Kings Rich စက်ရုံက အလုပ်သမားတွေကို တခြားနိုင်ငံရှိစက်ရုံမှာ လုပ်ကိုင်လိုရင် စီစဉ်ပေးမယ်လို့ဆို

CJ Platform

မြန်မာနိုင်ငံမှာ လုပ်ငန်းရပ်နားမယ့် Kings Rich Fashion အထည်ချုပ်စက်ရုံက တခြားနိုင်ငံတွေမှာ ဖွင့်ထားတဲ့ သူတို့ရဲ့စက်ရုံခွဲတွေမှာ သွားရောက်လုပ်ကိုင်ချင်တဲ့ အလုပ်သမားတွေကို လက်ခံပေးသွားမယ်လို့ အသိပေးထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-2/

မီးပွိုင့်ပြင်ခြင်းနှင့် လူကူးမျဉ်းကြားတွေ ဆေးပြန်သုတ်နေလို့ ပညာပေးကာလသက်တမ်း ထပ်တိုး

CJ Platform

ရန်ကုန်က မြို့တွင်းခရီးသွားပြည်သူတွေအနေနဲ့ လူကူးမျဉ်းကြားက မကူးရင် အရေးယူမယ်လို့ စစ်အုပ်စုက ထုတ်ပြန်ထားပေမယ့် မီးပွိုင့်တွေ ပြန်ပြင်တာနဲ့ မျဉ်းကြားတွေ ဆေးပြန်သုတ်နေတာကြောင့် ပညာပေးကာလသက်တမ်း ထပ်တိုးလိုက်ရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-3/

ရှေ့တန်းသွားတဲ့ စစ်သည်တွေရဲ့ ဇနီးတွေကို လိင်မှုကိစ္စကျူးလွန်လို့ တပ်ရင်းမှူးနဲ့ ဗိုလ်မှူး ၂ ဦး အတိုင်ခံရ

CJ Platform

ရှမ်းပြည်အရှေ့ပိုင်း၊ ကျိုင်းတုံမြို့နယ်၊ အမှတ် (၄) ဝန်တင်တပ်ရင်းမှာ ရှေ့တန်းသွားတဲ့ စစ်သည်တွေရဲ့ ဇနီးတွေကို လိင်မှုကိစ္စကျူးလွန်တဲ့ တပ်ရင်းမှူးနဲ့ ဗိုလ်မှူး ၂ ဦးကို စစ်သည်တွေက တိုင်ထားတယ်လို့ မြို့ခံတွေဆီက သိရပါတယ်။
Website တွင် ဆက်လက်ဖတ်ရှုရန် >>> https://cjplatform.com/1652026-6/

တောင်ကိုရီးယားမှာ မြန်မာသင်္ဘောသား အချင်းချင်း ဓားထိုးမှုဖြစ်

CJ Platform

တောင်ကိုရီးယားနိုင်ငံမှာ ဒီကနေ့ မေ ၁၆ ရက် မနက်ပိုင်းက မြန်မာသင်္ဘောသား ၂ ​ဦး စကားများရာကနေ ဓားထိုးမှုဖြစ်ခဲ့တယ်လို့ အဲဒီနိုင်ငံရောက် မြန်မာအသိုင်းအဝိုင်းဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-7/

မနက်ဖြန် မေ (၁၇)ရက် တနင်္ဂနွေနေ့အတွက် မိုးလေဝသခန့်မှန်းချက်
မုတ်သုံဝင်ပြီ

CJ Platform

မနက်ဖြန် မေလ ၁၇ ရက်၊ တနင်္ဂနွေနေ့အတွက် မိုးလေဝသခန့်မှန်းချက်တွေနဲ့အတူ မုတ်သုံလေ တရားဝင် ဝင်ရောက်ပြီဖြစ်တဲ့ အခြေအနေ၊ မြစ်ရေ အတက်အကျနဲ့ ပရိသတ်တွေ မေးမြန်းထားတဲ့ မြို့နယ်အလိုက် ခန့်မှန်းချက်တွေကို တင်ဆက်ပေးသွားပါမယ်။အရင်ဦးဆုံး အနောက်တောင် မုတ်သုံလေ စတင်ဝင်ရောက်တဲ့ နေ့ရက် နဲ့ ပတ်သက်ပြီး တရားဝင် ထုတ်ပြန်ချက်တွေကို ရှင်းလင်း ပြောပြပေးချင်ပါတယ်။
အနောက်တောင် မုတ်သုံလေဟာ အာရေဗျပင်လယ် တောင်ပိုင်း၊ ဘင်္ဂလားပင်လယ်အော် အနောက်တောင်ပိုင်းနဲ့ အရှေ့တောင်ပိုင်း၊ ကပ္ပလီပင်လယ်ပြင် တစ်ခုလုံးအပြင် မြန်မာနိုင်ငံ တောင်ပိုင်းဒေသတွေကို ဒီနေ့ မေလ ၁၆ ရက်နေ့မှာ စတင် ဝင်ရောက်နေပြီလို့ အိန္ဒိယမိုးလေဝသဌာန (IMD) က ဒီနေ့မှာပဲ ထုတ်ပြန်ထားပါတယ်။

