ဝါးကားတိမ်းမှောက်မှုမှာ သေဆုံးသူ ၁၇ ဦးအထိ ရှိလာ

CJ Platform

နေပြည်တော်၊ ဥတ္တရသီရိမြို့နယ် မိုးစွေ-လွင်သာယာကားလမ်းမမှာ ဒီကနေ့ နေ့လယ် ၃ နာရီက ဝါးကားတစ်စီး ချောက်ထဲထိုးကျခဲ့ရာ သေဆုံးသူ ၁၇ ဦးအထိ ရှိလာတယ်လို့ မြို့ခံတွေဆီက သိရပါတယ်။

အခင်းဖြစ်ပွားချိန်တွင် သေဆုံးသူ အမျိုးသား ၈ ဦးရဲ့ ရုပ်အလောင်းကို တွေ့ရှိခဲ့ပြီး ကယ်ဆယ်ရေးလုပ်နေချိန် အမျိုးသား ၁ ဦးနဲ့ အမျိုးသမီး ၇ ဦးရဲ့ ရုပ်အလောင်းတွေကို ထပ်မံတွေ့ရှိခဲ့ပြီး ဒဏ်ရာရသူတွေကို ဆေးရုံလိုက်ပို့ချိန် အမျိုးသား ၁ ဦး ထပ်မံသေဆုံးခဲ့တယ်လို့ ဒေသခံတစ်ဦးက CJ Platform ကို ပြောပါတယ်။

"ကားချောက်ထဲကျတဲ့အချိန် ၈ ယောက်သေတာ တွေ့တယ်။ ကယ်ဆယ်ရေးလုပ်ရင်း အမျိုးသား ၁ ယောက်နဲ့ အမျိုးသမီး ၇ ယောက် အလောင်းတွေ တွေ့ရတယ်။ ဒဏ်ရာရတဲ့သူက ၁၈ ယောက်ရှိတယ်။ ဆေးရုံပို့တဲ့လမ်းမှာ ၁ ယောက် ထပ်သေတယ်။ သေတဲ့သူတွေက ဝါးခုတ်စားတဲ့ ဒေသခံတွေ" လို့ ရှင်းပြပါတယ်။

လက်တလောမှာ သေဆုံးသူနဲ့ ဒဏ်ရာရသူတွေကို နေပြည်တော် ခုတင် ၁၀၀၀ နဲ့ တောင်ညိုဆေးရုံကို ပို့ဆောင်ထားတယ်လို့ သတင်းအရင်းအမြစ်က ဆက်ပြောပါတယ်။

သေဆုံးသူတွေဟာ ဒီကနေ့ နေ့လယ် ၃ နာရီက ဥတ္တရသီရိမြို့နယ်မှာ ဝါးခုတ်ပြီး ပြန်လာချိန် မိုးစွေ-လွင်သာယာ တောင်တက်လမ်းမှာ အရှိန်မထိန်းနိုင်ဘဲ ကားချောက်ထဲထိုးကျခဲ့တာပါ။

ပြီးခဲ့တဲ့ ဇန်နဝါရီလ ၂၈ ရက်ကလည်း ပျဉ်းမနား-တောင်ညိုလမ်းမှာ ဇော်လေးနိုင် ဇာတ်အဖွဲ့ကား ချောက်ထဲထိုးကျပြီး ၁၂ ဦး သေဆုံးကာ ၈ ဦး ဒဏ်ရာရတဲ့ ဖြစ်စဉ်လည်း ရှိပါတယ်။

ဓာတ်ပုံ - လူမှုကွန်ရက်

#CJPlatform #နေပြည်တော် #ဥတ္တရသီရိမြို့နယ် #ယာဉ်တိုက်မှု #ဝါးကားမှောက် #ချောက်ထဲကျ #သေဆုံးမှု

ဒေသ ( ၁၀ )ခုအတွက် မိုးသည်းထန်မယ့် သတိပေးချက်နဲ့အတူ မကွေးတိုင်းအတွက် စိုက်ပျိုးမိုးလေဝသ

