شو بتعرفوا عن الـ Microservices و ايمت منستخدمها و ايمت لاء؟؟

من هلا لبكرا شاركونا أفكاركم و بكرا نشالله في بوست عن الموضوع 🙏🏻
بإمكانكم تتواصلوا معي من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

مرحبا جميعاً

انا بحاجة مساعدة في عندي كم استفسار بخصوص الـ SEO بحاجة شخص مشتغل بهالمجال و إذا مشتغل بمواقع تجارة إلكترونية بكون كتير تمام.

إذا بتعرفوا حدا قادرين نتواصل معه ياريت تكتبولي بالتعليقات او هو يكتبلي و شكراً سلف 🙏🏻

ليش الفريلانسر أو شركات البرمجة الصغيرة والمتوسطة نادراً ما بيعملولك مشروعك بتقنية Microservices؟

إذا قالولك إنهم رح يبنوا مشروعك بتقنية Microservices، ارفع عشرات إشارات الاستفهام فوراً!!

📌 بداية، خلينا نفهم شو هي المشاريع الـ Microservices؟

Microservices هي طريقة لبناء تطبيقات البرمجيات كوحدات صغيرة، مستقلة، وبتتفاعل مع بعضها. كل وحدة (أو خدمة) مسؤولة عن وظيفة معينة وبتنطور، بتنشر، وبتتوسع بشكل مستقل عن الباقي.

📌 شو الفرق بين هالمشاريع والمشاريع البرمجية العادية؟

1. الاستقلالية: بالمشاريع التقليدية (Monolithic Architecture)، بيكون التطبيق وحدة وحدة متكاملة، بينما بـ Microservices بيتقسم التطبيق لوحدات مستقلة.
2. التوسع: ممكن توسيع Microservices بشكل فردي، وهذا بيسمح بتحسين الأداء واستغلال الموارد بكفاءة.
3. التطوير المستقل: ممكن فريق العمل يطور كل خدمة بشكل مستقل، وهذا بيسهل عمليات التطوير والاختبار والنشر.

📌 شو هي متطلبات هاد النوع من المشاريع؟

1. إدارة معقدة: بتحتاج Microservices لإدارة معقدة للتواصل بين الوحدات المختلفة ومراقبة الحالة الخاصة بها.
2. بنية تحتية متقدمة: هاد النوع من المشاريع بيحتاج لبنية تحتية متقدمة مثل Docker وKubernetes لإدارة الحاويات وتنسيقها.
3. خبرة عالية: تطوير Microservices بيتطلب خبرة عميقة ومعرفة بالتقنيات والأدوات اللازمة، وهذا ما قد ما يكون متوفر بسهولة عند الفريلانسر أو الشركات الصغيرة.

📌 ليش لازم تنتبه لما بتفكر تساوي هاد النوع من المشاريع مع شركة او فريلانسر؟

1. التكلفة: تطوير وصيانة Microservices ممكن يكون مكلف كتير مقارنةً بالمشاريع التقليدية.
2. التعقيد: زيادة التعقيد بالإدارة والتطوير ممكن تأدي لتأخير بالتنفيذ وزيادة بالأخطاء.
3. الخبرة المطلوبة: قلة الخبرة بهذا المجال ممكن تأدي لمشاكل كبيرة بالأداء والاستقرار.
4. الالتزام طويل الأمد: مشاريع Microservices بتحتاج لالتزام طويل الأمد ودعم مستمر، وهذا بيكون تحدي كبير للشركات الصغيرة والفريلانسر. لأنهم لازم يكونوا مستعدين للتعامل مع أي مشاكل أو تحديثات مستقبلية، وهذا بيتطلب موارد كبيرة وخبرات متخصصة.

