ဒေါ်အောင်ဆန်းစုကြည် လွတ်မြောက်ရေးအတွက် အာဆီယံက မြန်မာစစ်အုပ်စုနဲ့ အဓိကထားညှိနှိုင်း

CJ Platform

ဖိလစ်ပိုင်နိုင်ငံ စီဘူးမြို့မှာ ကျင်းပခဲ့တဲ့ ၄၈ ကြိမ်မြောက် အာဆီယံ ထိပ်သီးအစည်းအဝေးဟာ ဒီကနေ့မှာတော့ အောင်မြင်စွာ ပြီးဆုံးသွားပြီ ဖြစ်ပါတယ်။ ဒီအစည်းအဝေးရဲ့ အဓိက အာရုံစိုက်စရာ အချက်ကတော့ မြန်မာ့အရေးပဲ ဖြစ်ပါတယ်။ အာဆီယံ အလှည့်ကျ ဥက္ကဋ္ဌ ဖိလစ်ပိုင်သမ္မတ မားကို့စ်က လူထုခေါင်းဆောင် ဒေါ်အောင်ဆန်းစုကြည်ရဲ့ အခြေအနေဟာ မြန်မာ့အရေး ဖြေရှင်းဖို့အတွက် အဓိက အချက်ဖြစ်ကြောင်းနဲ့၊ ရပ်တန့်နေတဲ့ ငြိမ်းချမ်းရေး လုပ်ငန်းစဉ်တွေကို ရှေ့ဆက်နိုင်ဖို့ "နည်းလမ်းသစ်" တွေ ရှာဖွေနေတယ်လို့ ထုတ်ဖော် ပြောဆိုလိုက်ပါတယ်။  သမ္မတ ဖာဒီနန် မားကို့စ် ဂျူနီယာက အစည်းအဝေးအပြီး သတင်းစာရှင်းလင်းပွဲမှာ ဒေါ်အောင်ဆန်းစုကြည်နဲ့ ပတ်သက်ပြီး အာဆီယံရဲ့ ရပ်တည်ချက်ကို အခုလိုပြောကြားခဲ့တာပါ။  သူက ဒေါ်အောင်ဆန်းစုကြည်ကို "The Lady" လို့ ရည်ညွှန်းပြီး၊ ဒေါ်အောင်ဆန်းစုကြည်ကို ပြန်လည် လွတ်မြောက်စေဖို့၊  အခွင့်အရေးတွေကို ကျင့်သုံးခွင့်ပေးဖို့နဲ့ ခေါင်းဆောင်တစ်ဦးအဖြစ် အသိအမှတ်ပြုရင် ခေါင်းဆောင်ပီသစွာ လုပ်ဆောင်ခွင့် ပေးရမယ်ဆိုတဲ့ အချက်တွေဟာ အာဆီယံရဲ့ အဓိက ဆွေးနွေးချက်တွေ ဖြစ်တယ်လို့ ဆိုပါတယ်။ ဒီလို စိတ်ဝင်စားစရာ ကောင်းတဲ့ အာဆီယံ သတင်းစာရှင်းလင်းပွဲ ထဲက မြန်မာ့အရေးနဲ့ သက်ဆိုင်တဲ့ အကြောင်းအရာ အပြည့်အစုံကိုတင်ဆက်ပေးထားပါတယ်။

#CJPlatform #ဖိလစ်ပိုင်နိုင်ငံ #စီဘူးမြို့ #အာဆီယံထိပ်သီးအစည်းအဝေး #မြန်မာစစ်အုပ်စု #ဒေါ်အောင်ဆန်းစုကြည် #ဖာဒီနန်မားကို့စ်ဂျူနီယာ
Youtube တွင်ကြည့်ရှုရန်>>>https://youtu.be/N6zoNu7e7tM

နေပြည်တော် ဇေယျာသီရိမှာ လေပြင်းတိုက်ခတ်မှုကြောင့် နေအိမ်အများအပြား ပျက်စီး

CJ Platform

နေပြည်တော်ကောင်စီနယ်မြေ၊ ဇေယျာသီရိမြို့နယ်မှာ ဒီကနေ့ မေ ၈ရက် ညနေ ၅ နာရီဝန်းကျင်က လေပြင်းတိုက်ခတ်မှုကြောင့် နေအိမ်များ ပြိုပျက်ကုန်တယ်လို့ မြို့ခံတွေဆီက သိရပါတယ်။

