မီးရထားစနစ်ဟာ အကောင်းဆုံးလို့ မင်းအောင်လှိုင်ပြော

CJ Platform

ရထားပို့ဆောင်ရေးဟာ နိုင်ငံအတွက် အမှန်တကယ်အကျိုးရှိပြီး လောင်စာဆီသုံးစွဲမှုကို ထိရောက်စွာ လျှော့ချပေးနိုင်တာကြောင့် ပြည်သူတွေ ပိုမိုအားကိုးအသုံးပြုလာစေဖို့ ရထားပို့ဆောင်ရေးစနစ်ကို အဆင့်မြှင့်တင်ရမယ်လို့ မနေ့ မေလ ၁၄ ရက်မှာ ကိုယ်တိုင်ခန့်သမ္မတ မင်းအောင်လှိုင်က ပြောပါတယ်။

မနေ့ မေလ ၁၄ ရက်က နေပြည်တော်၊ ပုဗ္ဗသီရိမြို့နယ်ရှိ စက်ခေါင်းသစ်တပ်ဆင်ထုတ်လုပ်ရေးစက်ရုံကို သွားရောက်စစ်ဆေးစဉ် အဲဒီလို ထည့်သွင်းပြောကြားခဲ့တာဖြစ်ပြီး ရထားပို့ဆောင်ရေးဟာ ခရီးသည်နဲ့ ကုန်ပစ္စည်းတွေကို ကုန်ကျစရိတ်သက်သာစွာနဲ့ အမြောက်အမြား ပို့ဆောင်ပေးနိုင်တဲ့ အကောင်းမွန်ဆုံး ပို့ဆောင်ရေးစနစ်ဖြစ်တယ်လို့လည်း သူက ဆိုပါတယ်။

ရထားပို့ဆောင်ရေးကို ပြည်သူတွေ ယုံကြည်စိတ်ချစွာနဲ့ အပြည့်အဝ အားကိုးအသုံးပြုနိုင်ရေးအတွက် ဆောင်ရွက်သွားကြရမှာဖြစ်ပြီး ကမ္ဘာ့နိုင်ငံရေးဖြစ်ပေါ်ပြောင်းလဲမှုတွေအရ လောင်စာဆီအခက်အခဲတွေကို ကြုံတွေ့နေရတာကြောင့် အများပြည်သူသုံးသယ်ယူပို့ဆောင်ရေး (Public Transportation) ကို ကောင်းမွန်အောင် ဆောင်ရွက်ပေးသွားကြရမယ်လို့ သူက ပြောပါတယ်။

မြန်မာနိုင်ငံမှာ ရထားပို့ဆောင်ရေးကို ၁၈၇၇ ခုနှစ်ကပင် စတင်ခဲ့ပြီး ၂၀၂၇ ခုနှစ်မှာ သက်တမ်း ၁၅၀ ပြည့်မြောက်တော့မှာဖြစ်တာကြောင့် အခုထက် ပိုမိုဖွံ့ဖြိုးတိုးတက်သင့်ကြောင်း၊ ရထားလမ်းတွေရဲ့ အရည်အသွေးနဲ့ အဆင့်မီမှုရှိမှသာ မြန်နှုန်းမြင့်မောင်းနှင်နိုင်မှာဖြစ်တာကြောင့် သံလမ်းတွေ၊ ဇလီဖားတုံးတွေနဲ့ အောက်ခံကျောက်တွေကို သတ်မှတ်စံချိန်စံညွှန်းမီအောင် ပြုပြင်ပြောင်းလဲဖို့ လိုအပ်တယ်လို့လည်း ဆိုထားပါတယ်။

