#inDriver такси сервисі штаб квартирасын Якутиядан Нью-Йоркқа ауыстыруды жоспарлап жатыр. Негізгі мақсаттары АҚШ және Канада нарығына шығу. АҚШ-қа компанияның басқару өкілдері ауысады, ал программисттер және маркетологтар Якутия мен Мәскеуде қала бермек. Сервистің АҚШ-та қашан іске қосылатыны белгісіз, бірақ Нью-Йорктағы такси және лимузин жөніндегі комиссия сервиске лицензия берген. АҚШ-та сервистің негізгі бәсекелестері #Uber және #Lyft.

Тағы бір #пайдалыбот @KazPostBot.

Мүмкіндіктері:
- посылканың қайда жүргеніне қарап отыру;
- жол ережесін бұзғандағы айыппұлдарды біліп отыруға жазылу (егер айыппұл төлеуіңіз керек болса сізге хабарлама келеді);
- казпочтадағы валюта курсын біліп отыру;
- және казпочтадағы өзгерістер туралы жаңалықтар.

Embarcadero компаниясы #Delphi және C++ Builder бағдарламаларының Community Edition (тегін) нұсқасын ұсынды. Бұл нұсқа өзіне жұмыс жасайтын программисттерге, студенттерге, стартап және коммерциялық емес ұйымдарға арналған. Тегін қолдану талаптары:
- сіз өзіңізге жұмыс жасайтын программистсіз және жылына Delphi немесе C++ Builder арқылы жасалған бағдарлама сатудан 5000 доллардан аз пайда табасыз;
- сіздің компанияңыз табысы жылына 5000 доллардан аспайтын кішігірім компания (5 адамға дейін).
#ДелфиТірі

GitLab өз серверлерін Azure платформасынан Google Cloud-қа ауыстыруды жоспарлап жатыр. Ауысу бойынша жұмыстар жақын арада басталады. Негізгі себеп ретінде Google Cloud жетік дәрежеде kubernetus-ті қолдайтынын, ал Gitlab болашақ жоспарлары кубернетуспен байланысты екенін атап жатыр.

https://habr.com/post/417761/

@AndyRobot - ағылшын тілін үйрену үшін #пайдалыбот. Ботпен хат жазысуға болады, жазған сұрақтарыңызға жауап беріп, кей сөздердің толығырақ түсініктемесін жібере алады. Соңғы өзгерістерге сәйкес енді аудиожазба арқылы да жауап беру мүмкіндігіне ие.

Fuchsia OS гугл жасап жатқан жаңа операциялық жүйе. Басында тек IoT құрылғыларға арналған деп жарияланған операциялық жүйе Android-ты ауыстыруы мүмкін. Бұл Linux-қа негізделмеген мүлдем басқа жүйе. Бірақ қазірше ол туралы мәліметтер аз, интерфейс суреттері де жақында ғана пайда болды. Android киллер болуы мүмкін жүйе жақын арада оны ауыстыра алмайтыны түсінікті. Бірақ келесі онжылдықта операциялық жүйе нарығына енуі әбден мүмкін.

#пайдалыбот #жарнама

Әлеуметтік желіде "А точкасынан Б точкасына жол жүретін кім бар" деген іздеу посттарын көріп қаламыз. Алыс жермен зат алмасу әрқашанда әрбіріміздің қажеттілігіміз ғой. Бірақ почта тым баяу, ал курьерлік жеткізу кейде қымбат, кейде ол да баяу. Сол проблеманы шешуге әрекет жасайтын @QPostBot деген бот жасалып жатыр. А точкасын таңдайсыз, Б точкасын таңдайсыз, күтесіз. Ал зат тасушылар ақша да табуы мүмкін.

Автордың айтуынша қазірше бот 80-90% дайын екен. Жақын арады бітіремін дейді. Сәттілік!

Бот инструкциясы: http://telegra.ph/Instrukciya-po-botu-07-19
Боттың өзі: @QPostBot

Маңғыстауда қыркүйекте стартап-акселерация және коворкинг орталығы ашылады (Mangystau Startups Accelerator). Қазір жабдықтау жұмыстары қарқынды жүріп жатыр екен.

#ШынайыЦифрландыру

https://m.facebook.com/story.php?story_fbid=1626108094185581&id=100003592187700

Uber арқылы жол жүру саны 10 млрдтан асып түсті. Оның АҚШ-тағы басты бәсекелесі Lyft-та бұл көрсеткіш 500 млн.