📌 طيب شو الأسباب اللي ممكن ما تخليك تشتغل مشروعك كـ Microservices :
📍 الابليكشن صغير وبسيط: إذا كان التطبيق صغير وبسيط، الميكروسيرفيسز ممكن تكون زيادة عن الحاجة.
📍 نقص الأدوات أو البنية التحتية: الميكروسيرفيسز بتحتاج إلى بنية تحتية وأدوات ناضجة مثل DevOps, CI/CD, Automation، وأيضاً مراقبة وتسجيل.
📍 نقص الخبرة: نظام الميكروسيرفيسز معقد وبيتطلب خبرة كبيرة.
📍وقت استجابة منخفض للغاية: إذا كان التطبيق بيتطلب تفاعل بوقت استجابة منخفض جداً، Microservices ممكن ما تكون الحل الأمثل لأنها بتعتمد على الشبكة للتفاعل بين أجزاء النظام.

باختصار، إذا قلك فريلانسر أو شركة صغيرة أنهم رح يعملوا مشروعك بتقنية Microservices، تأكد منيح من خبرتهم وقدراتهم قبل ما تاخد القرار. Microservices مو الحل لكل مشروع، ولازم استخدامها بحذر وبعد دراسة دقيقة للاحتياجات والموارد المتاحة.

هاد كان منشورنا لليوم خبروني تجربتكم مع الـ Microservices، انا أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

خلونا سوا على السوشال ميديا من خلال:
Faceboo - Linkedin - Instgram - Telegram

كل هي المنشورات موجودة على الـ Page الخاصة فيني على الـ facebook و بانتظاركم تشوفوها.

خبروني برأيكم فيها و هل حبيتوا المحتوى ؟

دعمكم المحتوى بيساعدني ضل بهالوتيرة لهيك لا تنسوا تشاركوا القناة مع رفقاتكم و تتابعوني على باقي المنصات من خلال:
Faceboo - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

لما بتدخل على شركة و بتكون بمرحلة الـ On Boarding في كتير ملاحظات لازم تفهمها بهي المرحلة.

بدايةً هل المرحلة ليست لفهمك للكود فقط إنما فهمك للبزنس اللي هو لا يقل أهمية عن فهمك للكود، خصوصا بالشغل مع الشركات برا البلد والشركات اللي انت بتكون ضمنا لقسم التقني تبعها ( المقصود هنا مو الشركات اللي بتنفذ مشاريع للعملاء )

سهل كتير اي شركة تجيب موظف شاطر من الناحية التقنية و لكن مو سهل تجيب شخص يفهم بزنس قائم لربما من عدة سنين و تكون قادر تفهم العمليات الداخلية اللي عم تصير و ارتباطها و تأثيرها ببعضها البعض.

نصيحة مني استغل هاد الشهر بأكبر كمية ممكنة من المعلومات و الاسئلة بنالهاية هاد الشهر ماحدا عاتب عليك إذا سألت و كترت اسئلة لانك تصنف جديد لكن بعد هاد الشهر فالكلمة محسوبة عليك و صارت بتأثر بحقك.

خبرني شي مرة اشتغلت بشركة و دخلت بفترة On Boarding و كيف كانت تجربتك؟

دعمكم المحتوى بيساعدني ضل بهالوتيرة لهيك لا تنسوا تشاركوا القناة مع رفقاتكم و تتابعوني على باقي المنصات من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

صباح الخير جميعاً.

بما انه في أشخاص ماقدروا يكونوا معنا بالجلسة الماضية و كانوا حابين يحضروا رح نعيد الجلسة الخاصة بلارافيل.

خلال هي الجلسة رح نتناقش بفكرة مشروع و نشوف كيف رح نبني الأقسام اللي بتتقاطع مع محاور الجلسة سوياً و نتعلم فيها عن:

- هجمات مشهورة بتتعرض الها المواقع المبنية بـLaravel و كيف منحمي حالنا منها و نشرح عنها شو بتكون عم تستغل.
- ممارسات الـ junior اللي بتفتح ثغرات بتسمح للهاكرز انهم يستغلوها بالموقع.
- كيفية رفع مستوى الـ Validation و نشره بعدة طبقات في المشروع.
- كيف منقلص المعلومات اللي عم نبعتها بالـ response لأقل عدد ممكن لضمان عدم وصول أي معلومات إضافية ممكن الهاكرز يستغلوها.
- كيف رح نبني مشروع قابل للتوسع و الصيانة.
- كيف منخلي الـ api أسرع ما يمكن.
- نصائح لما تكونوا عم تبنوا api لجماعة flutter بتفيدكم.
- كيف منحافظ على الـ DB تبعنا من الـ Dirty Data.
- نصائح كيف نشتغل مع الـ GIt بشكل صحيح.

