ပြည်ပမှ ခွင့်ပြန်အလုပ်သမားတွေ ခွင့်စာပြပြီး သံရုံးထောက်ခံစာ ယူလာရမယ်လို့ စစ်အုပ်စုတင်းကျပ်

CJ Platform

ပြည်ပကနေ ခွင့်နဲ့ပြန်လာမယ့် အလုပ်သမားတွေအနေနဲ့ အလုပ်ရှင်ဆီက ခွင့်စာကို သက်ဆိုင်ရာသံရုံးမှာပြပြီး ထောက်ခံစာယူလာရမယ်လို့ စစ်အုပ်စုဩဇာခံ အလုပ်သမားဝန်ကြီးဌာနက အသိပေးထုတ်ပြန်လိုက်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/28420265-3/

မုတ်သုံကို မျှော်နေကြသူတွေအတွက် သတင်းစကားနဲ့အတူ ကချင်ပြည်အတွက် စိုက်ပျိုးမိုးလေဝသ

CJ Platform

CJ Platform ကညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေနဲ့အတူ ကချင်ပြည်က တောင်သူဦးကြီးတွေအတွက် အရေးပါလှတဲ့ တစ်ပတ်တာ စိုက်ပျိုးမိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် ဧပြီ ၂၉ရက် ဗုဒ္ဓဟူးနေ့အတွက် မိုးလေဝသခန့်မှန်းချက်တွေကို မပြောပြမီ ပထမဆုံး လေစီးကြောင်း အပြောင်းအလဲနဲ့ မုတ်သုံလေ ဝင်ရောက်နိုင်တဲ့ အခြေအနေကို ပြောပြလိုပါတယ်။

#CJPlatform #မိုးလေဝသ #WeatherUpdate #MonsoonForecast #မုတ်သုံလေ #စိုက်ပျိုးရေးသတင်း #ကချင်ပြည် #မှိုရောဂါသတိပေးချက်

Youtube တွင်ကြည့်ရှုရန်>>>https://youtu.be/roLKEmVgrgY

မုတ်သုံလေ အစပျိုးနေပြီလား

CJ Platform

ဒီကနေ့ ဧပြီ ၂၉ ရက် ဗုဒ္ဓဟူးနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ဒီရက်တွေမှာ မိုးတွေအားကောင်းလာတာနဲ့အမျှ အားလုံး သိချင်နေကြမယ့် မုတ်သုံလေ ဝင်ရောက်မယ့် အခြေအနေ ကို ပြောပြလိုပါတယ်။ အနောက်တောင် မုတ်သုံလေက လက်ရှိမှာ စတင် အစပျိုးလာပြီး တဖြည်းဖြည်း ထင်ရှားလာနေပါပြီ။ ဒါဟာ အစပျိုးချိန်ပဲ ရှိနေသေးပြီး တဖြည်းဖြည်း ပိုမို အားကောင်းလာနိုင်မှာ ဖြစ်ပါတယ်။ အမေရိကန်အခြေစိုက် ကမ္ဘာ့မိုးလေဝသ ခန့်မှန်းရေးစင်တာ (NOAA) ရဲ့ ထုတ်ပြန်ထားချက်အရ... ကမ္ဘာ့မိုးတိမ်စု လမ်းကြောင်းက အိန္ဒိယသမုဒ္ဒရာအတွင်း စတင်ဝင်ရောက်ကာ အစပျိုးနေပြီ ဖြစ်ပါတယ်။

#CJPlatform #မိုးလေဝသ #WeatherUpdate #MonsoonForecast #မုတ်သုံလေ #မိုးသည်းထန်နိုင် #လေပြင်းသတိပေးချက် #ရခိုင်ကမ်းရိုးတန်း

Youtube တွင်ကြည့်ရှုရန်>>>https://youtu.be/FGWDhkjOOOw

တရုတ်အမျိုးသားနဲ့ လက်ထပ်ရင် သိန်း ၂၀၀ ရမယ်ဆိုပြီး လူကုန်ကူးခဲ့သူတွေ အမှုဖွင့်ခံရပြီး ကျူးလွန်သူ တရုတ်အမျိုးသား ထောင် ၁၂နှစ် ချခံရ

