مساء الخير
بالنسبة لامتحان الفزكس الفصلي

لكجر #أمل
أهم شيء بيها المعادلات مثل اسمكم
وعدكم الانواع الاربعة ب definitions
والنقطة الاولى من كل شرح اشعة مهمة
الباقي نقاط وفهم

لكجر #سالم

ما اعرف شنو المهم بالضبط
بس العام جابلنة سؤال واحد ، يطي جملة كاملة وبيها غلط او يحط فراغ جوة كلمة من الجملة ويكلك صححها
يعني سؤال مزعج جان

بالنسبة ل #جعفر لكجره جديد ما اخذناه العام
وبعد انتم عرفتوا نمط الدكاترة شنو

موفقون ان شاء الله🌷

Ibrahem aljaf
انت لست متأخرا !!!

أنت في توقيتك المناسب..

أحدهم تخرّج من الجامعة بعمر ٢٢ سنة وأنتظر ٥ سنوات ليحصل على وظيفة مناسبة
آخر تخرج بعمر الثلاثين وحصل فورآ على وظيفة أحلامه

أحدهم أصبح مدير شركة بعمر ٢٥ وتوفي بعمر ٤٥ ،
آخر أصبح مدير شركة بعمر ٥٠ سنة وتوفي بعمر ٩٠.

أوباما تقاعد من الرئاسة بسن الخامسة والخمسين… وترامب أصبح رئيسآ بسن السبعين

أحد زملائك ، أصدقاءك أو أحدهم أصغر منك سناً قد “يخيل” لك أنهم متقدمون عليك والبعض قد يخيل لك أنهم متأخرون عنك. أعلم أنك لست مُتقدّماً على أحد وفي ذات الوقت لست مُتأخّراً عن أحد

كل يجري في سباقه الخاص وزمنه الخاص.. لهم توقيتهم ولك توقيتك

عش مرتاح البال .. مُطمئن الحال ..

أنت لست متأخرآ.. وأنت لست مبكرآ..

أنت حقيقة في زمنك المناسب والخاص بك..

أنت تعمل في “توقيتك” الذي وقّته الله لك .

فـأعمل في “توقيتك” فقط !!

لا تمل ولا تحزن إن سارت الأحداث ببطء فأنت لا تدري ما يأتي به الغد من تعويض

الزمن وسيلة بيد الله.. يسيره كيف يشاء..

ويمنحك ما شاء متى ما حان توقيته لك

المهم لا تتوقف .. لا تتوقف يا صديق

لايك للبيج🖤

مساء الخير
بالنسبة للكمستري فصل2
4 لكجرات مثل مكتلكم سابقا اهم شي بيها المعادلات نواتج ومتفاعلات ، وعدكم الاشياء الملونة بالاحمر كتعاريف او تعداد
بصورة عامة الاسئلة جانت mcq وسهلة كلش
ولتشيلون هم للكمستري اذا تقرون تفولون

موفقون ان شاء الله 🌷

اسئلة العام

لاحضوا ال mcq الاخير
راح تعرفون هاي الصفحة شلون تجي

سر النجاح

اقرأ ما مكتوب 👇👇 وطبقه واني اضمن لك اي شي تريده (ترغب به) بالحياة تكدر تحققه وتتمكن من انجاز اي شيء (دراسي 👨‍🎓، مالي💵، اجتماعي )مهما كان

شوف هاي القصة القصيرة ..

فد يوم اكو شاب👱‍♂ راد يصير انسان حكيم وغني لذلك راح لاحد الحكماء الاغنياء .

وگله اريد اصير بمستواك ، رد علي الحكيم اذا جنت تريد تصير بمستواي خل نتقابل باجر على شاطىء البحر 🌊بالاربعة الصبح🌓 .

رد عليه الشاب:
على الشاطىء ؟ اني اريد اصير حكيم وغني ما اريد اسبح .

رد عليه الشايب : اذا تريد تصير حكيم قابلني باجر بالاربعة الصبح.

راح ابو الشباب متحمس🏃‍♂ وگال هاي هية راح اطك لبس البدلة🤵 واتعطر وطلع بالاربعة الصبح للشاطىء .

شاف الحكيم
السلام عليكم ، عليكم السلام

جان الحكيم لزم ايد الشاب وگال له :
لاي مدى ترغب بالنجاح
رد عليه الشاب بشدة .

