Microsoft өзінің Шайендегі мәлімет-орталығы жел энергиясын пайдалануға ауысатынын хабарлады

Қазіргі кезде көптеген телекоммуникациялық компаниялар альтернативті энергия көздерін пайдалануға әрекет жасауда. Бұл жолы Microsoft өзінің Шайендегі (АҚШ, Вайоминг штаты) мәлімет-орталығын желэлектростанциясынан алынатын энергияны пайдалануға ауыстыруға шешім қабылдады.

http://codeo.kz/blog/microsoft/386.html

Facebook өзінің месенджерінің негізінде Instant Games платформасын іске қосып жатыр. Қазірдің өзінде 17 ойын бар: Pac-Man, Galaga, Space Invaders, Arkanoid, Everwing, Words With Friends және тағы басқалар. Ойындар HTML5 көмегімен жазылады. Ойындар мессенджердің веб нұсқасында да мобильді нұсқада да қолжетімді болмақ.

https://www.youtube.com/watch?v=WKQYMCLitV0

30 қараша - Халықаралық ақпарат қорғау күні.

Бүл күн жайдан жай таңдап алынбаған. 1988 жылы осы күні ең алғашқы кибершабуыл жасалған. Корнель университетінің (АҚШ) студенті Роберт Моррис (Robert Morris) жазған желілік құрттар осы күні ARPANET желісінің 6 мың торабын жұмыс істемейтіндей күйге әкелген болатын. Кейінірек бұл вирус "Моррис құрты" деген атау алды. Ал пайдаланушылар болса алғаш рет ақпараттарды қорғау туралы шындап ойлана бастады. Ақпаратты қорғаудың маңыздылығына назар аудару үшін есептеу техникасы ассоцияциясы (Association for Computing Machinery) Халықаралық ақпарат қорғау күнін белгіледі.

(иллюстрация securitylab.ru сайтынан алынды)

#YouTube Ресейдегі жұмысын тоқтатуы мүмкін

Егер Ресей мемлекеттік думасы онлайн-кинотеатрлар қызметін шектейтін заңды қабылдайтын болса YouTube Ресейден кетуіне тура келеді. Заң негізінен онлайн-кинотеатрларға бағытталғанымен, заң аясына YouTube-да кіріп кетеді. YouTube-да әуесқой және проффессионалдық видеоларды салу мүмкіндігі бар. Қазіргі кезде оларды бір-бірінен бөлу мүмкін емес. Сондықтан да YouTube Ресейде қалуы үшін өзгерістер енгізуі керек болады. Бірақ, YouTube қандай қадамға баратыны белгісіз, яғни, мүлдем Ресейдегі қызметін тоқтатуы мүмкін.

http://www.securitylab.ru/news/484602.php

Егер де Android жүйесінің пайдаланушысы болсаңыздар, сақ болыңыздар! Жаңа пайда болған вирус қазірдің өзінде 1 миллионнан аса құрылғыны бұзып үлгерген, күніне 13 мыңдай құрылғы осы вирус шабуылына жолығуда. Gooligan деп атау алған вирус құрылғыдан электронды почталарды және аутентификация маркерлерін ұрлауы мүмкін. Ал ол мәлімет арқылы Google аккаунтты бұза алады. Вирус негізінен ресми емес жерлерден бағдарлама орнатқанда пайда болады. Құрылғыңыз бұл вирустан таза екенін мына жерден тексеріп көре аласыздар:
https://gooligan.checkpoint.com/

GoPro $650 млн қаржыны үнемдеу мақсатында 200 жұмыс орнын босатады. Серіктестермен жұмыс жасап әр-түрлі қызықты контент түсіретін бөлімдердің барлықтары жабылады, өндіріс қысқартылып жұмысшылардың 15% босатылады. GoPro әкімшілігінің есептеуінше мұндай қадамдар компанияның 2017 жылды табыспен аяқтауына мүмкіндік береді.

Компания 2016 жылдың үшінші тоқсанын $104 млн шығынмен аяқтады (https://vc.ru/n/gopro-3q16), мысалы, 2015 жылы үшінші тоқсанын $18,8 млн пайдамен аяқтаған болатын. Онымен қоса қарашада сатуға шығарылған Karma дрондарын 16 күн өткен соң кері қайтарып (https://vc.ru/n/gopro-karma-recall) алды.

http://investor.gopro.com/press-releases/press-release-details/2016/Solid-Holiday-Demand-In-The-US-For-GoPro-HERO5/default.aspx

Amazon мәліметтер-орталықтарынан "бұлттарға" ақпарат таситын жүк көліктерін таныстырды. Сөйлем қаншалықты күлкілі көрінгенімен, ол шындық. AWS Snowmobile деп ат қойылған жоба бойынша мәлімет-орталықтары арасында 100 петабайт мәлімет таси алатын жүк көліктері шығарылмақ. Мәліметтер көліктің қорғалған кузовында (ұзындығы 13 метр, биіктігі 3 метр) сақталады. Көлік мәлімет-орталығына жаңа қатқыл диск ретінде қосылып, секундына бір терабит жылдамдықпен мәлімет көшіре алады.

