تمنياتي بأسبوع عمل موفق لكم جميعاً

كالعادة نبدأ اسبوعنا بتلقي الاسئلة الخاصة بكم على الـ story من خلال الرابط: هنا

بانتظاركم 🙏🏻

#Laravel Tips

لما بدك تحدّث آلاف أو حتى ملايين السجلات، الأفضل إنك تقسم العملية على دفعات باستخدام وظائف مع طوابير (Queued Jobs). بهالطريقة، بتضمن إنو التطبيق يضل سريع وما يصير في ضغط أو قفل على قاعدة البيانات.

===================

Facebook | Linkedin |Instgram | Telegram | YouTube


أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

بإحدى زياراتك لمطعم مع أصدقائك كل واحد طلب صنف مختلف عن الآخر و النادل اللي كان عم يساعدكم جمع كل الطلبات من كل طاولة و راح على المطبخ عم يتاكد انه الطلبات كلها عم تنعمل وفق الطلب و عم يقدملكم ياها بالوقت المناسب.

النادل هون صار اسمه: مدير حالة او متل ما نحنا المبرمجين منعرفه بـ State Management خلوني اشرحلكم هاد المفهوم بشكل افضل

الطلبات اللي جمعها النادل هي "الحالة" (State):
قائمة الطلبات لكل طاولة (البيانات).

الأصدقاء اللي طلبوا الطعام يمثلون "الإجراءات" (Actions):
طلب كل شخص يؤدي إلى تحديث الحالة (إضافة أو تعديل طلب في القائمة).

النادل مسؤول عن إرسال الطلبات للطباخ (Updating the State):
يقوم بمعالجة الطلبات وتحديث الحالة بناءً عليها.

الطباخ (البرنامج) يعتمد على القائمة الحالية (Current State):
ليعرف شو لازم يطبخ.

عندما تنتهي الأطباق، يقوم النادل بتحديث الحالة في الواجهة (Re-rendering):
يعرض الطلبات النهائية على الطاولة.


بدون إدارة حالة جيدة:
النادل قد ينسى بعض الطلبات أو يخطئ في الطلب.
الطباخ قد يبدأ بتحضير وجبات غير مطلوبة.
طاولة الأصدقاء رح تصير فوضوية ولا واحد بيعرف شو عم يصير.

مع إدارة حالة جيدة:
الطلبات منظمة في مكان مركزي.
النادل والطباخ يتبعان دورة واضحة ومنظمة.
الجميع يحصل على طعامه بطريقة صحيحة وسلسة.


إدارة الحالة في البرمجة تشبه هذا النادل تمامًا. عندما تكون الحالة موزعة بين المكونات (أو الطاولات)، فإن وجود نظام مركزي مثل Redux أو Bloc بيساعدنا على الحفاظ على كل شيء تحت السيطرة.

خبرني كيف خبراتك مع الـ State Management و كنت فهمانها قبل هاد البوست ؟؟؟

===================

Facebook | Linkedin |Instgram | Telegram | YouTube


أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

راجعين بحلقة Podcast جديدة و موضوع طال انتظاره منكم و كالعادة رح تكون حلقة مليئة بالمعلومات و الحقائق

لا تنسوا تشتركوا بقناة اليوتيوب:
https://www.youtube.com/@CodeWithSomar

حتى تشوفوا الحلقات الماضية و يوصلكم اشعار بالحلقات الجاية 🙏🏻

بما أن 2024 كانت سنة Docker و DevOps بالنسبة لي، حابب أشارككم شوية نصائح وتجارب شخصية لتبسيط وتحسين شغلكم باستخدام Docker:

1️⃣ استخدام Alpine Linux كـ Base Image
لتقليل حجم الـ image بشكل كبير.

2️⃣ لا تنسى .dockerignore
لتجنب إضافة الملفات غير المهمة.

3️⃣ اعتمد Multi-Stage Builds
افصل عملية الـ Build عن الـ Run لتقليل حجم الـ Image النهائية وجعلها أكثر نظافة.

4️⃣ فعّل Docker Build Cache
لتحسين سرعة البناء وتجنب إعادة العمليات المكررة.

5️⃣ تنظيف الصور والحاويات الغير مستخدمة
لإدارة المشاريع الكبيرة بشكل أفضل.

