​​Атышулы GetContact бағдарламасының ЦАРКА PUBLIC CHAT админы @b4tr жариялаған Telegram Bot түріндегі баламасы https://t.me/get_kontakt_bot.
Қазір тестілеу кезеңінде, аптаның соңына дейін қолжетімді

Соңғы кездері капитализациясы $1 трлнға жететін корпорация қайсы болатыны туралы көп сөз болған еді. Мәрені Apple алды

Тарихта алғаш рет капитализациясы $1 трлнға жеткен - Apple
👏👏👏

@SkeddyBot - көп нәрселерді ұмытпай уақытында ескертіп есіңізге сала алатын #пайдалыбот . Ботқа мәтін жазып уақытын белгілесеңіз бот сізге сол уақытта жазған хатыңызды қайта жібереді. Ал веб интерфейсінен күн сайын немесе кейбір күндері ғана қайталанатын күрделі ескертпелер жасай аласыз. Мысалы, пост авторы белгілі бір кітапты күн сайын оқуға ескертпе қойып қойған.

Google Drive пайдаланушылар саны бір миллиардқа жетті. Осылайша гуглдың миллиардтық өнімдер саны тағы біреуге көбейді: Gmail, Chrome, Google Maps, Youtube, Google Play, Android.

Өткен жылғы конференцияда Google Drive сервисінде 2 триллион файл және 800 млн белсенді пайдаланушылар бар екендігі туралы айтылған болатын. Бір жыл ішінде миллиардтық межеге жетіп үлгерді.

Жақында Starbucks-та кофені криптовалюта арқылы сатып ала аласыз. Ол үшін арнайы Bakkt деп аталатын жүйе жасалып жатыр. Сатып алу кезінде криптовалюта бірден долларға айналдырылады. Мамандардың айтуынша бұл қадам криптовалюта нарығына жағымды әсер етуі мүмкін.

https://kod.ru/starbucks-crypto-pay-bakkt/

Android операциялық жүйесінің 9-шы нұсқасы шықты. "Pie" деп аталатын бұл жүйе қазірше тек Pixel құрылғыларында қолжетімді.

Үнді бағдарламалаушысы Анимеш Карневар мәтін арқылы суреттелген адамның бетін салып бере алатын бағдарлама жазды. Кодты GitHub сайтында көре аласыз.

Ресейден тағы бір қызық жаңалық. «Центр исследований легитимности и политического протеста» деп аталатын ұйым телеграмдағы username (яғни @ белгісінен кейінгі атыңыз) арқылы адамның телефонын, аты-жөнін анықтай алатын сервис жасағанын жариялады. Олар оны "Криптоскан" деп атап, ФСБ-ға бермекші екен. Толық мәлімет әлде де жоқ, бірақ ұйымның айтуынша олар телеграм API ақауы арқылы сондай нәтижеге қол жеткізіпті.

Мұнда бірнеше түсініксіз жайт бар, егер ұйым оны ФСБ-ға бермекші болса неге көпшілікке жария еткені және телефон номер арқылы қандай үлкен нәтижеге қол жеткізгісі келгендіктері. Шын мәнінде ешқандай ақау болмай жай ғана ұйым басқа да дереккөздерден мәлімет жинаған болуы да мүмкін. Онда жиі username өзгерту олардың көздегеніне соққы болады.

Telegram айтуынша телефон номеріңіз тек контактіде бар адамдарға ғана көрінеді және күнделікті пайдалану кезінде өзіміз де оған көз жеткізіп жүрміз.

Microsoft өзінің су астындағы датацентрін кез-келген адам видеотранслация арқылы бақылай алатын мүмкіндік жасады. Трансляцияны https://natick.research.microsoft.com/ сайтынан (live cameras бөлімі) бақылай аласыз.

Естеріңізде болса Microsoft су астына датацентр орнату арқылы суыту мүмкіндіктерін тексеріп көріп жатыр, яғни теңіз суы табиғи кондиционер қызметін атқарады. Теория жүзінде мұндай әдіс энергияны едәуір үнемдеуге көмектесуі қажет. Ал практика жүзінде қалай болатыны енді ғана белгілі болады.

"Однаклассники" әлеуметтік желісі 100 адамға дейінгі топтық видеоқоңырау жасау мүмкіндігін іске қосты. Алғашқы екі адам арасындағы байланыс тікелей, серверсіз орнатылады. Ал одан соң әркім өз жағынан видеоқоңырауға адамдар қоса алады. Адамдар көбейген сайын арнайы ЖИ (жасанды интеллект) байланысты серверге ауыстыра бастайды.

Жаңа мүмкіндік iOS және Android жүйелерінде қолжетімді.

"Лабаротория Касперского" спам мен фишингтік хаттар тарататын алаяқтар әрекетін зерттеген есебін жариялады. Айтуларынша осы жылдың екінші тоқсандығында әлемдегі спам хаттар үлесі 50%-ға жеткен. Яғни, әлемдегі жіберілетін email хаттардың жартысы дерлік спам. Мұндай қоқысты негізгі таратушылар Қытай (14,36%), АҚШ (12,11%) және Германия (11,12%).

