"Өтірік эпидемиясы"

Қазіргі кезде ватсап, инстаграм секілді желілерде өтірік мәліметтер таралуын ролик авторы Арман Сапиолда осылай атапты. Роликте мәліметтерді оңды-солды тарата бермей алдымен кішігірім фактчекинг жасау керектігі айтылған, көптеген мысалдар да келтірілген. Егер ватсапта пайдалы нәрсемен бөліскіңіз келсе, осы видеомен оңды-солды бөлісіңіз :)

https://www.youtube.com/watch?v=Liy7uiUF7SY

OpenSource әлемінің бір алыбы RedHat компаниясы IBM тарапынан сатып алынады. Сатып алу құны $34 млрд болып, IBM тарихындағы ең ірі сатып алу болмақ. Корпорация директоры Джин Рометтидің айтуы бойынша бұл IBM компаниясының гибридті бұлттық технологиялар нарығында лидер болуына септігін тигізбек.

RedHat барлық өнімдерін ашық код негізінде жасайтын комерциялық компания және OpenSource үшін үлесі көп. Сондықтан да бұл жаңалық RedHat фанаттарын ойландырып қойды. Көпшілік пікір білдірушілер бұрынғы Oracle компаниясының Sun компаниясын сатып алғанын еске алып жатыр.

https://www.businessinsider.com/ibm-is-reportedly-nearing-a-deal-to-acquire-redhat-the-software-company-valued-at-20-billion-2018-10

IBM мен RedHat туралы жаңалықта "гибридті бұлттық технологиялар" деген термин қолданылды. Біз мақалаларымызда осы секілді ағылшыншадан немесе орысшадан аударылған терминдер қолданып отырамыз. Бүгіннен бастап осындай терминдерге #анықтама хештегімен түсіндірмелер жарияланып отырады. Егер сізді қандай да бір термин қызықтырса ол туралы канал админіне жазуларыңызға болады.

Гибридті бұлттық технологияны айтпас бұрын "бұлттық технологиялар" не екенін айта кеткен дұрыс болар:

Бұлттық технологиялар - компьютерлік ресурстар пайдаланушыға онлайн сервис ретінде берілетін технологиялар. Ең басты артықшылығы - клиент инфраструктураға бас ауыртпайда. Жалпақ тілмен айтсақ, жалға берілетін, үлкен дата-центрдің құрамында болатын компьютерлер. Клиент компьютерді (ресурсты) жалға алады да, қашықтықтан қосылу арқылы қажетіне пайдалана береді. Әдетте мұндай сервистерде ақы сағат бойынша алынады. Яғни, тек кей кезде керек ресурстар үшін өте ыңғайлы.

Гибридті бұлттық технологиялар - ресурстардың бір бөлігі клиенттің өзінде болып, бір бөлік ресурстар бұлттық сервистерден алынады. Бұлттық технологиялар ыңғайлы болғанымен, кейбір компанияларға мәліметтерге қол жеткізуге жылдамдық маңызды немесе қауіпсіздік мәселесі үшін де олар кей мәліметтерді өз ресурстарында ұстайды. Ал қажет болып жатқан ресурстарды бұлттық сервистер арқылы пайдаланады, көбінесе компанияның жеке және бұлттық ресурстары бір жабық желіге біріктіріледі.

#анықтама

#SpotMini - төрт аяқты автономды көмекші робот. Жаппай өндіріс 2019 жылы басталады. Робот - жеткізіп беру, қарауылдық, үй шаруышалығында адамға көмектесу қызметтерін атқара алады. Қызметін атқаруға үстіндегі "қол" көмектеседі (иә, ол басы емес).

Telegra.ph Қазақстанда бұғатталды. АКМ айтуы бойынша, ресурста экстремисттік тақырыптағы материал табылыпты мыс.

