بارد كلش

٣) واخير شي الي ميكدر لا يطبخ ولا عنده ملابس يتبرع بيها فتبرعوا فلوس بالي تكدرون علي ترى تبرعاتنا دتنقص
وعاشت ايدكم🥺❤️

&& حميد خريج كلية التربيه يلقبونه ( بالعربنچي) حمّال في شارع السنك أستشهد في أنفجار شارع السنك وترك والدته وهذه واحده من مذكراته &&&
عشر سنوات واني ادفع بالعربانة صارت نصفي الثاني من كملت كلية التربية وملكيت تعيين كلت يلة اشتغل عربنجي بالشورجة بين ما الكي تعيين ويوم يجر يوم وشهر يجر شهر واني علة نفس الموال اكعد الصبح اطلع بالعربانة يوم اشتغل ويوم ماكو شغل
اهم شي والدتي متحتاج وادفع فلوس الايجار
اني مثقف عادي مبيهة شي طز اهم شي اطلع فلوس العلاكة شكد انقهر من اشوف عماد صديقي الي مكمل ابتدائية يداوم بالمنطقة الخضراء يلة عادي كلمن وقسمتة
شكد انقهر من اذكر حبيبتي مروة الي تقدمت الهة قبل سنتين وكالو شنو عملك كلتلهم دا اشتغل عربنجي بشكل مؤقت بين ما الكي تعيين ابوهة كلي احنة نردلك جواب شفت زفتهة قبل شهر ومشفت الجواب
يلة عادي اهم شي اهلي ميحتاجون وندفع الايجار والمولد
شكد انقهر من اخوية حمودي الصغير الي كمل حقوق واتعيين وجنت اني انطي فلوس الكروة واشتريلة ملابس من شغلي يعيرني يكلي عربنجي
يلة عادي اهم شي ندفع فلوس الايجار والمولد ونكدر نشتري نفط بالشتاء
ابو العربانة تعال شيل هاي الكراتين وصلهن للسيارة
ادلل اخوية
اخوك شنو لدكول اخوية انتة خلك عربنجي
يلة عادي اهم شي ينطيني خمس الاف اشتري بيهن مسواك من ارجع لان اليوم ممشتغل
اصبر نفسي من افكر انو مااكدر اجمع فلوس غرفة اخشاب لان ايجارنة خمسمية ومصرفنة ستمية بالشهر هم يلة لو اكدر اجمعهن لو لا
استحي اطلع وية جماعتي بالليل لان همة متفقين كل اسبوع العزيمة بالمطعم علة واحد واني مااصور اكدر اتحمل التكلفة مال مطعم اعتذر اكلهم تعبان لو عندي شغلة بالبيت
صديقي يشتغل بالمتنبي كل يوم استعير من عندة كتاب واضل اقرة بية واعيش وية البطل احداث مشوقة مابيهة تكلفة هواي مجرد اغمض عيني واعيش هاي الاحداث
من اشوف السيارات الحديثة الي يصعدوهة الشباب اكول لا اني اصلا مااعرف اسوق
من ادفع حمل ثكيل اخلي امي بين عيوني ماريدهة تحتاج العمامي الي من والدي توفه ماكو احد دك علينة الباب ترة الي يسئل مو ضروري يخسر فلوس الكلمة الحلوة والسؤال مرات يكفي
ادفع حميد ادفع هاي حياتك لتفكر بشي ثاني تعيينات صارت بالدفاتر وبس للعرف ادفع لتكول تعبت اهم شي اهلك يعيشون ادفع حميد لازم اتصير اقوة من الزمن لتضعف تنداس بالرجلين ادفع حب شغلتك حتة شغلتك تحبك
بس ليش الله ما مقسم الارزاق بالتساوي ليش خلة الفقير والغني ناس تصرف بدون وجع كلب وناس متكدر تشتري قرطاسية لاطفالهم ولا ملابس مال مدرسة
ادفع حميد لتصير ادفع بالشتاء بالصيف خلي ايدك والعربانة تصير قطعة وحدة حميد ادفع
الله يساعدك ابو العربانة
هلو اغاتي
تروح للسنك عندي هاي الغراض
يلة توكل اخوية
ادفع حميد اليوم راس السنة حوراء اختي الصغيرة تريد كيكة خطية
وعبوسي يريد ملابس مال بابا نؤيل اليوم من اوصل هذا الدرب للسنك اروح اشتريلهم ادفع حميد
صوت انفجار ودخان وناس تركض عبوة انفجرت بالسنك حميد جثة الناس خلتة بنفس العربانة ودفعتة
العربانة الي قضى بيهة اجمل ايام شبابة
( منقولة ... )

هل تعلم هؤلاء كلهم طلبة وهل تعلم كلهم شاركوا بالثورة الشبابية العراقية وهل تعلم أنهم كلهم استشهدوا في الثورة العراقية 😢
ارسلها ناشط لي عبر الخاص رغم اني لا أعرفهم ولكن أشعر انهم أقرب إلى روحي القلب يعتصر الما 💖✌😢 الف تحية لارواحكم النقية