تعت امي بوكتة...ويعت امي
واعت جفي على هجرك...ويعت امي
شمالك درت ويهك...ويعت امي
التلفك جي ترد وتخوف بية

دنيه شبيج بس وياي...صحتي
عليه الضيم فوك الحزن...صحتي
ينشدني صديجي شلون...صحتي
شجاوب وانه كل الضيم بيه

لا تعشك غريب ابيوم...ويروح
اويترك ب الدليل اهموم...ويروح
العشك ياصاح يعني الروح...وي روح
ابرحيل الروح كلي اشيضل بيه

عنيت وبس عليك الجدم...يعني
ولا غيرك الي بالناس...يعني
اكله اشكد تحبني يكلي...يعني
شنو اليعني منو يفسرهه اليه

مشيت بعيد عنك واني...شايل
حزن وهموم گلبي واني...شايل
وكلام الله ذكرتك واني...شايل
تيهت دربي وابوي ايلوم بيه

اصيله الروح تنشد.. من خيالي
وافز مرات اخافن.. من خيالي
شكثر حاولت احذفك.. من خيالي
خيالي انحذف وانت الهسه بيه