قبل خمس سنوات رسم الشاب سجاد عباس هذه العين وكتب عبارة "اكدر اشوفك" والتي هي على المطعم التركي وفي وقتها قال انها عين الشعب التي تراقب الخضراء، اليوم اصبح المطعم التركي ايقونة الاحتجاج.

تنبيه هام الى كل المتبرعين
هواية منكم ديسلم مبالغ تبرعات لشراء مستلزمات طبية لناس همه مو مجموعة طبية او مجرد طلاب
هالشي ديادي الى هدر بالاموال والمستلزمات الطبية وسوء استخدام
الاربعاء كان عدد المفارز الطبية مايتجاوز ١٤ مفرزة
اليوم العدد تجاوز ال٣٠ مفرزة
صح دائرة صحة الرصافة نشرت مفارز جديدة وعيادات متنقلة لكن للاسف هوايه من المفارز الموجودة غير قانونية
وديجمعون تبرعات لمستلزمات طبية وتاليها اما دتناخذ وتنباع للصيدليات
او تهدر باستخدام خطا
فيا عيني الوضع حاليا مايحتاج تبرعات الحمدلله الشغلات الديحتاجوها بسيطة ودنكدر نسد بيها حتى لو بتبرعات بسيطة مايحتاج حالة الذعر الي تصير وتعالو وتبرعو وكذا
الاحتياجات صار يومين شغلات حبوب بسيطة للمعده او التهابات
المفارز اغلبها طلاب وحتى مو مجموعة طبية اني بصراحة من يجون يريدون مواد طبية مدنجهزهم من عدنا وماننطي اي شي طبي الا للمفرزة الي نعرف كلش زين بيها طبيب
مفارز فتحوها طلاب علوم وتحليلات وتقنيات
اوك مشكورين بس الافضل يندمجون وية اي مفرزة رسمية قريبة عليهم ويكونون تحت اشراف ستاف طبي
احسن مما ياخذون ويسحبون مواد وتالي يصرفوها غلط وياذون بدل مايفيدون
اكو مفارز وهمية انتحلت صفة مجموعة وتجمع تبرعات لحسابها الشخصي والدكتور الي انتحلو اسمه كصفة للمفرزة اشتكى عليهم حاليا
فالله يخليكم تبرعاتكم هل تروح للناس الصح
ولا تخلقون ازمة احتياج الحمدلله هاليوميم الوضع والتجهيز الطبي هواية احسن
والي يعرف اي شخص مسوي خيمة وهو مو مجموعة طبية خل يبلغه ان يندمج مع اقرب مفرزة رسمية حتى نشتغل صح لان هدفنا واحد

عمموا هذا البوست رجاءا
#نازل_اخذ_حقي

السلام عليكم ايها الشعب العظيم،
اقبل اقدامكم واحد واحد،

اما بعد
أكو فكرة بسيطة بطرحها، لكنها مؤثرة اذا حصلت في الواقع
- شايفين واحنا اطفال شلون كل خميس نأدي مراسيم رفعة العلم، ونصطف بنشاط وحيوية وحب فطري للعراق وللعلم؟
شلون كلنا مجتمعين تحت سقف « العلِم والعَلم » ولابسين زي واحد، وتسريحة شعر وحدة ووقوف واحد؟

شنو رأيكم هذي الوقفة نسويها بالتحرير يوم الخميس المقبل المصادف ( 7 / 11 )
تخيلوا ملايين من الشعب لابسين زي ابيض
ملايين يأدون مراسيم « رفعة العلم »
ملايين يرددون « ايها العلمُ » بنشاط وحب وافتخار وشجاعة
ملايين من الشعب العراقي يباوعون عالعلم شلون ينرفع شوي شوي للسمااااااااا ويرفرف بانفاس الشهداء
ملايين يادون التحية للدم،وللعراق،وللعلم

بشرط العلم ينرفع فوق « المطعم التركي »

اااااالله! ااااالله!
مجرد ماتخيلت طاحن دموعي
لعد من اشوف هالمنظر شراح يصير بية؟
وشراح يصير باالسياسيين؟

اللي ارجوا منكم
تععمون هالفكرة ونشروها وتشاركوها بكل مكان حبا بهذا الوطن الحزين
تحت هاشتاگ

#اصطفاف_عراقي
#اصطفاف_الشعب_بوجه_الفساد

شاركوها فدوة رحت لاقدامكم، منقوله

المتظاهرين يحمون احد رجال قوات مكافحة الشغب من اي اعتداء بعد ان بقى وحيدا لحضة انسحاب القوات من جسر الأحرار ❤️🇮🇶✌️