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေနဲ့အတူ မကွေးတိုင်းက တောင်သူဦးကြီးတွေအတွက် အရေးကြီးလှတဲ့ တစ်ပတ်တာအတွက် စိုက်ပျိုးမိုးလေဝသအခြေအနေတွေကို ပြောပြသွားပါမယ်။မနက်ဖြန် မေလ ၃ရက် တနင်္ဂနွေနေ့အတွက် မိုးလေဝသခန့်မှန်းချက်တွေကို မပြောပြမီ ပထမဆုံး ကမ္ဘာ့ရာသီဥတု ဖြစ်စဉ်နဲ့ မိုးရွာသွန်းမယ့် အခြေအနေကို ပြောပြလိုပါတယ်။ ဘင်္ဂလားပင်လယ်အော်အတွင်း လေထုမငြိမ်သက်မှုတွေ ဖြစ်ပေါ်နေပြီး ပင်လယ်ပြင်က စိုထိုင်းဆတွေကလည်း မြန်မာနိုင်ငံအတွင်း စီးဝင်နေပါတယ်။ ဒါကြောင့် လက်ရှိ မုတ်သုံအကြိုကာလအတွင်း အပူရှိန်နဲ့ စိုထိုင်းဆတွေ ပေါင်းစပ်ပြီး အပူပျံတက်မိုးတိမ်တွေ အားကောင်းစွာ ဖြစ်ထွန်းနေပါတယ်

#CJPlatform #မိုးလေဝသ #WeatherUpdate #RiverWaterLevel #မြစ်ရေအခြေအနေ #စိုက်ပျိုးရေးသတင်း #မကွေးတိုင်း #မိုးသက်လေပြင်း


Youtube တွင်ကြည့်ရှုရန်>>>https://youtu.be/52K1ExRtFd0

နွေအထွက် မိုးအဝင် ဘာတွေ ဖြစ်လာနိုင်သလဲ ?

CJ Platform

CJ Platform က အပတ်စဉ် တနင်္ဂနွေနေ့တိုင်းမှာ တင်ဆက်ပေးနေတဲ့ တစ်ပတ်တာအတွက် မိုးလေဝခန့်မှန်းချက်တွေကို ပြောပြသွားပါတော့မယ်။ဒီကနေ့ မေလ ၃ ရက်နေ့ကနေ မေလ ၉ ရက်နေ့အထိ တစ်ပတ်အတွင်း ဖြစ်ပေါ်လာမယ့် မိုးလေဝသ အခြေအနေတွေကို မပြောပြခင် ပထမဆုံး ကမ္ဘာ့ရာသီဥတု ဖြစ်စဉ်နဲ့ မုတ်သုံလေ ဝင်ရောက်နိုင်တဲ့ အခြေအနေကို ပြောပြလိုပါတယ်။ အမေရိကန်အခြေစိုက် ကမ္ဘာ့မိုးလေဝသဌာန (NOAA) နဲ့ ဩစတြေးလျ မိုးလေဝသဗျူရို (BOM) တို့ရဲ့ နောက်ဆုံး ထုတ်ပြန်ချက်တွေအရ... မိုးတိမ်တွေ ဖြစ်ထွန်းလာနိုင်တဲ့ MJO လေစီးကြောင်းဟာ အိန္ဒိယသမုဒ္ဒရာအတွင်းကို ရောက်ရှိလာပေမဲ့ အားပျော့သွားတာကို တွေ့ရပါတယ်။

#CJPlatform #မိုးလေဝသ #WeatherUpdate #WeeklyForecast #MonsoonForecast #အပူချိန်မြင့်တက်မည် #မိုးသက်လေပြင်း #မုတ်သုံမိုး


Youtube တွင် ဆက်လက်ကြည့်ရှုရန် >>>https://youtu.be/awxl19ycEQU

မြန်အောင်မြို့မှာ တစ်သောင်းတန်ငွေစက္ကူအတု ၄၇အုပ်နဲ့အတူ သယ်ဆောင်လာသူ ၈ဦး ဖမ်းမိ

CJ Platform

ဧရာဝတီတိုင်း၊ မြန်အောင်မြို့နယ် မလာကာကုန်းစစ်ဆေးရေးဂိတ်တွင် ဧပြီ ၂ ရက် ညနေ ၄ နာရီခွဲက အမျိုးသား ၆ ဦးနဲ့ အမျိုးသမီး ၂ ဦးကို တစ်သောင်းတန်ငွေစက္ကူအတု သိန်း ၄၇၀ နဲ့အတူ ဖမ်းဆီးရမိခဲ့တယ်လို့ မြို့ခံတွေဆီက သိရပါတယ်။