گال الحكيم للشاب :ادخل بالمي🌊💦 ، دخل الشاب بالمي ووصل المي للخصر

گال الشاب لنفسه: هذا الشايب شاخط مجنون 🙃اني اريد اصير غني وحكيم مو منقذ سباحة 🏊‍♂وهو جابني للمي .

صاح عليه الحكيم📢: ادخل اكثر بالمي دخل الشاب وجان وصل المي للكتف

گال الشاب :هذا صدگ غني بس مجنون🤪 .

صاح عليه الحكيم: ادخل اكثر بالمي دخل جان يوصل المي لخشمه

گال الشاب : خل ارجع هذا صدگ شاخط وطلع الشاب من المي.

جان يگوله الحكيم :عبالي صدگ تريد النجاح😏 .
رد الشاب :اي اريد النجاح😕.

گال له الحكيم :تعالي👉 ، جان لزم راس الشاب وخلاه بالمي وظل لازم راسه بقوه بالمي وقبل ما يفقد الشاب الوعي😨 ترك الحكيم راس الشاب🥵😳.

***************
گال الحكيم للشاب :
عندي سؤال: من جان راسك بالمي شنو جنت تريد اتسوي🤨 .

رد الشاب :ردت بس اتنفس😷🤧 .

فگال للشاب: من تريد النجاح♥️ بشدة حاجتك للتنفس والهواء بذاك الوكت راح تصير ناجح✅🤩 .

***************
ما اعرف كم واحد بيكم عنده ربو بس الله لا يشوفكم اياه .

لو جنت انت متعرض لازمة ربو😣 من قبل راح تقل انفاسك وتشهگ بقوة وتتشنج والشيء الوحيد الي تريده شوية هوة💨 .

ما تهتم بالبوبجي 💣🔫🔪
ماتهتم بلعبة ريال وبرشلونة ماتهتم للانستا والفيس ما تهتم للنت ما تهتم للونسة🥳 ما تهتم للقال والقيل🙆‍♂🤷‍ ماتهتم لفلان رضا لو لا 🤷‍♀🤦‍♀.

الشي الوحيد الي تريده هو بس شوية هوة . هذا كل همك♥️🥰

من توصل لمرحلة يكون كل همك1⃣✅ هو النجاح بشدة حاجتك للتنفس بوكتها راح تنجح✅🆗
~~~~~~~~~~~~~~~~~~~~
========================
~~~~~~~~~~~~~~~~~~~~

اني هنا اريد اگولك بان اغلبكم يگولون هم يردون النجاح لكن ما يردونه بشدة يردونه نوعاً ما .

يريدون الونسة🥳 اكثر من النجاح
ما يردونه بقدر حاجتهم للراحة😌
اغلبهم ما يردون النجاح بقدر حاجتهم للنوم 😴، يفتقدون النوم 🤤اكثر من النجاح ،

لكل طالب✍ تعبان سهران مال من القراية . الطلاب او اصدقائك الي تشوفهم لعب وونسة وضحك وراحة ونوم لا تضوج وتنقهر .

هم ما يملكون شيء👎 اما انت فعندك الفرصة حتى تخلي حلمك💖 حقيقة✅ وواقع وتعيش الحياة الي انت مخطط الها🧐.

كل ما عليك لتكون ناجح 🤩😎هي الرغبة وسبب هذي الرغبة(السبب اهم عامل بالنجاح والرغبة بتحقيق اي شيء) بوكتها راح تلكة طريقة او تكتشف اكثر من طريقة حتى تحقق رغبتك...

لذلك من تحدد لك حلم وهدف اتاكد من اسبابك الخلتك تختار هذا الشيء؟؟‼️ .

