@simple_list_bot - қатысушылар тізімін жасауға мүмкіндік беретін #пайдалыбот

Мысалы, футбол ойнауға адам жинап жатырсыз, бот арқылы: "Сенбі күні футболға кім барады?" деген тізім жасап, группаға саласыз. Барғысы келетіндер "join" басып тізімге қосыла алады. Адам санына шектеу де қоя аласыз.

Айтпақшы, бұл бот #өзіміздіңөнім #қазақстандажасалған ;)

Яндекс 5 желтоқсан күні болатын презентацияға журналисттерге осындай хабарлама жіберіпті. Хабарлама телефонда жасалған скрин секілді, яғни, ақыры Яндекс өзінің телефонын көрсетуі мүмкін.

Видео және қарапайым қоңырау жасауға арналған Hangouts бағдарламасы жай пайдаланушылар үшін 2020 жылы жабылады. Сервис тек корпоративтік клиенттерге ашық қалады екен.

Google жобалар мазарына тағы бір сервисті қосып жатқаны өкінішті.

https://dev.by/news/google-offs-hangouts-allegedly

Тағы да бір #өзіміздіңөнім сериясынан. New Level of Communication компаниясы интерактив статустары бар мессенджердің бета нұсқасын жариялады. Мессенджер Typi Messenger деп аталады және whatsapp, telegram секілді мәтіндік хабар алмасу мүмкіндіктеріне ие. Оған қоса мессенджер сіздің не істеп жатқаныңызды автоматты түрде анықтауға әрекет жасап, достарыңызға көрсетіп тұрады. Ол не үшін керек? Мысалы, кез-келген жағдай сұрасу былай басталады:
- Не істеп жатырсың?
- Машинадамын кейін жазамын / Жай жатырмын / Түскі ас ішіп отырмын т.с.с.

Ал бұл бағдарламада осылай сұрап отыру қажеттілігі жоқ болып қалады. Бета нұсқада статус анықтау алгоритмі әзірше қарапайым, бірақ кейіннен машиналық оқу қосылатыны айдан анық. Орнатып, тексеріп көрсеңіздер болады, компания аты ағылшынша болғанымен Қазақстандық стартап және негізгі орталығы да Қазақстанда.

https://typi.team/m

Furhat Robotics деп аталатын швед компаниясы қызметкерлерді клиенттермен сөйлесу әдістеріне үйрететін арнайы робот жасағанын жариялады.

Роботтың тек кеудесі мен басы ғана бар. Оған әр түрлі парик және маска кигізу арқылы әр түрлі тұлғалар жасауға болады (ер кісі, әйел кісі, бала). Робот болса әр түрлі жағдайларды симуляция жасай алады: сөйлейді, тыңдайды және ең бастысы наразы клиентті көрсете алады. Соған қарап қызметкерлер өздерінің наразы клиенттермен жұмыс жасау тәжірибелерін шыңдай алады.

Бұл робот Қазақстандағы қай ұйымдарға қажет екенін іштей біліп тұрмыз ;)

https://www.youtube.com/watch?v=vqZgIOAW9bo

Flutter 1.0 жарыққа шықты. SDK әр түрлі мобильді платформаларға бағдарлама жазуға мүмкіндік береді. Негізгі бәсекелестері: React Native, Xamarin.

Бәсекелестерінен артықшылығы ретінде жылдамдығы айтылып жатыр. Әдетте кросплатформалы бағдарламалар жылдамдық жағынан баяу болады.

Бағдарламалау тілі Dart. Технология бірінші кезекте Google-нің жаңа Fuchsia операциялық жүйесімен қызық. Өйткені, жаңа операциялық жүйе Flutter-де жазылған бағдарламаларды нативті түрде қолдайтын болады.

https://www.youtube.com/watch?v=REJDzio_h7o

Telegram бір айдан соң инвесторларға TON (Telegram Open Network) блокчейн-платформасын көрсетеді. Платформа Gram криптовалютасына арналған. Компанияның айтуынша Николай Дуров командасы платформаны 90%-ға аяқтапты.

