မုတ်သုံလေဝဲ အခြေအနေ ဘယ်လိုရှိနေလဲ

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မေလ ၉ရက်နေ့ စနေနေ့မှာ မိုးလေဝသဖြစ်စဉ်တွေ ဘာတွေ ဖြစ်လာနိုင်မလဲ အတူတူ ကြည့်ကြရအောင်ပါ။အရင်ဦးဆုံး လာမယ့် မေလ ဒုတိယပတ်ကုန်ကစပြီး ဘင်္ဂလားပင်လယ်အော်မှာ မုတ်သုံလေ တည်ဆောက်မှုတွေ စတင် အားကောင်းလာတော့မယ့် အခြေအနေကို ပြောပြပေးချင်ပါတယ်။ သီရိလင်္ကာနိုင်ငံ အရှေ့ဘက် ပင်လယ်ပြင်မှာ မေလ ၁၀ ရက်ကနေ ၁၃ ရက်အတွင်း လေထုလည်ပတ်မှုတွေ သိသိသာသာ အားကောင်းလာပြီး ဘင်္ဂလားပင်လယ်အော် အလယ်ပိုင်းကို ဦးတည်လာနေပါတယ်။ ဒီလေဝဲဟာ မေလ ၁၄ ရက်ကနေ ၁၈ ရက်အတွင်းမှာ ပိုမို စုစည်းလာဖို့ရှိပြီး၊ အားကောင်းတဲ့ ဆိုင်ကလုန်းမုန်တိုင်းအဆင့်ထက် မုတ်သုံလေကို အားပေးမယ့် "မုတ်သုံလေဝဲ (Monsoon Vortex)" အဖြစ်သာ အဓိက ဖြစ်ပေါ်လာနိုင်ခြေ ရှိနေပါတယ်။

#CJPlatform #မိုးလေဝသ #WeatherUpdate #MonsoonForecast #StormWatch #မုန်တိုင်းစောင့်ကြည့် #မုတ်သုံလေဝဲ #မိုးသက်လေပြင်း
Youtube တွင်ကြည့်ရှုရန်>>>https://youtu.be/Ucgde8GJfF4

လေဖိအားနည်းရပ်ဝန်း ဘယ်ရောက်သွားလဲ

CJ Platform

ဒီကနေ့ မေလ ၉ ရက် စနေနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။အရင်ဦးဆုံး ဘင်္ဂလားပင်လယ်အော်အတွင်းက လေပွေလှိုင်း (Cyclonic Circulation) နဲ့ မုတ်သုံလေ အခြေအနေ ကို ရှင်းလင်း ပြောပြပေးချင်ပါတယ်။ အိန္ဒိယသမုဒ္ဒရာ မြောက်ပိုင်း၊ အာရေဗျပင်လယ်နဲ့ ဘင်္ဂလားပင်လယ်အော်အတွင်း လေထု မငြိမ်သက်မှုတွေ ဖြစ်ပေါ်နေပြီး၊ ဘင်္ဂလားပင်လယ်အော် အရှေ့တောင်ပိုင်းမှာလည်း လေပွေလှိုင်းတစ်ခု ဖြစ်ပေါ်နေပါတယ်။ လက်ရှိ မိုးလေဝသ ခန့်မှန်းမော်ဒယ်တွေရဲ့ နောက်ဆုံး ထွက်ရှိထားတဲ့ Update တွေအရ... "ဒီလေပွေလှိုင်းဟာ ဘင်္ဂလားပင်လယ်အော်အတွင်း လေဖိအားနည်းရပ်ဝန်း (Low-Pressure Area) ဖြစ်ပေါ်လာဖို့ မရှိတော့တာကို" တွေ့ရပါတယ်။

#CJPlatform #မိုးလေဝသ #WeatherUpdate #MonsoonForecast #မုတ်သုံလေ #လေပွေလှိုင်း #မိုးသက်လေပြင်း #ပင်လယ်ပြင်သတိပေးချက်

Youtube တွင်ကြည့်ရှုရန်>>>https://youtu.be/vxi5q7p4X0Y

နိုင်ငံတကာပါလီမန်ညီလာခံတွင် တရားမဝင် “ဝတ်စုံပြောင်း” အုပ်ချုပ်ရေးအဖွဲ့အား အသိအမှတ်မပြုရန် ဝန်ကြီး ဒေါ်ဇင်မာအောင် တိုက်တွန်း