CJ Platform

ရန်ကုန်တိုင်း၊ ရွှေပြည်သာမြို့နယ် ၁၉ ရပ်ကွက်မှာနေထိုင်တဲ့ အမျိုးသမီးတစ်ဦးကို တရုတ်အမျိုးသားနဲ့ လက်ထပ်ရင် သိန်း ၂၀၀ ရမယ်လို့ စည်းရုံးပြီး လူကုန်ကူးခဲ့သူတွေ အမှုဖွင့်ခံထားရကာ ကျူးလွန်သူ တရုတ်အမျိုးသားကို အလုပ်နဲ့ ထောင်ဒဏ် ၁၂ နှစ် ချမှတ်ခဲ့တယ်လို့ စစ်အုပ်စုက ဒီနေ့ ဧပြီ ၂၉ ရက်မှာ သတင်းထုတ်ပြန်လာပါတယ်။
Website တွင် ဆက်လက် ဖတ်ရှုရန် >>> https://cjplatform.com/29420263-2/

ရာဇဝတ်မှုအများအပြား ကျူးလွန်ထားတဲ့ မြန်မာနိုင်ငံသားတစ်ဦးကို ထိုင်းရဲတပ်ဖွဲ့က အသေပစ်ခတ်ဖမ်းဆီး

CJ Platform

ထိုင်းနိုင်ငံ ချွန်ပွန်ခရိုင် ဆဝီ (Sawi) မြို့မှာ ရာဇဝတ်မှုအများအပြား ကျူးလွန်ထားတဲ့ မြန်မာနိုင်ငံသားတစ်ဦးကို ထိုင်းအာဏာပိုင်တွေက ရှာဖွေဖမ်းဆီးချိန် ပြန်လည်ခုခံပစ်ခတ်တာကြောင့် အသေပစ်ခတ်ဖမ်းဆီးခဲ့ရတယ်လို့ ထိုင်းသတင်းဌာနတွေမှာ ဖော်ပြထားပါတယ်။

မနေ့ ဧပြီ ၂၈ ရက်က ဆဝီမြို့ ထွန်းရာယာ (Thung Raya) ကျေးရွာအုပ်စု ကျေးရွာအမှတ် ၄ အနီးက ဂူတစ်ခုမှာ ပုန်းအောင်းနေတဲ့ ရာဇဝတ်မှုကျူးလွန်သူကို ထိုင်းအာဏာပိုင်တွေက ပိတ်ဆို့ဖမ်းဆီးချိန် အပြန်အလှန်ပစ်ခတ်မှု ဖြစ်ပွားခဲ့ပြီး မနေ့ နေ့လယ် ၁၂ နာရီခွဲဝန်းကျင်မှာ အသေပစ်ခတ် ဖမ်းဆီးရမိခဲ့တာလည်း ဖြစ်ပါတယ်။

ထွန်းရာယာကျေးရွာအုပ်စုအနီး ဂူတစ်ခုထဲမှာ အာဏာပိုင်တွေ အသေပစ်ခတ်ဖမ်းဆီးခဲ့ရသူဟာ အသက် ၃၀ နဲ့ ၃၅ နှစ်ဝန်းကျင်အရွယ် နိုင်ငံခြားသားတစ်ဦးဖြစ်ပြီး ပစ်ခတ်မှုအတွင်း ဝမ်းဗိုက်သေနတ်ဒဏ်ရာနဲ့ သေဆုံးခဲ့တယ်လို့ ဆိုပါတယ်။