Бір көліктің жұмыс жасауы үшін 350 кВт қуат керек. Қажет жағдайда, Amazon генераторлар және күзетшілермен қамтамасыз ете алады. Тапсырыс беруші бірден бірнеше көлік шақыра алады. Компания, жаңа қызмет кеңінен қолданылады деп күтуде, өйткені көптеген компаниялар Amazon Web Services бұлттарына өтуге ниет білдірген. Қызмет ақысы әлі айтылған жоқ, Amazon әр жағдайды жекелей бағалайтын көрінеді.

https://youtu.be/8vQmTZTq7nw

"ВКонтакте" өзінің мессенджерін бета-тестілеуді бастады. Әзірше клиенттері тек macOS және Windows жүйелері үшін бар. Қашан толығымен іске қосылатыны белгісіз: https://vk.com/messenger

Nokia 2017 жылы смартфондар нарығына Android-та жұмыс істейтін құрылғылармен қайта оралады. Ресми сайтта 2017 жылы таныстырылатын смартфондарға арнайы бөлім де ашылған http://www.nokia.com/en_int/phones. Құрылғыларды шығарумен HMD Global айналысады. Осы компания Microsoft-тан телефон шығаратын бөлім мен брендке құқықты сатып алған болатын.
https://vc.ru/n/nokia-android-smartphone-2017?from=rss

Trbble - алдымен музыканың ең жақсы жерін тыңдауға ұсынатын сервис. Сервис көмегімен музыканың кез-келген бөлігін ұнады деп көрсетіп оны бөлісуге болады.
https://goo.gl/946YxG

Алтыншы желтоқсаннан бастап Oculus Rift виртуалды шындық бас киіміне арналған Oculus Touch геймпадтары сатуға шығарылады. Бағасы - 200 доллар. Геймпадтар пайдаланушы қолының қимылдауын бақылауға арналған. Ол өз кезегінде виртуалды шындықта ойнау мүмкіндіктерін арттырады.

Сатудың басталуына байланысты компания геймпадты пайдаланып ойналған ойындар туралы видеороликтер шығарды:
https://youtu.be/yJWzngJ_DjE

Apple карталарын дрондар арқылы толықтырмақ. Apple карталары қазірдің өзінде жеткілікті дәрежеде сапалы, тек дрондар арқылы көптеген объектілердің орналасуы нақтыланады. Корпорация дрондарды пайдалану үшін АҚШ-тың азаматтық авиацияны басқару ұйымынан рұқсат алып үлгерген. Карталарды нақтылауда DJI, Aibotix және тағы да басқа компаниялардың дрондары пайдаланылады.
https://geektimes.ru/post/283304/

Бағдарламалау тілдері тарихы: Delphi - жай бағдарламалау тілі ғана емес

Delphi дегенде бірінші кезекте Borland фирмасы жасаған Object Pascal тілінің негізінде бағдарламалар жазатын орта елестейді. Ол тіл Turbo Pascal тілінің мұрагері, ал Turbo Pascal болса 1970 жылы Никлаус Вирт шығарған Pascal тілінен бастау алады.

#Delphi #TurboPascal #Pascal #Lazarus

http://codeo.kz/blog/delphi/388.html

Google компаниясы Chrome браузерінің жаңа нұсқасын шығарды. Бұл нұсқада оперативті жадты үнемді пайдалануға көп жұмыс жасалып, ендігі кезде жад пайдаланылуы 30%-ға қысқарған.

Мысалы, ауа-райы болжамдарының сайты Weather.com браузерде алдын 340 Мб жад пайдаланса, енді 250 Мб пайдаланады. Reddit.com сайтының басты беті 160 Мб-тан 110 Мб-қа дейін қысқарған.

https://geektimes.ru/post/283336/

"ВКонтакте" 16 желтоқсаннан бастап музыкаға API-ді толығымен жабады. Нәтижесінде, қазіргі кезде API арқылы музыканы іздеуге, тыңдауға көмектесетін бағдарламалар, сайттар жұмыс істеуін тоқтатады.

https://vc.ru/n/vk-music-noapi?from=rss

Microsoft, Twitter, Facebook және Youtube бірігіп террористтік контент мәліметтер қорын құрмақшы. Ірі желілердің пікірінше бұл террористтік әрекетке пропаганда жасау контенттерінің тез арада интернеттен жойылуына септігін тигізеді.

http://www.theverge.com/platform/amp/2016/12/5/13849570/facebook-microsoft-twitter-google-terrorist-content-database