စစ်အုပ်စုတပ်နဲ့ ရဲတွေက မြန်အောင်မြို့အဝင်အထွက် စစ်ဆေးရေးဂိတ်မှာ သတင်းအရ ကားနှစ်စီးကို ရှာဖွေစစ်ဆေးခဲ့ရာ တစ်သောင်းတန်ငွေစက္ကူအတု ရွက်ရေ ၄,၇၀၀ နဲ့အတူ ဖမ်းဆီးရမိတာလို့ မြို့ခံတစ်ဦးက CJ Platform ကို ​ပြောပါတယ်။

"ကားနှစ်စီးကို စစ်တာ တိုရိုတာပရိုဘောက်စ်ကားရယ်၊ နောက်တစ်စီးက တိုရိုတာကရောင်းကားရယ်၊ အဲဒီကားပေါ်ကနေ တစ်သောင်းတန် တစ်ရာစည်း ၄၇ အုပ် မိတာ။ လူတွေရော ကားတွေရော မြန်အောင်ရဲစခန်းကို ခေါ်သွားတယ်" လို့ ပြောပါတယ်။

လက်တလောမှာ တစ်သောင်းတန်ငွေစက္ကူအတု လက်ဝယ်တွေ့ရှိသူ အမျိုးသား ၆ ဦးနဲ့ အမျိုးသမီး ၂ ဦးကို မြန်အောင်မြို့မရဲစခန်းက စစ်ဆေးနေတယ်လို့ မြို့ခံတွေဆီက သိရပါတယ်။

ပြီးခဲ့တဲ့ ဇန်နဝါရီလ ၁၈ ရက်ကလည်း အင်္ဂပူမြို့နယ် ထူးကြီးမြို့မှာ တစ်သောင်းတန်ငွေစက္ကူပြုလုပ်သူတစ်ဦးကို စစ်အုပ်စုလက်အောက်ခံရဲတွေက ဖမ်းမိခဲ့ပါတယ်။

အလားတူပင် ၂၀၂၂ ခုနှစ် အောက်တိုဘာလ ၃၁ ရက်ကလည်း လေးမျက်နှာမြို့နယ်မှာ ၁ သောင်းကျပ်တန် ငွေစက္ကူအတု အသုံးပြုသူတစ်ဦးကို စစ်အုပ်စုလက်အောက်ခံရဲတွေက ဖမ်းဆီးခဲ့တဲ့ ဖြစ်စဉ်လည်း ရှိပါတယ်။

စစ်တပ်အာဏာသိမ်းပြီးနောက် တစ်သောင်းတန်၊ ငါးထောင်တန် ငွေစက္ကူအတု ပြုလုပ်သူတွေကို ရန်ကုန်တိုင်း၊ ဧရာဝတီတိုင်း၊ မန္တလေးတိုင်း၊ မွန်ပြည်နဲ့ ရှမ်းပြည်တို့မှာ ဖမ်းဆီးရမိခဲ့ပြီး ဖမ်းဆီးရမိသူဦးရေ ၇၄ ဦး ထိရှိခဲ့ပါတယ်။

#CJPlatform #ဧရာဝတီတိုင်း #မြန်အောင်မြို့နယ် #ငွေစက္ကူအတု #ဖမ်းဆီးရမိ

အပူချိန်ပြန်လည်မြင့်တက်လာမှုနဲ့အတူ နွေမိုးသက်လေပြင်း သတိပြု

CJ Platform

ဒီကနေ့ မေလ ၄ ရက် တနင်္လာနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ပထမဆုံး အနောက်တောင် မုတ်သုံလေနဲ့ ဘင်္ဂလားပင်လယ်အော်က အခြေအနေတချို့ကို ပြောပြပေးပါမယ်။ လက်ရှိမှာတော့ အိန္ဒိယသမုဒ္ဒရာ တောင်ဘက် အီကွေတာအနီးမှာ လေဖိအားနည်းရပ်ဝန်းတစ်ခု ဖြစ်ဖို့ အားယူနေတာကို တွေ့ရပါတယ်။ ဒါ့အပြင် လာမယ့် မေလ ၈ ရက်နေ့ကနေ ၁၂ ရက်နေ့အတွင်းမှာလည်း အိန္ဒိယသမုဒ္ဒရာ မြောက်ဘက် ဘင်္ဂလားပင်လယ်အော် အရှေ့တောင်ပိုင်းနဲ့ အလယ်ပိုင်းတို့မှာ လေဖိအားနည်းရပ်ဝန်းတစ်ခု ဖြစ်ဖို့ အားယူလာနိုင်တာကို မိုးလေဝသ ခန့်မှန်းမော်ဒယ်တွေမှာ တွေ့ရပါတယ်။