CJ Platform

တူရကီနိုင်ငံ၊ အစ္စတန်ဘူလ်မြို့မှာ ကျင်းပခဲ့တဲ့ ၁၅၂ ကြိမ်မြောက် နိုင်ငံတကာပါလီမန်ညီလာခံ (IPU Assembly) ကို အမျိုးသားညီညွတ်ရေးအစိုးရ (NUG)၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင် တက်ရောက်ပြီး မြန်မာနိုင်ငံကိုယ်စားပြု မိန့်ခွန်းပြောကြားခဲ့တယ်လို့ ဒီကနေ့ မေလ ၉ ရက်မှာ Ministry of Foreign Affairs - Myanmar - NUG က ထုတ်ပြန်ပါတယ်။

ပြီးခဲ့တဲ့ ဧပြီလအတွင်းက ကျင်းပခဲ့တဲ့ အဆိုပါညီလာခံရဲ့ General Debate မှာ ဝန်ကြီး ဒေါ်ဇင်မာအောင်က မြန်မာပြည်သူတွေ ကြုံတွေ့နေရတဲ့ လူ့အခွင့်အရေးချိုးဖောက်မှုတွေနဲ့ စစ်အုပ်စုရဲ့ အကြမ်းဖက်လုပ်ရပ်တွေကို ရှင်းလင်းတင်ပြခဲ့ပြီး စစ်အုပ်စုရဲ့ တရားမဝင်ရွေးကောက်ပွဲက ပေါ်ထွက်လာတဲ့ တရားမဝင် "ဝတ်စုံပြောင်း" အုပ်ချုပ်ရေးအဖွဲ့ကို အသိအမှတ်မပြုရန် နိုင်ငံတကာအသိုက်အဝန်းသို့ တိုက်တွန်းခဲ့တယ်လို့ ဖော်ပြထားပါတယ်။

ခရီးစဉ်အတွင်းမှာလည်း ဝန်ကြီး ဒေါ်ဇင်မာအောင်ဟာ ပိုလန်၊ ဆွီဒင်၊ အင်ဒိုနီးရှား၊ ထိုင်းနဲ့ ယူကေအပါအဝင် နိုင်ငံပေါင်း ၁၂ နိုင်ငံမှ ကိုယ်စားလှယ်အဖွဲ့တွေနဲ့ တွေ့ဆုံခဲ့ပြီး တွေ့ဆုံမှုအတွင်း ပြည်ထောင်စုလွှတ်တော်ကိုယ်စားပြုကော်မတီ (CRPH) ကို မြန်မာပြည်သူတွေရဲ့ တရားဝင်ကိုယ်စားပြုအဖြစ် ဆက်လက်အသိအမှတ်ပြုဖို့နဲ့ NUG အပေါ် ထောက်ခံမှုတွေကို ပိုမိုခိုင်မာလာစေဖို့ တောင်းဆိုခဲ့တယ်လို့ ဖော်ပြထားပါတယ်။

မကြာသေးမီက စုဖွဲ့လိုက်တဲ့ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ (SCEF) ရဲ့ နိုင်ငံရေးရည်မှန်းချက်တွေကို မိတ်ဆက်ရှင်းလင်းခဲ့သလို လူသားချင်းစာနာမှုအကူအညီတွေ ပိုမိုရရှိရေးအတွက်လည်း ဆွေးနွေးခဲ့တယ်လို့ သိရပါတယ်။

ထို့ပြင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး အမြန်ဆုံးလွတ်မြောက်ရေးအတွက် နိုင်ငံတကာအသိုက်အဝန်းအနေနဲ့လည်း စစ်အုပ်စုအပေါ် ဆက်လက်ဖိအားပေးရန် ဝန်ကြီး ဒေါ်ဇင်မာအောင်က တိုက်တွန်းပြောကြားခဲ့ကြောင်း Ministry of Foreign Affairs - Myanmar - NUG ရဲ့ ထုတ်ပြန်ချက်အရ သိရပါတယ်။

ဓာတ်ပုံ - Ministry of Foreign Affairs-Myanmar-NUG
#CJPlatform #NUG #ဒေါ်ဇင်မာအောင် #IPUAssembly #CRPH

ကိုယ်တိုင်ခန့် သမ္မတ မင်းအောင်လှိုင်က စိုက်ချေးငွေတိုးပြီး တောင်သူတွေကို စည်းရုံး
စပါးစျေးက တက်မလာ

