TranslaGenius - حزمة Laravel لأتمتة ترجمة تطبيقاتكم

من أعمال يوسف صالح 🔥

الفكرة و التنفيذ رائعين جداً و انصح بتجربتها و المساهمة بتحسينها

للي مابيعرف يوسف كان ضمن طلاب الدفعات 5 و 6 من التدريبات بشركة فوكال اكس و من لحظة ما تعرفت عليه لهي اللحظة الشب مثال للتميز و الاجتهاد

كل الدعم منا الك يا يوسف بأول مشاريعك مفتوحة المصدر و نشالله القادم اكبر بكتير

تفاصيل إضافية من خلال الرابط: هنا

شو اللي بتفضله باستخدامك لما بتشتغل مع API ؟؟

و ليش؟

صرلي فترة مستمتع بتعلم الـ DevOps و رح بلش معكم سلسلة اشرحلكم فيها عنه فتابعوا القناة و شاركوها بين اصدقائكم

🔥🔥

سلسلة منشورات DevOps

شو يعني DevOps؟
DevOps = دمج بين تطوير البرمجيات (Development) وإدارة الأنظمة (Operations).
الهدف؟ تسريع و تحسين طريقة بناء التطبيقات وتشغيلها بأمان وكفاءة.

ليش الشركات بتحب DevOps؟
نشر التحديثات أسرع
جودة تطبيقات أعلى
كشف الأخطاء أسرع
تعاون أفضل بين الفرق
تكلفة أقل على المدى الطويل

شو يعني Cloud؟
Cloud = سيرفرات موجودة عالإنترنت مو بس بجهازك.
بتحصل على سيرفر أو مساحة تخزين أو قاعدة بيانات... وتدفع حسب استخدامك.
أمثلة: AWS، Azure، Google Cloud.


انتظرونا في منشورات قادمة 🔥


===================

Linkedin |Instgram | YouTube

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

يومياً بيوصلني استفسارات كتير خصوصاً للاشخاص اللي عم تبدأ جديد بمجال البرمجة او حتى خلال الاسئلة الاسبوعية بخصوص اختيار المسار البرمجي او شو بتعلم او شو بيمشي حال مع Freamwork معين او غيره.

اغلب هي الاسئلة شارح الاجابة عنها باستضافة بفيديو جلسة مشاريع التخرج التقنية - مهارات وأساليب

تم تسجيل هذه الجلسة يوم الخميس، 4 أبريل 2024، وهي مقدمة برعاية شركة @focalXagencyllc

00:00 بداية
9:07 مقدمة
14:24 سلوك عمل وتفكير الفريق البرمجي
24:24 فكرة المشروع
28:37 التعقيد و الجودة في المشروع
32:55 اهمية تجربة المستخدم UX في مشروعك
38:06 أهمية توثيق المشروع
41:36 ماهي ال SRS و أهميتها
44:50 الجدول الزمني للمشروع
50:00 أهم لغات البرمجة و الأدوات أثناء العمل مع فريق
1:02:40 كيف يتم تنظيم و تنسيق العمل ضمن الفريق
1:06:40 أهم ال tools التي تحتاجها في مشاريعك
1:09:46 ما المقصود بالسيرفر وأهميته في المشاريع؟
1:11:51 الاجابة عن الاسئلة المطروحة بال form

تقريب الساعتين من الحديث عن هي النقاط اللي اكيد رح تكون مهمة انك تعرفها

رابط الفيديو: https://youtu.be/uNkKS44fxfQ

و لا تنسوا الاشتراك بالقناة و تفعيل زر الجرس ليوصلكم كل جديد 🔥

شو يعني CI/CD؟
CI (Continuous Integration):
كل ما يضيف المبرمج كود جديد، يتم دمجه وفحصه تلقائياً ضمن المشروع.

CD (Continuous Deployment):
الكود الجديد يتم نشره تلقائياً على الخوادم بدون تدخل يدوي.

