မြို့နယ် ၃ ခုက စတားလင့်ခ်အင်တာနက်တွေကို ယာယီပိတ်သိမ်းဖို့ ရွှေဘိုခရိုင်စစ်ဌာန ညွှန်ကြား

CJ Platform

စစ်ကိုင်းတိုင်း၊ ရွှေဘိုခရိုင်အတွင်း စစ်ဆင်ရေးတစ်ရပ် ဆင်နွှဲနေတာကြောင့် ခရိုင်အတွင်းရှိ ဒီပဲယင်း၊ ရေဦးနဲ့ တန့်ဆည်မြို့နယ်အတွင်းက အများပြည်သူသုံး စတားလင့်ခ် (Starlink) အင်တာနက်တွေကို ယာယီပိတ်သိမ်းထားဖို့ ပြည်သူ့ကာကွယ်ရေးတပ်မတော်၊ အမှတ် (၁) ရွှေဘိုခရိုင်စစ်ဌာနက ဒီကနေ့ မေလ ၁၄ ရက်မှာ ညွှန်ကြားထားပါတယ်။

စစ်ဆင်ရေးကာလအတွင်း စစ်သတင်းလုံခြုံရေးအတွက် အရပ်ဘက်-စစ်ဘက် တော်လှန်ရေးအဖွဲ့အစည်းတွေနဲ့ ပြည်သူလူထုအားလုံး လိုက်နာရန် စည်းကမ်းချက်တွေကိုလည်း ထုတ်ပြန်ခဲ့တာဖြစ်ပြီး တော်လှန်ရေးအဖွဲ့တွေအနေနဲ့လည်း အင်တာနက်ကို လိုအပ်ချက်အရ အသုံးပြုပါက လုံခြုံရေးအကန့်အသတ်နဲ့သာ အသုံးပြုဖို့ ဖော်ပြထားပါတယ်။

ဒါ့အပြင် စစ်ရေးသတင်းတွေနဲ့ စစ်ဘေးရှောင်ပြည်သူဆိုင်ရာ အချက်အလက်တွေကို ခရိုင်ကွပ်ကဲရေးမှူးရဲ့ ခွင့်ပြုချက်မရှိဘဲ လူမှုကွန်ရက်တွေပေါ် တင်တာ၊ သတင်းမီဒီယာတွေကို ဖြေဆိုတာတွေ လုံးဝမပြုလုပ်ရန် တားမြစ်ထားပါတယ်။ သတင်းမီဒီယာတွေအနေနဲ့လည်း ရွှေဘိုခရိုင်စစ်ဌာနရဲ့ တရားဝင်ထုတ်ပြန်ချက်တွေကိုသာ စောင့်ဆိုင်းကိုးကားရန် အသိပေးထားပါတယ်။

လက်ရှိမှာ အဲဒီဒေသတွေအတွင်းက ဒေသခံတွေဟာ စစ်အုပ်စုရဲ့ လေကြောင်းတိုက်ခိုက်မှုတွေနဲ့ စစ်ရေးအခြေအနေတွေကြောင့် စိုးရိမ်ကြီးစွာ နေထိုင်နေကြရတယ်လို့လည်း သိရပါတယ်။

“ဒီဘက်ကတော့ အတော်ဆိုးနေပြီ၊ နေထိုင်ရအဆင်မပြေဘူး။ ဒီနေ့ ဂျက်ဖိုက်တာတွေရော၊ Y-12 တွေရော၊ လက်နက်ကြီးတွေရော၊ ဆူဆိုဒ်ဒုံး (Suicide Drone) တွေရော စုံနေတာပဲ၊ ပစ်နေတာ” လို့ ရွှေဘိုမြို့နယ် ဒေသခံတစ်ဦးက CJ Platform ကို ပြောပါတယ်။

