စစ်မှုထမ်းသူတိုင်း သေဆုံးတာမဟုတ်ဘဲ အိမ်ပြန်လာသူ အများအပြားရှိတယ်လို့ စစ်အုပ်စုခန့် ဝန်ကြီးချုပ်ပြော

CJ Platform

လူငယ်တွေ စစ်ထဲဝင်ပြီး စစ်မှုထမ်းတိုင်း သေလူလို့ မသတ်မှတ်ဘဲ မွန်ပြည်မှာ အသက်ရှင်လျက် အိမ်ပြန်ရသူအများကြီးရှိကြောင်း စစ်တပ်ကိုယ်စားလှယ်ကနေ ဝန်ကြီးချုပ်ဖြစ်လာတဲ့ ဦးအောင်ဝင်းသန်းက ပြောပါတယ်။
Website တွင် ဆက်လက် ဖတ်ရှုရန် >>> https://cjplatform.com/2942026-2/

ထိုင်းဘတ်ငွေ ၂ ဒသမ ၃ ဘီလီယံတန်ဖိုးရှိ ကုန်ပစ္စည်းအတုတွေကို သိမ်းဆည်းရမိ

CJ Platform

ထိုင်းနိုင်ငံတွင်း ဉာဏမူပိုင်ခွင့်ဆိုင်ရာချိုးဖောက်မှုတွေကို အစိုးရက အရှိန်မြှင့်နှိမ်နင်းမှုတွေ လုပ်ဆောင်လာချိန် ၂၀၂၆ ဘဏ္ဍာရေးနှစ် ပထမနှစ်ဝက်အတွင်း ဘတ်ငွေ ၂ ဒသမ ၃ ဘီလီယံတန်ဖိုးရှိ ကုန်ပစ္စည်းအတုတွေကို သိမ်းဆည်းရမိခဲ့တယ်လို့ ဘန်ကောက်ပို့စ်သတင်းဌာနက ဒီနေ့ ဧပြီ ၂၉ ရက်မှာ ဖော်ပြထားပါတယ်။

ပြီးခဲ့တဲ့ ၂၀၂၅ ခုနှစ် အောက်တိုဘာလကနေ အခု ၂၀၂၆ ခုနှစ် မတ်လအတွင်း ဈေးဝယ်စင်တာစတဲ့ ‌စီးပွားရေးလုပ်ငန်းခွင်နေရာတွေ၊ ပစ္စည်းသိုလှောင်ရုံတွေ၊ နယ်စပ်ဂိတ်တွေနဲ့ အွန်လိုင်းပလက်ဖောင်းတွေကနေ ရှာဖွေဖမ်းဆီးမှုလုပ်ဆောင်ခဲ့တာဖြစ်ပြီး အမှုပေါင်း ၃၃၂ မှုအထိ ရှိခဲ့တယ်လို့ ဘဏ္ဍာရေးဝန်ကြီး Ekniti Nitithanprapas ရဲ့ ပြောဆိုချက်အရ သိရပါတယ်။

ဒါ့အပြင် သက်ဆိုင်ရာအဖွဲ့အစည်းအားလုံးအနေနဲ့ ဉာဏမူပိုင်ခွင့်ဆိုင်ရာချိုးဖောက်မှုတွေကို အရှိန်မြှင့်နှိမ်နင်းဖို့၊ ထိုင်းနိုင်ငံရဲ့ ကုန်သွယ်ရေးနဲ့ ရင်းနှီးမြှုပ်နှံမှု စီးပွားရေးလုပ်ငန်းနယ်ပယ်မှာ ယုံကြည်မှု အခိုင်အမာရရှိစေဖို့အတွက် လုပ်ဆောင်ဖို့ကိုလည်း ဝန်ကြီးချုပ်က ညွှန်ကြားထားကြောင်း Mr. Ekniti က ပြောပါတယ်။

ပြီးခဲ့တဲ့ ၂၀၂၅ ဘဏ္ဍာရေးနှစ်အတွင်းက ကုန်ပစ္စည်းအတုတွေ သိမ်းဆည်းရမိမှုဟာ ဘတ်ငွေတန်ဖိုး ၁ ဒသမ ၃ ဘီလီယံသာရှိပေမယ့် အခုဘဏ္ဍာနှစ် ပထမနှစ်ဝက်အတွင်း ၂ ဒသမ ၃ ဘီလီယံအထိ သိမ်းဆည်းရရှိခဲ့တာဟာ ၇၈ ရာခိုင်နှုန်းအထိ တိုးတက်လာတာဖြစ်တယ်လို့ ထိုင်းရဲတပ်ဖွဲ့ တာဝန်ရှိသူတစ်ဦးကလည်း ပြောပါတယ်။

