အချိန်ခါမဟုတ် မိုးကြီးနိုင်လို့ တောင်သူတွေ သတိပြုဖို့လို

CJ Platform

CJ Platform ကနေ ညစဉ်တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် မတ်လ ၁၀ရက် အင်္ဂါနေ့မှာတော့ ဘင်္ဂလားပင်လယ်အော် အရှေ့တောင်ပိုင်းမှာ လေပွေလှိုင်းတစ်ခု ထပ်ပြီး ဖြစ်ပေါ်လာနိုင်တာကို မိုးလေဝသခန့်မှန်းချက် မော်ဒယ်တွေမှာ တွေ့ရပါတယ်။ အဲဒီလေပွေလှိုင်းဟာ လောလောဆယ်မှာတော့ လေဖိအားနည်းရပ်ဝန်းအထိ ဖြစ်လာမယ့် အခြေအနေ မရှိသေးပါဘူး။

#CJPlatform #လေပွေလှိုင်း #မိုးသည်းထန် #မိုးလေဝသခန့်မှန်းချက် # မြေဆီလွှာ #နေ့အပူချိန် #တောမီး

Youtube တွင် ဆက်လက်ကြည့်ရှုရန် >>>https://youtu.be/znKXlxlcK5A

ဒီကနေ့ မတ်လ ၁၀ရက် အင်္ဂါနေ့အတွက် မိုးလေဝသခန့်မှန်းချက်
မိုးရွာမယ် တောင်သူတွေ သတိပြု

CJ Platform

ဒီကနေ့ မတ်လ ၁၀ ရက် အင်္ဂါနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။အရှေ့မြောက် ဆောင်းမုတ်သုံလေဟာ ဆက်လက် အားကောင်းနေပြီး မြန်မာနိုင်ငံကို ဝင်ရောက်နေဆဲ ဖြစ်ပါတယ်။ မနက်ဖြန် (၁၁ ရက်နေ့) မှာတော့ လေရစ်ဝဲတစ်ခု ဖြစ်ပေါ်လာပြီး အနောက်မြောက်ဘက်က လေစီးကြောင်းတွေ ပြန်လည် ဝင်ရောက်လာနိုင်ပါတယ်။

#CJPlatform #UV_Index #မိုးလေဝသခန့်မှန်းချက် #မြေဆီလွှာ #နေ့အပူချိန်

Youtube တွင် ဆက်လက်ကြည့်ရှုရန် >>>https://youtu.be/P1jELvLcKDU

ထိုင်းနိုင်ငံခြားရေးဝန်ကြီးအကြံပေးနဲ့ စစ်ကော်မရှင်သံအမတ်တို့ ဘန်ကောက်မှာ တွေ့ဆုံ

CJ Platform

ထိုင်းနိုင်ငံခြားရေးဝန်ကြီးရဲ့ အကြံပေးဖြစ်သူ မစ္စတာ Kallayana Vipattipumiprates နဲ့ ထိုင်းနိုင်ငံဆိုင်ရာ မြန်မာသံအမတ် ဦးဇော်ဇော်စိုးတို့ မနေ့က မတ် ၉ ရက်၊ နေ့လယ် ၃ နာရီက ဘန်ကောက်မှာ တွေ့ဆုံခဲ့တယ်လို့ စစ်ကော်မရှင်က မနေ့ညပိုင်းမှာ ထုတ်ပြန်ထားပါတယ်။

စစ်ကော်မရှင်လက်အောက်ခံ နိုင်ငံခြားရေးဝန်ကြီးဌာန (MOFA) ရဲ့ ထုတ်ပြန်ချက်အရ ထိုင်းနိုင်ငံခြားရေးဝန်ကြီးရဲ့ အကြံပေးပုဂ္ဂိုလ်နဲ့ တွေ့ဆုံချိန် နယ်စပ်လုံခြုံရေးနဲ့ တည်ငြိမ်ရေးကိစ္စရပ်တွေအပါအဝင် ထိုင်းနိုင်ငံထဲမှာရှိတဲ့ မြန်မာအလုပ်သမားဆိုင်ရာ ကိစ္စရပ်တွေကိုလည်း ဆွေးနွေးခဲ့တယ်လို့ ဆိုပါတယ်။