ပစ်ခတ်မှုဖြစ်စဉ်အပြီး ထိုင်းအာဏာပိုင်တွေက ဂူအနီးဝန်းကျင်ကို ရှာဖွေမှုတွေ လုပ်ဆောင်ချိန် ဂူအဝင်ဝနေရာမှာ ဖုန်းတစ်လုံး၊ မက်သာဖက်တမင်း (ရာဘ) ဆေးပြား ၃ ပြား၊ ကိုယ်တိုင်လုပ် ပွိုင့် ၃၈ သေနတ်တစ်လက်၊ ကျည်အချို့နဲ့ ဆက်စပ်ပစ္စည်းတွေကို သိမ်းဆည်းရမိခဲ့တယ်လို့ ဆိုပါတယ်။ ဆဝီမြို့မှာရှိတဲ့ မြန်မာရွှေ့ပြောင်းအလုပ်သမားတွေရဲ့ ပြောဆိုမှုအရ ရာဇဝတ်မှုအများအပြား ကျူးလွန်ခဲ့သူဟာ ကရင်တိုင်းရင်းသားတစ်ဦး ဖြစ်တယ်လို့ ဆိုပါတယ်။

သူဟာ ပြီးခဲ့တဲ့ နှစ်ပတ်ကလည်း ဒေသတွင်းမှာရှိတဲ့ နေအိမ် ၃ လုံးကို အကြမ်းဖက်ဝင်ရောက်လုယက်ကာ အိမ်ရှင်ဖြစ်သူတွေကို ခြိမ်းခြောက်မှုတွေ လုပ်ဆောင်ခဲ့တယ်လို့ ရဲတပ်ဖွဲ့ရဲ့ စုံစမ်းစစ်ဆေးမှုတွေအရ သိရပြီး သူ့ကို ဖမ်းဆီးနိုင်ဖို့ ဒေသအာဏာပိုင်တွေက ပူးပေါင်းရှာဖွေခဲ့ကြတာဖြစ်တယ်လို့ သိရပါတယ်။

ထို့ပြင် သူဟာ မူးယစ်ဆေးဝါးမှောင်ခိုရောင်းဝယ်သူတွေနဲ့လည်း ပတ်သက်မှုရှိနေပြီး သူနဲ့အတူ သေနတ်တစ်လက်ကို အမြဲဆောင်ထားကာ ခြိမ်းခြောက်မှုတွေ လုပ်ဆောင်နေတာကြောင့် ဒေသခံပြည်သူတွေကြား စိုးရိမ်ထိတ်လန့်မှုတွေ ရှိခဲ့ရတယ်လို့ ဆိုပါတယ်။

အခု ပစ်ခတ်မှုမဖြစ်မီ အစောပိုင်းကလည်း ကျေးရွာအနီး သူ နေထိုင်တဲ့ တဲအိမ်တစ်လုံးကို ကျေးရွာတာဝန်ရှိသူတွေနဲ့ ထိုင်းအာဏာပိုင်တွေက ဝင်ရောက်စီးနင်းရှာဖွေခဲ့ချိန် တဲအတွင်း စိတ်ကြွဆေးပြား ၁၇၀ ပြား၊ ပွိုင့် ၃၈ သေနတ်တစ်လက်၊ ကျည် ၇ တောင့်တို့ကိုလည်း ရှာဖွေတွေ့ရှိခဲ့ပြီး သူ့ကို ခြေရာခံလိုက်လံရှာဖွေရာက ဂူတစ်ခုအတွင်းမှာ မနေ့က တွေ့ရှိခဲ့တာလည်း ဖြစ်ပါတယ်။

ထိုင်းအာဏာပိုင်တွေက ရာဇဝတ်မှုကျူးလွန်သူကို အတည်ပြုနိုင်ချိန် ဒေသဆိုင်ရာ ရဲတပ်ဖွဲ့နဲ့ အထူးတပ်ဖွဲ့တို့က အနီးဝန်းကျင်ကို ဝိုင်းဝန်းပိတ်ဆို့ခဲ့ပြီး ကျူးလွန်သူနဲ့ ကနဦးညှိနှိုင်းဖို့ ကြိုးစားခဲ့တယ်လို့ ဆိုပါတယ်။ ဒါပေမယ့် ညှိနှိုင်းမှု အဆင်မပြေခဲ့တာကြောင့် ဂူအတွင်း မျက်ရည်ယိုဗုံးပစ်ထည့်ပြီး ကျူးလွန်သူကို အပြင်ထွက်လာအောင် လုပ်ဆောင်ခဲ့ပေမယ့် တုံ့ပြန်ပစ်ခတ်ခဲ့တာကြောင့် နှစ်ဖက်အပြန်အလှန်ပစ်ခတ်မှု ဖြစ်ပွားခဲ့ရတာဖြစ်တယ်လို့ အာဏာပိုင်တွေက ပြောဆိုထားပါတယ်။