အွန်လိုင်းနဲ့ ဈေးကွက်အတွင်းမှာရှိတဲ့ ကုန်ပစ္စည်းအတုတွေကို ရှာဖွေနှိမ်နင်းမှုတွေ ကျယ်ကျယ်ပြန့်ပြန့် ဆက်လက်လုပ်ဆောင်သွားမယ်လို့ ဘဏ္ဍာရေးဝန်ကြီးက ပြောကြားထားပြီး နယ်စပ်ဖြတ်ကျော် တရားမဝင် ဝင်ရောက်ရာလမ်းကြောင်းတွေကိုလည်း အလေးထားစောင့်ကြည့်သွားမယ်လို့ ဆိုပါတယ်။

ဓာတ်ပုံ - ဘန်ကောက်ပို့စ်
#CJPlatform #ထိုင်းနိုင်ငံ #ကုန်ပစ္စည်းအတု #ဉာဏမူပိုင်ခွင့် #သိမ်းဆည်းရမိ

ကိုရီးယားမှာ တားမြစ်ပစ္စည်းသယ်ဆောင်လာတဲ့ မြန်မာအချို့ လေဆိပ်တွင် တားဆီးခံရ

CJ Platform

တောင်ကိုရီးယားနိုင်ငံအတွင်း တားမြစ်ပစ္စည်း သယ်ဆောင်လာတဲ့ မြန်မာလုပ်သားအချို့ကို ပြည်ဝင်ခွင့်ပိတ်ခံရတဲ့ အခြေအနေကြုံခဲ့ရတယ်လို့ ဆိုးလ်မြို့မှာရှိတဲ့ စစ်အုပ်စုရဲ့ သံရုံးဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/2942026-3/

ရခိုင်ပြည် အေးချမ်းသွားပြီလို့ စစ်အုပ်စုခန့် ဝန်ကြီးချုပ်ပြော၊ ဌာနဆိုင်ရာ စစ်ရှောင်ဝန်ထမ်းများ ဝေဖန်

CJ Platform

အာရက္ခတပ်တော် AA တိုက်ခိုက်သိမ်းပိုက်မှုကြောင့် မြို့ ၃ မြို့သာ ရခိုင်ပြည်အစိုးရက အုပ်ချုပ်နိုင်ပေမယ့် ရခိုင်ပြည်ရဲ့ လက်ရှိအခြေအနေမှာ အေးချမ်းနေပြီလို့ စစ်အုပ်စုခန့် ဝန်ကြီးချုပ် ဦးနိုင်ဦးက ပြောဆိုမှုအပေါ် ဌာနဆိုင်ရာနဲ့ စစ်ရှောင်ဝန်ထမ်းတွေက ဝေဖန်ပြောဆိုပါတယ်။
Website တွင် ဆက်လက် ဖတ်ရှုရန် >>> https://cjplatform.com/2942026-4/

အကျဉ်းသား၊ အကျဉ်းသူ ၁,၅၀၈ ဦးနဲ့ နိုင်ငံခြားသား ၁၁ ဦးကို စစ်အုပ်စုက လွတ်ငြိမ်းခွင့်ပေး

CJ Platform

မြန်မာနိုင်ငံတစ်ဝန်း အကျဉ်းထောင်အသီးသီးက အကျဉ်းသား၊ အကျဉ်းသူ ၁,၅၀၈ ဦးကို လွတ်ငြိမ်းခွင့်ပေးလိုက်ကြောင်း စစ်အုပ်စုက ဒီနေ့ ဧပြီ ၃၀ ရက်မှာ သတင်းထုတ်ပြန်လာပါတယ်။

ဒီနေ့ ကဆုန်လပြည့်နေ့ (ဗုဒ္ဓနေ့) အထိမ်းအမှတ်အနေနဲ့ အကျဉ်းထောင်၊ အချုပ်ထောင်၊ စခန်းအသီးသီးမှာ ပြစ်ဒဏ်ကျခံနေရသူ ၁,၅၀၈ ဦးကို လွတ်ငြိမ်းခွင့်ပေးခဲ့တာဖြစ်ပြီး နောက်တစ်ကြိမ် ပြစ်ဒဏ်ထပ်ကျူးလွန်ရင် အခု ကျန်ရှိပြစ်ဒဏ်ကိုပါ ပြန်လည်ကျခံရမယ်လို့ ဖော်ပြထားပါတယ်။