CJ Platform

နိုင်ငံတကာရဲ့ စီးပွားရေးပိတ်ဆို့မှုဒဏ်တွေကို ဝန်ခံညည်းတွားနေတဲ့ ကိုယ်တိုင်ခန့်သမ္မတ မင်းအောင်လှိုင်က တစ်ဖက်မှာ နိုင်ငံရေးအကျပ်အတည်းကို ဖြေရှင်းနိုင်ရေးအတွက် တောင်သူလယ်သမားတွေကို စိုက်ပျိုးရေးချေးငွေတွေ တိုးမြှင့်ပေးကာ စည်းရုံးလာပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-2/

ရန်ကုန်မှာ အုပ်ချုပ်ရေးမှူးတွေက ဧည့်စာရင်းနဲ့ ဖမ်းပြီး စစ်မှုထမ်းထဲ ပို့ဆောင်မှုများလာ

CJ Platform

ရန်ကုန်တိုင်းအတွင်းရှိ မြို့နယ်အချို့မှာ ရပ်ကွက်အုပ်ချုပ်ရေးအဖွဲ့က ဧည့်စာရင်းနဲ့ နေထိုင်သူတွေကို ဖမ်းပြီး စစ်မှုထမ်းထဲကို ထည့်သွင်းပို့ဆောင်မှုတွေ များလာတယ်လို့ မြို့ခံတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-3/

ရန်ကုန်မှာ လူကူးမျဉ်းကြားက မကူးသူတွေ ဒဏ်ငွေ ၃ သောင်း ပေးရမယ်

CJ Platform

ရန်ကုန်တိုင်းမှာ မေလ ၁၄ ရက်ကစပြီး လူကူးမျဉ်းကြားက မကူးသူတွေ ဒဏ်ငွေ ၃ သောင်း ပေးရမယ်လို့ ယာဉ်စည်းကမ်းထိန်းသိမ်းရေးအဖွဲ့က ထုတ်ပြန်ထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-4/

ခပ်စိပ်စိပ်ရွာလာတော့မယ့် မိုးနဲ့အတူ ရန်ကုန်တိုင်းအတွက် စိုက်ပျိုးမိုးလေဝသခန့်မှန်းချက်

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေနဲ့အတူ ရန်ကုန်တိုင်းက တောင်သူဦးကြီးတွေအတွက် အရေးပါလှတဲ့ တစ်ပတ်တာ စိုက်ပျိုးမိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မေလ ၁၀ ရက် တနင်္ဂနွေနေ့အတွက် မိုးလေဝသခန့်မှန်းချက်တွေကို မပြောပြခင် ပထမဆုံး ဘင်္ဂလားပင်လယ်အော်အတွင်းက လေဖိအားနည်းရပ်ဝန်း ခန့်မှန်းချက် ကို ပြောပြချင်ပါတယ်။

#CJPlatform #မိုးလေဝသ #WeatherUpdate #LowPressureArea #လေဖိအားနည်းရပ်ဝန်း #စိုက်ပျိုးရေးသတင်း #ရန်ကုန်တိုင်း #မိုးသက်လေပြင်း

Youtube တွင်ကြည့်ရှုရန်>>>https://youtu.be/5PCcT9iDOWo

မုတ်သုံဝင်မယ့် သီတင်းပတ်


CJ Platform

CJ Platform က အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တစ်ပတ်တာအတွက် မိုးလေဝသခန့်မှန်းချက်တွေကို တင်ဆက်ပေးပါတော့မယ်။

ဒီကနေ့ မေလ ၁၀ ရက်နေ့ကနေ မေလ ၁၆ရက်နေ့အထိ တစ်ပတ်တာအတွင်း ဖြစ်ပေါ်လာနိုင်တဲ့ မိုးလေဝသခန့်မှန်းချက်တွေကို အတူတူ ကြည့်လိုက်ကြရအောင်ပါ။

ဒီတစ်ပတ်ကတော့ "မုတ်သုံဝင်မယ့် သီတင်းပတ်" လို့ ပြောရမှာ ဖြစ်ပါတယ်။ CJ Platform Weather Team အနေနဲ့ မိုးလေဝသ ခန့်မှန်းမော်ဒယ်တွေမှာ တွေ့ရှိချက်အရ ပြောပြတာသာဖြစ်ပြီး၊ မုတ်သုံဝင်မယ့်ရက် အတိအကျကိုတော့ မြန်မာနိုင်ငံ မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) ရဲ့ ထုတ်ပြန်ချက်သာ အတည်ဖြစ်တာကြောင့်၊ DMH ရဲ့ ထုတ်ပြန်ချက် ထွက်လာရင် ရက်အတိအကျကို ထပ်မံ အသိပေး ပြောပြပေးသွားပါမယ်နော်။