ဓာတ်ပုံ - ข่าวเวิร์คพอยท์ 23
#CJPlatform #ထိုင်းနိုင်ငံ #ချွန်ပွန်ခရိုင် #အသေပစ်ခတ်ဖမ်းဆီးမှု #မြန်မာနိုင်ငံသား

မဲဆောက်မှာ ဆောက်လုပ်ရေးလုပ်သားအဖြစ် လုပ်ကိုင်နေတဲ့ မြန်မာ ၁၄ ဦး ဖမ်းဆီးခံရ

CJ Platform

ထိုင်းနိုင်ငံ တာ့ခ်ခရိုင် မဲဆောက်မြို့နယ်ထဲက ဆောက်လုပ်ရေးလုပ်ငန်းခွင်နှစ်ခုကို ထိုင်းအာဏာပိုင်တွေက ဝင်ရောက်စစ်ဆေးချိန် အထောက်အထားမဲ့ မြန်မာ ၁၄ ဦးကို ဖမ်းဆီးရမိခဲ့တယ်လို့ တာ့ခ်ခရိုင် လူဝင်မှုကြီးကြပ်ရေးဌာနက ဒီနေ့ ဧပြီ ၂၉ ရက်မှာ ထုတ်ပြန်ထားပါတယ်။

မနေ့ ဧပြီ ၂၈ ရက် နေ့လယ် ၁ နာရီဝန်းကျင်က တာ့ခ်ခရိုင် အလုပ်သမားရုံးဌာန တာဝန်ရှိသူတွေ၊ စီးပွားရေးဆိုင်ရာ ရာဇဝတ်မှုနှိမ်နင်းရေးအဖွဲ့နဲ့ ပူးပေါင်းအဖွဲ့တို့က မဲဆောက်မြို့ ဖရထက်ဖာဒါန်း (Phra That Pha Daeng) ရပ်ကွက်က ဆောက်လုပ်ရေးလုပ်ငန်းခွင်တစ်ခုကို ဝင်ရောက်စစ်ဆေးချိန် အထောက်အထားမဲ့ မြန်မာ ၇ ဦးကို ဖမ်းဆီးခဲ့တာ ဖြစ်ပါတယ်။

အဲဒီနောက် မနေ့ နေ့လယ် ၁ နာရီခွဲဝန်းကျင်မှာ မဲဆောက်မြို့ ဆမတ်ဆာ့ဖာကန် (Samak Sapphakan) လမ်းမပေါ်က ဆောက်လုပ်ရေးလုပ်ငန်းခွင်တစ်ခုကိုလည်း ဝင်ရောက်စစ်ဆေးမှုတွေ ဆက်လက်လုပ်ဆောင်ခဲ့ပြီး တရားမဝင် အလုပ်လုပ်ကိုင်နေတဲ့ အထောက်အထားမဲ့ မြန်မာအမျိုးသား ၇ ဦးကို ထပ်မံဖမ်းဆီးရမိခဲ့တယ်လို့ သိရပါတယ်။

ထိုင်းအာဏာပိုင်တွေရဲ့ ဝင်ရောက်စစ်ဆေးမှုအတွင်း ဖမ်းဆီးရမိခဲ့တဲ့ အထောက်အထားမဲ့ မြန်မာ ၁၄ ဦးကို ဥပဒေအရ အရေးယူမှုတွေ ဆက်လက်လုပ်ဆောင်နိုင်ဖို့ မဲဆောက်ရဲစခန်းကို လွှဲပြောင်းပေးခဲ့တယ်လို့လည်း သိရပါတယ်။

