حابب أشارك معاكم حاجة
في بداياتي أنا كنت بحس بتوتر وأنا بتعلم حاجة جديدة
ولما قعدت أدور على سبب التوتر ده لقيت إنه عشان مش بعرف إزاي هيرتبط اللي بتعلمه بالشغل
يعني مثلا أنا لما أردس شبكات كجونيور إيه هل لما أروح الشغل هيدوني مهام كاملة ومشاريع
ولا مثلا إيه هيحصل ؟!
القلق ده كان بيخليني أوقات مش بقدر أكمل الكورس
أو ببقى عايز أذاكر بسرعة أوي كل حاجة فيحصل burn-out
ومقدرش أكمل
المهم الحمد لله بدأت شغل وعرفت كم الحمل اللي بيكون على الناس لو بتفكر بنفس الطريقة اللي كنت بفكر فيها
وبقالي تقريبا سنتين بخطط للفكرة دي
وهي إني أعمل community يساعد الناس تتعلم وتتعرف على سوق العمل من المنطلق ده
ودي أولى الخطوات معاكم
التشانل دي
فلو تعرفوا حد مهتم بمجال التكنولوجيا بشكل عام
والكلاود بشكل خاص
فضيفوهم وشيروا التشانل للناس المهتمة
وشكرا

ازيكم يا جماعة
النهاردة هشارك معاكم أول فيديو بيتكلم بشكل بدائي خالص عن عمل الشبكات

للناس اللي مهتمة لكن شايفة الموضوع ممكن يكون صعب

https://youtu.be/fK5Ix8mT7vc?si=vVoJ6aCzBfHjpeEO

مشاهدة ممتعة

السلام عليكم
أول فيديو نزل وأكيد للبعض هيكون بدائي أوي خصوصا إن في الجروب ناص متخصصة

بس أنا هدفي من القناة إنه لو واحد ميعرفش أي حاجة يبدأ من الصفر ويتخصص

كمان في تجربتي لشرح الشبكات (Networking) الموضوع كان بيكون معقد على الناس اللي بتسمع

عشان كده قررت أطلع الفكرة بربط مبدأي للحياة من حوالينا وسميت السلسلة دي
Pre-Basics
معنى كده إن فيه سلسلة Basics جاية في الطريق إن شاء الله

فبدل ما تمشي على طريق N+ بعدين CCNA
أو أيا كان من الرود مابس دي
الموضوع يصبح أسهل ومن مكان واحد

أنا لسه بحاول أشوف إيه أنسب لكم
أنا بحب الكورسات اللي أقرب لسوق العمل
لكن الناس الجديدة ساعات بتحب الكورسات الأقرب للشهادات
فشاركوني في التعليقات بتحبوا إيه أكتر

بالنسبة للأسئلة اللي بتتبعت لي بخصوص سوق العمل
حابب أوضح إني شغال مهندس أمن شبكات
فلسه بتعرف معاكم على سوق الكلاود وده هشاركه معاكم في الفيديوهات القادمة

عشان تشوف تفهم المصطلحات اللي في الصورة شوف الفيديو اللي في الرسالة السابقة

من كام يوم دخلت على جروب فيه ناس بتتعلم
وفيه مشاعر مختلطة التطلع للأفضل مع مشاعر من القلق والخوف من المستقبل
واللي بدوره بيعمل جري في كل اتجاه وتشتت وتركيز أقل

بعدين يبتدي يسأل عن رود مابس كتير اوي (تخض عشان طويلة)
أو يتعلم حاجات كتير بدون تطبيق وبعد شوية يتصدم إنه نسى !!

فقررت أعمل سلسلة فيديوهات جنب الفيديوهات التعليمية تتكلم عن النفسية
- حاليا بدأت بنفسيتك كمتعلم
- وكل ما يكون فيه فرصة اتكلم عن حاجة تساعد نكون افضل هعمل كده

طيب هل أنا متخصص ؟! لا انا على باب اللي زيي زيك وبتعلم معاكم

بس المواضيع اللي عدت عليا وبحثت عنها هشاركها معاكم

وهشارك حالا في البوست ده تدريب ذكرته في فيديو هينزل قريب

لو انت عندك قلق كتير جرب تكتب الحاجات اللي قلقاك على ورقة قدامك
بعدين كل حاجة منهم اكتب جنبها ايه في إيدك تقدر تعمله