هي Key Words عامة عن اللي رح نحكي عنهم و نشالله كل هالمعلومات رح تكون عندكم بعد ما نخلص من الـ Session

ملاحظة: الشباب و الصبايا اللي حضروا الجلسة الماضية و حابين يرجعوا يحضروها أهلا و سهلا فيكم مجاناً بس تواصلوا معي و سجلوا بالفورم.

الجلسة رح تكون أونلاين على Google meet

نشرت بوست الاحصائيات الخاصة بالجلسة على الفيسبوك و بالتعليقات في آراء من الشباب اللي شاركت:
رابط المنشور

بإمكانكم التسجيل على الجلسة من خلال الرابط: https://forms.gle/Z8p8XeM99TZQRj5b6

رح نحدد موعد الجلسة بس اكتمل العدد نشالله

الشباب و الصبايا اللي مفعلين Telegram Premium بإمكانكم تساعدونا نصير نفتح ميزات جديدة بالقناة 🔥

https://t.me/boost/somarkn

شو الفرق بين الـ Load Testing والـ Stress Testing؟

من هلا لبكرا شاركونا أفكاركم و بكرا نشالله في بوست عن الموضوع 🙏🏻
بإمكانكم تتواصلوا معي من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

صباح الخير جميعاً.

أصدقائي اللي دعمتونا مبارح بالـ Boost للقناة بيسعدني قدملكم مقاعد مجانية بالجلسة في حال حابين تحضروها او تهدوها لحدا من طرفكم بإمكانكم تتواصلوا معي لننسق على هاد الموضوع 🙏🏻

شو الفرق بين الـ Load Testing والـ Stress Testing؟

📌 Load Testing:
📍 هدفه نتأكد إنو السيستم يقدر يتحمل العدد الطبيعي من المستخدمين أو العمليات بدون ما يبطأ أو ينهار.
📍 السيناريو هون هو إنه نتخيل مجموعة كبيرة من الأشخاص (مستخدمين افتراضيين) عم يستخدموا السيستم بنفس الوقت، متل الضغط على الأزرار أو زيارة الصفحات.
📍 اللي لازم نعرفه هون هو أكبر عدد من المستخدمين اللي بيقدروا يستخدموا السيستم بدون ما تصير أي مشاكل أو تأخير.
📍 هالشي طبعًا مهم لنضمن إنو السيستم يشتغل منيح تحت الظروف الطبيعية والمتوقعة.

📌 Stress Testing:
📍 هدفه نعرف كيف بيتصرف السيستم لما نضغط عليه بشكل كبير، أكتر من اللي مفروض يتحمله.
السيناريو هون هو إنه بالتدريج نزود الضغط على السيستم لحتى يصير عنده صعوبة أو ينكسر.
واللي لازم نعرفه هون هو:

📍 وين السيستم بينهار تحت الضغط الشديد.
📍 كيف السيستم بينهار تحت الضغط الشديد.
📍نشوف كيف السيستم بيتعافى لما نخفف الضغط عنه.

هالشي طبعًا مهم لأنه بفرجينا المشاكل اللي ممكن تطلع وما بتبين تحت الظروف الطبيعية، وهاد بيخلي السيستم أقوى وأكثر تحمل.

بتمنى يكون هالشرح فادكم، وإذا عندكم أي أسئلة أو تجارب بهالمجال شاركونا بالتعليقات! 💬💡

دعمكم المحتوى بيساعدني ضل بهالوتيرة لهيك لا تنسوا تشاركوا القناة مع رفقاتكم و تتابعوني على باقي المنصات من خلال:
Faceboo - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

في نقطتين لازم تخليهم ببالك و انت عم تشتغل اي Form اللي هنن:
Syntactic Validation و Semantic Validation.