ထို့ပြင် အလုပ်ရှင်တွေအနေနဲ့လည်း နိုင်ငံခြားသားအလုပ်သမားတွေကို ခေါ်ယူခိုင်းစေရာမှာ တရားဝင်အလုပ်သမားတွေကိုသာ ခေါ်ယူဖို့နဲ့ ထိုင်းအာဏာပိုင်တွေက ထုတ်ပြန်ထားတဲ့ စည်းမျဉ်းစည်းကမ်းတွေကို လိုက်နာဖို့ ပြောဆိုထားပြီး လုပ်ငန်းခွင်အတွင်း မသင်္ကာဖွယ် တရားမဝင် လုပ်ကိုင်နေသူတွေကို တွေ့ရှိပါက တာ့ခ်ခရိုင် အစိုးရအဖွဲ့ တာဝန်ရှိသူတွေထံ အကြောင်းကြားဖို့ကိုလည်း ထုတ်ပြန်ချက်မှာ ဖော်ပြထားပါတယ်။

ဓာတ်ပုံ - Tak Immigration
#CJPlatform #ထိုင်းနိုင်ငံ #မဲဆောက်မြို့ #အထောက်အထားမဲ့မြန်မာ #တရားမဝင်ဝင်ရောက်မှု #ဆောက်လုပ်ရေးလုပ်ငန်းခွင်

စစ်မှုထမ်းသူတိုင်း သေဆုံးတာမဟုတ်ဘဲ အိမ်ပြန်လာသူ အများအပြားရှိတယ်လို့ စစ်အုပ်စုခန့် ဝန်ကြီးချုပ်ပြော

CJ Platform

လူငယ်တွေ စစ်ထဲဝင်ပြီး စစ်မှုထမ်းတိုင်း သေလူလို့ မသတ်မှတ်ဘဲ မွန်ပြည်မှာ အသက်ရှင်လျက် အိမ်ပြန်ရသူအများကြီးရှိကြောင်း စစ်တပ်ကိုယ်စားလှယ်ကနေ ဝန်ကြီးချုပ်ဖြစ်လာတဲ့ ဦးအောင်ဝင်းသန်းက ပြောပါတယ်။
Website တွင် ဆက်လက် ဖတ်ရှုရန် >>> https://cjplatform.com/2942026-2/

ထိုင်းဘတ်ငွေ ၂ ဒသမ ၃ ဘီလီယံတန်ဖိုးရှိ ကုန်ပစ္စည်းအတုတွေကို သိမ်းဆည်းရမိ

CJ Platform

ထိုင်းနိုင်ငံတွင်း ဉာဏမူပိုင်ခွင့်ဆိုင်ရာချိုးဖောက်မှုတွေကို အစိုးရက အရှိန်မြှင့်နှိမ်နင်းမှုတွေ လုပ်ဆောင်လာချိန် ၂၀၂၆ ဘဏ္ဍာရေးနှစ် ပထမနှစ်ဝက်အတွင်း ဘတ်ငွေ ၂ ဒသမ ၃ ဘီလီယံတန်ဖိုးရှိ ကုန်ပစ္စည်းအတုတွေကို သိမ်းဆည်းရမိခဲ့တယ်လို့ ဘန်ကောက်ပို့စ်သတင်းဌာနက ဒီနေ့ ဧပြီ ၂၉ ရက်မှာ ဖော်ပြထားပါတယ်။

