Қазақ тілінде IT тақырыбында пікірталас жүргізетін чат ашу туралы бірнеше ұсыныс түсіп еді. Соны енді келіп іске асырып жатырмыз. Енді @codeo_chat деп аталатын группамыз бар. Еркін тақырып, аса бір шектеу жоқ (балағат сөздерге де). Тек спам, жарнама, жеке басқа тиісу тиылады.

Жазармандар мен оқырмандарға welcome дейміз :)

http://t.me/codeo_chat

Алматыда Массачусетс технологиялық институты (МТИ) стандарты бойынша IT курстары өтеді
https://codeo.kz/blog/itnews/414.html

— Жобамыз биылғы жылдан бастап «Бәрібар» атауымен өзгертілді. Бұрын тек «Сұрақ-жауап» төңірегінде ғана болған болса, қазір сайтымыздың тақырыптық ауқымы кеңейіп, сапалы контент ұсынатын жобаға айналғандықтан, осындай атау бердік.

https://codeo.kz/blog/zhoba/416.html

Телеграмды Қазақстанда бұғаттау ешқандайда қисынға сыймайтындығын, ешкім оқымайтын бір топқа бола осындай мәлімет алмасу ортасынан бізді айыру дұрыс емес екентігін ЦАРКА жігіттері жай сөзбен емес арнайы анализбен көрсетіп беріпті.

https://www.facebook.com/cyberseckz/photos/a.1675790765981995.1073741828.1674347306126341/2135802059980861/?type=3&permPage=1

Роскомнадзор Таган аудандық сотынан Телеграм мессенджерін блоктауды бастауды талап етіп жатыр. Бұдан алдын сот процесстері жарты жылға дейін созылуы мүмкін екендігі және соған байланысты кем дегенде жарты жыл мессенджер Ресейде жұмысын жалғастыра беретіндігі айтылған болатын. Бірақ мына жаңалықтан соң мессенджер ертеңгі күні ақ бұғатталуы мүмкін.

Ресейдің Телеграмды бұғаттау әрекеті былтырғы жылдан басталған болатын. Сол кезде процесс Телеграм компаниясының реестрге тіркелуімен аяқталған. Биылғы процесс мессенджерден хаттарды дешифровка жасау кілттерін беруді талап етіп жатыр. Ал Дуров "қауіпсіздік" басты идеялары екенін айтып, бір байт болсын мәлімет бермейтіндігін айтқан. Оған қоса мессенджер мамандары да кілттерді беру мүмкін емес, біз ешқандай кілттерді серверде сақтамаймыз, барлығы клиент құрылғысында деп те түсіндіргісі келген. Бірақ, "роскомпозор" деген қосымша атаққа ие болған ұйым ештеңеге құлақ асар емес.

#telegram #роскомнадзор

Орынборда заңсыз жұмыс жасаған майнинг фермасы табылды. Тастап кетілген зауыт орнында жасалған бұл фермаға электр энергиясын пайдалу мөлшері 8 млн КВт/сағаттан асып кеткендіктен назар аударылған.

Фермадан 6000 дана техника табылған. Осыған дейін 60 млн рубль (~312 млн теңге) майнит етілген.

https://youtu.be/R8_V4t3mr6M

1956 жыл 5 Мб-тық диск (IBM 350 бірінші моделі)

Модель туралы толығырақ мына жерде оқуға болады https://www-03.ibm.com/ibm/history/exhibits/storage/storage_350.html

#ithistory

Ресейде Телеграмды блоктау бойынша сот отырысы Телеграм заңгерлерінсіз өтіп жатыр. Қазір Роскомнадзор да ФСБ-да Телеграмды кілттерін бермегендіктен бұғаттауды толық қолдайтынын білдіріп жатыр. Ал Телеграмның отырысқа шақыру таяп қалғанда жіберілгенін, заңгерлердің құжаттарды қарастыруға уақыты болмағандығын айтып берген өтініші де қанағаттандырылмады.

Бар жоғы 19 минут созылған супер жылдам сот. Судья жиналыс бөлмесіне ақылдасу үшін кіріп кетті. Аз уақытта шешім шығарылады. Қандай шешім шығатынында ешкімнің күмәні жоқ шығар. Ал мыңдаған жазылушысы бар Ресей каналдары бұғатталған күнде де жұмыс жасауға мүмкіндік беретін прокси баптауларын таратып жатыр.

Бізге де дайын болған артық етпес, сенімді проксилер туралы жеке пост болады.

❗️Сот шешім шығарды. Телеграм тез арада бұғатталуы керек, яғни ертеңнен бастап Ресейдегі телеграм пайдаланушыларында қиындықтар басталады.

Алдыңғы Татарстан туралы хабар фейк екен. Біреудің қалжыңы. Кешірім сұраймын.

Дуров Вконтакте желісінде Телеграм ешқандай қосымша заттарсыз бұғаттауды айналып өту мүмкіндіктерін іске қосады деп жариялады. 100% болмаса да бұғаттауға қарамай жұмыс жасай беруіне көмектеседі.

Енді Роскомнадзор мен Телеграм арасында мысық тышқан ойыны басталады. Телеграм Роскомнадзор бұғаттау тізімінде жоқ IP адрестерді қосумен, ал Роскомнадзор сол IP адрестерді тауып, бұғаттаумен болады. Сұрақ кім бірінші шаршап, берілетінінде. Әйткенде де мессенджердегі жиі үзілістер Телеграмның Ресейдегі пайдаланушылар санын түсіріп жіберетіндігі анық. Ал бұл оқиғадан Қазақстан қоланушыларына пайда, сол телеграмның кіріктірілген бұғаттауды айналып өту жүйесі болайын деп тұр.