Сайтқа кіріп жарнаманы жабу батырмасын басқанда басқа сайтқа лақтыратын кездері болды ма? Мұндай алдамшы жарнамалар кей сайттарда өте көп. Енді желтоқсан айында шығатын Chrome браузерінің 71 нұсқасы осындай алдамшы жарнамасы бар сайттағы барлық жарнаманы бұғаттайды. Ал сайт жасаушылар өз сайттарын Ad Experience Report деген құрал арқылы тексеріп көре алады.

Келесі жағдайларда жарнама алдамшы деп есептеледі:
- өтірік жабу батырмасы бар жарнама блоктары, батырманы басқан кезде басқа сілтеме немесе мүлдем басқа жарнама ашылуы мүмкін;
- пайдаланушына алдап шертуге мәжбүрлейтін жарнама, мысалы, жарнама кейбір формаларды көшіруі мүмкін, сіз оны толыру керек екен деп байқаусызда шертіп қаласыз;
- бағдарлама орнатуды ұсынатын жарнама блоктары;
- зиянды бағдарламаларды жарнамалайтын блоктар немесе сілтемелер.

Мұндай әдістер көбінесе фишинг шабуыл кезінде пайдаланылады.

https://blog.chromium.org/2018/11/further-protections-from-harmful-ad.html

Alibaba қоймасы. Роботтардың көптігінен кептелістер болып жатқаны көрініп тұр. Alibaba көптен бері роботтарды кеңінен пайдалануға әрекет жасап жатыр.

https://youtu.be/a1L2IXS9Pc4

@simple_list_bot - қатысушылар тізімін жасауға мүмкіндік беретін #пайдалыбот

Мысалы, футбол ойнауға адам жинап жатырсыз, бот арқылы: "Сенбі күні футболға кім барады?" деген тізім жасап, группаға саласыз. Барғысы келетіндер "join" басып тізімге қосыла алады. Адам санына шектеу де қоя аласыз.

Айтпақшы, бұл бот #өзіміздіңөнім #қазақстандажасалған ;)

Яндекс 5 желтоқсан күні болатын презентацияға журналисттерге осындай хабарлама жіберіпті. Хабарлама телефонда жасалған скрин секілді, яғни, ақыры Яндекс өзінің телефонын көрсетуі мүмкін.

Видео және қарапайым қоңырау жасауға арналған Hangouts бағдарламасы жай пайдаланушылар үшін 2020 жылы жабылады. Сервис тек корпоративтік клиенттерге ашық қалады екен.

Google жобалар мазарына тағы бір сервисті қосып жатқаны өкінішті.

https://dev.by/news/google-offs-hangouts-allegedly

Тағы да бір #өзіміздіңөнім сериясынан. New Level of Communication компаниясы интерактив статустары бар мессенджердің бета нұсқасын жариялады. Мессенджер Typi Messenger деп аталады және whatsapp, telegram секілді мәтіндік хабар алмасу мүмкіндіктеріне ие. Оған қоса мессенджер сіздің не істеп жатқаныңызды автоматты түрде анықтауға әрекет жасап, достарыңызға көрсетіп тұрады. Ол не үшін керек? Мысалы, кез-келген жағдай сұрасу былай басталады:
- Не істеп жатырсың?
- Машинадамын кейін жазамын / Жай жатырмын / Түскі ас ішіп отырмын т.с.с.

Ал бұл бағдарламада осылай сұрап отыру қажеттілігі жоқ болып қалады. Бета нұсқада статус анықтау алгоритмі әзірше қарапайым, бірақ кейіннен машиналық оқу қосылатыны айдан анық. Орнатып, тексеріп көрсеңіздер болады, компания аты ағылшынша болғанымен Қазақстандық стартап және негізгі орталығы да Қазақстанда.

https://typi.team/m

Furhat Robotics деп аталатын швед компаниясы қызметкерлерді клиенттермен сөйлесу әдістеріне үйрететін арнайы робот жасағанын жариялады.

Роботтың тек кеудесі мен басы ғана бар. Оған әр түрлі парик және маска кигізу арқылы әр түрлі тұлғалар жасауға болады (ер кісі, әйел кісі, бала). Робот болса әр түрлі жағдайларды симуляция жасай алады: сөйлейді, тыңдайды және ең бастысы наразы клиентті көрсете алады. Соған қарап қызметкерлер өздерінің наразы клиенттермен жұмыс жасау тәжірибелерін шыңдай алады.