#CJPlatform #မိုးလေဝသ #WeatherUpdate #MonsoonForecast #HeatwaveWarning #အပူရှိန် #မိုးသက်လေပြင်း #မုတ်သုံလေ


Youtube တွင်ကြည့်ရှုရန်>>>https://youtu.be/jVLZQw7DUrs

မြောက်ဥက္ကလာပမှာ မိသားစု သုံးဦး စီးနင်းလာတဲ့ စက်ဘီးကို ကားတစ်စီးက ဝင်တိုက်ရာမှာ တစ်ဦးသေဆုံး ယာဉ်မောင်းဖြစ်သူ ထွက်ပြေးနေ

CJ Platform

ရန်ကုန်တိုင်း၊ မြောက်ဥက္ကလာပမြို့နယ်မှာ မိသားစု သုံးဦး စီးနင်းလာတဲ့ စက်ဘီးတစ်စင်း မော်တော်ယာဉ်တစ်စီးက ဝင်တိုက်မိရာမှာ အမျိုးသမီးတစ်ဦး သေဆုံးသွားခဲ့တယ်လို့ ဒေသတွင်း လူမှုကူညီရေးအသင်းတွေဆီက သိရပါတယ်။

မနေ့က မေ ၃ ရက်၊ ည ၉ နာရီခွဲခန့်မှာ မြောက်ဥက္ကလာပမြို့နယ်၊ ကျော်သူကြိုးတံတားအဆင်း အလုပ်က ပြန်လာတဲ့ မိသားစု သုံးဦး စီးနင်းလာတဲ့ စက်ဘီးကို ကားတစ်စီးက အရှိန်ပြင်းစွာ ဝင်တိုက်ခဲ့တယ်လို့ သိရပါတယ်။

အဆိုပါယာဉ်တိုက်မှုကြောင့် အသက် ၃၁ နှစ်အရွယ် မိခင်ဖြစ်သူ မယဉ်ယဉ်ဌေးဟာ ရရှိထားတဲ့ ဒဏ်ရာတွေနဲ့ ဒီကနေ့ မေလ ၄ ရက်မှာ ကွယ်လွန်သွားခဲ့တယ်လို့ သိရပြီး ခင်ပွန်းဖြစ်သူမှာလည်း ဒဏ်ရာတွေနဲ့ မြောက်ဥက္ကလာပဆေးရုံမှာ အတွင်းလူနာအဖြစ် ဆေးကုသမှု ခံယူနေရဆဲဖြစ်တယ်လို့ အကူအညီပေးခဲ့သူတစ်ဦးက သူ့ရဲ့ လူမှုကွန်ရက်ကနေ နောက်ဆုံးအခြေအနေတွေကို ရေးသားအသိပေးထားပါတယ်။

ထို့ပြင် အသက် နှစ်နှစ်အရွယ် သားငယ်လေးမှာလည်း ပွန်းပဲ့ဒဏ်ရာများ ရရှိခဲ့ပြီး လက်ရှိမှာ အဘွားဖြစ်သူနဲ့အတူ ကျန်ရစ်ခဲ့တယ်လို့ သိရပြီး ကျန်ရစ်ခဲ့တဲ့ မိသားစုအတွက် ဝန်းရံမှူး လူမှုကူညီကယ်ဆယ်ရေးအသင်းက တစ်ဆင့် အလှူရှင်တွေက ငွေကျပ် ၁၁ သိန်းကို ဒီကနေ့ မေလ ၄ ရက်မှာ သွားရောက်လှူဒါန်းခဲ့ကြောင်း သိရပါတယ်။

ယာဉ်တိုက်မှုကျူးလွန်ခဲ့တဲ့ ယာဉ်မောင်းမှာ ထွက်ပြေးလွတ်မြောက်နေဆဲဖြစ်ပြီး မျက်မြင်သက်သေတွေရဲ့ အဆိုအရ ကားနံပါတ်၊ ကားအမျိုးအစားနဲ့ အရောင်တို့ကို သိရှိထားပြီး လက်ရှိမှာ တိုက်ပြေးသွားတဲ့ ယာဉ်မောင်းကို ဖမ်းဆီးရမိရေးအတွက် ဆက်လက်ဆောင်ရွက်နေတယ်လို့လည်း သိရပါတယ်။

