(7)-#حقوق_عربي :

مواد عبارة عن أستراحة(أكثر تعبير مناسب).

(9)-#رياضة :

درس ترفيهي.

(8)-#حاسوب :

بالضبط نفس الي أخذناه بالمتوسطة.

(5)-#أحياء:

تقريبا 50% نفس الي بالاعدادي ، بيها مواضيع جديدة انت تعرفوها من توصلون لان مو مهمة باختصاصكم.
المختبر مالها حلو ، شرح ل لاب وراها رسم ع المجهر لكل رسومات اللاب بالدفاتر ، وايضا اكو كوز بكل لاب.

.....................................................................

مواد المرحلة 1 -- طب أسنان بغداد:

المعدل التراكمي ١٠٠% : يحدد الاوائل على الدفعة.

المرحلة الاولى 5%
المرحلة الثانية 10%
المرحلة الثالثة 15%
المرحلة الرابعة 30%
المرحلة الخامسة 40%

بالنسبة للمرحلة1

الدينتل=2.5
الهيومن=1
فيزياء=0.5
كيمياء=0.5
أحياء=0.5

البقية هيج بس تخويف

شرح مبسط ل مواد وتقسيم الدرجات بل نسبة ل مرحلة الاولى

بل نسبة ل مواد ادري كاعد تعانون صعوبة شويه بل مواد تره الموضوع اعتيادي بل بداية تواجهون صعوبة بس ب مرور الوقت تتعودون وسالفة الانكليزي راح تتعبون بل ترجمة ب بداية السنة بس بعدين تتكرر عليكم المصطلحات وما تواجهون صعوبة بعد ويصير استعمالكم ل مترجم شي قليل كلش

هلسنة راح تمشي شلون مجان للمادة النظرية
كلها تنجح بقراية بسيطة

الله يسهلها ويفرجها🖤

اليوم ماخذين دنتل و بايو طبعا البايو اول ٣ لكجرات نفس السادس بس مجرد ب انكليزي

بل نسبة ل دنتل راح انزللكم مفردات وصور توضيحية

اهم شي بيها اسنان لبنية عددها 20 سن
يعني ب كل فك اكو ١٠ اسنان
الفك العلوي اسمة maxillary
الفك السفلي اسمة mandible
بل نسبة ل اسنان الدائمية عددها 32 ب كل فك اكو 16 سن طبعا اكو اسنان امامية الي هيه anterior teeth واسنان خلفية =posterior teeth
Anterior teeth تشمل central incisor
وlatral incisor و canine
Posterior teeth تشمل premolar و molar

Canine =ناب
Central incisor = قواطع وسطية
Lateral incisor =قواطع جانبية
Premolar = ضواحك
Molar= ضرس

عدكم معادلتين وحدة ل اسنان لبنية وحدة ل دائمية كلش مهمة وتجي بل امتحانات والكوزات

The formula of permanent teeth
معادلة الاسنان الدائمية 👇🏻

The formula of deciduous teeth
معادلة الاسنان لبنية 👇🏻

وعدكم مصطلحات اثنين الي هيه heterodent و diphyodont هسة اوضحلكم هذني شنو

Heterodent :which mean that he has different shaped teeth
يعني انو الانسان عنده اشكال مختلفة من الاسنان

Diphyodont:which mean that he has two sets of teeth
Deciduous &permanent
معناها انو الانسان عنده نوعين من الاسنان لبنية ودائمية