Яндекс компаниясы "Яндекс.Телефон" смартфонын шығаруға рұқсат алды. Жақын арада Ресейлік смартфон көріп қалуымыз ықтимал. Қазірше компания ешқандай ресми мәлімдеме жасамады

Каналымызға енді жазылып жатқандарға ескертпе. Бізде тегін MTProto proxy бар. Бір сағатта телеграм бұғатталады, қосып дайын отырыңыздар ;)

Прокси қосу үшін сілтемені басыңыз: tg://proxy?server=mtproto2.codeo.kz&port=443&secret=f4521cef20860da00f11450df1b53f31

Германия соты алғаш рет facebook парақшасын мұра ретінде туыстарына қалдыруға болады деген шешім шығарды. Дүниеден көз жұмған қызының чаттағы хаттарын оқи алмаған ата-анасы көп жылдар бойы сергелденге салынған екен. Ал Facebook болса өзінің ережелеріне сүйеніп аккаунтты туыстарына беруден бас тартып келген. Енді сот парақшаны кәдімгі күнделік немесе жеке заттар секілді мұраға қалдыруға болады деген шешім шығарды.

Бұл практика басқа да мемлекеттерге тарауы ықтимал. Қазір фейсбук ережесі бойынша дүниеден өткен адамның парақшасын тек қана толықтай өшіруге немесе естеліктер жазатын мемориал етіп қоюға ғана болады.

Дереккөз.

YouTube фейк жаңалықтармен күресу үшін $25 млн жұмсамақшы. Қаржы жұмыс тобын құруға және медиаэксперттерді шақыруға жұмсалады. Маңызды өзгерістердің бірі жаңалық роликтары дереккөздердің көрсетілуіне міндеттеліп, тексеріліп отырады. Мысалы, роликтің қасында Wikipedia, Encyclopedia Britannica секілді танымал дереккөздерден мәліметтер көрсетілетін болады.

Соңғы алты жылда ПК нарығында (дербес компьютер нарығы) алғаш рет өсім байқалды. Бұл өсім көптеген корпорациялардың Windows 10-ға жаппай ауысуымен түсіндіріліпті. Яғни, алда нарықта бәрібір төмен түсу күтілуде. Соңғы жылдары ноутбук нарығына қарама-қарсы ПК нарығы үздіксіз төмен түсіп келеді.

Скайпта видео және аудио қоңырауларды жазып алу мүмкіндігі пайда болады. Жазу жүргізіліп жатқандығы туралы барлық конференция мүшелеріне ескертпе жіберіледі. Ал мәліметтерді кез-келген құрылғыдан жүктеп алу мүмкіншілігі бар. Бұл 15 жылда скайптағы ең ірі өзгерістердің бірі болса керек. Жаңа функцияны пайдаланушылар осы айдың соңынан бастап қолдана алады.

Беларусь Республикасында ИТ рота жасақталып жатыр. ИТ мамандарды әскерге шақыру осы жылдың қараша айынан басталады екен.

Әскери взвод бізде де құрылған екен.

"Взвод әскери басқару органдарына арнап қолданбалы және фундаменталды зерттеулер саласында ғылыми зерттеу және сынақ жүргізу мақсатында құрылған."

https://www.azattyq.org/a/29356447.html

Бұл кісі Джефф Безос, Amazon компаниясының негізін қалаушы. Ол жақында Forbes тізіміндегі байлығы $150 млрдтан асқан ең алғашқы адам атанды. Соңғы тоғыз айда $50 млрд долларға байыған.

Ал қазір $150 млрд алып келген бизнес былай басталған болатын...

Бүгіннен бастап #пайдалыбот айдарын бастаймыз. Аптасына екі боттан таныстырып отырамыз.

Ең бірінші болып тізімде - @EgovKzBot. Бот мүмкіншіліктері:
- Мекенжай анықтамасын алу;
- Медициналық ұйымдарға тіркелу;
- Сотты болғаны/болмағаны туралы анықтама алу;
және тағы да басқа қызметтер бар. Ең бастысы анықтамалардың барлығын телефон номері арқылы ала аласыз. Иә, ешқандй ЭЦҚ-сыз. Бір реттік құпия сөзбен. Өте ыңғайлы.

