قناة مال كيمياء مال مرحلة اولى

مرحلة أولى مساء الخير اهلا بيكم بطب أسنان بغداد و كل الكليات الموجودة بالجنل حنكون موجودين وياكم نساعدكم بالانتومي وكل المواد البقية وخاصة بأول أشهر
حنوضحلكم المواد و بعدين نشرحلكم ع طبيعة النظري والعملي بالكلية و طريقة القراية وكلشي تحتاجو
مواد مرحلة أولى هي
🔻Dental Anatomy / حتعرفون اسماء الأسنان واشكالهم واعدادهم و عدد الجذور النظام التسمية العالمي وهم مصطلحات للأسنان،
الجانب العملي هو النحت Carving للأسنان حتى تعرف أشكال السطوح
🔻 Human Anatomy / مادة كلش حلوة حتشوفون بيها صعوبة شوية بس مهمة بالنسبة الكم كاسنان حتقرون بيها عظام الإنسان وبالاخص مال الرأس و مصطلحات حتكون اساس الكم بدراستكم.. مهمة القراية ع الصور
• اغلب الصور موجودة بالجنل

نجي للمواد المشتركة بين الطبية والصيدلة كاساس والي همة :
🔻 Chemistry / قبل نص السنة حتاخذون كيميا لا عضوية وكيمياء التفاعلات بالجسم و بعد نص السنة تكون كيمياء عضوية
🔻Biology / أحياء مجهرية يشبه الأحياء كلش يحتاج حفظ بس مو صعب حتاخذون طفيليات و اشياء اساسية مثل كريات الدم الحمر تحت المجهر والخ..
🔻Physics / مادة سهلة الجانب العملي هو عبارة عن تجارب وكتابة تقارير للتجربة و الجانب النظري هو فيزياء الجسم مثل قصر وبعد النظر وهواي سوالف تكون فهم اكثر مما حفظ و مسائل
🔻Terminology / علم المصطلحات يعني يحجي ع كل مصطلحات الاسنان والاغلب درجتة قليلة بالتراكمي
🔻 Human rights / 👍🏻
🔻Computer / 👍🏻
🔻 Arabic / 👍🏻


P.s./ المواد مرتبة حسب أهميتها بالنسبة الكم وبالنسبة لنسبتهم بالتراكمي و بالنسبة لصعوبتهم

الغرض من القناة هو انو نساعدكم بالمرحلة الأولى ومنخليكم تصعدون لمرحلة لخ وانتو مفاهمين شي لان هالمعلومات حترجعلكم بالثاني والثالث و بحياتكم العلمية
ثاني شي منزليلكم هواي طرق سهلة و صور بس تكتب بالبحث مال القناة حتلكة كلشي
ثالث شي للناس الي ببالهم هواي أسئلة بس متعرف لمنو تسالها خاصة إذا ماعدها اخ او صديق دكتور او حتى يستحون يسألون دكتور المادة بالكلية وللي هواي يقرون بس ميجيبون درجات حنعلمكم شون تقرون وهواي اشياء
نتمنالكم كل التوفيق والنجاح بالسنة الدراسية الجديدة 🙏🏻♥️
For Any question / @tabarak_thamer
@abdulrhman_alaa

هاي قناة مال تشريح مال اسنان بغداد تفيدكم

اي سؤال @Mustafa22_zbot

يعني مثلا هالفترة شنو تنصحونه نقره حته انكون مسيطرين ع مادة ومنتفاجأ بيه بدون زحمه اني حاليا اطلع فديوات ع يوتيوب

المرحلة اولى سهلة بس اذا عاجبكم تقرون اقروو بايوو او فيزيك ميحتاجلها شرح مثل باقي المواد تكدر تقراهن بل بيت

طلاب هسة اخوانكم مرابطين كدام وزارة التعليم العالي متحملين البرد والجوع ، باجر يريدون فزعة منكم ساعة 10 الصبح بأسم صفاء السراي🖤

.

تنبيه/اي واحد حسابه غريب يدزلكم رسالة بيها معرف معين ديربالكم تدخلون عليها لان يهكركم

.

المجتمع الواعي والمتماسك ينتج حكومة واعية ومحترمة ومتماسكة
اما المجتمع الرجعي المتخلف والمتعصب ينتج (عصابات) هشة ومتعصبة للدين والطائفة والقومية.
انتهى!!