ဒီကနေ့ ညနေ ၅ နာရီဝန်းကျင်က လေပြင်းတိုက်ခတ်မှုကြောင့် ဇေယျာသီရိမြို့နယ်အတွင်းမှာရှိတဲ့ ကျည်တောင်ကန်၊ စည်ပင်သာယာ၊ ကံဦး၊ ငွေစုကျေးရွာတွေမှာ လူနေအိမ်များ အမိုးလန်တာ၊ ပြိုကျပျက်စီးတာတွေ ရှိတယ်လို့ ဒေသခံတစ်ဦးက CJ Platform ကို ပြောပါတယ်။

"မိုးမရွာဘဲ လေတိုက်တာ၊ လေကကြမ်းတော့ နေအိမ်တွေ အမိုးလန်တာ၊ သွပ်မိုးလွင့်ကုန်တာ၊ တဲအိမ်တွေဆို ပြိုကျတာရှိတယ်။ လူသေဆုံးမှုတော့ မရှိဘူး" လို့ ပြောပါတယ်။

မနေ့ကလည်း ရှမ်းပြည်မြောက်ပိုင်း၊ လားရှိုးမြို့နယ်မှာ မိုးသည်းထန်စွာရွာသွန်းပြီး လေပြင်းတိုက်ခတ်မှုကြောင့် ထိခိုက်ဒဏ်ရာရသူများနှင့် ပျက်စီးဆုံးရှုံးမှုများ ဖြစ်ခဲ့ပါတယ်။

ပြီးခဲ့တဲ့ ဧပြီလ ၂၈ ရက်က နေပြည်တော်ကောင်စီနယ်မြေအတွင်းရှိ ဒက္ခိဏသီရိ၊ ဇမ္ဗူသီရိ၊ ပုဗ္ဗသီရိ၊ ဥတ္တရသီရိ၊ ပျဉ်းမနား၊ လယ်ဝေးမြို့နယ်က နေရာပေါင်း ၃၈ နေရာမှာ လေပြင်းတိုက်ခတ်မှုကြောင့် ဓာတ်တိုင်များ၊ သစ်ပင်များ ပြိုလဲပြီး အဆောက်အအုံများနဲ့ မော်တော်ယာဉ်များအပေါ် ပိခဲ့လို့ ပျက်စီးဆုံးရှုံးခဲ့တာလည်း ရှိပါတယ်။

အလားတူပင် ဧပြီလ ၁၈ ရက်နဲ့ ၁၇ ရက်ကလည်း ရှမ်းပြည်အရှေ့ပိုင်း တာချီလိတ်မြို့နယ်၊ ပဲခူးတိုင်း ဇီးကုန်းနဲ့ ကြို့ပင်ကောက်မှာ လေပြင်းတိုက်ခတ်ခဲ့လို့ စာသင်ကျောင်း၊ ဘုန်းကြီးကျောင်း၊ ဆေးပေးခန်းနဲ့ လူနေအိမ် တစ်ထောင်ကျော် ပြိုကျပျက်စီးခဲ့တဲ့ ဖြစ်စဉ်လည်း ရှိပါတယ်။

ဓာတ်ပုံ - လူမှုကွန်ရက်
#CJPlatform #နေပြည်တော် #ဇေယျာသီရိမြို့နယ် #လေပြင်းတိုက်ခတ်မှု #သဘာဝဘေး

မုတ်သုံလေဝဲ အခြေအနေ ဘယ်လိုရှိနေလဲ

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မေလ ၉ရက်နေ့ စနေနေ့မှာ မိုးလေဝသဖြစ်စဉ်တွေ ဘာတွေ ဖြစ်လာနိုင်မလဲ အတူတူ ကြည့်ကြရအောင်ပါ။အရင်ဦးဆုံး လာမယ့် မေလ ဒုတိယပတ်ကုန်ကစပြီး ဘင်္ဂလားပင်လယ်အော်မှာ မုတ်သုံလေ တည်ဆောက်မှုတွေ စတင် အားကောင်းလာတော့မယ့် အခြေအနေကို ပြောပြပေးချင်ပါတယ်။ သီရိလင်္ကာနိုင်ငံ အရှေ့ဘက် ပင်လယ်ပြင်မှာ မေလ ၁၀ ရက်ကနေ ၁၃ ရက်အတွင်း လေထုလည်ပတ်မှုတွေ သိသိသာသာ အားကောင်းလာပြီး ဘင်္ဂလားပင်လယ်အော် အလယ်ပိုင်းကို ဦးတည်လာနေပါတယ်။ ဒီလေဝဲဟာ မေလ ၁၄ ရက်ကနေ ၁၈ ရက်အတွင်းမှာ ပိုမို စုစည်းလာဖို့ရှိပြီး၊ အားကောင်းတဲ့ ဆိုင်ကလုန်းမုန်တိုင်းအဆင့်ထက် မုတ်သုံလေကို အားပေးမယ့် "မုတ်သုံလေဝဲ (Monsoon Vortex)" အဖြစ်သာ အဓိက ဖြစ်ပေါ်လာနိုင်ခြေ ရှိနေပါတယ်။