Бұл робот Қазақстандағы қай ұйымдарға қажет екенін іштей біліп тұрмыз ;)

https://www.youtube.com/watch?v=vqZgIOAW9bo

Flutter 1.0 жарыққа шықты. SDK әр түрлі мобильді платформаларға бағдарлама жазуға мүмкіндік береді. Негізгі бәсекелестері: React Native, Xamarin.

Бәсекелестерінен артықшылығы ретінде жылдамдығы айтылып жатыр. Әдетте кросплатформалы бағдарламалар жылдамдық жағынан баяу болады.

Бағдарламалау тілі Dart. Технология бірінші кезекте Google-нің жаңа Fuchsia операциялық жүйесімен қызық. Өйткені, жаңа операциялық жүйе Flutter-де жазылған бағдарламаларды нативті түрде қолдайтын болады.

https://www.youtube.com/watch?v=REJDzio_h7o

Telegram бір айдан соң инвесторларға TON (Telegram Open Network) блокчейн-платформасын көрсетеді. Платформа Gram криптовалютасына арналған. Компанияның айтуынша Николай Дуров командасы платформаны 90%-ға аяқтапты.

Бұл платформа туралы Павел Дуров былтыр жариялаған болатын. Содан бері мессенджер құнды қағаздарды жабық сату барысында $1,7 млрд инвестиция тартқан.

Xiaomi өзінің бүктелетін экранды смартфонын көрсетті. Бүктелген күйі телефон экраны онша үлкен емес, бірақ жайылған кезде экран диагоналы 7,3 дюйм (18,5 см) болады. Дисплейдің жиналып не ашылып тұрғанына байланысты бағдарламалар да көрсету режимін өзгертеді.

Samsung компаниясы да бүктелетін телефон көрсеткен болатын. Xiaomi телефонының айырмашылығы экран екі жерінен бүктеледі.

https://www.youtube.com/watch?v=ZIC40lBE8lA

Bing іздеу жүйесі Қытайда бұғатталды. Ол Қытайдағы ең соңғы шетелдің ірі іздеу жүйелердің соңғысы еді. Үкімет қойған барлық талаптарды орындағанына қарамай коммунисттік партия бәрібір қуып шықты. Енді бұғатталмаған тек орыс тілді "Яндекс" қана қалып отыр. Bing іздеу жүйесінің қолданылу үлесі 2% ғана еді. Мысалы, Baidu-да ол көрсеткіш 70%. Соған қарамай Қытайлықтарға бір нәрсе ұнамай қалған көрінеді.

Қытайда жалпы Google, Youtube, Twitter, Facebook секілді барлық дерлік ірі сайттар бұғатталған және олардың альтернатив нұсқалары қолданылады.

Цюкерберг Whatsapp, Facebook Messenger және Instagram сервистерінің бэкендін біріктіруді көздеп жатыр. Оған қоса барлық бағдарламалар хаттарды шифрлау мүмкіндігіне ие болады. Қазіргі бар мәліметтерге қарағанда жоба әлі бастапқы сатыда. Жобаны аяқтау осы жылдың соңына немесе 2020 жылға белгіленген. Пайдаланушыларға көрінетін ең басты өзгеріс әр түрлі сервисте отырған пайдаланушылар бір бірімен хат алмаса алуында болуы мүмкін.

Whatsapp және Instagram сервистерін сатып алған кезде Цюкерберг сервистер автономды түрде қалатынан және олардың ішкі қызметіне араласпайтынын айтқан болатын. Одан бері көп нәрсе өзгеріп екі бағдарлама да пайдаланушы саны жағынан өте кеңінен тарап кетті. Енді осындай әрекетпен Марк сервистерін ортақ инфраструктураға біріктермекші болып жатқан көрінеді (Google-нің стилі).