လက်ရှိမှာ မြန်မာ့မီရထားလက်မှတ်တွေကို အွန်လိုင်းကနေတဆင့် ရောင်းချပေးနေမှုမှာ နည်းပညာလိုအပ်ချက်တွေကြောင့် ထိုင်ခုံလက်မှတ်ထပ်နေတာ၊ ငွေဖြတ်သွားပြီးနောက် လက်မှတ်မရတာတွေ ဖြစ်ပေါ်နေတယ်လို့ မြန်မာ့မီးရထား အသုံးပြုသူတွေဆီက သိရပါတယ်။

ဒါ့အပြင် ရန်ကုန်-မန္တလေး၊ ရန်ကုန်-မော်လမြိုင်နဲ့ ရန်ကုန်-ပြည် လမ်းပိုင်းတွေကို ဦးစားပေး အဆင့်မြှင့်တင်ဖို့နဲ့ လက်ရှိတည်ဆောက်နေတဲ့ ဘက်ထရီလျှပ်စစ်စက်ခေါင်း (BEL)၊ ဘက်ထရီလျှပ်စစ်ရထားတွဲ (BEMU) တွေကိုလည်း မြို့ပတ်ရထားသာမက ခရီးရှည်လမ်းပိုင်းတွေကိုပါ အသုံးပြုနိုင်ရေး ဆက်လက်ဆောင်ရွက်ဖို့ ထည့်သွင်းပြောကြားခဲ့တယ်လို့ သိရပါတယ်။

ဓာတ်ပုံ - Pro-SAC
#CJPlatform #မင်းအောင်လှိုင် #ရထားပို့ဆောင်ရေး #လောင်စာဆီ #အများပြည်သူသယ်ယူပို့ဆောင်ရေး

တောင်ကြီးမှာ အသက် ၄ နှစ်အရွယ် ကလေးငယ်ကို မိထွေးဖြစ်သူက အငိုမတိတ်လို့ ရိုက်ရမှာ သေဆုံးသွားလို့ အလောင်းဖျောက်မှုဖြစ်ပွား

CJ Platform

ရှမ်းပြည်တောင်ပိုင်း၊ တောင်ကြီးမြို့နယ်၊ ရွှေတောင်ရပ်ကွက်၊ နယ်​မြေ (၁) ဦးရွှေအိုးလမ်းမှာ မေလ ၁၂ ရက်က အသက် ၄ နှစ်အရွယ် ကလေးငယ်တစ်ဦးကို မိထွေးဖြစ်သူက သတ်ဖြတ်ခဲ့တယ်လို့ မြို့ခံတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1552026-2/

ပုံစံ ၇ အခက်အခဲကြောင့် တောင်သူအများစု စိုက်ပျိုးစရိတ်ချေးငွေမရဘဲ ဒုက္ခရောက်နေ

CJ Platform

၂၀၂၆ ခုနှစ် မိုးရာသီစိုက်ပျိုးရေးချေးငွေကို တောင်သူတွေ ထုတ်ချေးရာမှာ စစ်အုပ်စုက သတ်မှတ်ထားတဲ့ ပုံစံ ၇ အခက်အခဲကြောင့် ချေးငွေမရတဲ့ တောင်သူတွေ များတယ်လို့ သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1552026-3/

သန်လျင်တပ်နယ်က မူးယစ်ဆေးသုံးနေတဲ့ အရာရှိတွေ ဆေးဖိုးမပေးလို့ ရောင်းချသူတွေနဲ့ ရန်ဖြစ်

CJ Platform

ရန်ကုန်တိုင်း၊ သန်လျင်မြို့နယ် ရေတပ်လေ့ကျင့်ရေးဌာနချုပ်အနီးမှာ မေလ ၁၄ ရက် ည ၉ နာရီက မူးယစ်ဆေးဝါးသုံးစွဲတဲ့ အရာရှိတွေနဲ့ ရောင်းချသူတွေအကြား ပြဿနာဖြစ်ခဲ့တယ်လို့ မြို့ခံတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1552026-4/

မနက်ဖြန် မေ (၁၆) ရက် စနေနေ့အတွက် မိုးလေဝသခန့်မှန်းချက်
မြင့်တက်လာမယ့် မိုးရေချိန်