#CJPlatform #မိုးလေဝသ #WeatherUpdate #MonsoonForecast #StormWatch #မုန်တိုင်းစောင့်ကြည့် #မုတ်သုံလေဝဲ #မိုးသက်လေပြင်း
Youtube တွင်ကြည့်ရှုရန်>>>https://youtu.be/Ucgde8GJfF4

လေဖိအားနည်းရပ်ဝန်း ဘယ်ရောက်သွားလဲ

CJ Platform

ဒီကနေ့ မေလ ၉ ရက် စနေနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။အရင်ဦးဆုံး ဘင်္ဂလားပင်လယ်အော်အတွင်းက လေပွေလှိုင်း (Cyclonic Circulation) နဲ့ မုတ်သုံလေ အခြေအနေ ကို ရှင်းလင်း ပြောပြပေးချင်ပါတယ်။ အိန္ဒိယသမုဒ္ဒရာ မြောက်ပိုင်း၊ အာရေဗျပင်လယ်နဲ့ ဘင်္ဂလားပင်လယ်အော်အတွင်း လေထု မငြိမ်သက်မှုတွေ ဖြစ်ပေါ်နေပြီး၊ ဘင်္ဂလားပင်လယ်အော် အရှေ့တောင်ပိုင်းမှာလည်း လေပွေလှိုင်းတစ်ခု ဖြစ်ပေါ်နေပါတယ်။ လက်ရှိ မိုးလေဝသ ခန့်မှန်းမော်ဒယ်တွေရဲ့ နောက်ဆုံး ထွက်ရှိထားတဲ့ Update တွေအရ... "ဒီလေပွေလှိုင်းဟာ ဘင်္ဂလားပင်လယ်အော်အတွင်း လေဖိအားနည်းရပ်ဝန်း (Low-Pressure Area) ဖြစ်ပေါ်လာဖို့ မရှိတော့တာကို" တွေ့ရပါတယ်။

#CJPlatform #မိုးလေဝသ #WeatherUpdate #MonsoonForecast #မုတ်သုံလေ #လေပွေလှိုင်း #မိုးသက်လေပြင်း #ပင်လယ်ပြင်သတိပေးချက်

Youtube တွင်ကြည့်ရှုရန်>>>https://youtu.be/vxi5q7p4X0Y

နိုင်ငံတကာပါလီမန်ညီလာခံတွင် တရားမဝင် “ဝတ်စုံပြောင်း” အုပ်ချုပ်ရေးအဖွဲ့အား အသိအမှတ်မပြုရန် ဝန်ကြီး ဒေါ်ဇင်မာအောင် တိုက်တွန်း

CJ Platform

တူရကီနိုင်ငံ၊ အစ္စတန်ဘူလ်မြို့မှာ ကျင်းပခဲ့တဲ့ ၁၅၂ ကြိမ်မြောက် နိုင်ငံတကာပါလီမန်ညီလာခံ (IPU Assembly) ကို အမျိုးသားညီညွတ်ရေးအစိုးရ (NUG)၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်ဇင်မာအောင် တက်ရောက်ပြီး မြန်မာနိုင်ငံကိုယ်စားပြု မိန့်ခွန်းပြောကြားခဲ့တယ်လို့ ဒီကနေ့ မေလ ၉ ရက်မှာ Ministry of Foreign Affairs - Myanmar - NUG က ထုတ်ပြန်ပါတယ်။