မြန်မာနယ်စပ်တစ်လျှောက် စစ်ရေးပဋိပက္ခတွေကြောင့် နှစ်နိုင်ငံနယ်စပ်ကုန်သွယ်ရေး ကျဆင်းနေချိန် ထိုင်းနိုင်ငံခြားရေးဆိုင်ရာ တာဝန်ရှိသူနဲ့ စစ်ကော်မရှင်သံအမတ်တို့ ထပ်မံတွေ့ဆုံခဲ့တာဖြစ်ပြီး နယ်စပ်ကုန်သွယ်ရေး ပုံမှန်အနေအထားကို ပြန်လည်ရောက်ရှိဖို့နဲ့ စီးပွားရေးပူးပေါင်းဆောင်ရွက်မှု ချဲ့ထွင်နိုင်ဖို့ကိုလည်း ဆွေးနွေးခဲ့တယ်လို့လည်း သိရပါတယ်။

ပြီးခဲ့တဲ့ ဖေဖော်ဝါရီ ၁၈ ရက်ကလည်း ထိုင်းနိုင်ငံခြားရေးဝန်ကြီး ဆီဟာဆတ် ဖုန်ကက်ကော်နဲ့ စစ်ကော်မရှင် နိုင်ငံခြားရေးဝန်ကြီး ဦးသန်းဆွေတို့ ဖူးခက်မြို့မှာ အလွတ်သဘော တွေ့ဆုံခဲ့ကြပြီး ထိုင်းနိုင်ငံအနေနဲ့ အာဆီယံနဲ့ မြန်မာနိုင်ငံအကြား သံတမန်ရေးဆိုင်ရာ ပေါင်းကူးတံတားတစ်ခုသဖွယ် ဆောင်ရွက်ပေးသွားဖို့ ကြိုးစားနေသလို အာဆီယံအဝန်းအဝိုင်းထဲ မြန်မာနိုင်ငံ ပြန်လည်ပါဝင်လာနိုင်ဖို့ လုပ်ဆောင်နေတယ်လို့ ဆီဟာဆတ်က ထုတ်ဖော်ပြောကြားထားပါသေးတယ်။

ဓာတ်ပုံ - Pro SAC (MOFA)
#CJPlatform #နိုင်ငံခြားရေးဝန်ကြီး #နယ်စပ်အရေး #MOFA

စက်သုံးဆီချွေတာဖို့အတွက် အိမ်ကနေ အလုပ်လုပ်ကြဖို့ ထိုင်းဝန်ကြီးချုပ် ပြော

CJ Platform

ထိုင်းအစိုးရအဖွဲ့ ရုံး၊ ဌာနဆိုင်ရာ ဝန်ထမ်းတွေအနေနဲ့ အိမ်ကနေပဲ အလုပ်လုပ်ကြဖို့ (Work From Home) ထိုင်းဝန်ကြီးချုပ် အနုထင် ချန်ဗီရာကူက ညွှန်ကြားထားကြောင်း အစိုးရအဖွဲ့ ပြောရေးဆိုခွင့်ရှိသူ Ms. Lalida Periswiwattana က ဒီနေ့ မတ် ၁၀ ရက်မှာ ထုတ်ပြန်ပြောကြားလာပါတယ်။

ဒီအမိန့်ညွှန်ကြားမှုဟာ ရုံး၊ ဌာနဆိုင်ရာတွေဆီ ချက်ချင်း သက်ရောက်မှာဖြစ်ပေမယ့် အများပြည်သူကို ဝန်ဆောင်မှုပေးနေရတဲ့ အဖွဲ့အစည်း၊ ဌာနတွေတော့ မပါဝင်ဘူးလို့ ဆိုပါတယ်။ ဒါ့အပြင် အစိုးရအဖွဲ့ ဝန်ထမ်းတွေအနေနဲ့ ပြည်ပကို လေ့လာရေးခရီးသွားတာနဲ့ သင်တန်းပိုင်းဆိုင်ရာ ကိစ္စရပ်တွေကိုလည်း ယာယီရပ်ဆိုင်းထားဖို့ ညွှန်ကြားထားပြီး အဲဒီအစား အိမ်ကနေပဲ လုပ်ဆောင်ကြဖို့ တိုက်တွန်းထားပါသေးတယ်။