من هلا للسبت شاركونا أفكاركم و بكرا نشالله في بوست عن الموضوع 🙏🏻
بإمكانكم تتواصلوا معي من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

بوست مفهرسلكم عليه اكتر من 70 منشور لتقدروا توصلوا للمعلومة بسهولة و مباشرة:

https://www.facebook.com/share/p/r2QjHqHsLHgmbMwd/

قراءة ممتعة و بانتظار آرائكم بالتعليقات ❤️

اللي قادر يحط البوست ستوري و يمنشني نشوف لوين قادرين نوصل الـ Reach تبع هاد البوست

انا شخصياً تفاجأت انه ناشر هالكمية رغم اني بنشر على تليغرام اكثر من فيسبوك 🔥

خلونا نحرك الجو على الفيسبوك شوي 😁


ملاحظة:
اليوم جدولت منشورات الشهر الجاية كمان 🔥🔥🔥🔥🔥

صباح الخير و بداية اسبوع موفقة الكم جميعاً

انا ظالم شباب و صبايا الـ Frontend بالمحتوى و لهيك نشالله الشهر القادم في كمية منشورات حلوة الكم خصوصاً جماعة الـ React 🙏🏻

اليوم المسا رح ينزل بوست Syntactic Validation و Semantic Validation. 🔥

سابقاً حكيتلكم انه في شي بالحياة اسمه Syntactic Validation و Semantic Validation. اليوم رح احكيلكم عنها:

📌 Syntactic Validation:
هذا النوع من الـ validation بيركز على التحقق من صحة المدخلات بشكل عام، مثل التأكد انو الإيميل مكتوب بطريقة صحيحة، الأرقام فعلاً أرقام، والتاريخ بصيغة صحيحة. هاد الشي بنعمله باستخدام قواعد الـ validation الموجودة في Laravel مثل required, email, numeric, وهكذا.

📌 Semantic Validation:
هون الأمور شوي أعمق. الـ validation الدلالي بيهتم بمعنى المدخلات وتوافقها مع القيم الأخرى الموجودة بالنظام. مثلاً، إذا عندك تطبيق حجوزات، ممكن تحتاج تتأكد أنو تاريخ الحجز بعد تاريخ اليوم، أو أنو المستخدم يلي عم يحاول يحجز عنده صلاحية كافية. هاد النوع من الـ validation ممكن يتطلب كتابة قواعد مخصصة أو استخدام business rules للتحقق من صحة البيانات.

لما نشتغل على مشروع، من المهم نستخدم النوعين من الـ validation لحتى نتأكد أنو بياناتنا صحيحة من كل النواحي. الـ Syntactic Validation بيضمن أنو المدخلات بتتبع القواعد الأساسية، بينما الـ Semantic Validation بيتأكد أنو المدخلات منطقية وبتتوافق مع سياق التطبيق.

بتمنى يكون هالشرح فادكم، وإذا عندكم أي أسئلة أو تجارب بهالمجال شاركونا بالتعليقات! 💬💡

دعمكم المحتوى بيساعدني ضل بهالوتيرة لهيك لا تنسوا تشاركوا القناة مع رفقاتكم و تتابعوني على باقي المنصات من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

الله يسعد صباحكم جميعاً 🙏🏻

منشور اليوم مهم جداً لاي حدا عم يشتغل بشركة كبيرة او ضخمة شوي ليعرف كيف دورة حياة اكتشاف الـBugs و إصلاحها.

هي الدورة بتم إسقاطها على برامج توزيع التاسكات متل Jira - Click up و غيرهم لهيك مهم تعرف كل مرحلة شو المقصود و شو اللي بيجي قبلها و بعدها.

نشالله منشور اليوم رح يكون كافي و وافي لتعرفوا هي المعلومات.

