هاي السلايدات اخذناهن اليوم والكودات الي كتبناهن بورشة اليوم

https://forms.gle/QRdCuAgkf21ztRm49

الي يحب يكدر يقيم ورشة اليوم عن طريق هذه الرابط
راح اعتمد على ارائكم حتى احسن من مستوى الورشات القادمة

شكرا الكم على التقيمات اكيد قريتهن بشكل دقيق ولفتو انتباهي لكم مشكلة وان شاء الله راح تكون الورشة القادمة افضل من القبلهه،

استقبل تعليقاتكم اذا عدكم اي مقترح او فكرة او موضوع تريدوني اسوي عليه ورشة

اما بالنسبة للورشة القادمة فراح تكون مجانية بوالمحطة
وهاي تفاصيلهه كاملة👇

The Art of Programming and the Web with JavaScript
عمرك فكرت بتطبيقات و مواقع الويب اللي جاي تستعملها و اللي تكدر تنشر و تشوف محتواها من الانترنت شلون جاي تشتغل و تعرضلك هذ المحتوى من السيرفرات، و شنو لغات البرمجة اللي استعملوها ببناء هاي المواقع و التطبيقات.
بهاي الورشة راح نشرح العملية من البداية و راح تكون محتويات الورشة كالتالي :

1- شلون الحاسبة تشتغل و شلون نكدر نتواصل وياهة

2 - شنو هو عمل السيرفر و شلون ينقل البيانات

3 - شنو هي الادوات و لغات البرمجة اللي نحتاجهة حتى نبني تطبيق او موقع ويب

4 - اساسيات Javascript

الموعد اليوم: الخميس 17 اذار الساعة )7:00 - 4:30( مساءا
المكان: الكرادة خارج - قرب ساحة عقبة بن نافع - المحطة لريادة الاعمال التقديم
للتقديم يرجى ملئ الاستمارة التالية، سيتم الاتصال بالطلبة المقبولين لتأكيد حجزهم https://forms.gle/mYD7GFxFxEymNEZF6
الورشة يقدمها علي محاسن

والي يحب الويب ويريد يدرسة بشكل كلش دقيق اني اقدم كورس مدفوع اسمة CSWP يستمر لمدة 10 اسابيع بالمحطة تكدرون تشوفون التفاصيل كاملة عن طريق هذه الرابط
الكورس يبدي يوم الجمعة

alimehasin.com/cswp

شكرا لكل الطلاب الي حضرو اليوم ورشة The Art of Programming and the Web with JavaScript

ان شاء الله نشوفكم بمناسبات ثانية
وهاي السلايدات والكودات الي كتبناهن اليوم

الطلاب الي حضرو اليوم اتمنا منكم تقيمون ورشة اليوم حتى نكدر نحسن من مستوى الورشات القادمة الكم

للتذكير
كورس CSWP يبدي باجر يوم الجمعة الساعة بال 1 مساءا الي يحب يسجل هاي اخر فرصة

بالاعتماد على التصويت راح نسوي ورشة على البايثون عن قريب (الاسبوع القادم) ان شاء الله وراح تكون احسن من الورشة القبلهه بفضل تقيمكم للورشة الفاتت

اما بالنسبة للطلاب الي رادوة ورشة عن ال HTML and CSS والي رادو Introduction to Web Programming فهمين راح نسوي ورشة عن هاي المواضيع بعد ورشة ال Python بفترة قليلة

The Art of Programming with Python

بايثون هي لغة برمجة تستعمل بمجالات متعددة مثل تطوير تطبيقات الويب والذكاء الاصطناعي وعلم البيانات فتعلم هاي اللغة راح يفتحلك الطريق لهواي مجالات تكدر تتخصص وتبدع بيهن، وبهاي الورشة راح نشرح اساسيات لغة بايثون واساسيات البرمجة بشكل عام.

بعد ما راح تخلص هاي الورشة راح يصير عندك الاساس حتى تبدي تتعلم امور متقدمة اكثر بعالم البرمجة.

موعد الورشة
اليوم: الاحد (27/3/2022)
الساعة: 12:00pm - 2:00pm
المكان: الجامعة التكنولوجية - نادي الطلبة المبتكرين

للتقديم او المزيد من المعلومات يرجى مراجعة الرابط التالي
https://club.uotechnology.edu.iq/Course.php?id=33

الورشة يقدمها علي محاسن

شكرا لحضوركم اليوم لورشة The Art of Programming with Python
ان شاء الله اليوم انزل ال Slides وال Codes وروابط تحميل ال VS code وال Python

هاي ال Slides وال Codes مال ورشة اليوم
The Art of Programming with Python

https://code.visualstudio.com/
هذه الرابط مال برنامج VS code

https://www.python.org/
هذه الرابط مال python

انصحكم تتبعون  tutorials على اليوتيوب اذا واجهتو صعوبة بالتنصيب

مساء الخير
اليوم قريت تقيماكم على ورشة
The Art of Programming with Python
والنتيجة كلش زينة جنت اتوقع تقيم اقل من هذه لان اني ما جنت بافضل حالاتي وجنت ما راضي عن الورشة بس الي قريتة اليوم بالتقيمات شي كلش ممتاز

شكرا على حضوركم واشوفكم بالورشة القادمة قريبا ان شاء الله
👨‍💻👩‍💻

رمضان كريم على الجميع وربي يعيدة عليكم بالصحة والعافية وبقرب عائلاتكم واحبابكم