ဒါဟာ အရှေ့အလယ်ပိုင်း စစ်ရေးပဋိပက္ခ မြင့်တက်မှုတွေကြောင့် လောင်စာဆီ သယ်ယူပို့ဆောင်ရေး အကျပ်အတည်းတွေ ကြုံလာရချိန် ထိုင်းနိုင်ငံကိုလည်း ထိခိုက်လာတာဖြစ်ပြီး စက်သုံးဆီ မပြတ်တောက်စေဖို့အတွက် ထိုင်းအစိုးရအဖွဲ့က ပြင်ဆင်မှုတွေ လုပ်ဆောင်လာတာ ဖြစ်ပါတယ်။

ထိုင်းစွမ်းအင်ဝန်ကြီးဌာနကလည်း စွမ်းအင်စီမံကိန်းရေးနဲ့ စောင့်ကြည့်ရေးဆိုင်ရာ ကိစ္စရပ်တွေကို ဆောင်ရွက်ဖို့အတွက် Energy ICS center ကို ဖွဲ့စည်းထားပြီး နိုင်ငံရဲ့ စွမ်းအင်လိုအပ်ချက် မပြတ်တောက်စေဖို့ စောင့်ကြည့်ပြင်ဆင်မှုတွေ လုပ်ဆောင်သွားမယ်လို့ ဆိုပါတယ်။

ထိုင်းနိုင်ငံထဲ စက်သုံးဆီ အသုံးပြုမှုဟာ တစ်နေ့ကို လီတာပေါင်း ၁၂၄ သန်းဝန်းကျင် ရှိနေပြီး အစိုးရအဖွဲ့ရဲ့ မတ် ၅ ရက် ထုတ်ပြန်ချက်အရ အရန်လောင်စာဆီ သိုလှောင်ထားမှုဟာ လီတာပေါင်း ၈,၀၅၅ သန်းအထိ ရှိနေတယ်လို့ ဆိုပါတယ်။

စွမ်းအင်ကို တတ်နိုင်သမျှ ချွေတာဖို့အတွက် လျှပ်စစ်မီးကို လိုအပ်မှ အသုံးပြုဖို့၊ အထပ်နိမ့်တိုက်တွေအနေနဲ့ ဓာတ်လှေကားတွေကို အသုံးမပြုဖို့၊ အဲယားကွန်းကို အလွန်အကျွံ အသုံးမပြုဖို့နဲ့ အပူသက်သာမယ့် အဝတ်အစားတွေကို ဝတ်ဆင်ဖို့ ထိုင်းအစိုးရက တိုက်တွန်းထားပါသေးတယ်။

ဒါ့အပြင် အရှေ့အလယ်ပိုင်း စစ်ရေးပဋိပက္ခအရှိန် ဆက်လက်မြင့်တက်နေပါက စက်သုံးဆီဆိုင်တွေကို ည ၁၀ နာရီဝန်းကျင်မှာ ပိတ်သိမ်းဖို့ အစိုးရအဖွဲ့က စီစဉ်ညွှန်ကြားဖွယ်ရှိပြီး စက်သုံးဆီချွေတာဖို့အတွက် ရုပ်သံ၊ ရေဒီယိုနဲ့ လူမှုကွန်ရက်တွေကနေ ကမ်ပိန်းတွေ လုပ်ဆောင်သွားဖို့လည်း ရှိနေတယ်လို့ အစိုးရအဖွဲ့ ပြောရေးဆိုခွင့်ရှိသူက ပြောကြားထားပါတယ်။

ဓာတ်ပုံ - The Nation
#CJPlatform #ထိုင်းနိုင်ငံ #စွမ်းအင်ချွေတာရေး #WorkFromHome

စစ်အုပ်စုရဲ့ အကြမ်းဖက်တိုက်ခိုက်မှုတွေကြောင့် တစ်လအတွင်း ကိုယ်ဝန်ဆောင်တွေအပါအဝင် အမျိုးသမီး ၆၀ ကျော် သေဆုံး