CJ Platform

မနက်ဖြန် မေလ ၁၆ ရက်၊ စနေနေ့အတွက် မိုးလေဝသခန့်မှန်းချက်တွေနဲ့အတူ လေဖိအားနည်းရပ်ဝန်း အခြေအနေ၊ မုတ်သုံလေ ဝင်ရောက်မယ့် ခန့်မှန်းချက်၊ မြစ်ရေ အတက်အကျနဲ့ ပရိသတ်တွေ မေးမြန်းထားတဲ့ မြို့နယ်အလိုက် အခြေအနေတွေကို ပြောပြသွားပါတော့မယ်။အရင်ဦးဆုံး လေဖိအားနည်းရပ်ဝန်းနဲ့ မုတ်သုံလေ စတင်ဝင်ရောက်မည့် အခြေအနေ ကို ပြောပြချင်ပါတယ်။ ဘင်္ဂလားပင်လယ်အော် အနောက်တောင်ပိုင်းနဲ့ အလယ်ပိုင်းတို့မှာ ဖြစ်ပေါ်နေတဲ့ အားကောင်းတဲ့ လေဖိအားနည်းရပ်ဝန်းဟာ မြောက်-အရှေ့မြောက်ဘက်ကို ရွေ့လျားနေပါတယ်။ ဒီလေဖိအားနည်းရပ်ဝန်းဟာ ဆိုင်ကလုန်းမုန်တိုင်းအဆင့်အထိ အားကောင်းလာဖို့ မရှိဘဲ၊ လာမယ့် မေလ ၁၇ ရက်နေ့မှာတော့ အိန္ဒိယနိုင်ငံ တောင်ဘက် ကုန်းတွင်းပိုင်းကို ဖြတ်ကျော် ဝင်ရောက်သွားမှာ ဖြစ်ပါတယ်။

#CJPlatform #မိုးလေဝသ #WeatherUpdate #MonsoonEntry #မုတ်သုံလေ #မိုးသက်လေပြင်း #ပင်လယ်ပြင်သတိပေးချက် #AudienceQandA

Youtube တွင် ဆက်လက်ကြည့်ရှုရန် >>>https://youtu.be/VaWk0x8MZt4

တောင်ကြာပန်းဆေးအပါအဝင် အမျိုးသားအားတိုးဆေး ၆ မျိုးကို သုံးစွဲရန်မသင့်ကြောင်း စစ်အုပ်စုကျန်းမာရေးဝန်ကြီးဌာန သတိပေး

CJ Platform

တိုင်းရင်းဆေးအဖြစ် မှတ်ပုံတင်ထားပေမယ့် အနောက်တိုင်းဆေးဝါးတွေ ရောနှောဖော်စပ်ထားတာကြောင့် တောင်ကြာပန်း အပါအဝင် အမျိုးသားအားတိုးဆေးနဲ့ အကြောအားတိုးဆေး ၆ မျိုးကို အများပြည်သူ သုံးစွဲရန်မသင့်ကြောင်း စစ်အုပ်စုရဲ့ ကျန်းမာရေးဝန်ကြီးဌာနက သတိပေးထုတ်ပြန်လိုက်ပါတယ်။

ဈေးကွက်အတွင်း စစ်ဆေးခဲ့ရာမှာ ဆင်ပြောင်ကြီး၊ နတ်စည်းစိမ်၊ ဇော်ဂျီလက်စွဲ၊ တောင်ကြာပန်းနဲ့ ဘီလူးငါးကောင် အမှတ်တံဆိပ် အမျိုးသားအားတိုးဆေးတွေဟာ တိုင်းရင်းဆေးမှတ်ပုံတင်စဉ်က ဖော်ပြထားတဲ့ ဖော်စပ်နည်းအတိုင်း မဟုတ်ဘဲ အနောက်တိုင်းဆေးတွေဖြစ်တဲ့ Sildenafil နဲ့ Tadalafil တို့ ရောနှောပါဝင်နေတဲ့ စံမညီဆေးဝါးတွေဖြစ်ကြောင်း တွေ့ရှိခဲ့တယ်လို့ ဖော်ပြထားပါတယ်။