ပြီးခဲ့တဲ့ ဧပြီလအတွင်းက ကျင်းပခဲ့တဲ့ အဆိုပါညီလာခံရဲ့ General Debate မှာ ဝန်ကြီး ဒေါ်ဇင်မာအောင်က မြန်မာပြည်သူတွေ ကြုံတွေ့နေရတဲ့ လူ့အခွင့်အရေးချိုးဖောက်မှုတွေနဲ့ စစ်အုပ်စုရဲ့ အကြမ်းဖက်လုပ်ရပ်တွေကို ရှင်းလင်းတင်ပြခဲ့ပြီး စစ်အုပ်စုရဲ့ တရားမဝင်ရွေးကောက်ပွဲက ပေါ်ထွက်လာတဲ့ တရားမဝင် "ဝတ်စုံပြောင်း" အုပ်ချုပ်ရေးအဖွဲ့ကို အသိအမှတ်မပြုရန် နိုင်ငံတကာအသိုက်အဝန်းသို့ တိုက်တွန်းခဲ့တယ်လို့ ဖော်ပြထားပါတယ်။

ခရီးစဉ်အတွင်းမှာလည်း ဝန်ကြီး ဒေါ်ဇင်မာအောင်ဟာ ပိုလန်၊ ဆွီဒင်၊ အင်ဒိုနီးရှား၊ ထိုင်းနဲ့ ယူကေအပါအဝင် နိုင်ငံပေါင်း ၁၂ နိုင်ငံမှ ကိုယ်စားလှယ်အဖွဲ့တွေနဲ့ တွေ့ဆုံခဲ့ပြီး တွေ့ဆုံမှုအတွင်း ပြည်ထောင်စုလွှတ်တော်ကိုယ်စားပြုကော်မတီ (CRPH) ကို မြန်မာပြည်သူတွေရဲ့ တရားဝင်ကိုယ်စားပြုအဖြစ် ဆက်လက်အသိအမှတ်ပြုဖို့နဲ့ NUG အပေါ် ထောက်ခံမှုတွေကို ပိုမိုခိုင်မာလာစေဖို့ တောင်းဆိုခဲ့တယ်လို့ ဖော်ပြထားပါတယ်။

မကြာသေးမီက စုဖွဲ့လိုက်တဲ့ ဖက်ဒရယ်ဒီမိုကရေစီပြည်ထောင်စု ပေါ်ထွန်းရေး ဦးဆောင်ကောင်စီ (SCEF) ရဲ့ နိုင်ငံရေးရည်မှန်းချက်တွေကို မိတ်ဆက်ရှင်းလင်းခဲ့သလို လူသားချင်းစာနာမှုအကူအညီတွေ ပိုမိုရရှိရေးအတွက်လည်း ဆွေးနွေးခဲ့တယ်လို့ သိရပါတယ်။

ထို့ပြင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး အမြန်ဆုံးလွတ်မြောက်ရေးအတွက် နိုင်ငံတကာအသိုက်အဝန်းအနေနဲ့လည်း စစ်အုပ်စုအပေါ် ဆက်လက်ဖိအားပေးရန် ဝန်ကြီး ဒေါ်ဇင်မာအောင်က တိုက်တွန်းပြောကြားခဲ့ကြောင်း Ministry of Foreign Affairs - Myanmar - NUG ရဲ့ ထုတ်ပြန်ချက်အရ သိရပါတယ်။

ဓာတ်ပုံ - Ministry of Foreign Affairs-Myanmar-NUG
#CJPlatform #NUG #ဒေါ်ဇင်မာအောင် #IPUAssembly #CRPH

ကိုယ်တိုင်ခန့် သမ္မတ မင်းအောင်လှိုင်က စိုက်ချေးငွေတိုးပြီး တောင်သူတွေကို စည်းရုံး
စပါးစျေးက တက်မလာ

CJ Platform

နိုင်ငံတကာရဲ့ စီးပွားရေးပိတ်ဆို့မှုဒဏ်တွေကို ဝန်ခံညည်းတွားနေတဲ့ ကိုယ်တိုင်ခန့်သမ္မတ မင်းအောင်လှိုင်က တစ်ဖက်မှာ နိုင်ငံရေးအကျပ်အတည်းကို ဖြေရှင်းနိုင်ရေးအတွက် တောင်သူလယ်သမားတွေကို စိုက်ပျိုးရေးချေးငွေတွေ တိုးမြှင့်ပေးကာ စည်းရုံးလာပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-2/

ရန်ကုန်မှာ အုပ်ချုပ်ရေးမှူးတွေက ဧည့်စာရင်းနဲ့ ဖမ်းပြီး စစ်မှုထမ်းထဲ ပို့ဆောင်မှုများလာ

