لما بتبدأ بمسار الـ DevOps رح تصادف اسماء أدوات و منصات كتيرة و لربما أشهرها هو Jenkins

لما توصل لمرحلة انك ناوي تتعلم Jenkins اكيد انت قبل منها مجرب تتعامل مع الـ GitLab Piplines و GitHub Actions و عامل عليهم CI/CD أكيد

بتجي حتى تتعلم Jenkins بتحس حالك عم تعقد الموضوع و انك قادر تساوي نفس وظائفه بدونه و بطريقة اسهل و اليوم جاي انا حتى وضحلك هي الفكرة

المنشور طويل و رح انشره على لينكدان لهيك اتاكد انك عم تتابعني لبين ماخلص كتابته و ينزل هي رابط حسابي على LinkedIn :
https://www.linkedin.com/in/somarkesen/

و شكراً و عفواً 😶😶

بتعرفوا انه Uber الكبيرة و الضخمة ببدايتها كانت تشتغل على PostgreSQL و لما كبرت انتقلت على MySQL؟

للحظة الأولى بتتخيل انه لاء هاد خطأ كتابة و الموضوع بالعكس لان متل ماهو شائع و معروف انه PostgreSQL عم يروحوا معها بالمشاريع الضخمة بدلاً من MySQL صح؟

لاء الموضوع فعلاً رحلة من PostgreSQL إلى MySQL

كتبتلكم مقالة كاملة عن ليش Uber اخدت هالقرار و شو الاسباب

بإمكانكم قراءة المقال على Linkedin من خلال الرابط: هنا

إذا بدك نصيحة واحدة تتعلّم فيها Laravel بشكل صح؟ بعطيك خمس!

ما في طريق مختصر، بس في خطوات بتساعدك تتقدم بثقة وتكتب كود نظيف، آمن، وقابل للتوسعة

1. التزم بـ MVC Architecture كأنها أساس المشروع
قسم شغلك بين Model وView وController، هيك الكود بيصير أنضف وأسهل تفهمه وتعدّل عليه

3. اتقن الشغل مع Eloquent ORM
الـ Eloquent قوي وبيسهّل حياتك، بس دير بالك من الاستخدام الغلط يلي ممكن يبطّئ التطبيق أو يجيبلك بيانات غلط

3. اعمل التحقق من البيانات باستخدام Form Request Classes مخصصة
لا تكتب validation هيك عالسريع جوّا الكنترولر… خليه بمكانه الصح

4. خلي الأمان جزء من شغلك اليومي (Security Workflow)
الـ CSRF، XSS، Hashing، صلاحيات… كل هالأمور مو كماليات، لازم تكون أساسية بأي مشروع

5. اختبر بكير، واختبر بشكل مستمر (Test Early, Test Often)
لا تستنى يصير عندك خطأ على الـ Production الاختبار من البداية بيخلّصك من وجعة راس كبيرة بعدين

تحياتي للجميع و تمنياتي لكم بأسبوع عمل موفق خال من الـ Bugs و الـ meetings

كما جرت العادة نستقبل اسئلتكم على الـ store في Instagram من خلال الرابط: هنا

إذا فكرت إنو دورة Laravel Security Masterclass خلصت عند حماية الكود والسيرفر… فاستعد لفقرة ما بتنحكى بكل الكورسات

رح نكشف أداة خارجية قوية بتدخل معك على المشروع وبتفحص كودك سطر بسطر،بتكشف الثغرات، الأخطاء الـ code smells وحتى النقاط الحساسة أمنيًا قبل ما توصل لمرحلة الـ Production

يعني مو بس رح تكتب كود آمن و رح تراقب مشروعك وكأن معك خبير امني شغّال 24/7

التسجيل المسبق متاح الأن و بإمكانكم الانضمام لمجموعة المهتمين للإجابة على استفساراتكم من خلال الرابط: هنا

كتير شركات ودول بأوروبا عم تعيد النظر ببنى الكلاود تبعها، وعم تتجه لبناء أنظمة سحابية خاصة لتحمي بياناتها وتقلل الاعتماد على مزوّدي خدمات من خارج القارة.

الاتحاد الأوروبي أطلق مشروع ضخم اسمه IPCEI-CIS، موّل فيه 19 شركة من 12 دولة أوروبية، لبناء أول نظام سحابي مشترك ومفتوح المصدر.

