Танымал #YouTube блогерлары соңғы бірнеше айда жыл соңына қарай қаралым саны тым түсіп кеткені туралы айтып келеді. Шын мәнінде не болып жатқанын білуге #SocialBlade аналитикалық сервисі әрекет жасап көріпті. Олар аудиториясы 10 миллионнан жоғары ірі YouTube каналдарының статистикаларын жинап, шынымен де көрсеткіштер түсіп кеткенін анықтады. Ең төмен көрсеткіш шілде мен қыркүйек айларында болған, бұл уақытта видеороликтер қарау көрсеткіші 10%-ға дейін төмендеген.

Ең қызығы YouTube-нің бұл ізденіске жауабы "SocialBlade секілді сервистерге сенбеңдер, барлығы өтірік" деген секілді мағынада болған. Ал өз кезегінде SocialBlade де мәліметтерін YouTube-нің ресми арнайы сервистерінен алғанын айтуда. Әрине, мұнда кімдікі шындық екенін білу қиын.

Қаралым санының түсіп кетуінің тағы бір себебі хостингтің фейк қаралымдарды анықтай бастауы болуы мүмкін.

Apple компаниясында 2003 және 2010 жылдары аралығында жұмыс істеген инженер Терри Ламберт, алғашқы iPhone телефонын жасауға қалай қатысқаны туралы айтып берді.

Компанияның телефон жасау бойынша жұмыстары өте құпия түрде жүргізілген. Жай ғана жобаның лақап атауын білу үшін инженер алдымен жоба туралы мәлімет жарияламау туралы келісімшартқа қол қойған, тек одан кейін ғана жобаға қатысуға рұқсат беретін келісімшартқа отырған.

Мамандардың әр тобы үшін жобаның әр түрлі лақап аты болған. Инженерлер тобы жобаны бір атаумен атаса, бағдарламалаушылар басқа атаумен, ал негізінде барлығының жұмысы бір, алғашқы смартфон жасау. Яғни, инженерлер мен бағдарламалаушылар шын мәнінде не жасалып жатқаны туралы толыққанды мәліметке ие болмаған.

Терри Ламбертті Apple iOS операциялық жүйесінің бірінші нұсқасын ретке келтіру, дұрыстау мақсатында шақырған екен. Ол ешқашан iPhone прототипін немесе өзін көрмеген. Жұмыс кезінде ол телефонға арнайы терминал арқылы қосылған. Инженер тек ARM-процессеорда жұмыс жасайтын жүйе үстінде жұмыс жасалып жатқанын ғана білген. Терри жұмыс жасаған кезде жобаның лақап аты "Project Purple" болыпты.

#Apple #iPhone #iOS #ProjectPurple

https://www.quora.com/What-was-it-like-working-on-the-original-iPhone-project-codenamed-Project-Purple

Amazon өзінің патенттерімен таң қалдыруды қояр емес. Компания енді ұшып жүретін дирижабль қоймаларын патенттеуге сұраныс берген. Патент бойынша қойма-дирижабль 13 км-ге дейінгі биіктікте ұшып жүріп пайдаланушыларға дрондар арқылы тауарларын үйлеріне дейін жеткізіп береді. Әрине, мұндай әдістің қауіпсіздігі, қаншалықты шындыққа жақын екендігі туралы көп сұрақтар туындайды. Әйтсе де, кім біліпті ондаған жылдан соң ұшып жүрген дирижабльдерді де көріп қалуымыз мүмкін.


https://goo.gl/1GLPBr

Ақырғы кезде әлеуметтік желілер бір-бірінен көшіру арнасына түсіп кеткені байқалады: #Facebook танымал #Snapchat мүмкіндіктерін көшірсе, "#ВКонтакте" құрылуына негіз болған Facebook-тан көшіреді. Ешкімнің беті қызарып та жүрген жоқ.

Бүгін "ВКонтакте" Instagram Stories аналогы "История ВКонтакте" іске қосылғандығын жариялады. Бұл желінің арнайы бөліміне 12 секундтан ұзақ емес видеороликтер және суреттер салу мүмкіндігі. Яғни, олар лентада жарияланбайды. Ол жерге жүктелген видеолар және суреттер 24 сағат өткен соң жойылады.

Тура Instagram Stories секілді автор суретке және видеоға стикерлер мен мәтін қоса алады. Ал "История" пікірлеу үшін авторға жеке хат жазу керек. Басқаша айтқанда мүмкіндіктің барлығы толық көшірме.

Жаңа мүмкіндік iOS және Android мобильді бағдарламаларында қолжетімді: https://vk.com/blog/stories

Nvidia және Audi бірігіп 2020 жылға дейін толығымен автоматтандырылған жүргізушісіз машинаны таныстырмақ. Бірақ, машинаны қолмен жүргізу де мүмкін болады. Бірнеше жылдың ішінде мемлекеттердің жүргізушісіз машиналарға деген заңдары мен көзқарастары қалыптасып қалатыны сөзсіз. Сондықтан да болар, компаниялар уақытты құр жібермеу мақсатында қазірдің өзінде AI co-pilot жобасын ұсынды. Жоба бойынша жолдағы болуы мүмкін қауіп туралы ескертетін жүйе жасалады. Әрине, оны қазіргі машиналарға интеграциялау бойынша көптеген сұрақтар туындайды.


https://goo.gl/u6GU0g

#Redux жайлы қазақ тілінде бірінші мақала

Егер #React жайлы білсең, онда Redux жайлы естіген шығарсың. React-та ешқандай модель, шаблон, контроллер деп ажырататын концепт жоқ. Ол тек компонентті принцип бойынша жұмыс істейді. Бүкіл код html, css, js бір файлда сақталады, оның ішінде модель де бар. Мұндай концепттің артықшылығы Reactқа DOM-мен тез жұмыс істеуге мүмкіндік береді. Кемшілігі қиын компонент жазған кезде пайда болады...

http://codeo.kz/blog/JavaScript/389.html

10 жыл алдын, 2007 жылы 9 қаңтар күні Стив Джобс ең бірінші айфонды таныстырды. Бұл күнді бірнеше себептерге байланысты ескеруге болады. Смартфондар әлемді өзгертіп жіберді. Медиа саласында, адамдардың қарым-қатынасында. Селфилер, бір күнге ғана жететін қуат, миллиардтап түсірілетін суреттер, барлық кезде интернетке қосулы болу, жылдам мәлімет алмасу, барлығы смартфонсыз орындалуы қиын еді.

