مؤلم💔

عاشت ايد كل طالب حضر اليوم وشارك بالاعتصام وتبرع، صوتكم وصل لكل مكان وكل العالم دتحجي بينة
وطلاب باقي الكليات هم ماقصروا.
المستلزمات اللي دتروح من تبرعاتنة دتنقذ ارواح هواية متظاهرين والشباب اللي دتجهز ديتاكدون شنو محتاجين بالضبط قبل ميشترون ويحرصون على توصيلهة للمكان الصحيح
ولو حضور كليتنة هالمرة جان اضعف من المرة السابقة بس ماقصرتوا

باجر رح يكون فقط اضراب وبالاتفاق مع بقية الكليات لان اليوم هواي تعبو ونزلو للتحرير بعد الاضراب واكو منهم من بعدة هناك

نجي على المهم//
يوم الخميس رح يكون اكبر اعتصام خلال هالاسبوع
رح يتم الاتفاق مع كليات اكثر بهواية(و كذلك طب بغداد راح يتفقون وية غير كليات) من هسة بدينة نرتب وياهم و حتكون ف شي ضخم وانشاء الله نكدر نجمع تبرعات اكثر
وهالمرة نريد بعد الاعتصام مباشرة نتوجه الى التحرير بمجموعات ولد وبنات ونكون بنفس التنظيم هناك
ونحاول نلكي مكان امن بحديقة الامة
بس يبقة كل واحد مسؤول عن نفسة!

حضرو لافتات بيهة دعم للمتظاهرين وخاصا اللي بالمطعم التركي ويم الجسر
حاولو تكتبون على الصداري همين
حضورنة هناك بصدارينة وبتنظيمنة صدك حيكون دعم قوي

ماوصيكم على يوم الخميس نريد حضور غير مسبق، و الي ميكدر يجي للتحرير مو اشكال خلي عالاقل يجي لإعتصام الكلية

تحضروااا

مساء الخير شباب التغيير🖤✌🏻
*الباجر ان شاءالله اعتصامنا يبدي ب٨ لل١٠ ونص نريد عدد اكبر وشعارات اكثر.

*ب١٠ ونص نتجمع بالسنتر نتوجه للباصات نروح للتحرير اليكدر يجي.

*التبرعات مستمرة مثل يوم الثلاثاء.


-مشي هواية هناك فلبسو احذية مريحة.
بالنسبة لليجون نريد تدزون اساميكم للممثلين لكروبات علمود نعرف عدد الباصات.

خلي ممثلكم يجيبلكم باصات اذا تريد تروحون

مرحلة 2

المطعم التركي

اخوان الي راح يجي للتحرير خل يحضر نفسه
زين

كمامات
خوذة
ببسي (تغسل وجهك بي اذا تعرضت للسموكات)
اكل لفات بالجنطة

هي امان 100%
بس عينكم بالسماء وانتبهوا ع السموكات لا توكع ع راسكم ، يم حديقة الامة والنصب ميوصلن ، يمكن كل ساعة توكع وحدة
اذا وكعت يمك وحدة راسا ادفرها بعيد عنك ، اكو هواي موجودين هناك حتة بيدهم يشيلوها
اثاراها تخنك وتحرك العين
بس والله ونسة😂 بدونها متحس بطعم الثورة💪🇮🇶🖤

بالنسبة للاعتصام امام الكلية:

نقطة التجمع، بالشارع الي بين الطبية و الاسنان نفس مكان آخر اعتصام.

الوقت، يبدأ الثامنة وينتهي في ال١٢ ظهرا مع وجود استراحة.

* ضروري يبقى اعتصامنا قائم وجماهيري
لمنع الالتفاف على مطالب المتظاهرين و اعتصاماتنا المركزة

* احضار الاكل والمياه لاخوتكم المعتصمين قدر المستطاع

* مواصلة التبرع قدر الاستطاعة لشراء المستلزمات الطبية والاسعافات الاولية لاخوتنا المتظاهرين.

موعدنا غدا الخميس ٣١/١٠/٢٠١٩

شيرو البوست لكل الكروبات و المراحل.