#CJPlatform #ရန်ကုန်တိုင်း #မြောက်ဥက္ကလာပ #ယာဉ်တိုက်မှု #တိုက်ပြေး

မြန်အောင်တွင် လင်မယားချင်းစကားများရာမှ ဇနီးဖြစ်သူကို ဓားနဲ့ခုတ်သတ်

CJ Platform

မြန်အောင်မြို့နယ် ညောင်ဝိုင်းအုပ်စု ထုံးဝိုင်းကုန်းကျေးရွာတွင် ဧပြီလ ၃ ရက် မနက် ၆ နာရီက လင်မယားချင်း စကားများရာမှ ခင်ပွန်းဖြစ်သူက ဇနီးဖြစ်သူကို ဓားနဲ့ ခုတ်သတ်ခဲ့တယ်လို့ မြို့ခံတွေဆီက သိရပါတယ်။

မနေ့ မနက် ၅ နာရီက ညောင်ဝိုင်းအုပ်စု ထုံးဝိုင်းကျေးရွာမှာ လူမှုရေးကိစ္စနဲ့ လင်မယားချင်း စကားများရာမှ ကိုအောင်ထွန်းလင်းဆိုသူက မသန်းသန်းစိုးကို လည်ပင်းကို ဓားနဲ့ ခုတ်သတ်ခဲ့တာလို့ မြို့ခံတစ်ဦးက CJ Platform ကို ပြောပါတယ်။

"အကြွေးကိစ္စလို့လည်း ပြောတယ်၊ အခြားလူမှုရေးကိစ္စလို့လည်း ကြားတယ်။ လင်မယားချင်း စကားများပြီး သူ့မိန်းမကို ဓားနဲ့ ခုတ်သတ်သွားတာ။ သတ်သွားတဲ့သူကို မမိသေးဘူး" လို့ ပြောပါတယ်။

အခင်းဖြစ်ပွားပြီးနောက် ကျေးရွာအုပ်ချုပ်ရေးအဖွဲ့နဲ့ ရဲတွေက သေဆုံးသူ မသန်းသန်းစိုးရဲ့ ရုပ်အလောင်းကို ရွှေကျင်တိုက်နယ်ဆေးရုံကို ပို့ဆောင်ခဲ့တယ်လို့ ဒေသခံတွေဆီက သိရပါတယ်။

လက်တလောမှာ ပြစ်မှုကျူးလွန်သူ ကိုအောင်ထွန်းလင်းကို မြောင်းမြမြို့နယ် ရွှေကျင်နယ်မြေရဲစခန်းက (ပ) အမှတ် ၂၇/၂၀၂၆၊ ပုဒ်မ ၃၀၂ နဲ့ အမှုဖွင့်အရေးယူထားတယ်လို့ သိရပါတယ်။

ပြီးခဲ့တဲ့ ဇန်နဝါရီလ ၁ ရက် ည ၈ နာရီကလည်း မြန်အောင်မြို့နယ် အမှတ် ၁ ရပ်ကွက်မှာ လူငယ်အချင်းချင်း စကားများရန်ဖြစ်ပြီး လူငယ်တစ်ဦး ဓားနဲ့ထိုးသတ်ခံရတဲ့ ဖြစ်စဉ်လည်း ရှိပါတယ်။

#CJPlatform #မြန်အောင်မြို့နယ် #လူသတ်မှု #အမှုဖွင့်

၄ လအတွင်း အမြန်လမ်းမှာ ယာဉ်တိုက်မှုကြောင့် ၃၂ဦး သေဆုံးကာ ၆၃ဦး ဒဏ်ရာရ

CJ Platform

၂၀၂၆ ခုနှစ် ဇန်နဝါရီလမှ ဧပြီလအတွင်း ရန်ကုန်-မန္တလေး အမြန်လမ်းမကြီးမှာ ယာဉ်တိုက်မှု ၅၂ မှု ဖြစ်ပွားခဲ့ပြီး သေဆုံးသူ ၃၂ ဦးနဲ့ ဒဏ်ရာရရှိသူ ၆၃ ဦး ရှိခဲ့တယ်လို့ အမြန်လမ်းမကြီးရဲတပ်ဖွဲ့နဲ့ နီးစပ်သူတွေဆီက သိရပါတယ်။

ယာဉ်တိုက်မှု ၅၂ မှုထဲမှာ ဘရိတ်ပေါက်တာ၊ အရှိန်လွန်မောင်းနှင်တာနဲ့ စလစ်ဖြစ်တာတွေကြောင့်ဖြစ်ပြီး ယာဉ်စည်းကမ်းမလိုက်နာတာတွေကြောင့် ယာဉ်တိုက်မှုတွေ ဖြစ်တာလို့ အမြန်လမ်းမကြီးရဲတပ်ဖွဲ့နဲ့ နီးစပ်သူတစ်ဦးက CJ Platform ကို ပြောပါတယ်။