အမှတ် (၁) ရွှေဘိုခရိုင်စစ်ဌာနက ထုတ်ပြန်တဲ့ စစ်သတင်းလုံခြုံရေးစည်းကမ်းချက်တွေကို လိုက်နာခြင်းမရှိပါက မည်သည့်အဖွဲ့အစည်း၊ လူပုဂ္ဂိုလ်ကိုမဆို ခြွင်းချက်မရှိ ထိရောက်စွာ အရေးယူသွားမယ်လို့လည်း ရွှေဘိုခရိုင်စစ်ဌာနက ဆိုထားပါတယ်။

ဓာတ်ပုံ - လူမှုကွန်ရက်
#CJPlatform #စစ်ကိုင်းတိုင်း #ရွှေဘိုခရိုင် #ဒီပဲယင်း #ရေဦး #တန့်ဆည် #စတားလင့်ခ် #Starlink #စစ်ရေးသတင်း

ကျောက်တံတားမြို့နယ် အမှတ် (၃) ရပ်ကွက် အုပ်ချုပ်ရေးမှူးက လမ်းဘေးနေရာတွေကို အငှားချပြီး ဆိုင်ဖွင့်ခိုင်းလို့ လမ်းပိတ်

CJ Platform

ရန်ကုန်မြို့၊ ကျောက်တံတားမြို့နယ်၊ အမှတ် (၃) ရပ်ကွက်က စစ်အုပ်စုခန့် အုပ်ချုပ်ရေးမှူးဖြစ်သူ ဒေါ်ဌေးဟာ ၃၅ လမ်းတစ်လျှောက် လမ်းဘေးဝဲယာနေရာတွေကို လစဉ်ကြေးနဲ့ အငှားချပြီး ဈေးဆိုင်တွေကို ဖွင့်လှစ်ခိုင်းထားတာကြောင့် လမ်းပိတ်ဆို့မှုတွေ ဖြစ်ပေါ်နေတယ်လို့ လမ်းတွင်းနေထိုင်သူတွေက သတင်းပေးပို့ပါတယ်။

၃၅ လမ်း (အလယ်) တစ်လျှောက် လမ်းဘေးဝဲယာကို အုပ်ချုပ်ရေးမှူး ဒေါ်ဌေးက ဈေးဆိုင်တွေ ဖွင့်လှစ်ဖို့ အကွက်ချငှားရမ်းပေးနေတာလို့ သိရပါတယ်။

“ကားပါကင်ပါ မရှိတော့တာ တော်တော်ဆိုးတယ်၊ စည်ပင်ကလည်း မရှင်းပေးဘူး၊ လမ်းမှာ ကားအသွားအလာတောင်မှ သတိထားရတယ်” လို့ ဒေသခံတစ်ဦးက ပြောပါတယ်။

ဒီသတင်းဟာ CJ Platform ရဲ့ CJ Report သတင်း ဖြစ်ပါတယ်။

CJ Platform ရဲ့ CJ Report ကဏ္ဍအတွက် သတင်းပေးပို့လိုပါက CJ Platform Facebook Page Messenger ကနေ ပေးပို့နိုင်ပါတယ်။

#CJPlatform #CJReport #ရန်ကုန်မြို့ #ကျောက်တံတားမြို့နယ် #အုပ်ချုပ်ရေးမှူး #လမ်းပိတ်ဆို့မှု

စစ်အုပ်စုက ချင်းပြည်တောင်ပိုင်းကို ထိုးစစ်ဆင်နိုင်ဖို့ ယောဒေသကို စိုးမိုးနိုင်ရန် အင်အား ၁,၀၀၀ ဝန်းကျင်ဖြင့် စစ်ကြောင်းထိုးလာ

CJ Platform

စစ်အုပ်စုက ချင်းပြည်တောင်ပိုင်းကို ထိုးစစ်ဆင်နိုင်ဖို့ စစ်ကြောင်း ၂ ကြောင်းခွဲကာ အင်အား ၁,၀၀၀ ဝန်းကျင်နဲ့ ကျောက်ထု၊ ဆော (ယောဒေသ) ကို စစ်ကြောင်းထိုးကာ ယောဒေသမှာ ခြေကုပ်ယူဖို့ ကြိုးစားနေပါတယ်။
Website တွင် ဆက်လက် ဖတ်ရှုရန် >>> https://cjplatform.com/1452026-3/