Бұл платформа туралы Павел Дуров былтыр жариялаған болатын. Содан бері мессенджер құнды қағаздарды жабық сату барысында $1,7 млрд инвестиция тартқан.

Xiaomi өзінің бүктелетін экранды смартфонын көрсетті. Бүктелген күйі телефон экраны онша үлкен емес, бірақ жайылған кезде экран диагоналы 7,3 дюйм (18,5 см) болады. Дисплейдің жиналып не ашылып тұрғанына байланысты бағдарламалар да көрсету режимін өзгертеді.

Samsung компаниясы да бүктелетін телефон көрсеткен болатын. Xiaomi телефонының айырмашылығы экран екі жерінен бүктеледі.

https://www.youtube.com/watch?v=ZIC40lBE8lA

Bing іздеу жүйесі Қытайда бұғатталды. Ол Қытайдағы ең соңғы шетелдің ірі іздеу жүйелердің соңғысы еді. Үкімет қойған барлық талаптарды орындағанына қарамай коммунисттік партия бәрібір қуып шықты. Енді бұғатталмаған тек орыс тілді "Яндекс" қана қалып отыр. Bing іздеу жүйесінің қолданылу үлесі 2% ғана еді. Мысалы, Baidu-да ол көрсеткіш 70%. Соған қарамай Қытайлықтарға бір нәрсе ұнамай қалған көрінеді.

Қытайда жалпы Google, Youtube, Twitter, Facebook секілді барлық дерлік ірі сайттар бұғатталған және олардың альтернатив нұсқалары қолданылады.

Цюкерберг Whatsapp, Facebook Messenger және Instagram сервистерінің бэкендін біріктіруді көздеп жатыр. Оған қоса барлық бағдарламалар хаттарды шифрлау мүмкіндігіне ие болады. Қазіргі бар мәліметтерге қарағанда жоба әлі бастапқы сатыда. Жобаны аяқтау осы жылдың соңына немесе 2020 жылға белгіленген. Пайдаланушыларға көрінетін ең басты өзгеріс әр түрлі сервисте отырған пайдаланушылар бір бірімен хат алмаса алуында болуы мүмкін.

Whatsapp және Instagram сервистерін сатып алған кезде Цюкерберг сервистер автономды түрде қалатынан және олардың ішкі қызметіне араласпайтынын айтқан болатын. Одан бері көп нәрсе өзгеріп екі бағдарлама да пайдаланушы саны жағынан өте кеңінен тарап кетті. Енді осындай әрекетпен Марк сервистерін ортақ инфраструктураға біріктермекші болып жатқан көрінеді (Google-нің стилі).

Твиттерді пайдаланушылар саны бізде өте аз. Дегенмен желі батыс елдерінде мәртебесін әлі де жоғалта қоймаған. Небір шенді де атақты адамдар "твиттеп" тұрады. Сондай твиттердің жақсыларын қазақшаға аударып жазып отыратын #пайдалыканал:

@greattweetskz

жазылып алыңыздар, сонда твиттердегі жаңалықтардан да хабардар болып жүресіздер :)

⚡️ Мына қысқа кодтың арқасында дәл қазір ВК қолданушыларың парақшасы шетінен тыпырлап взломаться етіліп қалды. "ВК-ның личкасында реклама пайда болыпты" деген жаңалықты өз лентаңызда көрсеңіз, ашып қарамаңыз. Ол - вирус

https://gist.github.com/thetrall/3768f22d0cc4d27085e4a38975a1bd33

Интернеттің 30 жылдығының құрметіне CERN ғылыми қызметкерлері ең алғашқы браузер WorldWideWeb-тің веб нұсқасын іске қосты. Бұл браузерді интернеттің атасы Тим Бернерс-Ли жасаған болатын.