"ယာဉ်တိုက်မှုအတော်များများက လိုအပ်တဲ့ ကီလိုထက်ပိုပြီးမောင်းလို့ ဖြစ်တာများတယ်။ အချို့ကားတွေကျတော့ ဘရိတ်ပေါက်လို့ဖြစ်တာ။ လစဉ် စည်းကမ်းမဲ့မောင်းနှင်သူတွေကို အရေးယူတာရှိပေမယ့် ဖြစ်နေတာပဲ" လို့ ရှင်းပြပါတယ်။

သတ်မှတ်ချက်ထက် အရှိန်လွန်မောင်းနှင်သူတွေကို ဇန်နဝါရီလမှာ ၁,၄၃၈ ဦး၊ ဖေဖော်ဝါရီလမှာ ၂,၃၆၆ ဦး၊ မတ်လမှာ ၁,၂၃၀ ဦးနဲ့ ဧပြီလတွင် ၇၇၂ ဦး စုစုပေါင်း ၄,၈၀၆ ဦး ရှိခဲ့‌တယ်လို့လည်း သတင်းအရင်းအမြစ်က ဆက်ပြောပါတယ်။

ဒီနှစ် လေးလတာ ယာဉ်တိုက်မှုဟာ ပြီးခဲ့တဲ့ ၂၀၂၅ ခုနှစ် ဇန်နဝါရီလကနေ ဧပြီလအထိ ဖြစ်ခဲ့တဲ့ ယာဉ်တိုက်မှုနဲ့ နှိုင်းယှဉ်ပါက သေဆုံးသူဦးရေ သိသိသာသာ လျော့နည်းသွားတယ်လို့ ဆိုပါတယ်။

၂၀၂၅ ခုနှစ် ဇန်နဝါရီလကနေ ဧပြီလအတွင်း ရန်ကုန်-မန္တလေး အမြန်လမ်းတွင် ယာဉ်တိုက်မှု ၄၅ မှု ဖြစ်ခဲ့ပြီး သေဆုံးသူ ၁၁၆ ဦးနဲ့ ဒဏ်ရာရသူ ၁၇ ယောက် ရှိခဲ့ပါတယ်။

ဓာတ်ပုံ - အမြန်လမ်းရဲတပ်ဖွဲ့
#CJPlatform #အမြန်လမ်း #ယာဉ်တိုက်မှု #ယာဉ်စည်းကမ်း #အရှိန်လွန်

စစ်ရှောင်ဝန်ထမ်းတွေကို စစ်အုပ်စုက ထောက်ပံ့မပေးလို့ ကြုံရာအလုပ်လုပ်နေရ
စက်ရုံဆင်းနေရသူနဲ့ KTV မှာ အလုပ်ဝင်နေရသူပါ ရှိနေ

CJ Platform

၁၀၂၇ စစ်ဆင်ရေးမှာ ရခိုင်ပြည်ကနေ ရန်ကုန်၊ ဧရာဝတီနဲ့ ပဲခူးတိုင်းကို စစ်ရှောင်လာတဲ့ စစ်အုပ်စု လက်အောက်ခံ ဌာနဆိုင်ရာဝန်ထမ်းတွေအနေနဲ့ စစ်အုပ်စုရဲ့ ထောက်ပံ့မှုမရတာကြောင့် ကြုံရာကျပန်းလုပ်ကိုင်နေရတယ်လို့ Non-CDM ဝန်ထမ်းတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/4520261-2/

မိုးကြိုး၊ လေပြင်း သတိပေးချက်နဲ့အတူ ချင်းပြည်အတွက် စိုက်ပျိုးမိုးလေဝသ


CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေနဲ့ ချင်းပြည်က တောင်သူဦးကြီးတွေအတွက် အရေးပါလှတဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မေလ ၅ရက် အင်္ဂါနေ့အတွက် မိုးလေဝသခန့်မှန်းချက်တွေကို မပြောပြမီ ပထမဆုံး ကမ္ဘာ့ရာသီဥတု ဖြစ်စဉ်နဲ့ မုတ်သုံလေ ဝင်ရောက်နိုင်တဲ့ အခြေအနေကို ပြောပြလိုပါတယ်။ မြန်မာနိုင်ငံကို စီးဝင်နေတဲ့ လေထု အခြေအနေမှာတော့ အနောက်မြောက် လေစီးကြောင်းတွေက အားလျော့သွားပြီး ဘင်္ဂလားပင်လယ်အော်မှာလည်း လေထု မငြိမ်သက်မှုတွေ ဖြစ်ပေါ်နေပါတယ်။