စစ်အုပ်စုရဲ့ လွတ်ငြိမ်းမှာ နိုင်ငံခြားသား အကျဉ်းသား၊ အကျဉ်းသူ ၁၁ ဦးကို လွတ်ငြိမ်းခွင့်ပေးခဲ့ပြီး သူတို့အားလုံးကို ပြည်နှင်ဒဏ်ပါ ပေးခဲ့ပါတယ်။ ထို့ပြင် ဒီနေ့ ဧပြီ ၃၀ ရက်မတိုင်မီ ပြစ်မှုကျူးလွန်ပြီး ပြစ်ဒဏ်ကျခံနေရတဲ့ နိုင်ငံတစ်ဝန်းက အကျဉ်းသား၊ အကျဉ်းသူအားလုံးကိုလည်း ကျန်ရှိပြစ်ဒဏ်ရဲ့ ခြောက်ပုံတစ်ပုံကို လွတ်ငြိမ်းသက်သာခွင့်ပေးခဲ့တယ်လို့ ဖော်ပြထားပါတယ်။

စစ်အုပ်စုက အခုလ ဧပြီ ၁၇ ရက် (မြန်မာနှစ်ဆန်း ၁ ရက်) ကလည်း သမ္မတ ဦးဝင်းမြင့်နဲ့ နိုင်ငံရေးအကျဉ်းသားအချို့အပါအဝင် အကျဉ်းသား၊ အကျဉ်းသူ ၄,၃၃၅ ဦးကို လွတ်ငြိမ်းခွင့်ပေးခဲ့ပြီး သေဒဏ်ကျခံနေရသူတွေ၊ တစ်သက်တစ်ကျွန်းကျခံနေရသူတွေနဲ့ ထောင်ဒဏ် နှစ် ၄၀ အထက် ကျခံနေရသူတွေကို ပြစ်ဒဏ်လျှော့ပေါ့ပေးခဲ့သလို ကျန်အကျဉ်းသား၊ အကျဉ်းသူတွေကို ကျန်ရှိပြစ်ဒဏ်ရဲ့ ခြောက်ပုံတစ်ပုံ လျှော့ပေါ့ပေးခဲ့ပါသေးတယ်။

ပုံစာ - အင်းစိန်အကျဉ်းထောင်ရှေ့ မြင်ကွင်း (ပုံဟောင်း)
#CJPlatform #လွတ်ငြိမ်းချမ်းသာခွင့် #အကျဉ်းသား #ကဆုန်လပြည့်နေ့ #စစ်ကောင်စီ

ဒီကနေ့ ဧပြီ ၃၀ရက် ဗုဒ္ဓဟူးနေ့အတွက် မိုးလေဝသခန့်မှန်းချက်

CJ Platform

ဒီကနေ့ ဧပြီ ၃၀ ရက်နေ့ ကဆုန်လပြည့် ဗုဒ္ဓနေ့မှာ ဘုရားသွား ညောင်ရေသွန်းပြီး ကုသိုလ်ယူကြမယ့် အစ်ကို၊အစ်မတို့အတွက် ရာသီဥတုအခြေအနေလေးတွေ ဘယ်လိုရှိမလဲဆိုတာကို ပြောပြသွားပါမယ်။
ပထမဆုံး ကမ္ဘာ့ရာသီဥတု ဖြစ်စဉ်နဲ့ မုတ်သုံလေ အခြေအနေကို ပြောပြလိုပါတယ်။ လက်ရှိ ကမ္ဘာ့မိုးတိမ်ဖြစ်ထွန်းမှု လမ်းကြောင်း (MJO) ဟာ အားနည်းနေပြီး၊ မနက်ဖြန်ကစတင်ကာ အိန္ဒိယသမုဒ္ဒရာအတွင်း ပြန်လည် အားကောင်းလာနိုင်သလို... မိုးတိမ်ဖြစ်ထွန်းမှု တန်ဖိုး (OLR) အရလည်း မိုးရွာသွန်းမှုတွေ ပိုပြီး အားကောင်းလာနိုင်ပါတယ်။


#CJPlatform #မိုးလေဝသ #WeatherUpdate #KasoneFullMoon #ကဆုန်လပြည့် #မိုးသက်လေပြင်း #ရေကြီးမှုသတိပေးချက် #မိုးကောင်းမြို့