#телеграмбот #пайдалыбот

Жасанды интеллект туралы халықаралық конференцияда 160 компания өкілдері қару жасамау туралы келісімге қол қойды. Қол қойғандардың ішінде DeepMind компаниясының негізін қалағандар Демис Хассабис, Шейн Легг, Мустафа Сулейман және Tesla, Space X компанияларының басшысы Илон Маск бар. Мұндай келісімге келуге қоғамда ЖИ негізінде жасалатын қаруларға теріс көзқарас қалыптаса бастағаны болған. Мысалы, Google қазірдің өзінде Пентагон үшін ЖИ орнатылған дрондар жасаумен, Amazon адам түрін тани алатын технологияларды жасаумен, ал Microsoft АҚШ-тың кеден қызметіне бағдарламалық жабдықтар жасаумен айналысып жатыр.

Бірақ, келісімді көпшілік сақтай бермейтінін барлығымыз білеміз...

⚡️⚡️⚡️ Еурокомиссия Google компаниясына $5 млрд айыппұл салды

Комиссияның анықтауы бойынша Google смартфон шығарушылардан тек Google қосымшалары (браузер, гугл поиск) алдын ала орнатылып тұруын талап еткен. Бұл жағдайды Еурокомиссия мобильді операциялық жүйелер нарығындағы басымдығын теріс пайдалану деп тауыпты.

http://vc.ru/42121

Slack жұмыс процесстерін автоматизациялауға мүмкіндік беретін Missions бағдарламасын сатып алды. Бағдарлама Slack үшін жаңа функцияларды қосуды жылдамдатуға көмектеспек. Мысалы, оның көмегімен пайдаланушы бір батырма арқылы жұмыс іздеушінің резюмесін қабылдауы немесе кері қайтаруы мүмкін. Бұл Slack-тың үшінші құралды сатып алуы.

Қазіргі кезде Slack мессенджерінде 1,5 мың бот және қосымшалар, айына 8 млн белсенді пайдаланушылары бар.

Денис Тен... R.I.P.

Google Атлант мұхитының түбінен кабель өткізбекші. Бұл кабель АҚШ-тың шығыс бөлігіндегі кластерлерді Еуропамен жалғайтын болады. Суретте көрінгеніндей кабель жер астынан өткізіліп тек мұхиттың түбіне жетерде ғана жердің үстіне жатқызылады. Бұл жоба Google коммуникация инфраструктурасын кеңейтеді және компания осындай кеңейтілуге мұқтаж. Кейбір есептеулерге сәйкес интернет трафиктің 25% Google арқылы екен.

Инстаграм жазылушыларды өшіру мүмкіндігін тексеріп жатыр. Алдын мұндай мүмкіндікке тек аккаунты жабықтар ғана ие еді. Енді парақшаны өшірмей-ақ жазылушыларды тазалап алу мүмкін болады.

#inDriver такси сервисі штаб квартирасын Якутиядан Нью-Йоркқа ауыстыруды жоспарлап жатыр. Негізгі мақсаттары АҚШ және Канада нарығына шығу. АҚШ-қа компанияның басқару өкілдері ауысады, ал программисттер және маркетологтар Якутия мен Мәскеуде қала бермек. Сервистің АҚШ-та қашан іске қосылатыны белгісіз, бірақ Нью-Йорктағы такси және лимузин жөніндегі комиссия сервиске лицензия берген. АҚШ-та сервистің негізгі бәсекелестері #Uber және #Lyft.

Тағы бір #пайдалыбот @KazPostBot.

Мүмкіндіктері:
- посылканың қайда жүргеніне қарап отыру;
- жол ережесін бұзғандағы айыппұлдарды біліп отыруға жазылу (егер айыппұл төлеуіңіз керек болса сізге хабарлама келеді);
- казпочтадағы валюта курсын біліп отыру;
- және казпочтадағы өзгерістер туралы жаңалықтар.

Embarcadero компаниясы #Delphi және C++ Builder бағдарламаларының Community Edition (тегін) нұсқасын ұсынды. Бұл нұсқа өзіне жұмыс жасайтын программисттерге, студенттерге, стартап және коммерциялық емес ұйымдарға арналған. Тегін қолдану талаптары:
- сіз өзіңізге жұмыс жасайтын программистсіз және жылына Delphi немесе C++ Builder арқылы жасалған бағдарлама сатудан 5000 доллардан аз пайда табасыз;
- сіздің компанияңыз табысы жылына 5000 доллардан аспайтын кішігірім компания (5 адамға дейін).
#ДелфиТірі

GitLab өз серверлерін Azure платформасынан Google Cloud-қа ауыстыруды жоспарлап жатыр. Ауысу бойынша жұмыстар жақын арада басталады. Негізгі себеп ретінде Google Cloud жетік дәрежеде kubernetus-ті қолдайтынын, ал Gitlab болашақ жоспарлары кубернетуспен байланысты екенін атап жатыр.

https://habr.com/post/417761/