ဒါ့အပြင် Double X အမှတ်တံဆိပ် အမျိုးသားအားတိုးဆေးဟာ တိုင်းရင်းဆေးမှတ်ပုံတင်နဲ့ ထုတ်လုပ်ခွင့်လိုင်စင် ရရှိထားခြင်းမရှိတဲ့အပြင် အနောက်တိုင်းဆေးတွေ ရောနှောပါဝင်နေတာကို စစ်ဆေးတွေ့ရှိခဲ့တယ်လို့လည်း ထုတ်ပြန်ချက်မှာ ဖော်ပြထားပါတယ်။

အဆိုပါဆေးဝါးတွေဟာ စစ်မှန်တဲ့အာမခံချက် မပေးနိုင်တာကြောင့် အများပြည်သူ သုံးစွဲရန်မသင့်လျော်ကြောင်းနဲ့ ဆေးဝါးထုတ်လုပ်သူတွေ၊ ဆေးဆိုင်များအနေနဲ့ မှတ်ပုံတင်မရှိတဲ့ ဆေးဝါးတွေနဲ့ စံမညီဆေးဝါးတွေကို တင်သွင်းဖြန့်ဖြူးခြင်း မပြုလုပ်ရန်နဲ့ လိုက်နာဆောင်ရွက်ခြင်းမရှိပါက တိုင်းရင်းဆေးဝါးဥပဒေ ပုဒ်မ ၃၁ နဲ့ ၃၂ အရ တရားစွဲဆို အရေးယူသွားမယ်လို့လည်း ဖော်ပြထားပါတယ်။

#CJPlatform#တောင်ကြာပန်း #အမျိုးသားအားတိုးဆေး #ကျန်းမာရေးသတိပေးချက် #စံမညီဆေးဝါး #တိုင်းရင်းဆေး

မုတ်သုံလမ်းကြောင်း ဘယ်လိုရှိနေလဲ

CJ Platform

ဒီကနေ့ မေလ ၁၆ ရက်၊ စနေနေ့အတွက် မိုးလေဝသခန့်မှန်းချက်တွေနဲ့အတူ မြန်မာနိုင်ငံအတွင်းကို အနောက်တောင် မုတ်သုံလေ စတင်ဝင်ရောက်လာမယ့် ခရီးစဉ်နဲ့ ပင်လယ်ပြင် အထူးသတိပေးချက်တွေကို ပြောပြသွားပါတော့မယ်။အရင်ဦးဆုံး အနောက်တောင် မုတ်သုံလေ စတင်ဝင်ရောက်မယ့် အခြေအနေ ကို ရှင်းလင်း ပြောပြပေးချင်ပါတယ်။ CJ Platform Weather Team အနေနဲ့ AIFS Ensemble မော်ဒယ်ရဲ့ အဆင့်ဆင့်သော အချက်အလက်တွေကို လေ့လာဆန်းစစ်ချက်အရ... ဒီနေ့ မေလ ၁၆ ရက်နေ့ရဲ့ အခြေအနေကတော့ ဘင်္ဂလားပင်လယ်အော် တောင်ပိုင်းမှာ အနောက်တောင်လေတွေ ရောက်ရှိနေပြီ ဖြစ်ပေမဲ့ မြန်မာနိုင်ငံဘက်ကို တွန်းပို့မယ့် အရှိန်ကတော့ အနည်းငယ် အားနည်းနေပါသေးတယ်။

