السلام عليكم 🌹
عندي كم سؤال اتمنه الكل تجاوب برحابة صدر 😄💐
هل أنت كطالب جامعي ترى الحل لوضعنا الراهن بالإعتصام الطلابي ؟
شنو إيجيابيات وسلبيات هذا الإعتصام ؟
وشنو إلي ممكن يصير بعد هذا الإعتصام ؟
إذا عندك حل غير الأعتصام فشنو هو ؟
اتمنه الكل تشاركنا أفكارهم وآرائهم ❤️ .

http://samiq99mas.sarhne.com

مع 👍🏻
ضد ❌

راح يجي يوم معلمة التأريخ تگول لطلابها: باچر واجبكم البيتي من "ثورة اكتوبر السلميه" لحد "منجزات الثورة" ما داخله

الطلاب: ست مو هوايه ٤ صفحات؟

المعلمة: لاسهلات والميعرف شي عنها خلي يسأل اهله.

اذا تعرفون احد محتاج سكن كلولي , ولد بسس
خط كهرباء مجاني ..بيت حديث بمنطقه القاهره تحديدا الصليخ ,
الايجار الكلي 450 ...
محتاج شخص واحد

تلي : cl_u6
........
عدنة خط بحي الكيلاني -باب الشرجي -شارع فلسطين
محتاجين طالبة وحدة
07709229086
......
مطلوب خط من الدورة
.....

لطلاب مرحلة اولى 👆🏻

يا شعب العراق المظلوم
هاي اخر فرصة النا
هم 300 شخص واحنا 30 مليون
كافي يتحكمون بينا ويظلمونا ،
خل نطرز التأريخ بثورة جديدة ، بثورة تحرير للابد ،
خل نحقق احلامنا واحنا اطفال ، خل نبنبي مسكن للفقير ونوفر مأكل ، بلد مليان خيرات كافي تروح للغريب
نريد وطن
اما أن ننتصر او ننتصر
ومن توكل ع ألله فهو حسبه❤

#احمد

لا تحارب من أجل نفسك ومن أجل ضمان مالك وعيشتك مستقبلا أي بمعنى آخر لا تكن أنانيا ، متوحشا ، مليء بلذات الدنيا ، وتتصور كأنك تعيش مع من مستواك فقط! حارب من أجل أولئك الذين لا زالوا يبحثون ويبحثون ويبحثون عن بصيص حياة ، تصور وكأن ألله مقدرك لهذا ، لا تتخلى عن أحلامك أبدا ، وكن إنسانا يعطي خيرا لهذه الدنيا وأهلها ، كي لا يكون موتك هباءا.........*
#أحمد

جيل سبونج بوب كما كانوا يسموننا
رغم طفولتنا عشناها حلوة وبسيطة لان ما لحك علينا الانترنت والتطور ، بس بنفس الوقت طفولة مرة جدا ، اغلبيتنا حالتهم المادية جانت صعبة وجان حسرة علينا اللعبة مال اطفال ، وحسرة علينا الطلعة ، وهو اصلا مجانت اكو اماكن ترفيهية وباركات ولا ملاعب ولا غيرها ولحد هسة قليل جدا ، كبرنا شوية طبينة بالطائفية خلتنا نتختل بين الحيطان ونفلت من بيوتنا وراح ضحيتها الاااف العراقيين الابرياء بسبب الجهلة والاغبياء ، كبرنة شوية طبينا بالانفجارات الي راح ضحيتها فوك 400 الف عراقي بريء ، كبرنة شوية دخل داعش ظل 4 سنوات ظلينا بخوف وقهر ومجازر ، نصبح نظهر نمسي ، نقرة قتل 10 عناصر من داعش في منطقة كذا ونكول شوكت يخلصون وما خلصو لحد هسة لان الحكومة نفسها داعش ،
تعليم بي خير ما تعلمنا ، وسائل تعليم زفت ، كلشي تطور الا التعليم ، بحيث وصلنا درجة نكره شيء اسمه مدرسة او كلية والمستقبل المجهول بعد التخرج
من 2003 لحد هسة ميزانية العراق فوك 1000 مليار راحت بخت الاحزاب والناس الماعدها ذرة شرف وضمير الي تتبعهم
هاي 1000 مليار كفيلة تسوي العراق اجمل بلد بالكون
عمر 20 سنة راح سدى ، منريد نضيع الباقي ، هلمرة صحوتنا قوية ومالها رجعة
لظل كاعد بالبيت يم ماما وبابا ، باجر عكبة ابنك يكلك بابة شسويت بثورة جيل سبونج بوب؟؟
خل تضيع سنة سنتين 3 من عمرنا الضايع في سبيل نعيش حياة حرة كريمة وسليمة ولا نعيش بالذل والمهانة
نريد وطن ، نريد تعليم ، نريد نبني مسكن للفقير ، نريد تطور بالاعمار والاسكان ، نريد كهرباء ومي ، نريد رياضة ودوري ومنتخب ، نريد نصير مثل بقية الدول ، نريد حقنه🇮🇶🖤
#احمد

مظاهرات التحرير
هذه الصورة كافية لإسقاط النظام باكمله والغاء الأحزاب وإيقاف جميع دوائر الدولة إلى أن تسقط الحكومة

بعد هاهيه ماكو أي حجة ، المعلم وياك ! والأستاذ الجامعي وياك ! والشارع كله وياك ! والقانون وياك !
وما دام حق الإعتصام كفله الدستور ألك !
فنتمنى من الكل يصيرون أيد وحدة ، وإلي نرجوه أن يكون هذا الشي فعلاً مؤثر على واقعنا 💔
يعني رجاءاً لحد يداوم ويأذي زملائه 😕
حقك أن تداوم بس أنت هم ابن هذا البلد وهذول هم أخوتك يعني لازم نصير إيد وحدة وياهم 💜 .
بصراحة بالبداية من شفت أنو فقط الطلاب أعتصموا فبأعتقادي تأثيرهم ما راح يكون قوي ويجوز يتأخر وبنفس الوقت خسائر هواي ، بس ما دام الأستاذ الجامعي والمعلم والقانوني ويانا فبعد والمفروض التأثير صار أقوى ووقت أقل والخسائر أقل ما يمكن ❤️ .
وإذا نجح الإعتصام الطلابي بغير مكان فمو بالضرورة أن ينجح بالعراق لإختلاف الظروف ، بس ما دام الشريحتين المهمات إلي هم قدوة للطلاب ( المعلم والأستاذ الجامعي ) اتفقوا على الإعتصام فصار من الضروري كطلاب أن نتماسك وياهم 💐
لذا الإضراب عن الدوام لحد ما تسقط الحكومة أو يصير تغيير يرضي الله والشارع العراقي🌹

هاي الرسالة وصلوهة لكلك اصدقائكم الطلاب حاليا دنحاول ننظم ثورة طلابية.
بكل دولة اكو شي اسمة اتحاد طلبة الا بالعراق لاغي من زمان خوفا منة لان هو الوحيد اليكدر يسقط الدولة استنادا على كلام الصورة الفوك فاحنا نكدو بتعاونا نسوي ثورة طلابية واعية.
#شباب_التغيير. نفتخر بيكم وبافكاركم واهدافكم وطموحكم لحياة افضل انتو تكدرون تغيرون كلشي بايدكم واصراركم والتزامكم.