#CJPlatform #မိုးလေဝသ #WeatherUpdate #BayOfBengal #လေဖိအားနည်းရပ်ဝန်း #စိုက်ပျိုးရေးသတင်း #ချင်းပြည် #HeatwaveWarning

Youtube တွင်ကြည့်ရှုရန်>>>https://youtu.be/IuQn3UrMqhE

ပုသိမ်မှာ ဆိုင်ကယ်နဲ့ကားမျက်နှာချင်းဆိုင် တိုက်မိပြီး တစ်ဦးသေဆုံး ကားမောင်းသူထွက်ပြေးနေ

CJ Platform

ဧရာဝတီတိုင်း၊ ပုသိမ်မြို့နယ် ရဲကင်းအမှတ် ၁၅ အနီး ပုသိမ်–ရန်ကုန်–မုံရွာ ကားလမ်းမပေါ်မှာ ဧပြီလ ၄ ရက် ညနေ ၃ နာရီခွဲက ကားနဲ့ဆိုင်ကယ် မျက်နှာချင်းဆိုင်တိုက်မိရာမှ ဆိုင်ကယ်မောင်းနှင်သူ သေဆုံးပြီး နောက်မှလိုက်ပါစီးလာသူ ဒဏ်ရာရရှိခဲ့တယ်လို့ မြို့ခံတွေဆီက သိရပါတယ်။

မနေ့ ညနေ ၃ နာရီခွဲက ဒိုက်ထူဘက်ကနေ မြတ်တိုဘက်ကို မောင်းနှင်လာတဲ့ မော်တော်ယာဉ်နဲ့ ရုပ်ထုဘက်ကနေ မြတ်တိုဘက်သို့ မောင်းနှင်လာသော ဆိုင်ကယ်တို့ မျက်နှာချင်းဆိုင် တိုက်မိခဲ့တာလို့ မြို့ခံတစ်ဦးက CJ Platform ကို ပြောပါတယ်။

"မာကို ဆိုင်ကယ်ရောင်းဝယ်ရေးဆိုင်ရှေ့မှာ တိုက်တာ။ အရှိန်ဘယ်လောက်ပြင်းလဲဆိုရင် ဆိုင်ကယ်အရှေ့ကမောင်းတဲ့ကောင်လေး ဘယ်ဘက်လက် ပြုတ်ထွက်သွားတယ်။ ခေါင်းလည်း ရစရာမရှိဘူး။ နောက်ကလိုက်စီးတဲ့ကောင်လေးကလည်း ခြေထောက်တွေ၊ လက်တွေ ကျိုးကုန်တယ်" လို့ ပြောပါတယ်။

သေဆုံးသူမှာ အသက် ၂၀ နှစ်အရွယ် ပိုင်ဇေထက်ဖြစ်ပြီး ဒဏ်ရာရသူမှာ အသက် ၁၈ နှစ်အရွယ် သက်ဝေဖြိုးဖြစ်ပြီး ပုသိမ်မြို့နယ်ဆေးရုံတွင် ဆေးကုသမှု ခံယူနေတယ်လို့ သတင်းအရင်းအမြစ်က ပြောပါတယ်။

အဆိုပါယာဉ်တိုက်မှုတွင် မော်တော်ယာဉ်မောင်းမှာ အခင်းဖြစ်ရာနေရာမှာပင် ကားမောင်းထွက်ပြေးသွား၍ ဖမ်းဆီးရမိခြင်းမရှိကြောင်း ယာဉ်ထိန်းရဲတပ်ဖွဲ့နဲ့ နီးစပ်သူတစ်ဦးက CJ Platform ကို ပြောပါတယ်။

ယာဉ်မောင်းဖြစ်သူကို ဖမ်းဆီးရမိခြင်းမရှိသော်လည်း ပုသိမ်မြို့မရဲစခန်းက ယာဉ်မောင်းဖြစ်သူကို (ပ) အမှတ် ၂၅/၂၀၂၆၊ ပုဒ်မ ၃၀၄ (က) နဲ့ အမှုဖွင့်လှစ်ထားတယ်လို့ သတင်းအရင်းအမြစ်က ဆက်ပြောပါတယ်။