عجيب رغم الاعتداءات🖤🇮🇶

احنا وين والشغب وين
الله ينصرنا ✌🏻❤️

الشهيد الناشط صفاء گال " محد يحب العراق بگدي " وراها لفيناه بعلم العراق ..
الستاجير جعفر ديگول " عيني راحتلكم فدوة للعراق " جرب تسد عينك خمس دقايق ساعتها تعرف شنو تضحيته شگد كبيرة وهو يگول فدوة ..
الشُهداء الي محد يعرفهم الي تكسرت جماجمهم بالمسيلات وغيرها من الضربات ..
شُهداء واحد أكتوبر الي ضربوهم قناصة وطلق حي ..
كُلهم گالوا أحنه فدوة للعراق كلهم أصحاب قضية طلعوا وهم يدرون الموت مرافق طريقهم !!
طلبهم الوحيد الي يردوا منا چان #لاتخذلونا 💔
الوطن والحق الي نزلوا يطالبون بيهن أحنه لازم نكمل مسيرتهم للأخير حتى لو لحگنا بيهم فالموت والحياة أمر الله ..
هالمرّة تختلف ع كُل مرة ننزل للشارع ونتظاهر هالمرّة كُلش تختلف آمنوا بالقضية وادعموا بكل قوتكم واثبتوا الحكومة منتظرة منكم تملون وتتفرقون سمعوهم صوت الشهداء الي يصرخ بأرواحنا !!

هاي اخر فرصة للشعب العراقي للحياة
بعد صعب ينجمع الشعب كلة بكل محافظاتة بكل طبقاتة
اذا هذا المظاهرات مجابت نتائج يعيش الشعب باقي حياة بالذل ووضع اتعس من الحاضر
فليش دنتراجع عن اهدافنا؟ ليش دنخلي المظاهرات تبرد ؟ ليش؟

متخيلين اكو ناسس ضحت بروحها علمودنا
هذوله الشباب هما نفسنا عدهم احلام وطموحات ويحبون ناس وناس تحبهم
كل الي رادوا حياة عادية حتى مرادوا من الحكومة متطلبات اكثر من العادية خسروا حياتي متخيلين هالشي!!؟؟
انشروا ع كل الكروبات لحد ايداوم صديقك سمعته ايريد اداوم بغير كليه كله لدوام احجيله كله ناس ماتت وانت بعدك اتفكر بالدوام تعرف اذا فشلت هاي الثوره معناها حنبقى بالاحزاب والطائفية و المعاناة نفسها
خلي نسوي الي علينا حتسألون شنو الي علينا!!
ان منداوم الى ان تسقط الحكومة

نرجع نأكد!!
الاضراب عن الدوام مستمر لكل المراحل

فوروورد+تثبيت لكل الكروبات بسرعة

🔴 عودة خدمة الانترنت بعد انقطاع استمر لـ48 ساعة علماً القطع يكون كل 48 ساعة ويأتي 3 ساعات لتجنب العقوبات الدولية

1️⃣ / انقطع يوم الثلاثاء الساعة الثانية عشر ظهرا بتاريخ 2019/11/5 وجاء يوم الخميس الساعة العاشرة والربع صباحاً بتاريخ 2019/11/7

2️⃣ / انقطع يوم الخميس الساعة الواحدة ظهرا بتاريخ 2019/11/7 وجاء يوم السبت الساعة الثانية ظهرا بتاريخ 2019/11/9
___________
🚫 علماً جاء قطع الانترنت بناء على طلب من عالية نصيف لانهاء المظاهرات حسب مانقلته وسائل الاعلام
@MDC2019

صباح الخير🇮🇶🖤

" ستهاجرون الى اوربا ، وتلتزمون بالقانون ولا ترمون أعقاب السجائر على الارض .. ولا تدخنون في الاماكن العامة ، وتعبرون من الأماكن المخصصة للعبور ، وسيكون لديكم حس أمني حتى لو سرقت قطة من امام نافذتكم ، ستبلغون الشرطة.
ستلبسون حزام الأمان عند قيادة السيارة وتضعون مقعدخلفي لطفل ، وتقفون في الطابور حتى لو بلغ كيلومتر ، وعندما تحصلون على الجنسية الاوربية وتنتخبون من يمثلكم ، ستبحثون عن تاريخه وماضيه ومهنيته، لوفعلتم كل هذا في بلادكم لما كنتم قررتم الهجرة

" "

نظام المقررات 👆🏻

للأسف، المظاهرات دتبرد وية الوقت و الدولة مدا تستجيب بأي شكل ايجابي و مديفيد لا ضغط التظاهرات و لا ضغط الاعتصام الطلابي

هواية من المتظاهرين بدوا يفقدون الامل و هنا يجي دورنا و دور اعتصاماتنا امام كلياتنة الي تدفع المتظاهرين انه يكملون، و تبرعاتنا الي دنسعفهم و دنحميهم بيها

❗️باجر (الثلاثاء) حيكون ان شاء الله اعتصام مشترك بين كليتنا و طب بغداد و صيدلة بغداد و دنتفق وية كليات بعد ❗️

المكان، بالشارع الي بينة و بين الطب

الوقت، يبدي بال ٨ و ينتهي بال ١٢ مع وجود استراحة

ضروري اكبر عدد يحضر لهذا الاعتصام لان احتمال ينقطع النت و منكدر نرتب اعتصام آخر لهل اسبوع

فوروورد+تثبيت بسرعة خاف ينقطع النت