و بدي منكم تساعدونا لنوصل لـ 5000 متابع على صفحة الفيسبوك 😁

لان هي الـ Milestone الجديدة من بعد منها رح يكون الشغل على مستوى تاني 🔥

دعوة الأصدقاء و المشاركة بتساعدنا كتير لنوصل للهدف 🙏🏻

https://www.facebook.com/SomarKesen

انت بتعرف انه لما بيطلعلك Bug لتشتغل صح لازم يمر بدورة حياة معينة و محددة ؟؟؟

خلوني احكيلكم شوي عن الـ Bug Life Cycle

🌱 New:
الرحلة بتبلش باكتشاف خطأ جديد أثناء الاختبار.

🔖 Assigned:
بعد الموافقة على الأخطاء، بيتم أسنادها لفريق البرمجة لحلها، وبتتحول حالتها من New لـ Assigned.

🚪 Open:
المبرمجين بيبلشوا بتحليل ومحاولة إصلاح الخطأ. إذا اعتبروه غير كافي أو بحاجة لتدقيق أكتر، ممكن ينقلوا الخطأ لمراحل لاحقة مثل Reject أو Not.

🔁 Duplicate:
لما المبرمجين يكتشفوا إنه الخطأ مشابه لأخطاء موجودة سابقًا، أو إذا تطابق مع أخطاء ثانية، بيتم تحديد الحالة كـ Duplicate.

✅ Fixed:
بعد الانتهاء من مهام تصحيح الأخطاء وإجراء التغييرات اللازمة، بتتحول حالة الخطأ إلى Fixed.

🔍 Pending Retest:
بعد التصليح، المبرمجين بيقدموا الخطأ للمختبرين ليتأكدوا منه. بتظل الحالة Pending لحتى المختبرين يتحققوا من التصليح.

🔬 Retest:
المختبرين بيراجعوا الخطأ ليتأكدوا إنه تم تصحيحه بالشكل المناسب.

🔄 Reopened:
إذا استمرت المشاكل، لازم المطورين يعيدوا فحص الخطأ ويفتحوا الحالة من جديد.

✔️ Verified:
إذا المختبرين ما شافوا أي مشاكل بعد اختبار المبرمجين واعتبروه تم تصحيحه بشكل صحيح، بتصير الحالة Verified أو Confirmed.

🔒 Closed:
إذا ما كان في أي مشاكل مستمرة، المختبرين بيغلقوا حالة الخطأ.

و انت/ي خبروني بالشركة عندكم كيف بتتم عملية تتبع الأخطاء و إصلاحها؟

دعمكم المحتوى بيساعدني ضل بهالوتيرة لهيك لا تنسوا تشاركوا القناة مع رفقاتكم و تتابعوني على باقي المنصات من خلال:
Facebook - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀

قربنا نختم العدد الخاص بالجلسة التانية عن اللارافيل 🔥
اللي سجلوا و نسيت ضيفكم حاكوني ضيفكم على الغروب بنبلش تنسيق 🙏🏻

بذكركم بالمحاور:
خلال هي الجلسة رح نتناقش بفكرة مشروع و نشوف كيف رح نبني الأقسام اللي بتتقاطع مع محاور الجلسة سوياً و نتعلم فيها عن:

- هجمات مشهورة بتتعرض الها المواقع المبنية بـLaravel و كيف منحمي حالنا منها و نشرح عنها شو بتكون عم تستغل.
- ممارسات الـ junior اللي بتفتح ثغرات بتسمح للهاكرز انهم يستغلوها بالموقع.
- كيفية رفع مستوى الـ Validation و نشره بعدة طبقات في المشروع.
- كيف منقلص المعلومات اللي عم نبعتها بالـ response لأقل عدد ممكن لضمان عدم وصول أي معلومات إضافية ممكن الهاكرز يستغلوها.
- كيف رح نبني مشروع قابل للتوسع و الصيانة.
- كيف منخلي الـ api أسرع ما يمكن.
- نصائح لما تكونوا عم تبنوا api لجماعة flutter بتفيدكم.
- كيف منحافظ على الـ DB تبعنا من الـ Dirty Data.
- نصائح كيف نشتغل مع الـ GIt بشكل صحيح.

