بعد هاهيه ماكو أي حجة ، المعلم وياك ! والأستاذ الجامعي وياك ! والشارع كله وياك ! والقانون وياك !
وما دام حق الإعتصام كفله الدستور ألك !
فنتمنى من الكل يصيرون أيد وحدة ، وإلي نرجوه أن يكون هذا الشي فعلاً مؤثر على واقعنا 💔
يعني رجاءاً لحد يداوم ويأذي زملائه 😕
حقك أن تداوم بس أنت هم ابن هذا البلد وهذول هم أخوتك يعني لازم نصير إيد وحدة وياهم 💜 .
بصراحة بالبداية من شفت أنو فقط الطلاب أعتصموا فبأعتقادي تأثيرهم ما راح يكون قوي ويجوز يتأخر وبنفس الوقت خسائر هواي ، بس ما دام الأستاذ الجامعي والمعلم والقانوني ويانا فبعد والمفروض التأثير صار أقوى ووقت أقل والخسائر أقل ما يمكن ❤️ .
وإذا نجح الإعتصام الطلابي بغير مكان فمو بالضرورة أن ينجح بالعراق لإختلاف الظروف ، بس ما دام الشريحتين المهمات إلي هم قدوة للطلاب ( المعلم والأستاذ الجامعي ) اتفقوا على الإعتصام فصار من الضروري كطلاب أن نتماسك وياهم 💐
لذا الإضراب عن الدوام لحد ما تسقط الحكومة أو يصير تغيير يرضي الله والشارع العراقي🌹

هاي الرسالة وصلوهة لكلك اصدقائكم الطلاب حاليا دنحاول ننظم ثورة طلابية.
بكل دولة اكو شي اسمة اتحاد طلبة الا بالعراق لاغي من زمان خوفا منة لان هو الوحيد اليكدر يسقط الدولة استنادا على كلام الصورة الفوك فاحنا نكدو بتعاونا نسوي ثورة طلابية واعية.
#شباب_التغيير. نفتخر بيكم وبافكاركم واهدافكم وطموحكم لحياة افضل انتو تكدرون تغيرون كلشي بايدكم واصراركم والتزامكم.

مؤلم💔

عاشت ايد كل طالب حضر اليوم وشارك بالاعتصام وتبرع، صوتكم وصل لكل مكان وكل العالم دتحجي بينة
وطلاب باقي الكليات هم ماقصروا.
المستلزمات اللي دتروح من تبرعاتنة دتنقذ ارواح هواية متظاهرين والشباب اللي دتجهز ديتاكدون شنو محتاجين بالضبط قبل ميشترون ويحرصون على توصيلهة للمكان الصحيح
ولو حضور كليتنة هالمرة جان اضعف من المرة السابقة بس ماقصرتوا

باجر رح يكون فقط اضراب وبالاتفاق مع بقية الكليات لان اليوم هواي تعبو ونزلو للتحرير بعد الاضراب واكو منهم من بعدة هناك

نجي على المهم//
يوم الخميس رح يكون اكبر اعتصام خلال هالاسبوع
رح يتم الاتفاق مع كليات اكثر بهواية(و كذلك طب بغداد راح يتفقون وية غير كليات) من هسة بدينة نرتب وياهم و حتكون ف شي ضخم وانشاء الله نكدر نجمع تبرعات اكثر
وهالمرة نريد بعد الاعتصام مباشرة نتوجه الى التحرير بمجموعات ولد وبنات ونكون بنفس التنظيم هناك
ونحاول نلكي مكان امن بحديقة الامة
بس يبقة كل واحد مسؤول عن نفسة!

حضرو لافتات بيهة دعم للمتظاهرين وخاصا اللي بالمطعم التركي ويم الجسر
حاولو تكتبون على الصداري همين
حضورنة هناك بصدارينة وبتنظيمنة صدك حيكون دعم قوي

ماوصيكم على يوم الخميس نريد حضور غير مسبق، و الي ميكدر يجي للتحرير مو اشكال خلي عالاقل يجي لإعتصام الكلية

تحضروااا

مساء الخير شباب التغيير🖤✌🏻
*الباجر ان شاءالله اعتصامنا يبدي ب٨ لل١٠ ونص نريد عدد اكبر وشعارات اكثر.

*ب١٠ ونص نتجمع بالسنتر نتوجه للباصات نروح للتحرير اليكدر يجي.

*التبرعات مستمرة مثل يوم الثلاثاء.


-مشي هواية هناك فلبسو احذية مريحة.
بالنسبة لليجون نريد تدزون اساميكم للممثلين لكروبات علمود نعرف عدد الباصات.

خلي ممثلكم يجيبلكم باصات اذا تريد تروحون

مرحلة 2

المطعم التركي