شلونكم طلاب ان شاء الله تكونون بخير

ان شاء الله من باجر نبدي بامتحاناتنا الحضورية ، هسة هي مثل الصدمة صارت النة لان متعودين قراية الكتروني وامتحان الكتروني ، هي كلها 15 يوم بس راح تربينا خوش تربية😂 ، اقروا زين وشدوا حيلكم وحاولوا تحصلون اكثر درجة ممكنة علمود ما تصعب عليكم بالفاينل ، أسأل ألله تعدي ع خير وسلامة وعافية بظل الوباء والقرارات الغير مدروسة من قبل الوزارة الظالمة ، وإن شاء الله النة كلمتنا وموقفنا حول مصير السنة الدراسية بس نخلص الامتحانات ، بالتوفيق للجميع ان شاء الله
أدعولنا🌹

هذن 3 محاضرات👆🏻👆🏻👆🏻

رايح للامتحان :

1% دراسة
99% إيمان بالله انه قادر على كل شيء

مساء الخير طلاب منو يكدر يحصلنا هذا الكتاب كامل وواضح
محتاجة ضروري
👇🏻

.
.
#او كتاب بي مصدر Topazian

رمضان مبارك عليكم🌙
أعاده ألله عليكم بالصحة والعافية وحفظ الأهل ، نسأل ألله بهذا الشهر الفضيل المغفرة والرحمة والهداية وقضاء الحاجة وزوال المرض وتعجيل الفرج ، ونسأله التسهيل والتوفيق للامتحانات المتبقية والنجاح لكل من سعى واجتهد🖤

لا تنشر صور لمائدة طعام الافطار فهناك ايتام وهناك فقراء وهناك جياع غير قادرين على امتلاك ما تملك

رمضان شهر صيام و قيام و ليس طعام.

من تاكل بالنادي وتذكر بس اسمك صحيح كاتبة بالامتحان😂😂

السلام عليكم ♥️

كلكم تعرفون الخالة الي تبيع كمامات يم گراج الأسنان ( باب المعظم ) ، هي حالتها الصحية موزينة ومن الي يجيها تدفع فلوس إيجار ومصرف لبيتها وماعدها معيل

أبو الإيجار مهددها أنو يطلعها من البيت إذا مدفعت فلوس الإيجار

فـ الي يحب يساعدها ويتبرع حتى نجمعلها على الأقل فلوس إيجار الشهر

تكدرون تتبرعون أنو تدزون صورة الكارت على ⬅️ @EdalalAghatibot
زين كاش ⬅️ 07818067814
آسيا حواله ⬅️ 07712550383

مساء الخير طلاب ، صيام مقبول ان شاء الله
عندي فكرة اسوي قناة طبية عامة(تخص الاسنان اغلبها) فكرتها تكتسب معلومة ع الطاير تفيدك بحياتك اليومية وبالعيادة مستقبلا
الفكرة تنطرح اسئلة طبية بالقناة وينفتح التعليق للاسئلة الي يعرف يجاوب ويصير بيها تفاعل للواهس وبالاخير انزل اجابتها الصحيحة

خوش فكرة سويها 👍

اغلب الاسئلة الي راح اطرحها تكون Clinical ، لان تعرفون دراسة النظري كرهتنا بالاختصاص وملينة منها ، صارلي فترة اتابع فيديوات شغل(عملي) ع يوتيوب وهواي اسئلة جمعتها من خلال شرحهم اثناء العمل
ان شاء الله بس نكمل امتحانات اسويها الفكرة

وبعد اكو قناة انشأتها من 2018 اني وصاحبي بس صارتلي ظروف وعفناها ، فكرة القناة جانت انو شلون تصير طبيب اسنان ناجح ونفتر ع الدكاترة المتمرسين ونصور وياهم ويشرحونة شنو المشاكل الي واجهتم اثناء العمل وشلون واحد يكدر يطور نفسه ووو هواي امور ، ان شاء الله ناوين نرجعلها

وايضا راح ادخل دورة اسعافات اولية صاحبي يعلمني (اختصاصه دفاع مدني)
بس اضبطها وياه راح نحاول نسوي كورسات الكترونية تفيدكم

النتيجة الي أريدها بصورة عامة من هذا الشيء هو التطوير من المهارة والمعلومات مالتنا بصورة عامة ، تعرفون دراستنا نصها طارت بالالكتروني ومنا ظروف المرض مرت بينا واعصاب وتعب ووو محد من عدنا مقتنع بنفسه ديدرس ، مجرد مادة يعبيها بمخه بليلة الامتحان علمود ينزلها بالورقة ثاني يوم الصبح
مستحيل احد يقبل ع نفسه يفتح عيادة او يمارس المهنة بهاي الدراسة التعبانة الا اذا جان ما عنده ذمة وضمير تجاه حياة المريض
لا تمارس المهنة الا اذا جنت كفوء بيها...

ان شاء الله ح نسوي تطور حلو ممسبوق بهذا الاختصاص بالتعاون بيناتنا
والتوفيق للجميع ان شاء الله🖤

حتى التبرع الصغير راح يفرق هواية 🤍

السلام عليكم ورمضان كريم عليكم حبايب😊❤️
هاي روابط محاضرين (النظري + العملي) للتشريح العام General Anatomy 🫁🫀🧠🩸حول موضوع الجلد
النظري ...
https://youtu.be/HsF9x-6hTms
العملي ...
https://youtu.be/Vf97Iei5uKY

ولتنسون الاشتراك بالقناة لان كلش تفيدكم بالامور الطبية وخاصة منهج المرحلة الاولى طب الاسنان ❤️🦷😘