لو عندك تعليق خاص تقدر تشاركه على البوست في جروب الفيس بوك
https://www.facebook.com/share/g/1A42txpnCw/

ازيكم الفيديو الجديد نزل
عملي 💯
في الفيديو ده هعرض مبدأ مهم أوي تاخد بالك منه في عالم الـ Tech بشكل عام
وهتكلم عنه بتفصيل أكتر مستقبلا إن شاء الله
في الفيديو ده هنزل توزيعة Linux شبيهة للويندوز
وهتشغله بنفسك لو تابعت معايا في الفيديو
وفرصة تتعرف على اللينكس هتحتاجه في الكلاود
هنتعرض له مستقبلا فنزله معايا من دلوقتي

هدف الفيديو فهم الـ Virtualization والشغل عليه بشكل عملي
مشاهدة ممتعة ولو فيه أي سؤال اكتب لنا في الكومنتات
https://youtu.be/_6tFxP-gdKo

Zorin
https://zorin.com/os/download/

VirtualBox
https://www.virtualbox.org/wiki/Downloads

من هنا تقدر تحمل البرنامج والسيستم اللي استخدمناهم في الفيديو

السيستم ده مبني على ubuntu
وده سيستيم لينكس بيستخدم عادة في تعلم اللينكس وفي السيرفرات

فهنحتاجه مستقبلا واحنا بنتعلم مبادئ اللينكس
فنزله من دلوقتي واستكشفه لحد ما نبدأ فيه مع بعض إن شاء الله

الحلقة التانية من بروقان
عن ازاي تتعامل مع التوتر بخطة موضوعية
الحلقة لطيفة ومستني تعليقاتكم عليها
لو حصل توتر بتتعاملوا معاه ازاي ؟

https://youtu.be/i578X4c7E1w

في الفيديو ده بنتكلم باختصار عن السيرفرات
وهنشوف سيرفر حقيقي من جوه ومن بره
وهنتعرف على سيستم مستخدم للسيرفرات
Proxmox
زيه زي باقي الـ Systems من Esxi أو Nutanix

الحلقة مفيدة
وحابب أضيف لها إن السيرفر ده هو أصغر وحدة مكونة للكلاود
زي ما الخلية هي أصغر وحدة مكونة للكائن الحي كده
مشاهدة ممتعة

https://youtu.be/AcHG8j33YT8?si=v91Oi2e2JLwqDrMU

تقدر تحمل الـ Proxmox من هنا
https://www.proxmox.com/en/downloads

أول فيديو من سلسلة أساسيات الشبكات
في الفيديو ده:
استعرضنا منهج CCNA ومنهج Network+
وضّحنا إيه المهم منهم فعلاً للكلاود
ناقشنا طريقة التفكير الصح بدل الحفظ للشهادات
شرحنا مفهوم الشبكة من منظور الكلاود
دخلنا عملي على Azure Portal وشوفنا:
يعني إيه Virtual Network (VNet)

تعريف الشبكة في بيئة Cloud
https://youtu.be/mQ2jC3uXFy8

ازيكم
أنا حاليا بشرح الـ Network Basics
لكل اللي حابب يدخل كلاود
وقولت هعملها بناء على الـ 7 Layers
وكل Layer تكون في حلقة بس الموضوع طلع كبير
ولأني حريص نفهم بتفصيل أكبر
فسيبت الشرح زي ما هو لكن تيمنا بالشعار بتاعنا
فقسمته على حلقات عشان يكون خفيف عليكم

دي أول حلقة وأي سؤال أو اقتراح شاركونا بالكومنتات
https://youtu.be/Q-nsq2NFVG0

النهاردة الفيديو اللي عليه الدور من سلسلة أساسيات الشبكات
بنكمل كلامنا عن أول Layer في الـ OSI Model
وهنتكلم عن الفايروول وشغله
السويتش وشغله
والأكسيس بوينت

الحلقة ممتعة ومعلومات مفيدة عشان تكون متخيل إيه بيحصل في الشركات وفي الخلفية لما تشتغل كلاود

مشاهدة ممتعة
https://youtu.be/mmUPsrUJY2o

واحدة من الحاجات الجميلة مؤخرا في تعلم المجال بشكل عملي
هو التحدي اللي عاملينه كود كلاود
مشيت فيه شوية عشان اشوف مستوى التحديات والحقيقة لطيف للمبتدئين
ولو شايف نفسك متوسط فجرب تعمل المهام باستخدام الـ Cli

طيب إيه هو التحدي
الفكرة من وراه إنك تطبق بشكل عملي شوية مهام عشان فيه فريق بينقل للكلاود
وجايب لك آلأتنين AWS & Azure

وزي ما قولت في فيديو سابق المبادئ واحدة
يعني أول تحدي هو عمل SSH Keys
نفس المبدأ رايح أعمل SSH من نوع RSA

هسيب لكم اللينك لو تحبوا تجربوه
https://engineer.kodekloud.com/practice

في الصورة التحديات اللي اشتركت فيها
تحدي الـ 100 يوم DevOps
تحد الـ 100 يوم Cloud
متقسمين 50 لأمازون و 50 المايكروسوفت

بالتوفيق

**تحديث
الإشتراك مجاني والتحديات مجانية
ولو فيه أي صعوبة نقدر نتناقش فيها على جروب الفيس بوك
https://www.facebook.com/share/g/19vXThgUat/