المبادرة اسمها 8ra Initiative، وهي مو بس عم تغيّر طريقة إدارة البيانات، بل عم تفتح باب كبير للشغل والابتكار، خصوصًا للي عنده خبرة أو طموح يشتغل بأوروبا بقطاع التكنولوجيا أو الكلاود أو الأمن السيبراني.

🔹 حوالي 120 شركة ومؤسسة أوروبية عم تشارك بالمشروع
🔹 3.5 مليار يورو تمويل
🔹 تركيز كبير على:

📌 الاستقلال التقني
📌 نماذج أعمال تعتمد على الذكاء الاصطناعي
📌 أمان البيانات
📌 فرص جديدة بمجال الـ Cloud و الـ Edge Computing

المبادرات مثل 8ra عم تفتح مجالات وفرص حقيقية بأوروبا، خاصة مع الطلب المتزايد على الكفاءات التقنية بمجالات مثل:

🔹Cloud Infrastructure
🔹Cybersecurity
🔹AI & Edge Computing

طوّر مهاراتك على منصات مثل:

🔹Coursera
🔹edX
🔹TryHackMe / Hack The Box

ممكن تكون الخطوة الجاية لإلك هي متابعة هيك مشاريع، بناء بروفايل احترافي، والتقديم على فرص عمل أو تدريب ضمن هالبيئة يلي عم تنمو بسرعة.

اغلب الناس بتفكر انه الـ DevOps هو انك تتعلم:
🚫 Kubernetes
🚫 Jenkins
🚫 Terraform
🚫 Docker
🚫 AWS أو Azure

بس بالواقع الموضوع مو هيك لان تحديداً الـ DevOps مو ادوات انما انك تعرف كيف تصمم نظام مستقر بيطلع Production بسهولة بيتوسع بسهولة ثابت و مستقر و بتكتشف المشاكل قبل ما تكبر.

الـ tools بتساعدك، بس الشطارة مو فيها، الشطارة لان الـ DevOps يعني إنك:

✅ تنشر التطبيق بدون دراما
✅ توسّع الـ infrastructure وقت الحاجة
✅ تراقب المشاكل قبل ما تصير أزمة
✅ تحافظ على استقرار النظام
✅ وتخلي الفريق يشتغل كأنو شخص واحد

يعني باختصار:
✔️ Automate بذكاء
✔️ Monitor بشكل proactive
✔️ Scale بدون وجع راس
✔️ Secure كل جزء
✔️ و تضل تطوّر شغلك كل يوم


الأدوات بتتغيّر، بس المبادئ بتضل.

لما تفتح أي موقع، بتشوف أحيانا قبل الرابط شي مكتوب عليه https:// بدل http://، ومعه 🔒 قفل صغير؟
هاد معناته إنو الموقع مؤمّن باستخدام SSL Certificate.

طيب شو بتعمل SSL فعلياً؟
بتأمّن الاتصال بين جهازك والموقع، بحيث لو في حدا عم يتنصّت (مثل بشبكة Wi-Fi عامة)، ما بيقدر يقرأ البيانات يلي عم تمرّ، مثل كلمات السر أو معلومات الدفع.

🔍 كيف بتشتغل SSL؟
خليني فصّلها شوي:

1️⃣ Handshake (مصافحة أولية)
أول ما تفتح الموقع، المتصفح بيطلب من السيرفر يقدّم شهادة SSL تبعه.

2️⃣ Digital Certificate (الشهادة الرقمية)
الشهادة فيها معلومات عن هوية الموقع ومفتاح عام (Public Key). المتصفح بيتأكد من الشهادة إذا صادرة عن جهة موثوقة (CA).

3️⃣ Session Key (مفتاح الجلسة)
بعد ما يتأكد المتصفح، بيولّد مفتاح تشفير مؤقّت (Session Key)، وبيبعتو مشفّر باستخدام الـ Public Key تبع السيرفر.

4️⃣ Secure Channel (قناة مشفّرة)
السيرفر بفك تشفير Session Key باستخدام الـ Private Key، وهيك بصير في قناة مشفّرة بين المتصفح والسيرفر، كلشي فيها مشفّر من الطرفين (End-to-End Encryption).

🔒 النتيجة؟
أي شي بتكتبو على الموقع (كلمة مرور، بيانات، رقم بطاقة) ما حدا بيقدر يشوفو أو يسرقو، حتى لو كان عم يتجسّس عليك بالشبكة!