6️⃣ حدد موارد الحاويات
لتجنب استهلاك الموارد بشكل زائد.

7️⃣ استخدام Docker Health Check
لضمان عمل الخدمات وتتبع صحة الحاويات.

8️⃣ أضف توثيق للـ Image باستخدام LABEL
لتسهيل التعرف على الصور وإدارتها.

باستخدام هي النصائح فعالية عملك بالـ Docker رح تتحسن و النتائج حتكون افضل، بتعرف نصائح إضافية شاركنا فيها بالتعليقات

===================

Facebook | Linkedin |Instgram | Telegram | YouTube

أنا Somar Kesen أعمل كـ Full Stack Developer أنشر منشورات تحتوي على العديد من المعلومات عن تطوير البرمجيات

شو يعني Caching؟ 🤔

ببساطة، Caching هي عملية تخزين نسخة من الملفات أو البيانات تبع التطبيق أو الموقع بحيث المستخدم يقدر يوصلها بشكل أسرع، وهاد بيعتبر من أهم الطرق اللي بنستخدمها لتحسين أداء التطبيقات والمواقع. 🌐

طيب شو أنواع Caching وكيف بيشتغل؟ خلونا نفصل أكتر:

1. Browser Caching
هون الفكرة إنو المتصفح عند المستخدم بيخزن نسخة من الملفات تبع التطبيق (مثل الصور، الأكواد، أو البيانات) ليقدر يفتح الموقع أسرع لما يرجع يزوره. في عدة تقنيات لهذا النوع، مثل:

Service Worker Cache: تخزين البيانات لتطبيقات الويب التفاعلية.
Back-Forward Cache: تسريع التنقل بين الصفحات اللي زارها المستخدم.
Cache Storage API: طريقة متقدمة للتعامل مع الكاش بشكل مباشر.
2. CDN Caching
هون بيجي دور شبكات توزيع المحتوى (Content Delivery Networks). الفكرة إنو الملفات تبع التطبيق بتتخزن على سيرفرات موزعة حول العالم، ولما المستخدم يطلب البيانات، بيخدموه من أقرب سيرفر إلو جغرافيًا. هاد الشي بيساعد بتقليل وقت التحميل وتحسين التجربة للمستخدم.

3. Application Caching
هاد النوع بيشتغل ضمن التطبيق نفسه. بنخزن بيانات معينة داخل التطبيق مثل بيانات المستخدم أو معلومات بتحتاجها الصفحات بشكل متكرر. مثال: لما نخزن معلومات المستخدم (User Info) بدل ما نطلبها كل مرة من السيرفر.

Caching مو بس بيساعد بتحسين الأداء، كمان بيوفر موارد السيرفر وبيحسن تجربة المستخدم بشكل ملحوظ. فدائمًا خلي الكاش ضمن خططك إذا بدك تطبيق سريع وفعّال! 🚀

===================

Facebook | Linkedin |Instgram | Telegram | YouTube


أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

تحذير أمني مهم حول Apache Tomcat

Apache Tomcat هو خادم ويب مفتوح المصدر مخصص لتشغيل تطبيقات الويب المكتوبة بلغة Java. بيستخدموه المطورين لتشغيل التطبيقات الديناميكية اللي بتعتمد على Servlets وJSP (JavaServer Pages).

إذا كنت مشغّل Tomcat على نظام ملفات غير حساس لحالة الأحرف (Case Insensitive) وعدّلت إعداد readonly الافتراضي للـ servlet بحيث صار false بدل true، ممكن تكون معرض لهجوم خطر يسمح للهاكرز ينفذوا أوامر مباشرة على السيرفر (RCE).

الإصدارات المتأثرة:
Tomcat 11: من الإصدار 11.0.0-M1 لـ 11.0.1.
Tomcat 10: من الإصدار 10.1.0-M1 لـ 10.1.33.
Tomcat 9: من الإصدار 9.0.0-M1 لـ 9.0.97.
الحل موجود في الإصدارات:

Tomcat 11.0.2 وما فوق.
Tomcat 10.1.34 وما فوق.
Tomcat 9.0.98 وما فوق.