أغلب اللي كتبته هيكون مش في أيدك
أو إنت كاتب إنه في أيدك حاجات تعملها - بس باجبار لحالك -
فلو ده فعلا حاصل
ارجع بص عليهم تآني واكتب إللي في أيدك + تكون قادر عليه بعدل
يعني برحمه مش إجبار وفي نفس الوقت تكون عامل إللي عليك مش مقصر

القلق إللي على الله سيبه على الله هو هيحله بمعرفته
أما اللي في ايدك
- حط له خطة -بسيطة-
- حدد خط زمني
- حدد أول خطوة تعملها وابدا فيها على طول

وربنا يقوينا جميعا على حياتنا

الفيديو التاني نزل
https://youtu.be/YYA5Iu9MDm4
بيتكلم عن الـ DNS و الـ DHCP

لسه بنتكلم عن الـ Pre-Basics of Networking
وده للناس إللي مش دارسة هندسة أو مش عارفة كتير

فأنا بحاول أعمل القناة شاملة لأي حد عايز يبدأ من الصفر

لو أنت متخصص أو شاطر وعندك المعلومات معلش تصبر معايا هنوصل للمفيد قريب إن شاء الله

دعمكم الجميل بقا Subscribe
وشير للي مهتم وهيستفيد

مشاهدة ممتعة إن شاء الله

بدأنا ندخل في الجد
وهنتكلم عن الـ 7 Layers
في الفيديو الجديد
لو مهتم بالـ Networking
أو الـ Cloud Computing
شوف الفيديو الجديد
واعمل Subscribe وشارك الفيديو مع أصحابك المهتمين
https://youtu.be/xCsdO45HwXs

نظرا لموضوع للسرعة اللي بيمشي بيها عالم التكنولوجيا دلوقتي
ممكن يسبب ضغط على الناس
بدأت السلسلة دي عشان ندردش فيها برواق مع بعض عن أي حاجة ممكن تقلق أو تشتت خلال الطريق

كوباية أي مشروب تحبه وتعالى نروق مع بعض

https://youtu.be/EEml1ghov4I?si=R5atRfZBlNeuwKP2

عشان خاطر نقرب أكتر من العملي
قررت أفتح الـ Wireshark
-برنامج يستعمل في تحليل الشبكة-
عشان نحلل Packet ونشوف الـ OSI layers
بشكل عملي وبالتالي نتعود أكتر على الشبكات لما ندخل في أساسياتها
متابعة مفيدة إن شاء الله
https://youtu.be/YUTpT8fImkk

النهاردة بدأنا في الـ Pre-Basics of Virtualization
وهنتكلم عن نوعين الـ Hypervision
والسيرفرات اللي في الشركات
https://youtu.be/OW5oje6T07Y

مشاهدة ممتعة

لو عندك تعليق خاص تقدر تشاركه على البوست في جروب الفيس بوك
https://www.facebook.com/share/g/1A42txpnCw/

ازيكم الفيديو الجديد نزل
عملي 💯
في الفيديو ده هعرض مبدأ مهم أوي تاخد بالك منه في عالم الـ Tech بشكل عام
وهتكلم عنه بتفصيل أكتر مستقبلا إن شاء الله
في الفيديو ده هنزل توزيعة Linux شبيهة للويندوز
وهتشغله بنفسك لو تابعت معايا في الفيديو
وفرصة تتعرف على اللينكس هتحتاجه في الكلاود
هنتعرض له مستقبلا فنزله معايا من دلوقتي

هدف الفيديو فهم الـ Virtualization والشغل عليه بشكل عملي
مشاهدة ممتعة ولو فيه أي سؤال اكتب لنا في الكومنتات
https://youtu.be/_6tFxP-gdKo

Zorin
https://zorin.com/os/download/

VirtualBox
https://www.virtualbox.org/wiki/Downloads

من هنا تقدر تحمل البرنامج والسيستم اللي استخدمناهم في الفيديو

السيستم ده مبني على ubuntu
وده سيستيم لينكس بيستخدم عادة في تعلم اللينكس وفي السيرفرات

فهنحتاجه مستقبلا واحنا بنتعلم مبادئ اللينكس
فنزله من دلوقتي واستكشفه لحد ما نبدأ فيه مع بعض إن شاء الله