Браузерде сілтемені ашу үшін тышқанмен екі рет шерту керек. Ал сайтты ашып көрмекші болсаңыз "Document -> Open from full document reference" деп барып сайт адресін енгізіңіз.

https://worldwideweb.cern.ch/

​​Мынадай Хромға арналған плагин шығыпты. Барлық жерде "Нұр-сұлтан" деген сөзді "Астана" деген сөзге ауыстырып отырады. Жаңа атауға қатты үйрене алмай жүрсеңіз дегенім ғой :)

Спорттық бағдарламалау бойынша ICPC 2019 әлем чемпионатында екінші жыл қатарынан Мәскеу мемлекеттік университетінің студенттері жеңіп шықты. Чемпион болған өткен жылғы құрам. Мұндай көрсеткіш чемпионат тарихында алғаш рет болып жатыр екен. Ойын ережесі бойынша финалда екі рет қана қатысуға болады, демек бұл жетістік қайталануы мүмкін, бірақ жаңартыла алмайды.

Жалпы ресейліктер сегізінші жыл қатарынан чемпион болды.

Журналист Eurasianet Джоанна Лиллис на Евразийском медиафоруме подняла вопрос систематических блокировок сети в Казахстане - стране с несвободной прессой, где Интернет под жестким контролем. Один из спикеров в ответ предложил пользоваться VPN'ом.

📹

Атам заманнан бері телеграм каналдарында комментарии деген ұғым жоқ.

Канал жүргізушілері оқырмандарымен сөйлесу үшін неше түрлі амалдар ойлап табатын. Біреуі личкаға жаз дейтін, біреуі бөлек чат жасап, сілтемесін каналға калдыратын, біреуі боттар арқылы сыртқы веб парақшада комментесетін.

Телеграм осыны түсіне отырып келесі функцияны адамдарға бейімдей жасапты. Енді каналға жеке чатты "официально" тіркеп қоюға болады. Егер телеграмды қазір обновить етсеңіздер, осы каналдың астыңғы оң бұрышында "discuss" деген батырма пайда болады. Оны бассаңыз каналдың чатына лақтырады. Чатта барлық каналдағы посттар автоматты түрде пайда болады. Ыңғайлы.

Одан бөлек @discussbot арқылы дәстүрлі түрде коммент қалдыруға болады. Осы пост астында comments деген кнопка шығу керек.

Сіздерге қайсысы ыңғайлы?

Қазақстандық ақпараттық қауіпсіздік бойынша маман Батыржан Тютеев @mailsearchbot деп аталатын ботты іске қосты. Бот ұрланған парольдер базасынан почтаңызды іздеп, парольдер тізімін шығарып бере алады. Осы арқылы бұрын соңды сіздің пароліңіз ұрланған ба жоқ па біле аласыз. Егер де тізімде актуал парольді көріп тұрған болсаңыз көп созбай парольдеріңізді ауыстыруды ұсынамыз

Қытай Синьзянь бекеті арқылы өтетін туристердің смартфонын арнайы қосымшасы арқылы тексерістен өткізіп жатыр. Қосымшаны кеден бақылаушылары орнатып, телефон ішіндегі барлық мәліметті сканерлеп, оларды тиісті мемлекеттік органдарға жібереді. Тексеріс көбінесе Орталық Азиядан баратын туристтерге бағытталған, атап айтқанда, Қырғызстаннан.

The New York Times хабарлауынша, "шпиондық" қосымша Android смартфондарына арналған. Ал, Iphone смартфоны болған жағдайда, оған арнаулы құрылғы жалғап тексереді. Айта кетейік, бұл утилита BXAQ немесе Feng chai деп аталады. Ол телефон ішіндегі барлық хаттар мен қоңыраулаурады, смартфон иесінің әлеуметтік желілердегі никнеймдерін, тіпті, күнтізбедегі сақталған жазбалардың барлығын көшіре алады. Жиналған мәліметтер арнаулы серверге жіберіледі.

Синьзяньдағы мұндай қатаң әрекеттер ислам дінін ұстанатындарға, әсіресе ұйғырларға қарсы бағытталған. Бұл аймақта 11 миллионнан астам мұсылмандар өмір сүргендіктен Қытай оларды барынша бақылауда ұстауға әрекет жасап жатыр.

