هيك رسائل بتوصلني كل فترة و بكل مرة بفرح فيها.

فيديو مشاريع التخرج التقنية كان من الفيديوهات اللي انتعب عليها كتير و حاولت خليها تكون خارطة طريق عامة للموضوع ليس فقط لكيف تبني مشروع تخرجك إنما كيف تبني مشروع تقني المعلومات اللي فيه و الطريقة اللي حاولت اشرحها و وصلها الكم كنت متمني اني اعرفها او انه شخص يشرحلي الامور لان كنت مستعصب الموضوع كله.

الف مبروك لكل مين قدم مشروع و استفاد من الفيديو.

اللي حابب يشوف الفيديو بإمكانكم من: هنا

رجعنا على النشر اليومي نشالله و بمساعدة كريمة جداً من فريق كتاب المحتوى اللي رح يساهموا بشكل كتير كبير بتنوع المحتوى اللي رح يصير ينزل و كميته مما يعني فائدة اكبر 🔥🙏🏻

كونوا جاهزين لكمية منشورات كبيرة و لاتنسوا تنشروا القناة بين أصدقائكم و تدعمونا بـ Like على الـ Page بالـ facebook

لما بدنا نحكي عن الـ (OOP)، في مصطلحين مهمين لازم نعرفهم ونفهم الفرق بيناتهم، و هنن : self و this.

الـ self بتدل على الـ class الحالي، يعني بتستخدم لما بدنا نحكي عن أشياء ثابتة (static) موجودة ضمن الـ class. بمعنى تاني، الـ self هي بتعبر عن بنية الـ class نفسها، يعني كل شي ثابت داخل الـ class.

أما الـ this، فهي بتدل على الـ object اللي منشأ من الـ class. يعني إذا عملنا instance (أو object) من الـ class، وقتا منستخدم this لنشير لهذا الـ object بالتحديد. فالـ this بتتعامل مع الخصائص (properties) و الـ (methods) اللي هي مو static.

ببساطة، فيك تقول إنو الـ self هي عم توصف بنية الـ class بشكل عام وما بتوصف شي خاص بمتغير معين، بينما الـ this بتوصف المتغيرات العادية والـ object اللي عم نتعامل معه بشكل مباشر.

بالنهاية، الـ self بتركز على الأمور الثابتة ضمن الـ class، أما الـ this فبتركز على الأمور اللي بتخص الـ object اللي عم نشتغل عليه

مثال توضيحي موجود ضمن الـ Comments 👇🏻

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

شكراً لـ Yousef Saleh على المساعدة في إعداد هذا المحتوى.


#OOP #SelfVsThis #ObjectOrientedProgramming #CodingTips #ProgrammingConcepts #SoftwareDevelopment #StaticVsInstance #CodingBasics #Developers #TechEducation #PythonProgramming #ProgrammingFundamentals #WebDevelopment #SoftwareEngineering #Laravel #php #web #iraq #erbil #UAE #syria

الفرق بين الـ Anonymous Function والـ Closure Function

من أهم الأسئلة الشائعة بمقابلات العمل، خلونا نعرف التفاصيل:

الـ Anonymous Function أو المعروفة كمان باسم lambda function هي function بدون اسم. فينا نخزنها بمتغير أو نمررها كـ parameter لـ function تانية.

الـ Closure Function هي نوع خاص من الـ Anonymous Function. اللي بيميزها وبخليها تنقال عليها Closure Function هو إنها بتستخدم variables من نطاقات خارجية (يعني بتقدر توصل لمتغيرات بدون ما نمررها إلها بشكل مباشر كوسيط).

ملاحظة: مو كل Anonymous Function هي Closure Function، بس كل Closure Function هي Anonymous Function.

الاختلافات:
النطاق أو الـ Scope: توابع الـ Closure بتقدر توصل للمتغيرات من النطاق المحيط فيها من خلال كلمة use (متل ما بنشوف بالمثال).

سهولة القراءة: الـ Closure Function بتخلي الكود أحياناً أوضح وأسهل للفهم، خصوصي إذا منحتاج نستخدم متغيرات خارجية. أما الـ Anonymous Function فهي أكتر بتستخدم بالمهام القصيرة والبسيطة.

باختصار:
الـ Closure Function والـ Anonymous Function هن أدوات مفيدة وقيمة بـ PHP لإنشاء functions بدون تسميتها بشكل صريح. الـ Closure Function بتكون مفيدة لما نحتاج نوصل لمتغيرات من النطاق المحيط، أما الـ Anonymous Function فهي بتكون عامة أكتر وبنستخدمها للمهام البسيطة والقصيرة.