بكلمات أبسط: كل شي بيصير لحالو... دمج، فحص، نشر ✅


انتظرونا في منشورات قادمة 🔥


===================

Linkedin |Instgram | YouTube

أنا Somar Kesen أعمل كـ Full Stack Developer أنشر بشكل شبه يومي منشورات تحتوي على العديد من المعلومات عن تطوير البرمجيات و سوق العمل مستخلصة من خبرة سنين في العمل مع العديد من الشركات في الشرق الأوسط و أوروبا ضمن هذا المجال

جماعة الـ Flutter باختصار 😂

لما بتبدأ بمسار الـ DevOps رح تصادف اسماء أدوات و منصات كتيرة و لربما أشهرها هو Jenkins

لما توصل لمرحلة انك ناوي تتعلم Jenkins اكيد انت قبل منها مجرب تتعامل مع الـ GitLab Piplines و GitHub Actions و عامل عليهم CI/CD أكيد

بتجي حتى تتعلم Jenkins بتحس حالك عم تعقد الموضوع و انك قادر تساوي نفس وظائفه بدونه و بطريقة اسهل و اليوم جاي انا حتى وضحلك هي الفكرة

المنشور طويل و رح انشره على لينكدان لهيك اتاكد انك عم تتابعني لبين ماخلص كتابته و ينزل هي رابط حسابي على LinkedIn :
https://www.linkedin.com/in/somarkesen/

و شكراً و عفواً 😶😶

بتعرفوا انه Uber الكبيرة و الضخمة ببدايتها كانت تشتغل على PostgreSQL و لما كبرت انتقلت على MySQL؟

للحظة الأولى بتتخيل انه لاء هاد خطأ كتابة و الموضوع بالعكس لان متل ماهو شائع و معروف انه PostgreSQL عم يروحوا معها بالمشاريع الضخمة بدلاً من MySQL صح؟

لاء الموضوع فعلاً رحلة من PostgreSQL إلى MySQL

كتبتلكم مقالة كاملة عن ليش Uber اخدت هالقرار و شو الاسباب

بإمكانكم قراءة المقال على Linkedin من خلال الرابط: هنا

إذا بدك نصيحة واحدة تتعلّم فيها Laravel بشكل صح؟ بعطيك خمس!

ما في طريق مختصر، بس في خطوات بتساعدك تتقدم بثقة وتكتب كود نظيف، آمن، وقابل للتوسعة

1. التزم بـ MVC Architecture كأنها أساس المشروع
قسم شغلك بين Model وView وController، هيك الكود بيصير أنضف وأسهل تفهمه وتعدّل عليه

3. اتقن الشغل مع Eloquent ORM
الـ Eloquent قوي وبيسهّل حياتك، بس دير بالك من الاستخدام الغلط يلي ممكن يبطّئ التطبيق أو يجيبلك بيانات غلط

3. اعمل التحقق من البيانات باستخدام Form Request Classes مخصصة
لا تكتب validation هيك عالسريع جوّا الكنترولر… خليه بمكانه الصح

4. خلي الأمان جزء من شغلك اليومي (Security Workflow)
الـ CSRF، XSS، Hashing، صلاحيات… كل هالأمور مو كماليات، لازم تكون أساسية بأي مشروع

5. اختبر بكير، واختبر بشكل مستمر (Test Early, Test Often)
لا تستنى يصير عندك خطأ على الـ Production الاختبار من البداية بيخلّصك من وجعة راس كبيرة بعدين

تحياتي للجميع و تمنياتي لكم بأسبوع عمل موفق خال من الـ Bugs و الـ meetings

كما جرت العادة نستقبل اسئلتكم على الـ store في Instagram من خلال الرابط: هنا

إذا فكرت إنو دورة Laravel Security Masterclass خلصت عند حماية الكود والسيرفر… فاستعد لفقرة ما بتنحكى بكل الكورسات

رح نكشف أداة خارجية قوية بتدخل معك على المشروع وبتفحص كودك سطر بسطر،بتكشف الثغرات، الأخطاء الـ code smells وحتى النقاط الحساسة أمنيًا قبل ما توصل لمرحلة الـ Production

يعني مو بس رح تكتب كود آمن و رح تراقب مشروعك وكأن معك خبير امني شغّال 24/7

التسجيل المسبق متاح الأن و بإمكانكم الانضمام لمجموعة المهتمين للإجابة على استفساراتكم من خلال الرابط: هنا