Кітап оқырмандарына және кітап іздегендерге #пайдалыбот: @Qamba_bot. Қазақ тілді кітаптарды іздеуге арналған, флибуста секілді. Тек іздеген кезде кітап аты немесе авторын нақты көрсетуге тура келеді. Дегенмен, кітапты жүктеп алуға өте ыңғайлы.

⚡️⚡️⚡️ Telegram көптен күтілген Telegram Passport қызметін іске қосты:
- Сервистерге арналған ортақ авторизация жүйесі;
- Сіз енді бұлтқа Telegram документтер немесе жеке мәліметтеріңізді жүктей аласыз, олар шифрованиемен қорғалған болады және сіз ғана көре аласыз;
- Банк немесе ICO секілді сіздің құжаттарыңыз қажет етілетін жерлерге құжаттарыңызды жылдам бере аласыз;
- Telegram Passport қолданылу мысалын www.ePayments.com/tg сайтынан көре аласыздар, бұл Telegram Passport арқылы жасалған ең алғашқы электронды төлеу жүйесі.

Бұл аты шулы TON жүйесінің бір бөлігі. Телеграм өз финанс жүйесін құруға жақындап келеді.

Толығырақ:
https://telegram.org/blog/passport

Екінші кварталға қаржылық есеп беруден соң Facebook акциялар құны 20%-ға құлады. Екі сағат ішінде әлеуметтік желі $123 млрд жоғалтты, Цукерберг байлығы да $17 млрдқа азайған. Барлығына себеп Facebook осы тоқсандықта $13,3 пайда табады деп күтілген еді, ал шын мәнінде пайда $13,2 болыпты.

Маңғыстауда қазақ тіліндегі компьютерлік курстар.

Айына 35 мың теңгеден. Бос орын қалған курстар:
- Компьютерлік бағадарламалау - 6 айлық курс
- Мобильді қосымшаларды бағдарламалау - 6 айлық курс
- Веб бағдарламалау - 6 айлық курс
- Интерьер дизайн, CAD/3D - 3 айлық курс
- Графикалық дизайн - 4 айлық курс

Тіркелу формасы.

Толығырақ: https://www.facebook.com/umirbek.ok/posts/1633685436761180

Уатсапта енді топтық видеоқоңырау жасау мүмкіндігі бар. Бір қоңырауға 4 адамға дейін қатыса алады. Адамдарды қосу үшін видеоқоңырау экранындағы оң жақ үстіңгі бұрыштағы батырманы басу керек.

Барлық қоңыраулар шифрлаумен (қандай ұсқынсыз сөз) қорғалған.

Mail.Group холдингі Амиго браузерін жапты. Енді браузер жаңартылмайды. Холдинг браузердің сәтсіз шыққанын мойындады.

"Яндекс" сауалнамаларға арналған тегін Яндекс.Форма сервисін іске қосты. Пайдаланушылардың дауысы реттелген түрде келеді және нәтижені XLSX, CSV форматтарында жүктеп ала аласыз

https://yandex.ru/forms/mobile

@ImageUploadBot - суреттер сақтауға мүмкіндік беретін #пайдалыбот . Ботқа суретті жібересіз, ол сізге сілтеме береді. Сайттардағы мақалаларда немесе телеграм каналдарындағы мақалалар үшін қолдануға ыңғайлы.

Смартфон жеткізіп беру саны бойынша Apple үшінші орынға (41,3 млн) түсіп қалды. Екінші орынға Huawei шықты (54,2 млн). Ал бірінші орында бұрынғыдай Samsung - 71,5 млн.

⚡️ Whatsapp компаниялардан бизнес және сервис хаттар үшін ақша алатын болады (жарнамалар). Әр хат үшін тұрақты ақы алынады: 0.5 центтен 9 цент аралығында (мемлекетке байланысты).

Facebook мессенджерді сатып алғаннан бастап монетизациялау әдісін қарастырған еді. Міне енді алғашқы қадамдар басталды.

Бұған қоса енді Instagram және Facebook қосымшаларда пайдаланушы қанша уақыт жұмсап жатқаны туралы статистика көрсетіледі.

​​Атышулы GetContact бағдарламасының ЦАРКА PUBLIC CHAT админы @b4tr жариялаған Telegram Bot түріндегі баламасы https://t.me/get_kontakt_bot.
Қазір тестілеу кезеңінде, аптаның соңына дейін қолжетімді