مساء الخير
جمعة مباركة🌷

بالنسبة للعملي الانتومي بالسكل فقط ، هذا يعتبر تمهيدي للفاينل ومحسوب يمكن عليه 3 درجات من اصل 15 (فصل2) ، الامتحان كلش سهل ، تقروه بس صور ، وراح يسوون فد 5 او 6 ستيجات كل ستيج عليه سؤال وكدامه ملكان السكل او صورة ومأشر عليهن الجزء المطلوب كل ستيج توكف عليه دقيقة وحدة وتحل السؤال خلالها ، واخير ستيج مراجعة ،
اهم شيء عظام السكل ، يأشر ع عظم معين ويكلك انطيني اسمه واحتمال يكلك فد نقطتين شرح عن هذا العظم ، وعدكم الفورامنات والفشرات ايضا مهمة ، اسمهن وموقعهن وال ستركجرز الي يمر منهن ،

العملي الانتومي كلش مهم وسهل
بالفاينل عليه 20 وترفع السعي كلش

وهذني الملفات يفيدنكم 👇🏻

موفقون ان شاء الله🌷

رمضان مبارك 🌷
الفاينل انتومي نفس مكتلكم هنا👆🏻
وبقية اللكجرات تقروها مثل النمط صور ومانيكان
موفقون ان شاء الله

قناة طالب طب اسنان/ جامعة واسط
شرح ال دنتل انتومي بطريقة حلوة ومبسطة

عيد فطر مبارك ❤️ اعاده الله عليكم بالخير والبركة وان شاءالله النجاح والتوفيق للكل ❤️🙏🏻

شكرا منكم مقصرتوا ❤🙏

"ياسين اياد أخوي الأصغر.. أول ما سوى فيس بـ ٢٠١٤ كتب يدرس في جامعة بغداد - كلية الطب.
العام ١_٦_٢٠١٨ ترك كلشي، باع جهازه، ترك اصدقائه وطلعاته. ودخل دورات وگعد بغرفته وبدا يقرا من البيت للدورة. صار سمين من وره الگعده والاكل بحيث كل ما جيبله بجامه يشگها 😅
ياسين طول هذا العام ينام بـ ١٠ بالليل يگعد بـ ٤ الفجر ويقرا على مدار اليوم.
غرفته فوگ قليل اصعدلها، قبل فترة صعدت ولگيت القصاصات تارسه الشباك من اقتباسات وكلمات تسوي واهس عالدراسة.
ومن بينهم ذني القصاصتين بحيث من قريتهن جسمي كزبر!
كلشي هو سواه بنفسه، محد دفعه ومحد گاله اصعد اقرا لليوم.
هسه ياسين كمل المواد ومسيطر ومنتظر الامتحانات، ادعوله يحقق هدفه".

منتظريك يبطل💪
ياسر أياد من #بغداد، شقيق ياسين
#أحلامي

#طاهر⁦🇮🇶⁩

دزوها للي عدهم سادس ويريدون يحققون احلامهم❤
ربي يوفقهم وميضيع تعبهم

مكتبة ضخمة لطب الاسنان بحجم 60 جيجا
طريقة التحميل سهله وسريعة والكتب مفهرسه بطريقة بسيطة و واضحة.

https://mega.nz/#F!dD4BWSSJ!AXO3PgVBd9dfiXIVWBNnDQ

مساء الخير طلاب🎀
الحمدلله والشكر خلصت سنة جامعية كاملة ومرت بخير ان شاء الله ع الكل ، ويارب النجاح للكل مهما كانت الظروف ، انتو مرحلة لطيفين ومتعاونين وابقو كما انتم لنهاية الكلية ولا تخلون القلة القليلة تعم ع الكل ، واتمنى احنا مقصرنا وياكم باستقبالكم ومعاونتكم بالدراسة ونظام الكلية ، ونفرح كلش اذا نجحتوا كلكم بدون استثناء ، وايضا انتم كونوا قدوة للمرحلة الي راح تجي وراكم وعاونوهم كد ما بيكم ، هاي القناة راح تبقة لطالب منكم جان متعاون وياي بالمحاظرات والامتحانات ، وان شاء الله اكمل وياكم بقناة ثانية للمرحلة 2 ،
ونصيحة كلش مهمة
اي واحد يجي يكللكم مرحلة 2 دمار وصعبة وموت ومدري شنو ، الحجي طببو من اذن وطلعو من الثانية ،
صح بالبداية راح تشوفون كمية الفرق الهائلة بالمادة والملازم ، بس والله بالقراية البسيطة تمشي اموركم وتسهل ، لان عقلكم كبر سنة وتوسع واللغة صارت سهلة عدكم وبسرعة تمشي المادة مهما كانت طويلة ، ودكاترة المرحلة 2 كلش مساهلين بس راح يمر عليكم واحد ثنين مشددين بس تمشي لتخافون ،
ومرة ثانية اني سعيد لان تعاملت وياكم وعاونتكم وان شاء الله هاي المساهمة والقنوات تبقى لزمن طويل لكل الاجيال ، لا لغرض الطشة* ولا غير سوالف تعبانة ، احنا كطلاب اذا منكون قدوة بالتعاون والاخلاق للي بعدنا (لا نصلح ان نكون طلاب)
تونسوا كد ما بيكم ولا تضيعون وقت العطلة بالملهيات مثل الببجي وغير سوالف ( خلو وقت محدد الهن ، لا كله)، خصوصا الشباب وخصوصا الي عدهم موازي ، اطلعوا واشتغلوا وعاونوا اهلكم بالمصاريف لان تكسر الظهر....
عطلة سعيدة ان شاء الله❤