#CJPlatform #မိုးလေဝသ #WeatherUpdate #MonsoonOnset #မုတ်သုံလေ #မိုးသက်လေပြင်း #AudienceQandA #ပင်လယ်ပြင်သတိပေးချက်
Youtube တွင် ဆက်လက်ကြည့်ရှုရန် >>>https://youtu.be/SausbKaMWeM

မုတ်သုံဝင်ရာလမ်းတလျှောက် မိုးရေချိန်ဘယ်လောက် ရနိုင်မလဲ

CJ Platform

ဒီကနေ့ မေလ ၁၇ ရက်နေ့ကနေ မေလ ၂၃ ရက်နေ့အထိ တစ်ပတ်အတွင်း ဖြစ်ပေါ်လာမယ့် မိုးလေဝသ အခြေအနေတွေကို မပြောပြမီ အရင်ဦးဆုံး အနောက်တောင် မုတ်သုံလေ စတင်ဝင်ရောက်သွားပြီဖြစ်တဲ့ အခြေအနေ ကို ရှင်းလင်း ပြောပြပေးချင်ပါတယ်။ ပြီးခဲ့တဲ့အပတ်ကတော့ CJ Platform Weather Team အနေနဲ့ မုတ်သုံဝင်မယ့် သီတင်းပတ်လို့ အသိပေးခဲ့သလိုပဲ... မြန်မာနိုင်ငံ မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) ကလည်း မနေ့က မေလ ၁၆ ရက်နေ့မှာ "အနောက်တောင် မုတ်သုံလေဟာ မြန်မာနိုင်ငံ တောင်ပိုင်းဒေသများ၊ ကပ္ပလီပင်လယ်ပြင်နှင့် ဘင်္ဂလားပင်လယ်အော် အရှေ့တောင်ပိုင်းသို့ ပုံမှန်ကာလအတိုင်း စတင် ဝင်ရောက်ခဲ့ပြီဖြစ်ကြောင်း" တရားဝင် ကြေညာခဲ့ပါတယ်။

#CJPlatform #မိုးလေဝသ #WeatherUpdate #MonsoonEntry #မုတ်သုံလေ #Rainfall #မိုးရေချိန် #ပင်လယ်ပြင်သတိပေးချက်

Youtube တွင် ဆက်လက်ကြည့်ရှုရန် >>>https://youtu.be/pc0Si_eijUY

မဟာအောင်မြေမြို့နယ်တွင် အသက် ၅ နှစ်အရွယ် ကလေးငယ်တစ်ဦး ရေနစ်သေဆုံး

CJ Platform

မန္တလေးတိုင်း၊ မဟာအောင်မြေမြို့နယ်၊ ၇၈ လမ်း၊ မန္တလေးတက္ကသိုလ်အနောက်ဘက်ရှိ မြို့တော်စည်ပင်ပန်းခြံအတွင်း ဒီကနေ့ မွန်းလွဲ ၁ နာရီက အသက် ၅ နှစ်အရွယ် ကလေးငယ်တစ်ဦး ရေနစ်သေဆုံးခဲ့တယ်လို့ မြို့ခံတွေဆီက သိရပါတယ်။

မြို့တော်စည်ပင်ပန်းခြံအတွင်း သစ်ပင်များရေလောင်းရာတွင် အသုံးပြုရန် တူးဖော်ထားသော ရေကန်တွင် အသက် ၅ နှစ်အရွယ် ကလေးတစ်ဦး ရေဆင်းချိုးရာ ရေနစ်သေဆုံးခဲ့တာဖြစ်တယ်လို့ မြို့ခံတစ်ဦးက CJ Platform ကို ပြောပါတယ်။

"သူ့အမေကလည်း ကလေးတစ်ဖက်နဲ့ဆိုတော့ ကလေး ရေဆင်းကူးတာကို မသိလိုက်ဘူး။ ကလေးရေနစ်နေမှ သိတာ။ ကယ်ဆယ်ရေးအဖွဲ့တွေ ဆင်းဆယ်တဲ့အချိန်မှာ ကလေးက အသက်မရှိတော့ဘူး" လို့ ပြောပါတယ်။

အခင်းဖြစ်နေရာကို မန္တလေးမြို့ “မဏီစလ” လူမှုကူညီရေးအသင်းက ယာဉ်နှစ်စီးနဲ့ သွားရောက်ကူညီပေးခဲ့ပြီး ရုပ်အလောင်းကို အောင်​မြေသာစံမြို့နယ်ဆေးရုံကို ပို့ဆောင်ပေးခဲ့တယ်လို့ သိရပါတယ်။

ပြီးခဲ့တဲ့ ၂၀၂၅ ခုနှစ် ဩဂုတ်လ ၁၀ ရက်ကလည်း မဟာအောင်မြေမြို့နယ်၊ ၃၈ လမ်း၊ ၈၇ x ၈၈ ကြား၊ ဦးပေစိဘုရားဝန်းရှေ့ သင်္ဂဇာချောင်းမှာ ရေဆင်းကူးတဲ့ လူငယ်တစ်ဦး ရေနစ်သေဆုံးခဲ့တဲ့ ဖြစ်စဉ်လည်း ရှိပါတယ်။