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

لا تنسوا تتابعوني على FaceBook

شكراً لـ Ayham Ibrahim على المساعدة في إعداد هذا المحتوى

إذا عم تطلعلكم مشاكل بارسال الإشعارات بالـ Fire Base اخر فترة ف جبتلكم الحل 🔥

فيديو جديد مجدول رح يحللكم هي المشكلة على قناة اليوتيوب:
https://www.youtube.com/channel/UCSteMo_qy4wi_L3T5G6zb1Q

اللي قادر يحضر هيك تدريبات يحضر لا تقلي انا اختصاصي برمجيات او انا ذكاء رح تحتاج هي المعلومات مليون بالمية

للمهندسين الخريجين و الطلاب في كليات الهندسة المعلوماتية و الاتصالات و هندسة الحاسبات و الكليات التطبيقية و تكنولوجيا المعلومات.
🛑 لطلاب معاهد الهندسية التقنية و معاهد الحاسوب.
🛑 لكل من يرغب بالدخول بمجال هندسة الشبكات و يريد ان يمتلك قاعدة صحيحة لتأسيسه.
يعلن مركز خطوات للشباب في #جبلة - #اللاذفية عن تدريب تصميم شبكات الحاسوب
200-301 CCNA
للتسجيل، يرجى تعبئة الاستمارة في التعليق:
#مجلس_الشباب_السوري

https://forms.gle/wrEpF1B1UkrrJTan8

المصدر: هنا

لما نحكي عن الـ components اللي بتتعامل مع الـ State او ما يسمى بـ (stateful components) بـ React، معناها هي الـ component بتخزن بيانات جواتها، وهاد الشي بيسمح للبيانات إنها تتغير مع مرور الوقت.

لحتى يكون الـ component stateful، في طريقتين:

- يا إما بتكون من نوع class component أو تستخدم الـ (hook) useState بالـ functional components.
الـ state هي اللي بتخلّي الـ component يتفاعل مع التغييرات، متل مدخلات المستخدم أو الأحداث اللي بتصير عالصفحة. وكل ما تغيّرت هي الـ state الـ component بيرجع بينعمله re-render لحتى يعرض البيانات الجديدة.

أما الـ components اللي ما بتحتوي الـ state او ما تسمى بـ (stateless components) فهي components بسيطة، وغالباً بتكون functional components اللي بس بتعتمد على props اللي بيجوا من خارج المكون. هالنوع من الـ components ممتاز لما بدك تعرض محتوى ثابت أو واجهة مستخدم ما بتحتاج تخزين بيانات أو تغييرها جوات المكون.

بالتالي، الفرق الأساسي هو إنو الـ stateful components بتتعامل مع البيانات اللي بتتغير، بينما الـ stateless components بتعرض بيانات ثابتة أو بتعتمد على props جاهزة وما بتتعامل مع أي تغييرات داخلية.

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

لا تنسوا تتابعوني على FaceBook

شكراً لفريق كتابة المحتوى على المساعدة في إعداد هذا المنشور.

عم تواجه مشاكل بوصول الإشعارات بتطبيقك؟ بهالفيديو رح أشرح لك كيف بتنقل إشعاراتك من الواجهة القديمة لـ Firebase لـ HTTP v1 بأسهل طريقة. الحل اللي رح يضمن وصول الإشعارات باستخدام OAuth 2.0. لا تنسى تتابع الفيديو على اليوتيوب لتعرف كل التفاصيل من خلال:
الرابط هنا

لا تنسوا الاشتراك بقناتي على YouTube حتى تشوفوا الشروحات على شكل فيديوهات

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

استكمالاً لشرح مفاهيم البرمجة الكائنية (OOP)، اليوم رح نحكي عن الـ Magic Methods. طيب، شو هي الـ magic methods؟
أكيد خلال تعاملك مع البرمجة الكائنية شفت في بعض الـ methods يلي بيبلش اسمها باثنين underscores (__). هدول هنن الـ magic methods، وهنن عبارة عن دوال محجوزة بالـ OOP بيتم استدعائها تلقائياً لما يصير ظرف معين أو حالة معينة بالكود لما تستخدم class أو Object.

من أشهر الـ magic methods اللي بتخطر عالبال هي `__construct`، يلي بنستدعيها لما نعمل Object جديد من Class. هالـ method بتنادى بشكل تلقائي وبتشتغل لحتى تهيئ الكائن الجديد.

وفي كمان `__destruct`، يلي بتنادى لما يتم تدمير Object أو خلصنا من استخدامه.

وفي عنا شوية methods تانية متل `__call` و __callStatic. هدول بيتعاملوا مع الحالات يلي فيها بنحاول نستدعي method مو معرفة بالكلاس. هدول بياخدوا باراميترين: الأول هو اسم الميثود $name`، والتاني هو المصفوفة اللي بتحتوي القيم اللي انبعتت لهال method `$parameters.

طيب، شو الفرق بين __call و `__callStatic`؟
`__call` بيتعامل مع الـ methods العادية، أما __callStatic فهو بيتعامل مع الـ methods الثابتة (static).