لان الطريق🏃‍♂ لتحقيق الهدف ربما يكون طويل ومتعب🙂 ويصيبك الارهاق😔 والاحباط
واني متاكد بيوم من الايام راح يجيك الاحباط😞 بحمولة لوري🚚 ويطيح عليك
وما تكوم منه الا باسبابك😄🤩😎

لان بالوكت الي يصيبك احباط ويأس ومالك خلگ تسوي اي شيء ومالك خلگ تگوم من فراشك 😑😴
اسبابك تكون بمثابة حبال تسحبك وترفعك للاعلى⬆️⏫ وتخليك ترجع من جديد وتكمل🏃‍♀

(لذلك حدد🤨🧐 اسبابك ثم اسبابك ثم اسبابك 1⃣2⃣3⃣ لاختيار حلمك" على الاقل 3 اسباب قوية" واني احجيلك عن تجربة) حتى تضمن تحقيق هدفك💞💝👏👏✌️✌️

#M_M_J_H_707

دزوها للي عدهم سادس🖤

مساء الخير طلاب🌷
بالنسبة لامتحانكم #الفزكس فاينل
من 15

العام اجتنا سؤال رسم بياني عليه 5 درجات يحدد اسم التجربة(لان كل تجربة والها رسم معين واتجاه معين) واتصور اطونة ارقام وحددناها و نطلع نتيجة بوقتها مال slope يمكن تجربة 9 مدري 8 المهم بيها slope
السؤال الثاني جان بس mcq وعليه 10
يمكن 10 امسكيوات ، وجانن كلش سهلات اشياء واضحة من اللابات ومن الي يكولون عليه مهم
واتذكر اجة واحد ع صوت وين يكون اسرع بالمادة السائلة او الصلبة او الغازية
وركزوا ع نوع العلاقة بكل تجربة عكسية لو طردية وهيج شيء والقوانين والارقام هم مهمة

بالتوفيق ان شاء الله.

فقرة 👈🎆 تحفيز🎆☺

انت قريت المادة بس تحس نفسك نسيتهة اول ما سديت الكتاب😔 كارثة شحسوي نسيت كلشي😱 شلون بالوزاري 😭

الحل😍 ترة هذة شي طبيعي كل الطلاب تحسة فلتخاف اذا نسيت المادة بس كون متاكد بالامتحان تجيك المعلومات من حيث لا تدري😂

اطيكم مثال اني بالسادس رحت بأمتحان الرياضيات ماقارية لا بالاربعين يوم ولا قبل الامتحان عساس أاجلة بس من اجتي الاسئلة تصوروا تذكرت مال الشهري الشرح😍 وجاوبت

فانت نسبة تذكرك اكبر اكيد قاري بالاربعين يوم وراح تراجع باليوم الي قبل الامتحان 💪

نجي شغلة ثانية انت نفسيتك تعبانة وبس تبجي وخايف😭

الحل😍البجي مفيد للعيون 😉فابجي مو مشكلة نفس عن نفسك لان بالجامعة راح تفقد كل احاسيسك الدراسية 😂بحيث من متجاوب تكوم تضحك🙊

السادس فترة مرهقة صحيح ومتعبة والنفسية شوية تتعب
بس راح تضل ذكرى السادس متنسي لان تجربة تختلف عن اي تجربة بحياتكم

مجرد انت وصلت للسادس تدل على انك بطل وراح تكدر تعبرة وبأمتياز💪
وراح توصل للجامعة فترة فقدان الاحاسيس الدراسية 😂

ياسادس نحن لك بالمرصاد💣👊

#بسمة_الامل

#تفائل_بما_تهوى_يكن

مساء الخير
جمعة مباركة🌷

بالنسبة للعملي الانتومي بالسكل فقط ، هذا يعتبر تمهيدي للفاينل ومحسوب يمكن عليه 3 درجات من اصل 15 (فصل2) ، الامتحان كلش سهل ، تقروه بس صور ، وراح يسوون فد 5 او 6 ستيجات كل ستيج عليه سؤال وكدامه ملكان السكل او صورة ومأشر عليهن الجزء المطلوب كل ستيج توكف عليه دقيقة وحدة وتحل السؤال خلالها ، واخير ستيج مراجعة ،
اهم شيء عظام السكل ، يأشر ع عظم معين ويكلك انطيني اسمه واحتمال يكلك فد نقطتين شرح عن هذا العظم ، وعدكم الفورامنات والفشرات ايضا مهمة ، اسمهن وموقعهن وال ستركجرز الي يمر منهن ،

العملي الانتومي كلش مهم وسهل
بالفاينل عليه 20 وترفع السعي كلش

وهذني الملفات يفيدنكم 👇🏻

موفقون ان شاء الله🌷

رمضان مبارك 🌷
الفاينل انتومي نفس مكتلكم هنا👆🏻
وبقية اللكجرات تقروها مثل النمط صور ومانيكان
موفقون ان شاء الله