شو لازم تعمل؟ 🔧
الخيار الأفضل: تحديث Tomcat

حدّث لإصدار آمن حسب الإصدار اللي عندك.
إذا التحديث مو خيار:

عدّل خاصية النظام sun.io.useCanonCaches بناءً على إصدار Java يلي عم تستخدمه:
Java 8 أو Java 11:
حط الخاصية على false (لأن الافتراضي هو true).
Java 17:
إذا الخاصية موجودة، لازم تكون false.
Java 21 وما فوق:
ما في داعي لأي تعديل لأن المشكلة انحلت.


ملاحظات:
الإعداد الافتراضي للـ readonly هو true، فإذا ما عدّلت عليه، غالباً ما في داعي للقلق.
بس إذا كان الإعداد false، فالنظام معرض للاستغلال.
🚨 لازم تتحرك بسرعة لتحمي السيرفر تبعك! 🚨

🎙 حلقة جديدة من Podcast with Somar!

هالمرة راجعين بموضوع كتيييير طلبتوه وانتظرتوه: الأمن السيبراني! 🔐💻

ضيفنا المميز لهالحلقة: المهندس علي سلمان
بخبرة تمتد لأكثر من 7 سنوات في مجال الأمن السيبراني وأمن المعلومات، محلل أمني وسابقًا مدير تطوير تقني، علي رح يشاركنا رؤيته حول:
🔸 أهم التحديات في مجال الأمن السيبراني وكيفية التصدي لها.
🔸 نصائح ذهبية لحماية الشركات من الهجمات السيبرانية.
🔸 دور التحول الرقمي في تعزيز أمن المعلومات.
🔸 مسيرته الشخصية وكيف وصل إلى الريادة في هذا المجال.

✨ إذا كنت مهتم بعالم الأمن السيبراني أو حابب تتعمق فيه، هالحلقة ما بتتفوت!

📅 الإثنين 6-1-2025
🕘 الساعة 9 مساءً بتوقيت سوريا
📍 على قناتنا في [Telegram] ويوتيوب.

جهزوا أسئلتكم، وخلونا نستفيد كلنا من خبرة علي! 🚀

لا تنسوا تشتركوا بقناة الـ YouTube حتى يوصلكم الاشعار و تشوفوا الحلقة مسجلة

أصدقائي الاعزاء تمنياتي لكم ببداية اسبوع عمل موفقة لكم جميعاً

كما هي العادة نبدأ اسبوعنا بفقرة سؤال و جواب على الـ story في حسابي على instgram من هنا

🙏🏻❤️

💡 نصيحة سريعة في Laravel: في حال كان عنا جدولين مرتبطين ببعض مثلا users , orders
وبدي احدث وأقدم order للمستخدم كيف فيني جيبهم بأفضل طريقة..

باختصار فينا نستفاد من ال Eloquent Relationships اللي بتقدمهم laravel بكل سهولة 🚀

🔹 مثال عملي: إذا كان لدينا نموذجين: User و Order، بحيث بيملك كل مستخدم العديد من الطلبات.
لحتى نجيب أحدث طلب واقدم طلب :
في User Model منكتب العلاقات التالية الموضحة في الصورة

شكراً للصديق أيهم إبراهيم على المساهمة في هذا المحتوى 🙏🏻❤️

Laravel #PHP #WebDevelopment #CodingTips #Eloquent #ORM #Programming

شاركونا حساباتكم على Linkedin مع لمحة عنكم و عن خبراتكم حتى نساوي Connection لبعض.

رابط حسابي: هنا

🐋 Docker مكتوب بـ Go
☸️ Kubernetes مكتوب بـ Go
🛠 Terraform مكتوب بـ Go
📈 Prometheus مكتوب بـ Go
📊 Grafana مكتوب بـ TypeScript
⚙️ Jenkins مكتوب بـ Java
🐍 Ansible مكتوب بـ Python
🍴 Chef مكتوب بـ Ruby
🎭 Puppet مكتوب بـ Ruby
🔍 ELK Stack (Elasticsearch, Logstash, Kibana) مكتوب بـ Java و Ruby
📟 Nagios مكتوب بـ C
💾 Splunk مكتوب بـ C++
☁️ AWS CLI مكتوب بـ Python
🔵 Azure CLI مكتوب بـ Python
🦊 GitLab مكتوب بـ Ruby و Go
🔄 CircleCI مكتوب بـ Clojure
🔐 HashiCorp Vault مكتوب بـ Go
🚀 ArgoCD مكتوب بـ Go
🛡 Istio مكتوب بـ Go

يعني كل هالأدوات يلي بتحرك عالم DevOps مبنية بلغات مثل Go، Python، Ruby، و Java.