⚡️ Достар, бізде тағы бір жаңа прокси:
https://t.me/proxy?server=mtproto3.codeo.kz&port=9443&secret=06e11cbe76fa1fddb49ad9fb6c775336

Тек бұл жолы алдыңғы екі прокси өшіріледі. Пайдаланушылар саны көбеюіне байланысты жаңа серверге көшіп жатырмыз. Егер сіз қазір mtproto.codeo.kz:9443 немесе mtproto.codeo.kz:443 проксилерінің біріне қосылған болсаңыз жаңа серверге қосылып алыңыз.

Ескі проксилер 24 сағаттан соң өшіріледі.

Google компаниясы Android Pie 9 операциялық жүйесінің жеңілдетілген түрін шығарды. Go edition деп аталатын бұл жүйе бағасы 30 доллардан басталатын, қуаты және жады аз құрылғыларға арналған. Мысалы, Nokia N1, Doogee X50, Micromax Bharat Go телефондары сондай құрылғыларға жатады.

Android Go орынды азырақ қажет етеді, өйткені ондай құрылғыларда бос орын өте аз болады. Егер кәдімгі Android 8 Гб орыннан тек 2,5 Гб қана бос қалдырса, Go Edition нұсқасында 5,5 Гб орын бос қалады.

Оған қоса операциялық жүйеде гуглдың танымал қосымшаларының жеңілдетілген нұсқалары орнатылған: YouTube Go, Google Go, Maps Go, Files Go, Assistant Go, Android Messages.

https://www.blog.google/products/android/android-9-pie-go-edition-new-features-and-more-options-fall/

Android Go Edition орнатылатын құрылғылар

ЦАРКА еліміздегі нағыз ақпараттық қауіпсіздікпен айналысатын кемдеген ұйымдардың бірі. Өткен аптада олар "Документолог" құжат айналымы бағдарламасында қауіпті қаіпсіздік ақауы табылғандығы және ақауды пайдаланып кез-келген құжаттарды көре алу мүмкіндігі барлығын жариялаған болатын (қазіргі кезде жарияланым барлық жерде өзгертілген немесе өшірілген). Аталған жүйе еліміздің алдыңғы қатарлы жүйесі болғандықтан, ЦАРКА келесі компаниялардың ақпараттары қауіп астында қалғанын айтқан: "Самрук Казына, Самрук Энерго, Казатомпром, Холдинг Зерде, НИТ, Правительство для граждан, КаспийМунайГаз, Холдинг Байтерек, НАТР, Фонд Даму, НПП Атамекен, Жилстройсбербанк, Казахстанская ипотечная компания, Фонд Болашак, Фондовая биржа KASE, Казконтент, Холдинг Казагро, Экибастузская ГРЭС, Мойнакская ГЭС, Шардаринская ГЭС, Институт онкологии и радиологии, СПИД Центр и другие". Тізімді қарап отырып ақаудың қаншалықты қауіпті екенін түсінуге болады.

Кейіннен, бұл іс аздап резонанстық көрініс ала бастағанда ЦАРКА өз парақшасында Документологпен келісімсөздер жүргізіліп жатқанын айтып, ескі постты өшіріп тастады. Ал бүгін екі компания бірлесе отырып арадағы пайда болған келеңсіздіктерді жойғанын және оның ішінде ЦАРКА ақпарат тарату әдісіне байланысты Документолог компаниясынан кешірім сұрағанын жариялады. Ал ақау болса тез арада жөнделіп, енді жүйеге аудит іс-шаралары жүргізіліп жатыр екен.

Жақында Google бүкіл әлем бойынша жаңа Google One бұлттық қоймасын іске қосады (Google Drive секілді). Қазір жаңа сервис тек АҚШ-та ғана іске қосылған.

Google One тарифтері:
100 Гб - айына $1,99;
200 Гб - айына $2,99;
2 Тб - айыны $9,9.

Бұдан үлкен 10, 20 және 30 Тб тарифтер өзгеріссіз қалады. Егер бұған дейін Google Drive сервисінде ақылы орын сатып алған болсаңыз Google One қосылғанда автоматты түрде жаңа сервиске ауыстырылады.

Сервистің іске қосылғанын білу үшін https://one.google.com/getupdates сайтына жазылып қоюға болады.

@shtrafkzbot қарызыңыз (немесе біреудің қарызы) бар-жоқ екенін тексеруге арналған #пайдалыбот . Оған қоса сізге айыппұлдар/салық/өсімақы туралы ескертпелер жіберіп тұра алады. Ботқа кіріп ЖСН теріңіз, өзіңіз көресіз.

Толығырақ: https://telegra.ph/ShtrafKZBot-08-10

Mozilla бағдарламалаушылары жасаған Fuzzify.me браузер қосымшасы жарнаманың таргетинг механизмі қалай жұмыс жасайтынын түсінуге көмектесе алады. Қосымшаның "Неге маған осы жарнама көрсетілді" бөлімінде сізге жарнаманың не үшін көрсетілгені туралы түсініктеме көрсетіледі. Бірақ, қосымша дұрыс жұмыс жасай алуы үшін жарнама бұғаттағыштарын (AdBlock) өшіруіңіз қажет.

Қосымша Chrome және Firefox браузерлерінде жұмыс жасай алады.