​МАҚСАТЫМ - 600 ГРАНТТЫ ҮЛЕСТІРУ!

Обшым, былай...

Нұр-Сұлтанда жаңа университет ашылып жатыр. Astana IT University деп аталады.

Атынан белгілі болғандай, ақпараттық-коммуникациялық технологиялар бағытындағы қазіргі заман мамандықтарын оқытады:

- Computer Science
- Software Engineering
- Industrial Automation
- Big Data Analysis
- Media Technologies
- Cyber Security
- Telecommunication Systems
- IT Management

Бұл мамандықтарға түсу үшін IT Management бойынша ғана таңдау пәндері Математика, География болса, қалғанының барлығында Математика мен Физика болуы керек.

Мемлекет қазіргі таңда Astana IT University-ге өзгелерге ортақтаспайтын, жеке-дара 600 грант бөлді. Иә, бақандай 600 грант.

Сабақ толықтай ағылшын тілінде өтеді. Отандық ең үздік мамандармен қатар, негізінен шетелдік оқытушылар тәлім береді.

Құжат тапсыру маусым айынан басталып кетті. Қазіргі таңда қабылдау комиссиясы таңертең 9-дан кешкі 6-ға дейін үзіліссіз жұмыс істеп тұр.

Грантқа өтініш қабылдау шілденің 13-20 аралығында өтеді. Оған дейін құжаттарыңызды тапсырып кеткеніңіз әбден дұрыс. Кейін кезек күтіп отырмас үшін.

Оқуға яғни грантқа түсу үшін талап қандай?

Талап:

1) ҰБТдан мейлінше жоғары балл болу керек
2) IELTS 5.0 деңгейіндегі ағылшын тілі болуы керек немесе 11, 15, 17 шілде күндері болатын ағылшын тілінен емтихан тапсырып, 100 балдың кемінде 70 балын алсаңыз жетеді.

Қандай құжаттар тапсыру керек?

• Аттестат
• ҰБТ сертификаты
• 086-У меданықтама + флюра
• Жеке куәлік
• 3x4 6 фото
• IELTS 5.0 (TOEFL 510) \егер болса\

Жатақхана:

EXPO тұрғын-үйлері жатақхана ретінде беріледі. Бір студентке 25.000 теңге. Бір бөлмеде 2 адам жатады.

Ақылы оқимын десеңіз, жылына 2.000.000 теңге. (Аха, ап-арзан:))

Ал енді ең басты сұрақ:

ГРАНТҚА ТҮСУ ҮШІН ПРАХАДНОЙ БАЛЛ ҚАНША?

Қай университетке түсетін болсаңыз да ешкім сізге "проходной балдың" қанша екенін айта алмайды. Себебі, құжат қабылданып жатыр. Конкурс әлі өткен жоқ. Грант әлі иелеріне табысталған жоқ. Сондықтан, "осынша балмен грантқа өтесіз" деп ешкім, ешбір университет, ешбір қабылдау комиссиясы айта алмайды.

Яғни, барлық абитуриент бізге құжат тапсырып болған соң, грантқа конкурс болған кезде барып, ең төменгі ҰБТ көрсеткіші қандай болғанын айта аламыз. Оған дейін тек ҰБТ балының аздығы-көптігін ықтималдықпен ғана өлшейміз. Яғни, 100 балдан көп жинасаңыз, грантқа түсу ықтималдығыңыз өте жоғары. 80-90 айналасы болса, талаптанып көрсеңіз болады. Ал одан да төмендерге "бағыңызды сынап көріңіз, бірақ сізге ештеңе айта алмаймыз" дейміз.

Мекен-ж: Нұр-Сұлтан қаласы, Мәңгілік Ел даңғылы, 55 ғимарат, C4.3 блогы. Жалпақ тілмен айтқанда, ЭКСПО шарик пен Мега Силкуей арасындағы павильон.

Толық ақпарат үшін сайт: https://astanait.edu.kz