ရန်ကုန်တိုင်းအဝင် X-ray စစ်ဆေးရေးဂိတ်မှာ နေပြည်တော်က ပေးတဲ့တာဝန်ဟုဆိုကာ စစ်တပ်နဲ့ရဲက ငွေတောင်းနေ

CJ Platform

နည်းမျိုးစုံနဲ့ ငွေညှစ်တဲ့ ရန်ကုန်တိုင်းအဝင် X-ray စစ်ဆေးရေးဂိတ်သတင်း လူမှုကွန်ရက်မှာ ပျံ့နှံ့ခဲ့ပြီးနောက် တာဝန်ကျရဲတွေကို အချိန်အပြောင်းအလဲ လုပ်ခဲ့ပေမယ့် နေပြည်တော်က တာဝန်ပေးထားတဲ့ စစ်တပ်နဲ့ရဲတွေက ငွေတောင်းကြမ်းနေလို့ ခရီးသွားပြည်သူတွေ အခက်အခဲတွေနဲ့ ရင်ဆိုင်နေရဆဲဖြစ်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/1452026-4/

ဒိုက်ဦးက အမျိုးသား ၃ ဦး သံဖြူဇရပ်က လမ်းဘေးတစ်နေရာမှာ သေနတ်ဒဏ်ရာနဲ့ သေဆုံးနေ

CJ Platform

မွန်ပြည်၊ သံဖြူဇရပ်မြို့နယ်၊ ရေး-သံဖြူဇရပ်ကားလမ်း စမ်းကြီးကျေးရွာအပိုင် ရော်ဘာခြံတစ်ခြံရှေ့မှာ ဒီကနေ့ မေ ၁၄ရက် မနက် ၈ နာရီခွဲက သတ်ဖြတ်ခံထားရတဲ့ အမျိုးသား ၃ ဦးရဲ့ အလောင်းကို တွေ့ရှိခဲ့တယ်လို့ မြို့ခံတွေဆီက သိရပါတယ်။

စမ်းကြီးကျေးရွာနေသူများက မရှိခဏဘုရားအနီးမှာ သတ်ဖြတ်ခံထားရတဲ့ အမျိုးသား ၃ ဦးအလောင်းကို တွေ့ရှိခဲ့ပြီးနောက် ရဲစခန်းကို အကြောင်းကြားခဲ့တာလို့ မြို့ခံတစ်ဦးက CJ Platform ကို ပြောပါတယ်။

"ရွာသားတွေက မရှိခဏဘုရားနားမှာ အသတ်ခံထားရတဲ့ လူသေအလောင်းတွေတွေ့လို့ ရဲစခန်းကို ဖုန်းဆက်ပြီး အကြောင်းကြားလိုက်တာ။ သေတဲ့သူတွေက ဒီမြို့နယ်ထဲကတော့ မဟုတ်ဘူး၊ ဘယ်ကလူတွေလဲတော့ မသိဘူး။ ရဲနဲ့စစ်တပ်က စစ်ဆေးနေတယ်" လို့ ပြောပါတယ်။

သေဆုံးသူ အမျိုးသား ၃ ဦးမှာ လက်နောက်ပြန် ကြိုးတုပ်လျက် ဦးခေါင်းတွေ ကျည်ထိမှန်ဒဏ်ရာများနဲ့ သေဆုံးနေပြီး အခင်းဖြစ်ရာနေရာတွင် ရေနံချေးပုံးများ တွေ့တယ်လို့ အုပ်ချုပ်ရေးနဲ့နီးစပ်တဲ့ သတင်းအရင်းအမြစ်က CJ Platform ကို ပြောပါတယ်။