النهاردة هنكمل كلام عن الـ Physical Layer
وهنتكلم عن أنواع الكابلات باختصار وهنعرف الفروق الموجودة بين الداتا سنتر on-prem
والداتا سنتر المستخدمة في الكلاود
الفيديو ده ختم الـ Physical Layer
فلو فيه أي أسئلة سيبوها في الكومنتات عشان نجاوب عليها إن شاء الله
https://youtu.be/XmJT8ZnfEf4

ازيكم يا شباب
معلش اتأخرت عليكم في الفيديو ده
عشان بحضر نفسي لـ Azure Solution Archetict Expert
فمشغول جامد الفترة دي دعواتكم

النهاردة بنكمل سلسلة الشبكات للناس اللي حابه تدخل المجال
بحاول أربط الشرح بأمثلة عملية عشان الصورة تكون أوضح
وفي نفس الوقت أحافظ على البساطة بدون ما أخل بالمادة العلمية

فلو لسه فيه حاجة مش واضحة
أو حاسس إن فيه تفاصيل أكتر سيب كومنت مباشرة
والأمور هتكون أسهل إن شاء الله
https://youtu.be/fh0dF6-aUDg

هبدأ معاكم بأول تحدي من الـ 100 يوم كلاود
الخاص بكود كلاود اللي اتكلمنا عنه قبل كده

أول تحدي هو بيتكلم عن ازاي تعمل SSH Key

الفكرة انه في الـ Production Environment
انت مش بتستعمل الباسورد

الافضل الـ ssh يكون بـ Key

والمفتاح ده بيكون له قسمين قسم عام للناس
والقسم التاني خاص بيتخزن جوا الماكينة

فلما تتصل بالـ SSH بيطلب منك المفتاح العام
وبيشوفه لو متوافق مع المفتاح الخاص اللي على الماكينة

ودي حاجة في التشفير اسمها Asymmetric Encryption

زي ما متعودين من الفيديوهات بنقول المصطلح عشان لو حابب تبص عليه وتقرأ أكتر

المهم فيه نوعين من المفاتيح للـ SSH ولكن في المثال ده بنستعمل الـ RSA
وده الافتراضي أصلا

في الصورة الحل عن طريق الـ Portal

وفي اللينك ده تقدر تبص على الحل عن طريق الـ Azure Cli
https://raw.githubusercontent.com/migzo0o/100-challenge/refs/heads/main/Azure/01-Create_key_pair

التمرين التاني والتالت نفسهم بيتكلم عن ازاي تعمل Virtual Machine على Azure
وخلوني اتكلم شوية عن Azure Portal

النظام هنا شوية زي الشجرة
عندك أكونت أساسي بيسمهوه Tenant وده الكل في الكل بيقدر يعمل كل حاجة ويقدر يعمل اكونتات تانية
تحتيه فيه subscribtion وده المحاسب وتقدر تعمل كذا واحد برضه وبيتربط بيه طريقة دفع وبيكون له الفواتير الخاصة بيه
بعدين فيه مجموعة الموارد الـ Resource Group
وده اعتبرها شنطة للموارد بتاعتك فكل ما تحب تعمل مجموعة من الموارد متصلين ببعض بعلاقة ما فتقدر تعمل لهم Resource Group جديدة

كده فهمنا القصة بشكل مختصر

دلوقتي بقا ازاي نعمل VM
في كلاود كود هو بيكون محدد كل حاجة وبتدخل جوا الـ Resource Group
وتعمل Add لـ VM جديدة زي الصورة كده
الصورة مش واضح تفاصيلها بس في التمرين هو مبين تفاصيل الماكينة المطلوب تعملها

Hint:

الامكانيات اللي طالبها في التمرين هي تقريبا غير متاحة من خلال الـ Portal
لو لقيتها ونفعت معاك عاش زي الفل
لو مكنش فغالبا هتتحل بالـ Cli
وهي سهلة محتاج بس تعود إيدك عليها أكتر من مرة
ده لينك الكود للكوماند اللي هتستعمله
https://raw.githubusercontent.com/migzo0o/100-challenge/refs/heads/main/Azure/02-Create_VM
اول لاين ده بيعمل ليست بالـ Resource Groups المتاحة لأنها واحدة من العناصر الأساسية في إنشاء الـ VM
بعدين السطور اللي بعدها كلها المفروض كوماند واحد وتنفع في سطر واحد لو شيلت الـ "\"
المهم كل كلمة بين <القوسين دول> هتشيلها مع القوسين وتعوض بالقيمة المطلوبة
وبكده يكون معاك طريقة حل التمرين التاني والتالت وبالتوفيق

ازيكم
الفيديو اللي عليه الدور نزل
بنتكلم عن دور السويتش في البنية التحتية للكلاود
وأهم الهجمات وإزاي نأمن شبكتنا ضدها
مشاهدة ممتعة
https://youtu.be/3gfEYAyfLGY

ازيكم يا جماعة
ده اول فيديو من الفيديوهات المهمة في الشبكات
في الفيديو ده هنفتح azure portal
وهنستعرض إيه اللي محتاجه الكلاود من جزء الشبكات
الفيديو كان طويل فقسمته على الفيديو ده
بعدين الفيديو اللي جاي باقي الفيديو
مشاهدة ممتعة
#اتعلمCloudببساطة

https://youtu.be/XwA-bZfmlCg

كل عام وأنتم بخير
رمضان مبارك عليكم جميعا

في الفيديو ده هنشرح الـ Subnetting
وأن شاء الله بعد الفيديو ده يكون أسهل وأوضح
ولو فيه أي سؤال اكتبوه في الكومنتات عشان نجاوبه في الفيديوهات القادمة
بالتوفيق
https://youtu.be/0IzdfThQaTQ