CJ Platform

မြန်မာနိုင်ငံတစ်ဝန်းမှာ စစ်အုပ်စုရဲ့ အကြမ်းဖက်တိုက်ခိုက်မှုတွေကြောင့် ဖေဖော်ဝါရီလအတွင်း အမျိုးသမီး ၆၃ ဦး သေဆုံးခဲ့ပြီး ၆၆ ဦး ထိခိုက်ဒဏ်ရာ ရခဲ့တယ်လို့ မြန်မာ့အမျိုးသမီးသမဂ္ဂ (BWU) က ဒီနေ့မှာ ထုတ်ပြန်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/10320265-2/

ပြည်သူ့ပါတီနဲ့ ဇိုမီးအမျိုးသားပါတီက ကိုယ်စားလှယ် ၂ ဦးကို ရှုံးနိမ့်သွားတဲ့ ကြံ့ခိုင်ရေးအမတ်လောင်းတွေက ကန့်ကွက်လွှာ တင်သွင်းထားမှု စတင်စစ်ဆေး

CJ Platform

စစ်အုပ်စုက ကျင်းပခဲ့တဲ့ အတုယောင် ရွေးကောက်ပွဲမှာ အနိုင်ရရှိခဲ့ပေမယ့် ကန့်ကွက်လွှာ တင်သွင်းခံထားရတဲ့ ဇိုမီးအမျိုးသားပါတီက ဦးပေါင်ဇလန်းနဲ့ ပြည်သူ့ပါတီက ဦးခိုင်ဦးတို့ကို ရွေးကောက်ပွဲကော်မရှင်က ကြားနာစစ်ဆေးမှုတွေ စတင်လုပ်ဆောင်နေပြီလို့ စစ်ကော်မရှင်က ဒီကနေ့ မတ် ၁၀ ရက်မှာ သတင်းထုတ်ပြန်ထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/10320264-2/

မြန်မာစစ်အုပ်စုနဲ့ ပုလဲလုပ်ငန်း လုပ်ကိုင်နေတဲ့ ကနေဒါနိုင်ငံသား ၄ ဦးကို အရေးယူပေးဖို့ ကနေဒါအစိုးရကို JFM တောင်းဆို

CJ Platform

ကနေဒါအစိုးရရဲ့ ဒဏ်ခတ်ပိတ်ဆို့မှုတွေကို ချိုးဖောက်ပြီး မြန်မာစစ်အုပ်စုနဲ့အတူ ပုလဲထုတ်လုပ်ရေးလုပ်ငန်း လုပ်ကိုင်နေတဲ့ ကနေဒါနိုင်ငံသား ၄ ဦးကို စုံစမ်းစစ်ဆေး အရေးယူဖို့ Justice For Myanmar (JFM) က တောင်းဆိုကြောင်း ဒီကနေ့ မတ် ၁၀ ရက်မှာ ထုတ်ပြန်လာပါတယ်။

၂၀၂၁ စစ်တပ်အာဏာသိမ်းပြီးနောက်ပိုင်း မြန်မာ့ပုလဲထုတ်လုပ်ရေးနဲ့ ရောင်းဝယ်ရေးလုပ်ငန်း (MPE) ကို ကနေဒါအစိုးရက ဒဏ်ခတ်ပိတ်ဆို့ အရေးယူထားတာဖြစ်ပြီး ကနေဒါနိုင်ငံသားတွေအနေနဲ့ စစ်အုပ်စုရဲ့ လုပ်ငန်းတွေကို ကူညီပံ့ပိုးပေးတာ၊ ပါဝင်ပတ်သက်တာမျိုး မလုပ်ဆောင်ဖို့ တားမြစ်ထားတာလည်း ဖြစ်ပါတယ်။

JFM က အရေးယူဖို့ တောင်းဆိုထားတဲ့ ကနေဒါနိုင်ငံသား ၄ ဦးဟာ Pierre Hajjar၊ Marie Rose Jarmakli Hajjar၊ Sarkis Hajjar နဲ့ Michael Pierre Hajjar တို့ဖြစ်ပြီး သူတို့ဟာ Belpearl လုပ်ငန်းစုရဲ့ နောက်ကွယ်မှာ ရှိနေသလို စစ်အုပ်စုနဲ့ ပူးပေါင်းလုပ်ဆောင်မှုတွေကို စင်ကာပူအခြေစိုက် Belpearl (S) Pte., Ltd. လက်အောက်ခံ Belpearl Myanmar Co., Ltd. ကနေတစ်ဆင့် လုပ်ကိုင်ဆောင်ရွက်နေတယ်လို့လည်း သိရပါတယ်။