ပြီးခဲ့တဲ့ မတ်လ ၇ ရက် နေ့လယ် ၂ နာရီကျော်ကလည်း ပုသိမ်-ငွေဆောင်သွားကားလမ်း မိုင်တိုင်အမှတ် ၁၂ မိုင် ၂ ဖာလုံနဲ့ ၃ ဖာလုံအကြားမှာ ခရီးသည်တင်ကားနဲ့ ဆိုင်ကယ်တစ်စီး မျက်နှာချင်းဆိုင် တိုက်မိပြီး ဆိုင်ကယ်မောင်းနှင်သူ နေရာ၌ပင် ပွဲချင်းပြီး သေဆုံးခဲ့တဲ့ ဖြစ်စဉ်လည်း ရှိပါတယ်။

ဓာတ်ပုံ - လူမှုကွန်ရက်
#CJPlatform #ဧရာဝတီတိုင်း #ပုသိမ်မြို့နယ် #ယာဉ်တိုက်မှု #တိုက်ပြေး

ဒီကနေ့ မေ (၅) ရက် အင်္ဂါနေ့အတွက် မိုးလေဝသခန့်မှန်းချက်
မုန်တိုင်းနှစ်လုံး ဖြစ်လာမယ်ဆိုတာ အမှန်လား

CJ Platform

ဒီကနေ့ မေလ ၅ ရက် အင်္ဂါနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ပထမဆုံး လူမှုကွန်ရက်တွေမှာ "မုန်တိုင်းနှစ်လုံး တစ်ပြိုင်နက် ဖြစ်မယ်" ဆိုပြီး ပျံ့နှံ့နေတဲ့ သတင်းတွေကြောင့် စိုးရိမ်နေကြသူတွေအတွက် ရှင်းလင်း ပြောပြပေးချင်ပါတယ်။ လက်ရှိ အိန္ဒိယသမုဒ္ဒရာ မြောက်ပိုင်းနဲ့ ဘင်္ဂလားပင်လယ်အော်မှာ လေထု မငြိမ်သက်မှုတွေ၊ လေဖိအား ကျဆင်းမှုတွေ ဖြစ်ပေါ်နေပြီး... လာမယ့် မေလ ၇ ရက်နေ့နဲ့ ၈ ရက်နေ့ ဝန်းကျင်မှာ "လေဝဲဂယက် (Cyclonic Circulation)" တစ်ခု ဘင်္ဂလားပင်လယ်အော်အတွင်းမှာ ဖြစ်ပေါ်လာမှာကို မိုးလေဝသ ခန့်မှန်းမော်ဒယ် အားလုံးက အတည်ပြုထားတာကို တွေ့ရပါတယ်။

#CJPlatform #မိုးလေဝသ #WeatherUpdate #StormUpdate #မုန်တိုင်းသတင်း #အပူရှိန် #မိုးသက်လေပြင်း #HeatwaveWarning

Youtube တွင်ကြည့်ရှုရန်>>>https://youtu.be/LdtFHVkC3Y4

ဖက်ဒရယ်ဒီမိုကရေစီ ပြည်ထောင်စုတည်ဆောက်ရာမှာ အရေးကြီးတဲ့ ကာကွယ်ရေးကဏ္ဍကို ခိုင်မာတဲ့စုဖွဲ့မှုနဲ့ စနစ်တကျ တည်ဆောက်ရန် CRPH တိုက်တွန်း

CJ Platform

ဖက်ဒရယ်ဒီမိုကရေစီ ပြည်ထောင်စု တည်ဆောက်ရာမှာ ကာကွယ်ရေးကဏ္ဍဟာ အရေးကြီးတဲ့ ကဏ္ဍတစ်ရပ် ဖြစ်တာနဲ့အညီ ပိုမိုခိုင်မာအားကောင်းပြီး ကျစ်လစ်တဲ့ စုဖွဲ့မှုနဲ့ တပ်ရင်း၊ တပ်ဖွဲ့တွေကို စနစ်တကျ တည်ဆောက်သွားကြဖို့ ပြည်ထောင်စုလွှတ်တော်ကိုယ်စားပြုကော်မတီ (CRPH) က ပြည်သူ့ကာကွယ်ရေးတပ်မတော် (PDF) ဖွဲ့စည်းတည်ထောင်မှု ၅ နှစ်ပြည့် ဂုဏ်ပြုသဝဏ်လွှာမှာ တိုက်တွန်းထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/5520261-2/