ក្រុមហ៊ុន Codingate យើងខ្ញុំសូមថ្លែងអំណរគុណពីដល់ស្ថានីយទូរទស្សន៍ប៉ុស្តិ៍ CNC TV ដែលបានចុះមកផ្តិតយកសកម្មភាពនៃវគ្គការបណ្តុះបណ្តាលស្តីពី ការប្រើប្រាស់បញ្ញាសិប្បនិម្មិត (AI) GateMaster.ai ដែលជាបច្ចេកវិទ្យា Ai ដំបូងគេនៅកម្ពុជាសំរាប់ដំណោះស្រាយអាជីវកម្ម បង្កើតឡើងដោយក្រុមហ៊ុន Codingate Technology និងបង្ហាត់បង្ហាញបង្រៀនក្នុងការប្រើប្រាស់ដោយផ្ទាល់ពីលោកអគ្គនាយករបស់យើងលោក សុខ សុភមង្គល Sopheakmonkol Sok កាលពីថ្ងៃទី 20មិថុនា ម្សិលមិញនេះនៅអគារមជ្ឈមណ្ឌលអភិវឌ្បធុរកិច្ច ដែលសិក្ខាកាមចូលរួមជាង 200 នាក់មកអាជីវកម្មខុសៗគ្នា។

វគ្គបណ្តោះបណ្តាលនេះកើតឡើងបានតាមរយៈសហប្រតិបត្តិជាមួយ សភាពាណិជ្ជកម្មកម្ពុជា Cambodia Chamber of Commerce ដែលមានអ្នកឧកញ្ញ៉ា គិត ម៉េង Neak Oknha Kith Meng ជាប្រធានដែលលោកតែងតែផ្តួចផ្តើមគំនិតដ៏សំខាន់ក្នុងការលើកកំពស់ចំណេះដឹងផ្នែកគ្រប់គ្រងធុរកិច្ចសំរាប់សហគ្រាសធុនតូច និងមធ្យមនៅកម្ពុជា ដើរអោយទាន់សម័យកាលបច្ចេកវិទ្យាជឿនលឿន នៃបដិវត្តន៍ឧស្សាហកម្ម 4.0 រួមជាមួយមជ្ឈមណ្ឌលអភិវឌ្ឍធុរកិច្ច និងហិរញ្ញវត្ថុនៃ ក្រសួងសេដ្ឋកិច្ច និងហិរញ្ញវត្ថុ Ministry of Economy and Finance សមាគមសហគ្រិនវីម៉ូនៅកម្ពុជា VMOVE Cambodia។

ក្រុមហ៊ុន Codingate Technology ដែលមានលោកអគ្គនាយក សុខ សុភមង្គល Sopheakmonkol Sok ជាតំណាង មានសេចក្តីសោមនស្សរីករាយក្នុងការប្រកាសពីភាពជាដៃគូជាមួយនិងវិទ្យាស្ថានហិរញ្ញវត្ថុ និងគណនេយ្យ-IFA តំណាងដោយលោក ប៊ុន ស៊ុនតារ៉ុង និងអង្គការ Vision Development of Cambodia តំណាងដោយនាយកលោក ហែម សំអុល ដែលបានចុះអនុស្សរណៈនៃការយោគយល់និងចុះហត្ថលេខាជាផ្លូវការនៅព្រឹកថ្ងៃទី២៩ ខែមិថុនា ឆ្នាំ២០២៤។

តាមរយះអនុស្សរណៈយោគយល់មួយនេះ ក្រុមហ៊ុន Codingate យើងខ្ញុំនឹងផ្តល់ជូននូវការបណ្តុះបណ្តាលនូវចំណេះដឹងនិងការប្រើប្រាស់បច្ចេកវិទ្យាទំនើប AI - GateMaster.ai និង E-Commerce - GateCommerce Cambodia ដើម្បីពង្រឹងនូវសមត្ថភាពដល់និស្សិតទាំងអស់អោយកាន់តែមានសមត្ថភាពខ្ពស់ក្នុងទីផ្សារការងារឌីជីថលអោយសមស្រប និងទាន់សម័យកាលនៃភាពរីកចំរើននៃវិស័យបច្ចេកវិទ្យានាពេលបច្ចុប្បន្ន។