CJ Platform

ရန်ကုန်တိုင်းအတွင်းရှိ မြို့နယ်အချို့မှာ ရပ်ကွက်အုပ်ချုပ်ရေးအဖွဲ့က ဧည့်စာရင်းနဲ့ နေထိုင်သူတွေကို ဖမ်းပြီး စစ်မှုထမ်းထဲကို ထည့်သွင်းပို့ဆောင်မှုတွေ များလာတယ်လို့ မြို့ခံတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-3/

ရန်ကုန်မှာ လူကူးမျဉ်းကြားက မကူးသူတွေ ဒဏ်ငွေ ၃ သောင်း ပေးရမယ်

CJ Platform

ရန်ကုန်တိုင်းမှာ မေလ ၁၄ ရက်ကစပြီး လူကူးမျဉ်းကြားက မကူးသူတွေ ဒဏ်ငွေ ၃ သောင်း ပေးရမယ်လို့ ယာဉ်စည်းကမ်းထိန်းသိမ်းရေးအဖွဲ့က ထုတ်ပြန်ထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/952026-4/

ခပ်စိပ်စိပ်ရွာလာတော့မယ့် မိုးနဲ့အတူ ရန်ကုန်တိုင်းအတွက် စိုက်ပျိုးမိုးလေဝသခန့်မှန်းချက်

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေနဲ့အတူ ရန်ကုန်တိုင်းက တောင်သူဦးကြီးတွေအတွက် အရေးပါလှတဲ့ တစ်ပတ်တာ စိုက်ပျိုးမိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မေလ ၁၀ ရက် တနင်္ဂနွေနေ့အတွက် မိုးလေဝသခန့်မှန်းချက်တွေကို မပြောပြခင် ပထမဆုံး ဘင်္ဂလားပင်လယ်အော်အတွင်းက လေဖိအားနည်းရပ်ဝန်း ခန့်မှန်းချက် ကို ပြောပြချင်ပါတယ်။

#CJPlatform #မိုးလေဝသ #WeatherUpdate #LowPressureArea #လေဖိအားနည်းရပ်ဝန်း #စိုက်ပျိုးရေးသတင်း #ရန်ကုန်တိုင်း #မိုးသက်လေပြင်း

Youtube တွင်ကြည့်ရှုရန်>>>https://youtu.be/5PCcT9iDOWo

မုတ်သုံဝင်မယ့် သီတင်းပတ်


CJ Platform

CJ Platform က အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တစ်ပတ်တာအတွက် မိုးလေဝသခန့်မှန်းချက်တွေကို တင်ဆက်ပေးပါတော့မယ်။

ဒီကနေ့ မေလ ၁၀ ရက်နေ့ကနေ မေလ ၁၆ရက်နေ့အထိ တစ်ပတ်တာအတွင်း ဖြစ်ပေါ်လာနိုင်တဲ့ မိုးလေဝသခန့်မှန်းချက်တွေကို အတူတူ ကြည့်လိုက်ကြရအောင်ပါ။

ဒီတစ်ပတ်ကတော့ "မုတ်သုံဝင်မယ့် သီတင်းပတ်" လို့ ပြောရမှာ ဖြစ်ပါတယ်။ CJ Platform Weather Team အနေနဲ့ မိုးလေဝသ ခန့်မှန်းမော်ဒယ်တွေမှာ တွေ့ရှိချက်အရ ပြောပြတာသာဖြစ်ပြီး၊ မုတ်သုံဝင်မယ့်ရက် အတိအကျကိုတော့ မြန်မာနိုင်ငံ မိုးလေဝသနှင့် ဇလဗေဒညွှန်ကြားမှုဦးစီးဌာန (DMH) ရဲ့ ထုတ်ပြန်ချက်သာ အတည်ဖြစ်တာကြောင့်၊ DMH ရဲ့ ထုတ်ပြန်ချက် ထွက်လာရင် ရက်အတိအကျကို ထပ်မံ အသိပေး ပြောပြပေးသွားပါမယ်နော်။

#CJPlatform #မိုးလေဝသ #WeatherUpdate #MonsoonForecast #WeeklyForecast #မုတ်သုံလေဝဲ #မိုးသက်လေပြင်း #ပင်လယ်ပြင်သတိပေးချက်


Youtube တွင် ဆက်လက်ကြည့်ရှုရန် >>>https://youtu.be/RdndOdCI07Q