#CJPlatform #မိုးလေဝသ #WeatherUpdate #MonsoonOnset #မုတ်သုံလေ #မိုးသက်လေပြင်း #ပင်လယ်ပြင်သတိပေးချက်
Youtube တွင် ဆက်လက်ကြည့်ရှုရန် >>>https://youtu.be/keXvQUqiNWw

Kings Rich စက်ရုံက အလုပ်သမားတွေကို တခြားနိုင်ငံရှိစက်ရုံမှာ လုပ်ကိုင်လိုရင် စီစဉ်ပေးမယ်လို့ဆို

CJ Platform

မြန်မာနိုင်ငံမှာ လုပ်ငန်းရပ်နားမယ့် Kings Rich Fashion အထည်ချုပ်စက်ရုံက တခြားနိုင်ငံတွေမှာ ဖွင့်ထားတဲ့ သူတို့ရဲ့စက်ရုံခွဲတွေမှာ သွားရောက်လုပ်ကိုင်ချင်တဲ့ အလုပ်သမားတွေကို လက်ခံပေးသွားမယ်လို့ အသိပေးထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-2/

မီးပွိုင့်ပြင်ခြင်းနှင့် လူကူးမျဉ်းကြားတွေ ဆေးပြန်သုတ်နေလို့ ပညာပေးကာလသက်တမ်း ထပ်တိုး

CJ Platform

ရန်ကုန်က မြို့တွင်းခရီးသွားပြည်သူတွေအနေနဲ့ လူကူးမျဉ်းကြားက မကူးရင် အရေးယူမယ်လို့ စစ်အုပ်စုက ထုတ်ပြန်ထားပေမယ့် မီးပွိုင့်တွေ ပြန်ပြင်တာနဲ့ မျဉ်းကြားတွေ ဆေးပြန်သုတ်နေတာကြောင့် ပညာပေးကာလသက်တမ်း ထပ်တိုးလိုက်ရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-3/

ရှေ့တန်းသွားတဲ့ စစ်သည်တွေရဲ့ ဇနီးတွေကို လိင်မှုကိစ္စကျူးလွန်လို့ တပ်ရင်းမှူးနဲ့ ဗိုလ်မှူး ၂ ဦး အတိုင်ခံရ

CJ Platform

ရှမ်းပြည်အရှေ့ပိုင်း၊ ကျိုင်းတုံမြို့နယ်၊ အမှတ် (၄) ဝန်တင်တပ်ရင်းမှာ ရှေ့တန်းသွားတဲ့ စစ်သည်တွေရဲ့ ဇနီးတွေကို လိင်မှုကိစ္စကျူးလွန်တဲ့ တပ်ရင်းမှူးနဲ့ ဗိုလ်မှူး ၂ ဦးကို စစ်သည်တွေက တိုင်ထားတယ်လို့ မြို့ခံတွေဆီက သိရပါတယ်။
Website တွင် ဆက်လက်ဖတ်ရှုရန် >>> https://cjplatform.com/1652026-6/

တောင်ကိုရီးယားမှာ မြန်မာသင်္ဘောသား အချင်းချင်း ဓားထိုးမှုဖြစ်

CJ Platform

တောင်ကိုရီးယားနိုင်ငံမှာ ဒီကနေ့ မေ ၁၆ ရက် မနက်ပိုင်းက မြန်မာသင်္ဘောသား ၂ ​ဦး စကားများရာကနေ ဓားထိုးမှုဖြစ်ခဲ့တယ်လို့ အဲဒီနိုင်ငံရောက် မြန်မာအသိုင်းအဝိုင်းဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/1652026-7/