"သေတဲ့သူတွေက ဒီမြို့ကမဟုတ်ဘူး၊ ပဲခူးတိုင်းက အောင်ချမ်းသာရပ်ကွက်က မွန်အေးရိပ်တည်းခိုခန်းမှာ တည်းခိုတဲ့သူတွေလို့ ဒေသခံတွေက ပြောလို့ တည်းခိုခန်းမန်နေဂျာကို ခေါ်ပြတာ ဟုတ်တယ်လို့ ပြောတယ်။ ရေနံချေးသုတ်တဲ့သူတွေလို့ ပြောတယ်။ ဘာကြောင့် သေနတ်နဲ့ ပစ်သတ်ခံရလဲတော့ မသိဘူး" လို့ ရှင်းပြပါတယ်။

မွန်အေးရိပ်တည်းခိုခန်းက ရရှိတဲ့ နာမည်စာရင်းအရ သေဆုံးသူ ၃ ဦးမှာ ပဲခူးတိုင်း၊ ဒိုက်ဦးမြို့နယ်၊ ရွှေအင်ဒုံကျေးရွာနေ ကိုဌေးအောင်၊ ပြွန်တန်ဆာမြို့နယ်၊ မြို့မ ၂ ရပ်ကွက်၊ ကျောင်းစုရပ်နေ အောင်ပြည်စုံနဲ့ ရဲထက်အောင်တို့ ဖြစ်တယ်လို့ သတင်းအရင်းအမြစ်က ဆက်ပြောပါတယ်။

သေဆုံးသူ ၃ ဦးရဲ့ ရုပ်အလောင်းကို လူမှုကူညီရေးအသင်းတွေက လူနာတင်ယာဉ်နဲ့ သံဖြူဇရပ်မြို့နယ်ဆေးရုံကို ပို့ဆောင်ထားပြီး အုပ်ချုပ်ရေးအဖွဲ့က မိသားစုဝင်များနဲ့ ဆက်သွယ်နိုင်ရေးအတွက် စီစဉ်နေတယ်လို့ မြို့ခံတွေဆီက သိရပါတယ်။

လက်ရှိအချိန်ထိ အခင်းဖြစ်ရာ သံဖြူဇရပ်မြို့နယ် ရေး-သံဖြူဇရပ် ကားလမ်းတစ်လျှောက်ကို စစ်အုပ်စုတပ်နဲ့ ရဲတွေက စစ်ဆေးနေတယ်လို့ မြို့ခံတွေဆီက သိရပါတယ်။

ဓာတ်ပုံ - Pro-SAC
#CJPlatform #မွန်ပြည် #သံဖြူဇရပ်မြို့နယ် #အလောင်းတွေ့ရှိ #လူသတ်မှု

ခိုင်နှင်းဝေ ဖမ်းဆီးခံရသည့်သတင်းမှာ စစ်အုပ်စုလော်ဘီတွေက သတင်းအမှား ဖြန့်ခြင်းသာဖြစ်

CJ Platform

ညောင်ဦးမြို့နယ်၊ ဗျတ္တပန်းဆက်လမ်းမှာ မေလ ၁၃ ရက် မနက်က ရုပ်ရှင်သရုပ်ဆောင် ခိုင်နှင်းဝေ ဖမ်းဆီးခံရသည့်သတင်းမှာ မှန်ကန်ခြင်းမရှိကြောင်း ညောင်ဦးမြို့နယ် အုပ်ချုပ်ရေးအဖွဲ့နဲ့ နီးစပ်သူတွေဆီက သိရပါတယ်။

မေလ ၁၃ ရက် မနက်က ညောင်ဦးမြို့နယ်၊ ဗျတ္တပန်းဆက်လမ်းမှာ ပုပ္ပားဘက်ကလာတဲ့ ခိုင်နှင်းဝေပရဟိတအဖွဲ့ဝင်တွေပါတဲ့ကားကို လက်နက်ကိုင်အဖွဲ့တစ်ခုက စစ်ဆေးပြီး ပြန်လွှတ်ပေးလိုက်တယ်လို့ မြို့နယ်အုပ်ချုပ်ရေးနဲ့နီးစပ်တဲ့ သတင်းအရင်းအမြစ်က CJ Platform ကို ပြောပါတယ်။