و هيك بتكون عرفت شو هي الـ SSL و أذا لسا مو مركب وحدة على موقعك بلش ركبها فوراً

عجبتك المعلومة و استفدت منها؟؟
لا تنسى تشاركها و تتفاعل معها 🔥

===================

Linkedin |Instgram | YouTube

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

إذا كنت حابب تدخل لعالم الــ Quality Assurance و مابتعرف من وين تبلش فهاد البوست الك

هلا في مجموعة أساسيات لازم تبدأ فيها وتتعلمها:

1. الـ Basic Software Development Life Cycle (SDLC)
يعني تفهم مراحل تطوير البرنامج، من التحليل، للتصميم، للتنفيذ، للاختبار، للنشر.

2.الـ Types of Testing
متل:

Manual Testing: بتختبر كل شي بإيدك بدون أدوات أو سكربتات

Automated Testing: بتستخدم أدوات لكتابة سكربتات بتختبر بدل عنك

Functional Testing: بتتأكد إنو كل وظيفة بالموقع تشتغل صح

UI Testing: بتراجع التصميم وتجربة المستخدم

Smoke Testing: اختبار سريع إنو الميّزات الأساسية شغالة

Regression Testing: بتتأكد إنو التعديلات الجديدة ما خرّبت شي قديم

Black Box Testing: بتختبر كأنك مستخدم، ما بتعرف الكود

White Box Testing: بتفوت بجوّات الكود وبتختبر المنطق الداخلي

3. الـ Bug Reporting
تتعلّم كيف تكتب bug report واضح باستخدام أدوات مثل Jira أو Trello.

4. الـTest Cases & Test Scenarios
قبل ما تختبر أي ميزة، لازم تخطط:

Test Scenario: فكرة عامة عن الشي يلي بدك تختبره
Test Case: خطوات تفصيلية + البيانات المدخلة + النتيجة المتوقعة

5. الـBasic Tools

الـ Postman: لاختبار الـ APIs

الـ Selenium / Cypress: إذا بدك تدخل بالـ Automation

الـ Browser DevTools: لتراقب الأخطاء والتفاعل مع الواجهة

الـ Basic SQL
لأنك ممكن تحتاج تتأكد من البيانات يلي بالموقع أو التطبيق.

انك تكون QA ما بيطلب منك تكون مبرمج محترف بس بيطلب منك الدقة و الفضول و التركيز على التفاصيل الصغيرة

عجبتك المعلومة و استفدت منها؟؟
لا تنسى تشاركها و تتفاعل معها 🔥

===================

Linkedin |Instgram | YouTube

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

لما قررنا نضيف مسار Django ضمن تدريب Focal X، كان في نقاش حول اختيار الأداة الأنسب لبناء REST APIs:
Django Rest Framework (DRF) أو Django Ninja او غيرهم و خصوصاً انه المسار موجه للمبتدأين.

أنا شخصياً مجرّب الاثنين وبعرف قديش Django Ninja بسيط وسريع وخصوصاً بكتابة الكود واعتماده على Type Hints. فعلاً خيار ممتاز وقت بدك تطلع بـ API بسرعة وبدون تعقيدات. ( الامر اللي برايي مو مناسب لاشخاص مبتدأين بحاجة يفهموا الـ consept الخاص بالـ backend )

بس رغم هيك، قررت ركّز بالتدريب على DRF، مو لأنو Ninja مو منيح، بالعكس، بس لأنو DRF:

بيعلّم المتدرّب كيف يفكر ببنية API منظمة بعمق.
بيعطي تحكم قوي بالصلاحيات، الـ Throttling، والـ Pagination.
وبيفتح مجال لفهم أوسع لمفاهيم REST architecture.

الـ DRF فيه تعقيد أكتر؟ يمكن.
بس هو بيعطي فرصة حقيقية للتعلّم العميق، وهاد تماماً هدف التدريب يلي عم نقدّمه.

يعني القرار ما كان تقني بحت، بل تعليمي.
علّمت DRF لأني مقتنع إنو بيساعد المبتدئ يفهم جوهر REST APIs صح، وبعدها سهل ينتقل على أدوات تانية أخف متل Django Ninja أو حتى FastAPI إذا احتاج.

===================

Linkedin |Instgram | YouTube

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

تحياتي للجميع و تمنياتي لكم بأسبوع عمل موفق خال من الـ Bugs و الـ meetings

كما جرت العادة نستقبل اسئلتكم على الـ store في Instagram من خلال الرابط: هنا