❗️Басталды. Телеграм домендері Роскомнадзор реестріне ендірілді. Енді осы тізім бойынша провайдерлер бұғаттауды бастайды

Ресейде Дуров, батыста Марк Цюкерберг. 80 млн шақты фейсбук пайдаланушыларының мәліметі бөгде қолдарға тиіп, саяси анализ жасауға қолданылған. Яғни, Америкадағы президент сайлауына тікелей қатысы бар деген күдік бар. Сондықтан да болса керек бұл жолғы мәліметтер (бірінші рет емес және тек қана фейсбукте ғана емес) жайылып кетуі ерекше шулы болды. Шулы болғаны сонша Марк конгрестің алдында екі күн қатарынан 5 сағаттан сенаторлардың сұрағына жауап берді.

Қазірше Марктың жауабынан белгілі болған нәрселер:
1. Фейсбуктың ақылы нұсқасы пайда болуы мүмкін
2. Фейсбук осы жылдан бастап "трольдармен" күресті бастайды. Яғни, фейк жаңалықтар мен боттардан құтылу жолдарын іздейді
3. Әлеуметтік желіде терроризммен күресуге 200 шақты адам жұмыс жасайды, олардың саны жақын арада өсуі мүмкін

Басқа көп сұрақтар "дилетант", яғни, әлеуметтік желі мен интернет құрылымын онша түсіне бермейтін адамдардың сұрағы екені көрініп тұр. Бірақ, осы адамдар мемлекет деңгейінде заң шығаруы керек. Проблема сол баяғы ұрпақтар қайшылығына да тірелген сияқты.

#facebook
https://bit.ly/2Hlsf9W

Кешелі бері телеграм туралы көп айтып кеттік. Сол кезде бірнеше адам ол Ресейдегі жағдай ғой, бізге не қатысы бар деген еді. Дегенмен, кеше түнде Қазақстандағы пайдаланушыларда телеграм істемей қалып қайта қосылды. Не үшін екені түсініксіз. Ресейде еш болмаса бұғатталған ресурстардың реестрі бар. Өтірік болса да сот процессі жүргізіліп барып жабылады. Бізде ол да жоқ. Сондықтан төмендегі сілтемелерді басу арқылы телеграмға прокси баптап қоя аласыздар. Белгілі бір дәрежеде көмектеседі (Қазақстан проксилерді де блоктап бастағанша):

@socks5_bot
http://12345.opentg.us
http://Socks5.one

​​Samsung компаниясы интернетке қосылмайтын смартфон шығарды. Оқушылар және қарттарға арналған телефонның 8 мегапиксел негізгі және 5 мегапиксель алыңғы камерасы бар. Радио, оффлайн аудармашы, калькулятор, күнтізбе секілді бағдарламалар орнатылған. Телефон WI-FI желісіне қосыла алмайды және мобильді желі арқылы ешқандай мәлімет алмаса алмайды. Тек қана sms және телефон соғу.

Әзірше компания смартфонды Кореядан басқа елдерге сату ниеттері бар жоғын айтқан жоқ.

"Ұлттық", "біздің" деп жасалған жобаларға күмәнмен қараған дұрыс. Тек жергілікті жерде ғана пайдаланушы тапқысы келгендер көбінесе сапалы дүние жасай алмай жатады. Дәл сол секілді Қырымда жасалған өздерінің мессенджерлері (телеграмның альтернативасы ретінде) бар жоғы бірнеше минутта бұзылған. Ең қызығы бұзу үшін көп білім қажет емес, кішігірім скриптпен пайдаланушыға жіберілген кодты циклда теріп көре салсаң болды.

https://kod.ru/chitatiel-tj-protiestiroval-ghosudarstviennyi-miessiendzhier-iz-kryma-i-s-lioghkostiu-vzlomal-akkaunt/

Ресей интернеті есінен ауысып жатыр. Роскомнадзор Ресейді бүгін интернеттен үзіп тастауға бел буған көрінеді. Телеграм бұғаттауды айналып өту мақсатында прокси ретінде Амазон серверлерін пайдалана бастағандықтан Роскомнадзор Амазон адрестерін топ-тобымен блоктап жатыр. Қазірдің өзінде миллиондаған IP адрестер блокталған.

Егер Амазонда өте көптеген сервистер жұмыс жасайтындығын ескерсек Ресей тұрғындары тек Телеграм емес басқа да сервистерді аша алмай қалуы мүмкін.

Міне болашақ соғысы. Екі жақ та DDoS шабуылдармен алмасып жатыр. Кеше күшті DDoS шабуыл нәтижесінде Роскомнадзор сайты құлаған еді. Енді бүгін блоктауды айналуға мүмкіндікті беретін көптеген прокси сервистар DDoS шабуылға ұшырап жатыр. Бірақ ешкім ешкімді жариялы түрде кінәлап жатқан жоқ.

#telegram #роскомнадзор

​​Let's Encrypt сайттарға ssl сертификат беруші ретінде 52.21% үлеспен әлемде бірінші орында. Жобаның басты мақсаты интернетті барынша қауіпсіз етіп, https (ssl) протоколы кеңінен тарауына ықпал жасау болатын. Мына жаңалыққа қарасақ жоба өз мақсатына жақындап келеді.