Belpearl Myanmar ဟာ တနင်္သာရီတိုင်း တောင်ပိုင်းကမ်းလွန် ရွှေကျွန်း (Russell Island) မှာ ပုလဲမွေးမြူရေးလုပ်ငန်းတွေကို လုပ်ကိုင်နေပြီး အဲဒီကနေ မွေးမြူထုတ်လုပ်ရရှိတဲ့ ပုလဲတွေကို စစ်ကော်မရှင်လက်အောက်ခံ MPE ထံ အချိုးကျ ပေးခဲ့ရတယ်လို့ JFM က ဖော်ပြထားပါတယ်။ MPE က ရရှိတဲ့ ပုလဲတွေကို နေပြည်တော် လေလံပြပွဲတွေမှာ ရောင်းချခဲ့ပြီး ဒါဟာ စစ်အုပ်စုအတွက် ဘဏ္ဍာငွေအရင်းအမြစ် ရရှိရာ ဝင်ငွေလမ်းကြောင်းတစ်ခုလည်း ဖြစ်တယ်လို့ ဆိုပါတယ်။

ဒါ့အပြင် ဟောင်ကောင်အခြေစိုက် Belpearl လုပ်ငန်းကလည်း Belpearl Myanmar က ထုတ်လုပ်တဲ့ ပုလဲတွေအပြင် Tasaki၊ Myanmar Atlantic၊ Myanmar Andaman နဲ့ အဏ္ဏဝါပုလဲတို့ကိုလည်း လေလံတင်ရောင်းချပေးနေပြီး စစ်အုပ်စုရဲ့ MPE ပုလဲလုပ်ငန်းကို ကျယ်ကျယ်ပြန့်ပြန့် ထောက်ပံ့ပေးနေတယ်လို့ JFM က ဖော်ပြထားပါတယ်။

ဒါကြောင့် ကနေဒါအစိုးရက ဒဏ်ခတ်ပိတ်ဆို့မှုတွေကို ချိုးဖောက်ပြီး စစ်အုပ်စုနဲ့ လေးနှစ်ကျော်ကြာ စီးပွားရေးလုပ်ဆောင်နေတဲ့ Belpearl လုပ်ငန်းစုကို အပြည့်အဝ စုံစမ်းစစ်ဆေးပြီး အရေးယူပေးဖို့ JFM ပြောရေးဆိုခွင့်ရှိသူ မရတနာမောင်က တောင်းဆိုထားပြီး Hajjar မိသားစုဝင်တွေရဲ့ လုပ်ရပ်တွေဟာ ကနေဒါဥပဒေကို မထီမဲ့မြင် လုပ်နေသလို ဖြစ်နေတယ်လို့ သူက ဆက်ပြောထားပါတယ်။

ဓာတ်ပုံ - CBC
#CJPlatform #JFM #JusticeForMyanmar #TargetedSanctions #Canada #BloodPearls #MyanmarJunta

အီရန်ကို အပြင်းထန်ဆုံး ဗုံးကြဲမှုတွေလုပ်ဖို့ အမေရိကန် ပြင်ဆင်၊ အီရန်ကလည်း အမေရိကန်ရေတပ်ကို ဟော်မုဇ်ရေလက်ကြားမှာ စိန်ခေါ်

CJ Platform

အမေရိကန် ကာကွယ်ရေးဝန်ကြီး ပိထ်ဟက်ဂ်ဆက်သ် (Pete Hegseth) က "ဒီကနေ့ဟာ အီရန်နိုင်ငံအတွင်းမှာ အပြင်းထန်ဆုံး တိုက်ခိုက်မှုတွေ လုပ်မယ့်နေ့ဖြစ်ပြီး၊ တိုက်လေယာဉ်တွေနဲ့ ဗုံးကြဲလေယာဉ်တွေကို အများဆုံး အသုံးပြုသွားမယ်" လို့ အင်္ဂါနေ့မှာ ပြောကြားလိုက်ပါတယ်။ အမေရိကန် စစ်ဘက်အကြီးအကဲ ဗိုလ်ချုပ်ကြီး ဒန်ကိန်း (Dan Caine) ရဲ့ အဆိုအရ စစ်ပွဲစတင်ကတည်းက အီရန်နိုင်ငံအတွင်းက စစ်ရေးပစ်မှတ် ၅,၀၀၀ ကျော်ကို အောင်မြင်စွာ တိုက်ခိုက်နိုင်ခဲ့ပြီ ဖြစ်တယ်လို့ဆိုပါတယ်။