ဓာတ်ပုံ - လူမှုကွန်ရက်
#CJPlatform #မန္တလေးတိုင်း #မဟာအောင်မြေမြို့နယ် #ရေနစ်သေဆုံး #မဏီစလ

စစ်ဆေးရေးဂိတ်တွေကို ဝန်ကြီးရှောင်တခင် စစ်ဆေးမယ့်သတင်းကြောင့် ကားတိုင်းကို ရဲတွေ အလေးပြု

CJ Platform

ငွေတောင်းကြမ်းတဲ့ စစ်ဆေးရေးဂိတ်တွေကို စစ်အုပ်စုခန့် ပြည်ထဲရေးဝန်ကြီးက ရှောင်တခင် ဝင်စစ်ဆေးမယ်ဆိုတဲ့ သတင်းကြောင့် စစ်ဆေးဂိတ်က ရဲများအားလုံး ကားတိုင်းကို အလေးပြုနေရတယ်လို့ ယာဉ်မောင်းတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1852026-2/

ရန်ကုန်တိုင်းတွင် ငလျင်လှုပ်

CJ Platform

ရန်ကုန်တိုင်းမှာ မေလ ၁၈ ရက် မနက် ၈ နာရီ ၃၅ မိနစ်က ကျောက်တန်းမြို့ကို အခြေပြုပြီး လှုပ်ခတ်သွားတဲ့ ငလျင်လှုပ်ခတ်မှုဟာ ပြင်းထန်တယ်လို့ မြို့ခံတွေဆီက သိရပါတယ်။

ငလျင်လှုပ်ခတ်မှုမှာ ပြည်သူများ အိမ်ပေါ်ကနေ လမ်းထွက်ပြေးကြတဲ့အထိ သိသာတယ်လို့ မြောက်ဥက္ကလာမြို့ခံတစ်ဦးက CJ Platform ကို ပြောပါတယ်။

"ငလျင်လှုပ်တာ အရမ်းသိသာတယ်။ အိမ်ကိုကိုင်ပြီး ဆောင့်လှုပ်လိုက်သလိုပဲ၊ လူတွေလည်း လမ်းပေါ် အကုန်ပြေးဆင်းကြတယ်" လို့ ပြောပါတယ်။

ငလျင်လှုပ်ခတ်မှုမှာ အနည်းငယ်ပြင်းထန်၍ အိုးခွက်များ ပြုတ်ကျတဲ့အထိဖြစ်ပြီး အထပ်မြင့်တိုက်ပေါ်မှ လူများ တိုက်အောက်ကို ပြေးဆင်းရတဲ့အထိ ဖြစ်တယ်လို့ သာကေတမြို့ခံတစ်ဦးက CJ Platform ကို ပြောပါတယ်။

"ငလျင်လှုပ်တာ သိပ်မကြာပေမယ့် အတော်လေး ပြင်းထန်ပါတယ်။ အိုးခွက်ပန်းကန်တွေတောင် ကျတယ်။ အထပ်မြင့်တိုက်ပေါ်မှာနေတဲ့သူတွေ ဘယ်သူမှ အပေါ်မှာမနေရဲဘူး၊ အောက်ကိုဆင်းပြေးပြီး အောက်မှာပဲ နေကြတယ်" လို့ ရှင်းပြပါတယ်။

ရန်ကုန်တိုင်းတွင် မြို့နယ် ၄၅ မြို့နယ်နဲ့ မြို့ပေါင်း ၂၀ ရှိပြီး အကုန်လုံးနီးပါး ငလျင်လှုပ်ခတ်မှုဒဏ်ကို ခံရပြီး လက်ရှိအခြေအနေအထိ ထိခိုက်ဒဏ်ရာရသူသတင်း မကြားသေးကြောင်း လူမှုကူညီကယ်ဆယ်ရေးအဖွဲ့ဝင်တစ်ဦးက CJ Platform ကို ပြောပါတယ်။

"ရန်ကုန်တိုင်းတစ်တိုင်းလုံးက မြို့နယ်အကုန်လုံးမှာ ငလျင်လှုပ်တာပါ။ အခုချိန်ထိ ထိခိုက်ဒဏ်ရာရတဲ့သူသတင်း မကြားရသေးဘူး" လို့ ရှင်းပြပါတယ်။

ငလျင်ဟာ ကျောက်တန်းမြို့အနီး ဗဟိုပြုပြီး ပြင်းအား ရစ်ချ်တာစကေး ၅ ဒသမ ၂ အဆင့်ဖြင့် လှုပ်ခတ်ခဲ့ခြင်းဖြစ်တယ်လို့ မိုးလေဝသနှင့် ဇလဗေဒဦးစီးဌာနက ထုတ်ပြန်ထားပါတယ်။

ဓာတ်ပုံ - လူမှုကွန်ရက်
#CJPlatform #ရန်ကုန်တိုင်း #ငလျင် #ကျောက်တန်းမြို့ #သဘာဝဘေးအန္တရာယ်