Youtube တွင်ကြည့်ရှုရန်>>>https://youtu.be/g6Q4Bvo6KjA

မူဆယ်မှာ ကျားဖြန့်လုပ်ကိုင်သူတွေနဲ့ တရားမဝင်နေထိုင်တဲ့ တရုတ် ၂၈ ဦးကို ဖမ်းမိ

CJ Platform

ရှမ်းပြည်မြောက်ပိုင်း မူဆယ်မြို့မှာ အွန်လိုင်းငွေကြေးလိမ်လည်မှု (ကျားဖြန့်) လုပ်ကိုင်နေတဲ့ တရုတ်နိုင်ငံသားတွေနဲ့ နိုင်ငံတွင်း တရားမဝင် ဝင်ရောက်နေထိုင်နေတဲ့ တရုတ်နိုင်ငံသား စုစုပေါင်း ၂၈ ဦးကို ဖမ်းဆီးရမိခဲ့တယ်လို့ ဒီနေ့ထုတ် စစ်အုပ်စုသတင်းစာတွေမှာ ဖော်ပြထားပါတယ်။

မနေ့ ဧပြီ ၂၉ ရက် ညနေပိုင်းက မူဆယ်မြို့ တော်ရွက်ရပ်ကွက် ဖွေဟုန်းနယ်မြေထဲမှာရှိတဲ့ နေအိမ်တစ်လုံးမှာ ကျားဖြန့်လုပ်ကိုင်ပြီး ထွက်ပြေးတိမ်းရှောင်နေတဲ့ တရုတ်နိုင်ငံသား ၂ ဦးနဲ့ မြန်မာ ၁၂ ဦးတို့ကို ဖုန်းမျိုးစုံ ၂၄ လုံး၊ All in One ကွန်ပျူတာ ၁၉ လုံး၊ TP Link တစ်လုံး၊ ဝိုင်ဖိုင်စက် ၆ လုံးတို့နဲ့အတူ ဖမ်းဆီးရမိခဲ့တယ်လို့ ဆိုပါတယ်။

ဒါ့အပြင် မူဆယ်မြို့ ဟိုမွန်ရပ်ကွက်ထဲက နေအိမ်တစ်လုံးမှာ နိုင်ငံတွင်း တရားမဝင် ဝင်ရောက်ကာ နေထိုင်နေတဲ့ တရုတ်နိုင်ငံသား ၂၆ ဦးကိုလည်း ထပ်မံဖမ်းဆီးရမိခဲ့တယ်လို့ စစ်အုပ်စုက ဖော်ပြထားပါတယ်။

ကျားဖြန့်နဲ့ အွန်လိုင်းလိမ်လည်လောင်းကစား လုပ်ကိုင်သူတွေကို စစ်အုပ်စုက အရှိန်မြှင့်ဖမ်းဆီးမှုတွေ လုပ်ဆောင်နေပြီး အခုလ ဧပြီ ၂၇ ရက်ကလည်း ရှမ်းပြည်အရှေ့ပိုင်း တာချီလိတ်မြို့မှာ အွန်လိုင်းလိမ်လည်လောင်းကစား လုပ်ကိုင်သူ တရုတ်နဲ့ မြန်မာနိုင်ငံသား ၅၂ ဦးကို ဖမ်းဆီးရမိခဲ့ပါသေးတယ်။

ဓာတ်ပုံ - Pro-SAC
#CJPlatform #ရှမ်းပြည် #မူဆယ်မြို့ #ကျားဖြန့် #တရားမဝင်နေထိုင်မှု #တရုတ်နိုင်ငံသား

ယောဒေသ စစ်ရှောင်စခန်းတွင် ကလေးများ ပညာဆက်လက်သင်ကြားရန် အခက်အခဲများကြုံ
 
CJ Platform
 
မကွေးတိုင်း၊ ကျောက်ထုမြို့နယ် (ယောဒေသ) ရှိ တောင်ဇလပ်စစ်ရှောင်စခန်းက စစ်ဘေးရှောင်ကလေးသူငယ်တွေ ပညာဆက်လက်သင်ကြားနိုင်ဖို့အရေး ဆရာ၊ ဆရာမ အင်အားမလုံလောက်မှု၊ လုံခြုံရေးအန္တရာယ်တွေနဲ့ စားဝတ်နေရေးအခက်အခဲတွေအကြားမှာ ရုန်းကန်နေရတယ်လို့ ဒေသတွင်း လူမှုရေးလုပ်ငန်းတွေ လုပ်ဆောင်နေသူတွေဆီက သိရပါတယ်။
 Website တွင် ဆက်လက် ဖတ်ရှုရန် >>> https://cjplatform.com/2942026-5/