ما صار وقت تضيف Go لخططك لسنة 2025؟ 👌

بآخر تحديث لـ Laravel (الإصدار 11.35.0)، صار فينا نستخدم when و unless مع الـ Request اللي بتسمحلنا نكتب Logic شرطي بطريقة مرتبة و واضحة اكتر و بتخلصنا من وجع راس الـ If Condetions الطويلة.

طيب شو الفرق بين when() و unless()؟

✅ كود أوضح: وداعًا للـ if-else الطويلة والمعقدة.
✅ تنفيذ مباشر: العمليات الشرطية بتصير داخل الطلب بشكل بسيط.
✅ مرونة أكتر: بتقدر تتعامل مع أكتر من شرط بسهولة.
✅ صيانة أسهل: لو بدك تعدل أو تطور المنطق بالمستقبل، ما راح تواجه صعوبة.

الطريقتين ليسوا مجرد تحسين شكلي إنما أدوات مساعدة لكتابة كود نظيف و مرتب أكثر بوقت أقل.

جربت تستخدم when() و unless() من قبل؟ شاركنا تجربتك بالكومنتات! 👇

كونوا جاهزين لنعمل meeting قادم على شكل Live session نحكي فيه عن اسئلتكم اللي عم توصلني و ندردش سوا عن البرمجة و سوق العمل و غيره.

سابقاً ساويناها مرتين و رح نساويها خلال الايام القادمة لتكون الـ 3 معنا:
https://youtu.be/dq3sjF9r8UI
https://youtu.be/aPzsusaTcQo

جاوبنا فيها على كتير اسئلة و حكينا فيها عن كتير امور و قضايا.

لهيك لا تنسوا تشاركوا قناتي على تليغرام مع أصدقائكم و تشتركوا بالقناة على الـ YouTube ليوصلكم كل جديد 🔥

سنة سعيدة الكم جميعاً

كتير منسمع عن مصطلح الـ Self-Relationships و اليوم جاي احكيلك عن هاد المفهوم

شو يعني Self-Relationships بالاول؟
الـ Self-Relationships بتعني لما يكون عندك Object لازم يرتبط بـ Object تاني من نفس النوع مثلاً:

الموظفين والمدراء، حيث الموظف عنده مدير، والمدير كمان هو موظف.
التصنيفات والفئات الفرعية، مثل "برمجة" اللي ممكن تحتوي على "تطوير ويب" و"علم البيانات".
شبكات التواصل الاجتماعي، لما المستخدم يكون عنده أصدقاء (اللي هني كمان مستخدمين).

ليش منحتاج الـ Self-Relationships ؟
اهم ميزة فيها انها بتحل مشاكل هيكلية كتيرة مثل:
الهيكل التنظيمي للشركات: لمّا الموظفين يكونوا تابعين لمدراء ضمن نفس الهيكل.
التصنيفات والفئات الفرعية: لتنظيم المنتجات أو المواضيع بشكل هرمي.
الصداقة في الشبكات الاجتماعية: لإنشاء علاقات متبادلة بين المستخدمين.


و هيك لما تنسال بمقابلة العمل عن الـ Self-Relationships صرت بتعرف تشرح عنها و هلا خبرني اشتغلت فيها بمشاريعك سابقاً؟

مشكلة و حل :

أنت عم تبني تطبيق لإدارة المهام، وعم تضيف جدول لتخزين المهام المشتركة بين المستخدمين.

كل شي واضح وبسيط، وعرفت العلاقة بين المهام والمستخدمين في الـ Model الخاص بـ SharedTask، و بتتوقع أنه يرجع لك بيانات المستخدم المدعو بشكل Object.

لكن بدل ما ترجع العلاقة Object المستخدم (User)، بيرجعلك رقم فقط من الجدول، وإذا حاولت الوصول لأي prorite مثل $sharedTask->invitee->id، بتظهر رسالة خطأ مثل:
"Attempt to read property 'id' on int"

شو سبب هي المشكلة طيب؟

Laravel بيختار الأعمدة اللي بتتطابق أسماؤها مع أسماء العلاقات قبل ما يرجع العلاقة نفسها.
بمعنى، إذا عندك عمود اسمه invitee، وعلاقة بنفس الاسم، Laravel بيفترض إنك بدك العمود مش العلاقة.