Механикалық батырмалы телефондар дәуірінде сенсорлы интерфейске өту батыл қадам. Ал енді көріп тұрғанымыздай он жылдың ішінде жағдай мүлдем керісінше, барлық телефондар дерлік сенсорлы.

https://goo.gl/ZmVWQn

#Atlassian компаниясы #Trello сервисін $425 миллионға сатып алды. Сатып алу процесстері осы жылдың 31 наурызына дейін аяқталуы тиіс. Пайдаланушылар үшін сервисте ешқандай өзгерістер болмайды. Компания сервистің қазіргі жағдайын, пайдаланушыларын осы күйде қалдырмақшы.

https://techcrunch.com/2017/01/09/atlassian-acquires-trello/?ncid=rss

#Facebook хабарлауынша #Whatsapp жаңа рекорд орнатты: бір күнде 63 млрд хат, оның ішінде 8 млрд сурет, 2.5 млрд видео. 14 млрды Үндістан пайдаланушыларына тиесілі.

#Whatsapp-та gif суреттер іздеу мүмкіндігі іске қосылып жатыр. Қазірше мүмкіндік бэта нұсқада бар, жалпы бұқараға жақын арада қолжетімді болады.

Сайт жасақтауда көптілдік көп қажеттілік етеді, әсересе біздің Қазақстанда. Сол көптілдік қасиетін сайтқа еңгізу жолдарыда көп. Осы мақалада Yii2 framework жасалған сайттың тілін қалай өзгертуге болатынын айтып өтпекшімін.

http://codeo.kz/blog/PHP/391.html

#Twitter құлдырауынан тағы бір жаңалық, компанияның қоластындағы #Fabric компаниясын #Google сатып алды. Fabric мобильді бағдарламалаушыларға құрал-жабдық жасаумен айналысады. Жасаған нәрселерінің ішінде #Crashlytics, #Answers, #Digits, #FastLane секілді құралдарды атап өтуге болады. Қазіргі кезде Fabric 2.5 миллион құрылғы мен 580 мың бағдарламалаушыға қызмет көрсетуде. Fabric компаниясы үшін шын мәнінде ештеңе өзгермейді. Google компанияны дәл қазіргі бағытта дамытуға ықпалды екенін атап өтті.


Бұған дейін Twitter Vine видесервисін жауып, 9% қызметкерлерін қысқартқан болатын. Компания барынша шығындарды азайтуға тырысуда.

https://techcrunch.com/2017/01/18/google-twitter-fabric/

Яндекс пернетақта қазақ тілін қосты. Пернетақтаның артықшылығы қазақ әріптері жеке батырмаларда.

https://play.google.com/store/apps/details?id=ru.yandex.androidkeyboard

#Yii2. Тіл қосу. 2-бөлім

Бүгін сайттағы сөздер мен сөйлемдерді басқа тілге қалай аударуға болатынын айтып өтпекшімін. Әңгімені көбейтпей іске кірісейік.

http://codeo.kz/blog/PHP/392.html

Google Android жүйесі нұсқаларының үлестерін көрсетті.

Android 7 Nougat нұсқасында құрылғылардың өте аз бөлігі 1,2% ғана жұмыс істейді. Құрылғылардың көп бөлігі әлі KitKat және одан жоғары нұсқаларда

Facebook ақыры "ұнамайды" батырмасын іске қосуды тестілеп жатыр. Бірақ, әрине, сіз күткен жерде емес. Тек қана жеке хаттарда. Енді жеке хаттарға, мақалаларға секілді әр түрлі emojii арқылы реакция білдіруге болады. Сол emojii-лардың ішінде "ұнамайды" батырмасы бар.

https://goo.gl/G0GDRK

#Google қауіпсіздік ақауын тапқандар үшін берілетін сыйақыны 50%-ға көтерді ал #Microsoft болса сыйақысын екі еселеді. Яғни, егер енді Microsoft өнімдерінен ақау тапсаңыз $15,000 орнына $30,000, ал Google өнімдерінен тапсаңыз $20,000 орнына $31,337 сыйақы аласыз.

Қауіпсіздік ақаулары үшін сыйақы төлеу соңғы жылдары ірі компанияларда өте кеңінен қолданылуда. Сәйкесінше мұндай науқандарға қатысатын хакерлер мен ізенімпаздардың саны да жылдан жылға артып келеді. Бірақ, әрине, кез-келген ақауға берілетін баға жоғарыдағыдай емес, әр ақау категорияға жатқызылып, қауіптілік деңгейіне қарай сыйақы беріледі.

https://goo.gl/9iwOrC

#Mozilla компаниясы #Firefox браузерінің 52-нұсқасын шығарды. Ең басты өзгеріс #WebAssembly бағдарламалау тілін қолдауы.

#WebAssembly (wasm) — төмен деңгейлі бағдарламалау тілі, соңғы онжылдықтағы веб-платформалардағы ең басты инновация болуы мүмкін. Бұл көптен бері JavaScript-ке жетпей жүрген нәрсе.

http://codeo.kz/blog/firefox/398.html