الحلقة التانية من بروقان
عن ازاي تتعامل مع التوتر بخطة موضوعية
الحلقة لطيفة ومستني تعليقاتكم عليها
لو حصل توتر بتتعاملوا معاه ازاي ؟

https://youtu.be/i578X4c7E1w

في الفيديو ده بنتكلم باختصار عن السيرفرات
وهنشوف سيرفر حقيقي من جوه ومن بره
وهنتعرف على سيستم مستخدم للسيرفرات
Proxmox
زيه زي باقي الـ Systems من Esxi أو Nutanix

الحلقة مفيدة
وحابب أضيف لها إن السيرفر ده هو أصغر وحدة مكونة للكلاود
زي ما الخلية هي أصغر وحدة مكونة للكائن الحي كده
مشاهدة ممتعة

https://youtu.be/AcHG8j33YT8?si=v91Oi2e2JLwqDrMU

تقدر تحمل الـ Proxmox من هنا
https://www.proxmox.com/en/downloads

أول فيديو من سلسلة أساسيات الشبكات
في الفيديو ده:
استعرضنا منهج CCNA ومنهج Network+
وضّحنا إيه المهم منهم فعلاً للكلاود
ناقشنا طريقة التفكير الصح بدل الحفظ للشهادات
شرحنا مفهوم الشبكة من منظور الكلاود
دخلنا عملي على Azure Portal وشوفنا:
يعني إيه Virtual Network (VNet)

تعريف الشبكة في بيئة Cloud
https://youtu.be/mQ2jC3uXFy8

ازيكم
أنا حاليا بشرح الـ Network Basics
لكل اللي حابب يدخل كلاود
وقولت هعملها بناء على الـ 7 Layers
وكل Layer تكون في حلقة بس الموضوع طلع كبير
ولأني حريص نفهم بتفصيل أكبر
فسيبت الشرح زي ما هو لكن تيمنا بالشعار بتاعنا
فقسمته على حلقات عشان يكون خفيف عليكم

دي أول حلقة وأي سؤال أو اقتراح شاركونا بالكومنتات
https://youtu.be/Q-nsq2NFVG0

النهاردة الفيديو اللي عليه الدور من سلسلة أساسيات الشبكات
بنكمل كلامنا عن أول Layer في الـ OSI Model
وهنتكلم عن الفايروول وشغله
السويتش وشغله
والأكسيس بوينت

الحلقة ممتعة ومعلومات مفيدة عشان تكون متخيل إيه بيحصل في الشركات وفي الخلفية لما تشتغل كلاود

مشاهدة ممتعة
https://youtu.be/mmUPsrUJY2o

واحدة من الحاجات الجميلة مؤخرا في تعلم المجال بشكل عملي
هو التحدي اللي عاملينه كود كلاود
مشيت فيه شوية عشان اشوف مستوى التحديات والحقيقة لطيف للمبتدئين
ولو شايف نفسك متوسط فجرب تعمل المهام باستخدام الـ Cli

طيب إيه هو التحدي
الفكرة من وراه إنك تطبق بشكل عملي شوية مهام عشان فيه فريق بينقل للكلاود
وجايب لك آلأتنين AWS & Azure

وزي ما قولت في فيديو سابق المبادئ واحدة
يعني أول تحدي هو عمل SSH Keys
نفس المبدأ رايح أعمل SSH من نوع RSA

هسيب لكم اللينك لو تحبوا تجربوه
https://engineer.kodekloud.com/practice

في الصورة التحديات اللي اشتركت فيها
تحدي الـ 100 يوم DevOps
تحد الـ 100 يوم Cloud
متقسمين 50 لأمازون و 50 المايكروسوفت

بالتوفيق

**تحديث
الإشتراك مجاني والتحديات مجانية
ولو فيه أي صعوبة نقدر نتناقش فيها على جروب الفيس بوك
https://www.facebook.com/share/g/19vXThgUat/

النهاردة هنكمل كلام عن الـ Physical Layer
وهنتكلم عن أنواع الكابلات باختصار وهنعرف الفروق الموجودة بين الداتا سنتر on-prem
والداتا سنتر المستخدمة في الكلاود
الفيديو ده ختم الـ Physical Layer
فلو فيه أي أسئلة سيبوها في الكومنتات عشان نجاوب عليها إن شاء الله
https://youtu.be/XmJT8ZnfEf4