لايك ومتابعة

تظاهرات طلبة جامعة بغداد-الجادرية-داخل الحرم الجامعي

#اليوم🖤

هذا مو مجرد بيان،
هذا أكون أو لا أكون، يا طلاب بغداد كلها اقل من ٢٤ ساعة و تتوجه أنظار البلد إلكم، وقفتكم يوم الأحد حتمثل تجديد الولاء للوطن و حتمثل بداية النهاية لمهلة الناصرية. أحنا الطلاب أصحاب البدايات الناصعة و مثل ما بدينا الإنتفاضة براس مرفوع خلينا نكون رفعة راس إلهم و نثبت وحدة موقفنا وياهم، هذا الأحد هو اليوم الي حيوگف بيه ابن بغداد لإبن الناصرية و واسط و الديوانية والنجف و باقي المحافظات و يؤكد للعالم أن دم صفاء السراي، احمد المهنا و زهراء سلمان وشهدائنا الباقين يجري بعروقنا كلنا..

يوم الأحد مفترق طرق، لو تجي و تنصر أخوتك الي جايين علمودك من المحافظات حتى يوگفون گدام الوزارة إيدهم بإيدك لو لتشكي بعد من يضيعلك حق، كلنا نعرف أنه صوتنا صار مسموع و كلش اقتربنا من الحصول على حقوقنا و أكبر دليل أنه الوزير طلب لقائنا و أنتزعنا منه تعهد بإلغاء كل لجان الإنضباط الي صدرت و حتصدر بحق الطلاب الشجعان الي دعوا و شاركوا بالمظاهرات، بس هاهية؟ هذا مطلبنا الوحيد؟ لا! نريد اكثر، نستحق اكثر و حنحصل أكثر بوگفتنا

و كلنا ثقة بوعيكم و شجاعتكم و كلنا ثقة أنه حتكونون گد المسؤولية و حتجون و تهتفون بالهتاف الي أرعب الأحزاب
'ماكو وطن..ماكو دوام'
حتى نستمر بشل الحكومة لحين إلغاء التقويم و تسمية رئيس الوزراء المقبول شعبياً..
.
.
.
#ماكو_وطن_ماكو_دوام
#طلبة_بغداد
#الثورة_العراقية_الكبرى
#ثورة_اكتوبر
#المطعم_التركي
#جبل_احد

اذا جنت ثوري قافل من الاخير فاهلاً و سهلاً بيك و نتشرف بصمودك و بقائك ويانة لحد هاي اللحظة ..
و اذا جنت متطفل فضولي فاحفظ كرامتك و تفضل برة 😁

هذا الكلام يخص قناة الثورة مو عبالكم هاي القناة مال الدراسة😂😂

.
خطية هلسنة المرحلة 1 مفتهموا منها شيء 😂
يلا استراحة من السادس و ع وجهكم الخير صارت الثورة(مرحلة 2 مو تاخذون ع نفسكم بس نريد نواسيهم باي طريقة😂)
ان شاء الله تفض وتفرج ونرجع للدوام مرفوعين الراس ونحس قدمنا شيء كبير للوطن

#الوطن_محتاجنا🖤🇮🇶

طلاب جامعتنه الاعزاء والجامعات المبدو دوام

هاي الدووس ع اليوتيوب عن المصطلحات الطبيه فننصح انو تتعلموهه اذا ماعدكم شي هلفتره يوميه فديو مثلا هي سلسلة فوتولهه وحفظو وياها حتفيدكم كلش بحياتكم القادمه مادامكم هسه معطلين واصلا هلماده موجوده عدكم


https://youtu.be/04Wh2E9oNug.

الي يسقط بالثورة بسبب جانبها السلبي البسيط{1%}
بس شوفلي هاي الصورة ولو صدك عندك غيرة هسة تروح تنزل بساحات التظاهر وتبطل عن التسقيط باخوك العراقي الثوري واذا بعدك مصر تسقط ف تاكد انت ما عندك غيرة ولا ضمير

#نقطة_راس_سطر