မနက်ဖြန် မေ (၁၇)ရက် တနင်္ဂနွေနေ့အတွက် မိုးလေဝသခန့်မှန်းချက်
မုတ်သုံဝင်ပြီ

CJ Platform

မနက်ဖြန် မေလ ၁၇ ရက်၊ တနင်္ဂနွေနေ့အတွက် မိုးလေဝသခန့်မှန်းချက်တွေနဲ့အတူ မုတ်သုံလေ တရားဝင် ဝင်ရောက်ပြီဖြစ်တဲ့ အခြေအနေ၊ မြစ်ရေ အတက်အကျနဲ့ ပရိသတ်တွေ မေးမြန်းထားတဲ့ မြို့နယ်အလိုက် ခန့်မှန်းချက်တွေကို တင်ဆက်ပေးသွားပါမယ်။အရင်ဦးဆုံး အနောက်တောင် မုတ်သုံလေ စတင်ဝင်ရောက်တဲ့ နေ့ရက် နဲ့ ပတ်သက်ပြီး တရားဝင် ထုတ်ပြန်ချက်တွေကို ရှင်းလင်း ပြောပြပေးချင်ပါတယ်။
အနောက်တောင် မုတ်သုံလေဟာ အာရေဗျပင်လယ် တောင်ပိုင်း၊ ဘင်္ဂလားပင်လယ်အော် အနောက်တောင်ပိုင်းနဲ့ အရှေ့တောင်ပိုင်း၊ ကပ္ပလီပင်လယ်ပြင် တစ်ခုလုံးအပြင် မြန်မာနိုင်ငံ တောင်ပိုင်းဒေသတွေကို ဒီနေ့ မေလ ၁၆ ရက်နေ့မှာ စတင် ဝင်ရောက်နေပြီလို့ အိန္ဒိယမိုးလေဝသဌာန (IMD) က ဒီနေ့မှာပဲ ထုတ်ပြန်ထားပါတယ်။

#CJPlatform #မိုးလေဝသ #WeatherUpdate #MonsoonOnset #မုတ်သုံလေ #မိုးသက်လေပြင်း #AudienceQandA #ပင်လယ်ပြင်သတိပေးချက်
Youtube တွင် ဆက်လက်ကြည့်ရှုရန် >>>https://youtu.be/SausbKaMWeM

မုတ်သုံဝင်ရာလမ်းတလျှောက် မိုးရေချိန်ဘယ်လောက် ရနိုင်မလဲ

CJ Platform

ဒီကနေ့ မေလ ၁၇ ရက်နေ့ကနေ မေလ ၂၃ ရက်နေ့အထိ တစ်ပတ်အတွင်း ဖြစ်ပေါ်လာမယ့် မိုးလေဝသ အခြေအနေတွေကို မပြောပြမီ အရင်ဦးဆုံး အနောက်တောင် မုတ်သုံလေ စတင်ဝင်ရောက်သွားပြီဖြစ်တဲ့ အခြေအနေ ကို ရှင်းလင်း ပြောပြပေးချင်ပါတယ်။ ပြီးခဲ့တဲ့အပတ်ကတော့ CJ Platform Weather Team အနေနဲ့ မုတ်သုံဝင်မယ့် သီတင်းပတ်လို့ အသိပေးခဲ့သလိုပဲ... မြန်မာနိုင်ငံ မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) ကလည်း မနေ့က မေလ ၁၆ ရက်နေ့မှာ "အနောက်တောင် မုတ်သုံလေဟာ မြန်မာနိုင်ငံ တောင်ပိုင်းဒေသများ၊ ကပ္ပလီပင်လယ်ပြင်နှင့် ဘင်္ဂလားပင်လယ်အော် အရှေ့တောင်ပိုင်းသို့ ပုံမှန်ကာလအတိုင်း စတင် ဝင်ရောက်ခဲ့ပြီဖြစ်ကြောင်း" တရားဝင် ကြေညာခဲ့ပါတယ်။

#CJPlatform #မိုးလေဝသ #WeatherUpdate #MonsoonEntry #မုတ်သုံလေ #Rainfall #မိုးရေချိန် #ပင်လယ်ပြင်သတိပေးချက်

Youtube တွင် ဆက်လက်ကြည့်ရှုရန် >>>https://youtu.be/pc0Si_eijUY