اوك و الحل؟
الحل بسيط جدًا: غير اسم العلاقة لتجنب هذا التضارب.
بدل ما تكون العلاقة اسمها invitee (مثل العمود)، غيرها لشي واضح أكتر، مثل: inviteeUser.

هلا لما تستدعي العلاقة باستخدام $sharedTask->inviteeUser، Laravel رح يفهم إنك تقصد العلاقة ويعيد كائن المستخدم بالشكل الصحيح.

و خلي ببالك دوماً انه اسم العلاقة يكون مختلف عن اسم اي عمود بنفس الجدول

هي الأخطاء الصغيرة ممكن تضيع وقت كبير إذا ما عرفت السبب، بس الحل عادةً بيكون بسيط.

إذا مر عليك خطأ مشابه، شاركنا تجربتك وكيف حلّيته! 👇

ختمنا سنة 2024 بـ 800 مشترك على قناة الـ YouTube و أتمنى من سنة 2025 نختمها بأكبر من هالرقم بكتير

من أهم أهدافي للسنة الجديدة هو زيادة انتاجي للمحتوى على الـ YouTube و رفع مستوى جودته

و هالشي بتم من خلال دعمكم الي بالاشتراك بالقناة او حتى بمشاهدة الفيديوهات و التعليق و المشاركة كلها أرقام بتشجعني و بتساهم انه نستمثر اكتر فيها.

القادم رح يعجبكم نشالله

رابط القناة: هنا

مخاطر العمل مع الـ Soft Delete لازم تعرفها:

خلينا نشرحلك ياها بالاول هي عبارة عن ميزة بـ Laravel بتسمحلك "تحذف" البيانات بدون ما تنحذف فعلياً من الـ database. البيانات بتضل موجودة، بس بينضاف timestamp بعمود deleted_at ليدل إنه البيانات محذوفة. هالميزة مفيدة إذا كنت بحاجة لاسترجاع البيانات أو لمراجعتها لاحقاً.

طيب شكلها مفيدة و حلوة ليش لازم انتبه بالشغل معها؟

1. مشاكل الأداء مع الجداول الكبيرة
كل query بـ Laravel مع Soft Deletes بيضيف شرط WHERE deleted_at IS NULL افتراضياً، وهذا ممكن يأثر على الأداء مع ازدياد حجم البيانات.

2. التناقض بين Eloquent و Query Builder
Eloquent تلقائياً بيستثني الـ records المحذوفة، بس إذا استخدمت Query Builder، الشرط ما بينضاف تلقائياً، وبتضطر تضيفه يدوياً، مما قد يسبب أخطاء إذا تم نسيانه.

3. عدم وجود Cascading Deletes
الـ Soft Delete ما بينفذ عمليات الحذف التلقائي على البيانات المرتبطة، مثل حذف الـ posts أو الـ comments المرتبطة بالمستخدم، مما يتطلب تنفيذها يدويًا.

4. مشاكل مع الـ Unique Constraints
لما تسوي Soft Delete، الـ record المحذوف بيضل موجود، وهاد ممكن يسبب مشاكل مع الأعمدة اللي عليها قيود فريدة (Unique Constraints) مثل البريد الإلكتروني.

طيب شو الحل؟
إذا كانت مشروعك كبير أو حساس، فكر باستخدام حزمة مثل Spatie Laravel Deleted Models. هالحزمة بتنقل البيانات المحذوفة لجدول منفصل، بتحسن الأداء، وبتجنب مشاكل الـ unique constraints، وبتسهل إدارة العلاقات المرتبطة.

إذا عندك تجربة أو حل مشابه، شاركنا رأيك بالتعليقات

تمنياتي لكم جميعاً بأسبوع عمل موفق و خالي من الـ Bugs و الـ meetings قدر الإمكان

و كالعادة أصدقائي نبدأ اسبوعنا بأنه نجاوب على اسئلتكم من خلال story على حسابي الـ instgram من خلال الرابط:هنا