ပြီးခဲ့တဲ့ ၂၀၂၅ ခုနှစ် အောက်တိုဘာလကနေ အခု ၂၀၂၆ ခုနှစ် မတ်လအတွင်း ဈေးဝယ်စင်တာစတဲ့ ‌စီးပွားရေးလုပ်ငန်းခွင်နေရာတွေ၊ ပစ္စည်းသိုလှောင်ရုံတွေ၊ နယ်စပ်ဂိတ်တွေနဲ့ အွန်လိုင်းပလက်ဖောင်းတွေကနေ ရှာဖွေဖမ်းဆီးမှုလုပ်ဆောင်ခဲ့တာဖြစ်ပြီး အမှုပေါင်း ၃၃၂ မှုအထိ ရှိခဲ့တယ်လို့ ဘဏ္ဍာရေးဝန်ကြီး Ekniti Nitithanprapas ရဲ့ ပြောဆိုချက်အရ သိရပါတယ်။

ဒါ့အပြင် သက်ဆိုင်ရာအဖွဲ့အစည်းအားလုံးအနေနဲ့ ဉာဏမူပိုင်ခွင့်ဆိုင်ရာချိုးဖောက်မှုတွေကို အရှိန်မြှင့်နှိမ်နင်းဖို့၊ ထိုင်းနိုင်ငံရဲ့ ကုန်သွယ်ရေးနဲ့ ရင်းနှီးမြှုပ်နှံမှု စီးပွားရေးလုပ်ငန်းနယ်ပယ်မှာ ယုံကြည်မှု အခိုင်အမာရရှိစေဖို့အတွက် လုပ်ဆောင်ဖို့ကိုလည်း ဝန်ကြီးချုပ်က ညွှန်ကြားထားကြောင်း Mr. Ekniti က ပြောပါတယ်။

ပြီးခဲ့တဲ့ ၂၀၂၅ ဘဏ္ဍာရေးနှစ်အတွင်းက ကုန်ပစ္စည်းအတုတွေ သိမ်းဆည်းရမိမှုဟာ ဘတ်ငွေတန်ဖိုး ၁ ဒသမ ၃ ဘီလီယံသာရှိပေမယ့် အခုဘဏ္ဍာနှစ် ပထမနှစ်ဝက်အတွင်း ၂ ဒသမ ၃ ဘီလီယံအထိ သိမ်းဆည်းရရှိခဲ့တာဟာ ၇၈ ရာခိုင်နှုန်းအထိ တိုးတက်လာတာဖြစ်တယ်လို့ ထိုင်းရဲတပ်ဖွဲ့ တာဝန်ရှိသူတစ်ဦးကလည်း ပြောပါတယ်။

အွန်လိုင်းနဲ့ ဈေးကွက်အတွင်းမှာရှိတဲ့ ကုန်ပစ္စည်းအတုတွေကို ရှာဖွေနှိမ်နင်းမှုတွေ ကျယ်ကျယ်ပြန့်ပြန့် ဆက်လက်လုပ်ဆောင်သွားမယ်လို့ ဘဏ္ဍာရေးဝန်ကြီးက ပြောကြားထားပြီး နယ်စပ်ဖြတ်ကျော် တရားမဝင် ဝင်ရောက်ရာလမ်းကြောင်းတွေကိုလည်း အလေးထားစောင့်ကြည့်သွားမယ်လို့ ဆိုပါတယ်။

ဓာတ်ပုံ - ဘန်ကောက်ပို့စ်
#CJPlatform #ထိုင်းနိုင်ငံ #ကုန်ပစ္စည်းအတု #ဉာဏမူပိုင်ခွင့် #သိမ်းဆည်းရမိ

ကိုရီးယားမှာ တားမြစ်ပစ္စည်းသယ်ဆောင်လာတဲ့ မြန်မာအချို့ လေဆိပ်တွင် တားဆီးခံရ

CJ Platform

တောင်ကိုရီးယားနိုင်ငံအတွင်း တားမြစ်ပစ္စည်း သယ်ဆောင်လာတဲ့ မြန်မာလုပ်သားအချို့ကို ပြည်ဝင်ခွင့်ပိတ်ခံရတဲ့ အခြေအနေကြုံခဲ့ရတယ်လို့ ဆိုးလ်မြို့မှာရှိတဲ့ စစ်အုပ်စုရဲ့ သံရုံးဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/2942026-3/