"မနေ့က ဗျတ္တပန်းဆက်လမ်းမှာ PDF တွေ ခိုင်နှင်းဝေကားကို စစ်ဆေးတဲ့သတင်းက မှန်တယ်။ ဒါပေမယ့် ဖမ်းဆီးတာမရှိဘူး၊ ပြန်လွှတ်ပေးလိုက်တယ်။ စစ်တပ်လော်ဘီတွေက သူများတင်တဲ့ Post တွေကို ပြန် Share ပြီး ဝါဒဖြန့်နေတာ" လို့ ရှင်းပြပါတယ်။

ခိုင်နှင်းဝေရင်သွေးလေးများဂေဟာနဲ့ နီးစပ်သူတစ်ဦးကလည်း "လိုင်းပေါ်မှာ ပျံ့နေတဲ့ ဗျတ္တပန်းဆက်လမ်းမှာ အစ်မခိုင်နှင်းဝေတို့ အဖမ်းခံရတယ်ဆိုတဲ့သတင်းက သတင်းအမှားပါ" လို့ CJ Platform ကို အတည်ပြုပြောဆိုပါတယ်။

ခိုင်နှင်းဝေရင်သွေးလေးများဂေဟာ တည်ထောင်ထားသူ ရုပ်ရှင်သရုပ်ဆောင် ခိုင်နှင်းဝေကို PDF တွေ ဖမ်းသွားတယ်ဆိုတဲ့သတင်းကို ဒီကနေ့ မနက်မှာ စစ်တပ်လော်ဘီချန်နယ်များဖြစ်တဲ့ သဇင်ဦး၊ ဘညွန့်၊ Shwe Po Po အပါအဝင် Account ဆယ်ခုက တစ်ပြိုင်တည်း သူတို့ရဲ့ တယ်လီဂရမ်မှာ တင်ခဲ့တာဖြစ်ပါတယ်။

ဓာတ်ပုံ - လူမှုကွန်ရက်
#CJPlatform #ခိုင်နှင်းဝေ #ညောင်ဦးမြို့နယ် #သတင်းအမှား #စစ်တပ်လော်ဘီ

မနက်ဖြန် မေ (၁၅) ရက် သောကြာနေ့အတွက် မိုးလေဝသခန့်မှန်းချက်
သတိပြုရမယ့် ရေကြီးရေလျှံနဲ့ မိုးသက်လေပြင်း


CJ Platform

မနက်ဖြန် မေလ ၁၅ ရက်၊ သောကြာနေ့အတွက် မိုးလေဝသ၊ မေလကုန် မုန်တိုင်း စောင့်ကြည့်ခန့်မှန်းချက်၊ မိုးကြီးရေလျှံ သတိပေးချက်၊ မြစ်ရေ အတက်အကျနဲ့ ပရိသတ်တွေ မေးမြန်းထားတဲ့ မြို့နယ်အလိုက် ခန့်မှန်းချက်တွေကို တင်ဆက်ပေးသွားပါမယ်။အရင်ဦးဆုံး လေဖိအားနည်းရပ်ဝန်းနဲ့ မုန်တိုင်း စောင့်ကြည့်ခန့်မှန်းချက် ကို ပြောပြသွားပါမယ်။ ဘင်္ဂလားပင်လယ်အော်အတွင်း ဖြစ်ပေါ်နေတဲ့ လေဖိအားနည်းရပ်ဝန်းဟာ ဆက်လက် အားကောင်းနေပြီး၊ လာမယ့် မေလ ၁၆ ရက်နေ့အထိ တည်ရှိနေနိုင်တာကို မိုးလေဝသ ခန့်မှန်းမော်ဒယ်တွေမှာ တွေ့ရပါတယ်။

#CJPlatform #မိုးလေဝသ #WeatherUpdate #StormWatch #မုန်တိုင်းစောင့်ကြည့် #ရေကြီးရေလျှံ #မိုးသက်လေပြင်း #ပင်လယ်ပြင်သတိပေးချက်
Youtube တွင် ဆက်လက်ကြည့်ရှုရန် >>>https://youtu.be/kVj7Jgtzq8c