نرجع و نقول الموضوع يرجع لتركيبنا النفسي كبشر دماغنا يميل للكسل و الامور الي لازم نديروهم في الغالب ياخذو وقت و جهد نفسي و الدماغ يميل لانه يخلي الجسم ميستهلكش طاقه في امور ميحفزش استجابة القتال او الهرب

امور حياة او موت بمعنى اصح

ف لذالك يبعد نفس عن الاشياء الي لازم نديروهم و هاذا الي يدير فيه الشغف

حلو لو ان الشغف تلاقا مع الدافع حيكون الناتج حلو و جبار بس لو كان الدافع مش موجود الشغف مفيش منه فايده حرفيا

استهلاك طاقه على الفاضي

شوفو ابسط طريقه انكم تتغلبو على حاجز الشغف انكم تحولو اي مشتتات

اول شي سوشيال ميديا و العاب و ياما حكيت على سبب الي يخليني نقول سيبو الالعاب بالذات الي زي ببجي و فورتنايت و هذينا

سوشيال ميديا ممكن في فترة قادمه لو تذكرت و حصلت فضوه نحكي ليش هيا تشتت الموضوع برضو يرجع لتجربه في علم النفس

ثاني شي شوف الاوقات الي تحس انك معندكش شغف لشي و اجبر نفسك انك ديره

مره و اثنين و ثلاثه دماغك حيقاوم بس بعدها حيقعد الشي هاذا عندك عاده

بس اول ما يتعود عليه دماغك حيقعد تلقائيا معش يلقى صعوبه في الموضوع و في احيان يقعد الشي هاذا ممتع بالنسبه له

هل انا نقول مترتاحوش لا هل نقول اجبرو نفسكم على شي متبوش لا

بس احيانا تحتاجو الاجبار هاذا عشان تتقدمو

خصوصا عشان حاجات مهمة زي المهمام اليوميه و القرايا و العمل

@Gmdev_adelBOT البوت لو في حد يبي يشارك او يعطي رايه في الموضوع

الرساله هذي ذكرتني يموقف يقهر مش حيعرفه الا اينج او حد يعرفني شخصيا من السيم الثالث

اكره ما عندي المقاطعه و انا ندير في شي

مهما كان الشي الي تقاطعت عشانه مهم انا قلت نبي ندير كذا تبي شي او قاعده تشوفي فيا مركزه في كود عليش المقاطعه و لما نقول شوية تديري دراما

زي ما انتي مستعجله على حاجتك و مهمة عندك ( في الغالب تافهه حشاكم ) زي ما انا الي ندير فيه اهم بالنسبه ليا من طلبك

بالذات لما نكتب كود ولا نصمم في شي مستحيل نصبي من مكاني الا لما نكمل

مش كل الكود ولاكن على الاقل التاسك الي انا ندير فيها