#CJPlatform #အမေရိကန် #Pete_Hegseth #အီရန်

Youtube တွင် ဆက်လက်ကြည့်ရှုရန် >>https://youtu.be/970-kT_aruw

လောင်စာဆီအခက်အခဲဖြစ်နေကြောင်း မင်းအောင်လှိုင် ဝန်ခံ

CJ Platform

အရှေ့အလယ်ပိုင်း စစ်ရေးပဋိပက္ခကြောင့် မြန်မာနိုင်ငံတွင်းမှာ လောင်စာဆီအခက်အခဲ ဖြစ်ပေါ်နေပြီး လောင်စာဆီ သုံးစွဲမှုကို လျှော့ချနိုင်ဖို့ လုပ်ဆောင်နေရတယ်လို့ စစ်ခေါင်းဆောင် မင်းအောင်လှိုင်က မနေ့က မတ် ၁၀ ရက်က နေပြည်တော်ဆွေးနွေးပွဲမှာ ဝန်ခံပြောဆိုခဲ့ပါတ
Website တွင် ဆက်လက် ဖတ်ရှုရန် >>> https://cjplatform.com/11320264-2/

ဒေသ ၈ခုမှာ မိုးရွာဖို့ ရှိနေလို့ တောင်သူတွေ သတိပြု

CJ Platform

ဒီကနေ့ မတ်လ ၁၁ ရက် ဗုဒ္ဓဟူးနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။ဒီကနေ့မှာ အရှေ့မြောက် ဆောင်းမုတ်သုံလေဟာ ဆက်လက်အားကောင်းနေပြီး အနောက်မြောက်ဘက်က လေစီးကြောင်းတချို့လည်း မြန်မာနိုင်ငံအတွင်း ဝင်ရောက်လာပါတယ်။ မိုးလေဝသပညာရှင် ဆရာဦးဝင်းနိုင်ရဲ့ အသိပေးချက်အရ ပစိဖိတ်သမုဒ္ဒရာအတွင်းမှာ လေဖိအားနည်းရပ်ဝန်းတစ်ခု ဖြစ်ပေါ်နေပြီး၊ ဒီအရှိန်ကြောင့် အရှေ့မြောက်လေစီးကြောင်းတွေ ဆက်လက် အားကောင်းနေဦးမှာ ဖြစ်ပါတယ်။

#CJPlatform #မိုးရွာ #မိုးလေဝသခန့်မှန်းချက် #ဆောင်းမုတ်သုံလေ #နေ့အပူချိန်

Youtube တွင် ဆက်လက်ကြည့်ရှုရန် >>>https://youtu.be/cAzrX_SPTws

၂၀၀၈ ခြေဥကို ပြင်ဆင်ဖို့ရှိတယ်နိုင်တယ်လို့ မင်းအောင်လှိုင်ပြော

CJ Platform

စစ်အုပ်စုက သူတို့စိတ်တိုင်းကျ ရေးဆွဲထားတဲ့ ၂၀၀၈ ဖွဲ့စည်းပုံအခြေခံဥပဒေကို ခေတ်စနစ်နဲ့အညီ ပြုပြင်ဖို့ရှိနိုင်ပြီး ဥပဒေရေးဆွဲရာမှာ အရှည်မြော်တွေးပြီး ဘက်ပေါင်းစုံကနေ စဉ်းစားရေးဆွဲဖို့ လိုအပ်တယ်လို့ မနေ့က မတ် ၁၀ ရက် နေပြည်တော်ဆွေးနွေးပွဲမှာ ပြောဆိုခဲ့ပါတယ်။
Website တွင် ဆက်လက် ဖတ်ရှုရန် >>> https://cjplatform.com/11320262-2/