طيب إذا هدول الـ methods بيتعاملوا مع الـ methods اللي مو معرفة، شو رح نعمل لو بدنا نتعامل مع الخصائص (properties) اللي مو معرفة؟
هون بيجي دور __get و __set.
- __get بتنادى لما نحاول نوصل لخاصية ما موجودة أو ما بنقدر نوصلها.
- __set بتنادى لما نحاول نعدل قيمة خاصية ما موجودة أو ما بنقدر نوصلها.

وكمان في `__toString`، يلي هي method بتنادى تلقائيًا لما نحاول نطبع الأوبجكت على شكل string.

فيك تقول إنو الـ magic methods بيعطوا مرونة كبيرة بالتعامل مع الكائنات والـ classes.
طيب، شو رأيكم؟ سبق وتعاملتوا مع هالـ magic methods؟

مثال توضيحي موجود ضمن الـ Comments 👇🏻

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

شكراً لـ Yousef Saleh على المساعدة في إعداد هذا المحتوى.

*Company Name:* hashtag#BLUE_TECH
*Job Title:* Front-end Developer with React.js Experience
*Job Type:* Full Time (8 hours) - Remote work not available
*Job Location:* hashtag#Lattakia, hashtag#Syria

At hashtag#BLUE_TECH, we are seeking a skilled Front-end Developer with a strong proficiency in React.js to join our team. This role involves developing user interface components, ensuring application robustness, and fostering a culture of collaboration, innovation, and high-quality product delivery.

*Responsibilities:*
- Develop engaging user-facing features using React.js
- Create reusable components and front-end libraries for future projects
- Translate designs and wireframes into high-quality code
- Optimize components for peak performance across various devices and browsers

*Qualifications:*
- 2+ years of experience in front-end web development
- Proficient in JavaScript, DOM manipulation, and the JavaScript object model
- Thorough understanding of React.js and its core principles
- Experience with popular React.js workflows like Redux
- Familiarity with newer EcmaScript specifications
- Knowledge of Next.js is required
- Understanding of RESTful APIs and Web Sockets
- Proficiency in modern authorization mechanisms such as JSON Web Token
- Ability to translate business requirements into technical solutions
- Strong skills in benchmarking and optimization
- Experience with Git or similar versioning tools

If you are passionate about React.js development and meet these qualifications, we would love to hear from you. Please send your CV to:
*Email:* recruitment@blue-tech.ae
*Subject Line:* hashtag#ReactJs Developer

Join our team at hashtag#BLUE_TECH and contribute to a dynamic environment that values expertise, innovation, and teamwork.

hashtag#job hashtag#business hashtag#team hashtag#experience hashtag#recruitment hashtag#developer hashtag#javascript hashtag#cv hashtag#webdevelopment hashtag#reactjs hashtag#react hashtag#design

الكود القابل للصيانة (Maintainable Code)، باختصار، هو الكود اللي بتقدر ترجعله بعد فترة، سواء انت أو حدا غيرك، وتفهمه بسهولة، تعدّل عليه أو تطوره من غير ما تحس إنه معقّد أو مخربط. هاد الكود بيكون منظم بطريقة تخليك تقدر تصححه أو تضيف عليه شغلات جديدة من غير تعب.

ليش الكود القابل للصيانة مهم؟

تخيّل إنك اشتغلت على مشروع، صغير كان أو كبير، وبعد فترة رجعت تشتغل عليه. إذا كودك كان مكركب، رح تاخد وقت طويل مشان تفهم شو كنت عامل من الأول، ولو حدا غيرك اشتغل عليه رح يتعذب أكتر. الكود القابل للصيانة بيحميك من هي المشاكل، وبيسهل الشغل لأي مبرمج بيجي بعدك.

كيف نقدر نخلي الكود قابل للصيانة؟

التنظيم (Organization): أهم شغلة. الكود لازم يكون منظم، وكل جزء منه يكون بمكانه الصح. يعني مثلاً، إذا عندك ملفات أو أجزاء معينة للكود بتخص الـ UI (واجهة المستخدم) أو الـ Data، حط كل شي بمكانه. كمان، ما تكتب كل شي بملف واحد ضخم، قسّم الشغل على أجزاء صغيرة مشان يصير سهل التعديل.

التسمية (Naming): سمي المتغيرات، الـ functions، أو أي جزء من الكود بأسماء واضحة ومفهومة. ما تسمي تسميات متل x أو temp إلا إذا كان ما في حل غيره. يعني إذا عندك دالة بتحسب الراتب الشهري، سميها مثلاً calculateMonthlySalary بدل ما تسميها calc1. التسميات الواضحة بتسهل فهم الكود.