#CJPlatform #မိုးလေဝသ #WeatherUpdate #MonsoonForecast #WeeklyForecast #မုတ်သုံလေဝဲ #မိုးသက်လေပြင်း #ပင်လယ်ပြင်သတိပေးချက်


Youtube တွင် ဆက်လက်ကြည့်ရှုရန် >>>https://youtu.be/RdndOdCI07Q

လောပိတမြို့ မထောခူသဲချောင်းမှာ ရေဆင်းကူးမိတဲ့ သူငယ်ချင်း ၃ ဦး ရေနစ်သေဆုံး

CJ Platform

ကယားပြည်၊ လွိုင်ကော်မြို့နယ်၊ လောပိတမြို့၊ မထောခူ (အောက်) ကျေးရွာရှိ သဲချောင်းမှာ ဒီကနေ့ မေ ၁၀ရက် မနက်က ရေဆင်းကူးတဲ့ သူငယ်ချင်း ၃ ဦး ရေနစ်သေဆုံးသွားတယ်လို့ မြို့ခံတွေဆီက သိရပါတယ်။

ဒီကနေ့ မနက် ၁၁ နာရီက မထောခူကျေးရွာ သဲချောင်းမှာ လူငယ် ၆ ယောက် ရေဆင်းကူးရာမှ ၃ ဦး ရေနစ်နေကြောင်း ဒေသခံတွေက မီးသတ်တပ်ဖွဲ့ကို အကူအညီတောင်းခဲ့တာလို့ မြို့ခံတစ်ဦးက CJ Platform ကို ပြောပါတယ်။

"အသက် ၂၀ ကျော်အရွယ်လေးတွေ ၆ ယောက် ရေလာကူးတာ၊ ၃ ယောက်က ရေနစ်နေလို့ ဒေသခံတွေက မီးသတ်ကို ဖုန်းဆက်အကြောင်းကြားလိုက်တာ။ မီးသတ်တွေ ရှာတာ တစ်နာရီလောက်ကြာတော့ အလောင်းကို တွေ့တယ်" လို့ ပြောပါတယ်။

သေဆုံးသူ ၃ ဦးမှာ မောင်ရဲလင်းအောင်၊ မောင်စိုးသီဟနဲ့ မသင်းသင်းစိုးတို့ဖြစ်ပြီး သူငယ်ချင်းများဖြစ်ကာ မိသားစုဝင်တွေကို အကြောင်းကြားပြီး ရုပ်အလောင်းကို လွိုင်ကော်မြို့နယ်ဆေးရုံကို ပို့ဆောင်ထားတယ်လို့ မီးသတ်ဦးစီးဌာနနဲ့ နီးစပ်သူတစ်ဦးက CJ Platform ကို ပြောပါတယ်။

"အဲဒီချောင်းက ရေစီးငြိမ်ပြီး ခါးလယ်လောက်ပဲရှိတယ်။ ဒါပေမယ့် အချို့နေရာတွေမှာ ဂလိုင်ပေါက်တွေရှိတယ်။ အဲဒီဂလိုင်ပေါက်တွေက အတော်နက်တယ်။ အဲဒီဂလိုင်ပေါက်ထဲ ကျသွားတာဖြစ်မယ်" လို့ ရှင်းပြပါတယ်။

လွိုင်ကော်မြို့နယ်၊ လောပိတမြို့၊ မထောခူ (အောက်) ကျေးရွာရှိ သဲချောင်းမှာ လူငယ်တွေ ရေဆင်းမကူးဖို့ ဒေသခံပြည်သူတွေအနေနဲ့ တားမြစ်တာမျိုး လုပ်သင့်ကြောင်း မီးသတ်ဦးစီးဌာနက သတိပေးထားပါတယ်။

ပြီးခဲ့တဲ့ ၂၀၂၃ ခုနှစ် အောက်တိုဘာလ ၃၀ ရက် မနက်ကလည်း လွိုင်ကော်မြို့ရှိ နောင်ယားကန်အတွင်းမှာ အရက်မူးပြီး ရေဆင်းကူးတဲ့ အသက် ၃၀ အရွယ် အမျိုးသားတစ်ဦး ရေနစ်သေဆုံးခဲ့တဲ့ ဖြစ်စဉ်လည်း ရှိပါတယ်။

ဓာတ်ပုံ - MSFD
#CJPlatform #ကယားပြည် #လွိုင်ကော်မြို့နယ် #လောပိတမြို့ #ရေနစ်သေဆုံးမှု #သဲချောင်း