هي Key Words عامة عن اللي رح نحكي عنهم و نشالله كل هالمعلومات رح تكون عندكم بعد ما نخلص من الـ Session

أنا فخور بأي شخص بيسعى انه ليقدم شي أو انه يصقل خبرته بالمساهمة ولا في أفضل من هي الطريقة لكسب الخبرة و انك تعرف تسوق لنفسك و مهاراتك و اليوم حابب شارككم مساهمة من صديقنا @khaled6524 ضمن مجتمع الـ Django:

DJANGO-SWIFT-CRUD


بالنسبة للمطورين الذين يعملون باستخدام إطار العمل Django، فإن إعداد عمليات CRUD غالبًا ما تكون مهمة متكررة ومستهلكة للوقت. الهدف الأساسي من إنشاء حزمة DJANGO-SWIFT-CRUD هو تبسيط هذه العملية من خلال توفير واجهة بسيطة تتيح للمطورين تنفيذ وظائف CRUD بسرعة لأي model في Django.

https://github.com/khaledsukkar2/django-swift-crud
حيث تقدم (CBVs)class-based views المضمنة في Django طريقة قوية لإدارة عمليات CRUD، ولكن لها مجموعتها الخاصة من التعقيدات. غالبًا ما يجد المطورون أنفسهم يكتبون كود متكرر بشكل كبير وتكون عملية التعديل (customization) بسبب وجود بنية معقدة من هرمية وراثة متعددة تكون صعبة ومرهقة, هذا يمكن أن يكون مستهلكًا للوقت ومعرضًا للأخطاء، خاصةً بالنسبة للجدد في Django أو أولئك الذين يعملون على مشاريع ضخمة.

تقوم حزمة DJANGO-SWIFT-CRUD بإخفاء معظم التعقيدات المرتبطة بال (CBVs) في Django. من خلال الاستفادة من صف الأساسي الذي يشكل الواجهة الأساسية (BaseView) تسمح الحزمة للمطورين بإعداد عمليات CRUD بأقل قدر من الكود.

الميزات الرئيسية:

واجهة بسيطة لعمليات ال views : يعمل صف BaseView كحل شامل لجميع عمليات CRUD، مما يلغي الحاجة إلى إنشاء صفوف منفصلة لكل عملية.

قابلة للتخصيص والتعديل: يمكن للمطورين تعديل الواجهة الأساسي BaseView لإضافة المزيد من الميزات أو من الصفوف من النوع mixins مثل `LoginRequiredMixin`، لتناسب احتياجاتهم المحددة.

توليد الروابط لكل صف مما يقلل الحاجة من تكرار الكود لكتابة URLs جديدة عند كل صف View جديد

إذا انت Mobile أو Front end Developer و عم تشتغل عند Team Leader مليون بالمية سمعته مرة عم يحكيكم عن موضوع الـ Overfetching أو حتى ممكن خلاكم تعيدوا التاسك كرمال هاد الموضوع فشو بيعني Overfetching ؟

الـ Overfetching هو لما يطلب التطبيق بيانات أكتر من اللي بيحتاجها فعلياً ليشتغل. مثلاً إذا بدك تعرض قائمة مقالات مع عناوينها وأسماء الكتّاب، بس بتروح تجيب كل المعلومات عن المقالة، من نص كامل وتعليقات وتصنيفات، مع إنك بالحقيقة بدك بس العنوان واسم الكاتب، فهذا اسمه Overfetching.

هالشي بيخلي التطبيق بطيء لأنه عم ينقل بيانات زيادة عن اللزوم عبر الشبكة، وبيستهلك موارد بلا فائدة.

هل كانت هي المعلومة جديدة عليك؟؟

تابعني من خلال:
Faceboo - Linkedin - Instgram - Telegram

===================

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال 🚀