التعليقات (Comments): مرات رح تكتب أكواد معقدة شوي، فهون التعليقات بتكون مفيدة. بس دير بالك، التعليقات مو معناها تشرح كل سطر. اكتب التعليقات بالأماكن اللي ممكن تكون مش مفهومة، أو بتحتاج تفسير ليش استخدمت هي الطريقة. التعليقات هي مشان توضح "ليش" الكود بيعمل هيك، مش "شو" الكود بيعمل.

تجنب التكرار (Avoid Duplication): قاعدة برمجية مهمة اسمها "DRY" (Don't Repeat Yourself). يعني، لا تكرر نفس الكود بأماكن مختلفة. إذا عندك نفس العملية تتكرر، حطها بدالة (function) واستخدمها بدل ما تعيد كتابة الكود.

الاختبارات (Testing): قبل ما تشارك أو تنشر الكود، اعمل اختبارات. جرّب الكود بمختلف الحالات لتتأكد إنه شغال تمام. الكود اللي مغطّى باختبارات منيحة بيكون أسهل للصيانة، لأنك رح تعرف بسهولة إذا صار في شي خطأ بعد التعديل.

التعامل مع الأخطاء (Error Handling): دائماً حط أكواد للتعامل مع الأخطاء. يعني إذا صار شي خطأ أثناء تشغيل الكود، المفروض تطلع رسالة واضحة تفهمك أو تفهم المستخدم شو صار، بدل ما تطلعلك رسالة Error ما تفهم شي منها.

إعادة الاستخدام (Reusability): حاول تخلي أكوادك مرنة وتقدر تعيد استخدامها بأماكن تانية. إذا كتبت جزء معين ممكن تحتاجه بمكان تاني، حاول تكتبه بشكل عام ومش مربوط بحالة معينة. هيك، لو جالك مشروع تاني أو بدك تغير شي بالمشروع الحالي، رح تقدر تستخدم هاد الكود بدون ما تعيد كتابته من الأول.

بالنهاية، الكود القابل للصيانة هو الكود اللي تقدر تفهمه وتعدل عليه بسهولة، سواء انت أو أي مبرمج تاني. التنظيم، التسمية الواضحة، التعليقات المناسبة، والاهتمام بالتفاصيل متل الـ Error Handling واختبار الكود، كل هالشغلات بتساعدك تبني كود نظيف وقابل للصيانة.

كنت عم تتبع هي الملاحظات سابقاً ولا اكتشفتها هلا؟

Facebook | Linkedin |Instgram | Telegram | YouTube

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

شكراً لـ Yousef Saleh على المساعدة في إعداد هذا المحتوى.

رجع طبيعي هلا

تخيل إنك بدك تشتري هدية لصديقك بمناسبة عيد ميلاده، و فتت على متجر إلكتروني لتلاقي الهدية المناسبة. أول ما فتحت الموقع، حسيت بضياع، الصفحة الرئيسية مليانة معلومات بشكل فوضوي، الألوان مو متناسقة، والروابط مو واضحة. حاولت تبحث عن قسم الهدايا بس نظام البحث كان سيء وما لاقيت اللي بدك ياه بسهولة. بعد ما لاقيت هدية عجبتك، واجهتك مشكلة بإتمام الدفع، لأن الخطوات معقدة ومو واضحة.

بالمختصر، تجربتك بهالمتجر كانت كتير سيئة وقررت إنك ما تشتري منه.

طيب، لو أعطينا هالمتجر لمصمم UI/UX ليحسّن التجربة، شو رح يغير؟

أول شي، رح يعدل الصفحة الرئيسية ويخلّيها مرتبة أكتر، يفرز الأقسام بشكل واضح مثل "هدايا للرجال"، "هدايا للنساء"، "هدايا للأطفال"، بحيث تلاقي اللي بدك ياه بسرعة ومن دون دوخة.

تاني شي، رح يحسّن نظام البحث؛ بيضيف شريط بحث فعال يطلع اقتراحات وأنت عم تكتب، ليوصلك للي بدك ياه أسرع.

تالت شي والأهم، رح يبسط عملية الدفع؛ يعني يقلل الخطوات المطلوبة ويخليها أكتر وضوح، ويضيف خيارات دفع متنوعة وسهلة، مشان تقدر تشتري من دون مشاكل.

هالتعديلات مبنية على دراسات وتجارب كبيرة بمجال UI/UX Design، وهو علم بيهتم برضا المستخدم وكيفية تقديم تجربة ممتعة وفعالة بالمواقع والتطبيقات.

بالبوستات الجاية من سلسلة "UI/UX Design"، رح نحكي بتفاصيل أكتر عن هالأساسيات وكيف ممكن نستفيد منها بتصميم مواقع وتطبيقات أفضل.

Facebook | Linkedin |Instgram | Telegram | YouTube

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

شكراً لـ Lobana Ali Balloul على المساعدة في إعداد هذا المحتوى.