မန္တလေးနဲ့ စစ်ကိုင်းမှာလည်း စက်သုံးဆီဂယက်နဲ့ လမ်းမတွေပေါ် တန်းစီ

CJ Platform

စစ်ကိုင်းနဲ့ မန္တလေးမှာ စက်သုံးဆီ ပြတ်လပ်မှာ စိုးရိမ်ပြီး ဆီဆိုင်တွေရှေ့ တန်းစီဝယ်ယူသူတွေ များပြားနေတယ်လို့ ဒေသခံတွေဆီက သိရပါတယ်။

မနေ့ မတ် ၃ ရက်ကစလို့ မြို့ကြီးတွေမှာ စက်သုံးဆီ အကန့်အသတ်နဲ့ တန်းစီဝယ်ယူရတာတွေ သိသိသာသာ များပြားလာပြီး ဒီကနေ့ မတ် ၄ ရက်မှာလည်း ဆက်လက် တိုးဝှေ့ဝယ်ယူနေကြတယ်လို့ သိရပါတယ်။

"ဆီပြတ်သွားနိုင်တဲ့ အခြေအနေကြားနေတာဆိုတော့ ဆီဝယ်စုတဲ့သူတွေလည်း များလာတာပါ၊ တစ်စီးကို အခုက အကန့်အသတ်မရှိသေးတော့ ပိုဆိုးတာပေါ့" လို့ မန္တလေးတိုင်း၊ ညောင်ဦးမြို့ခံတစ်ဦးက CJ Platform ကို ပြောပါတယ်။

အလားတူ မန္တလေးနဲ့ စစ်ကိုင်းမြို့တွေမှာလည်း စက်သုံးဆီအရောင်းဆိုင်ကြီးတွေမှာ ဆီထုတ်ယူဖို့ တန်းစီလျက်ရှိတဲ့ ဆိုင်ကယ်၊ ကားတွေဟာ ရာနဲ့ချီ စီတန်းစောင့်ဆိုင်းနေကြတယ်လို့လည်း ဒေသခံတွေဆီက သိရပါတယ်။

"အခုကို တန်းစီနေကြတာ ဆင်များရှင်ကနေ ဈေးအထိပဲ အစ်ကို၊ ယာဉ်တန်းကြီး အရှည်ကြီးပဲ။ တစ်စီးတစ်ခေါက်ရဖို့ကို မနည်းတန်းရတယ်" လို့ ဒီကနေ့ မနက်ပိုင်းမှာ စစ်ကိုင်းမြို့ဒေသခံတစ်ဦးက CJ Platform ကို ပြောပါတယ်။

ပြီးခဲ့တဲ့ မတ် ၁ ရက်က အရှေ့အလယ်ပိုင်းပဋိပက္ခတွေကြောင့် ထိုင်းနိုင်ငံ စွမ်းအင်ဝန်ကြီးဌာနက နိုင်ငံတွင်း စက်သုံးဆီ ပြတ်လပ်မှု မဖြစ်ပေါ်စေရေးအတွက် စက်သုံးဆီတွေကို ပြည်ပကို ရောင်းချတာ ယာယီရပ်တန့်ထားဖို့ ညွှန်ကြားခဲ့ပြီးနောက် မြန်မာနယ်စပ်ဒေသတွေမှာ စက်သုံးဆီ ပြတ်လပ်မှု စတင်ဖြစ်ပေါ်ပြီး ဈေးနှုန်းမြင့်တက်မှုတွေလည်း ရှိနေပါတယ်။

စစ်အုပ်စုကလည်း မနေ့က မတ် ၃ ရက်မှာ စက်သုံးဆီ ခြိုးခြံခြွေတာ သုံးစွဲရေးအတွက်ဆိုပြီး ကိုယ်ပိုင် အိမ်စီးကားနဲ့ ဆိုင်ကယ်တွေကို စုံရက်၊ မရက်ခွဲပြီး တစ်ရက်ခြားစီသာ လမ်းမတွေပေါ် မောင်းနှင်ဖို့ ထုတ်ပြန်ထားပါတယ်။

ဓာတ်ပုံ - CJ
ပုံစာ - စစ်ကိုင်းမြို့ပေါ်တွင် စက်သုံးဆီ တန်းစီနေပုံ (ပုံဟောင်း)
#CJPlatform

တေလာဆွစ်ဖ် သီချင်းထဲက လျှို့ဝှက်ချက်နဲ့ Rain က ဗီလိန်ဇာတ်ရုပ်နဲ့ ပါဝင်လာမယ့် ‘Bloodhounds' Season 2’

CJ Platform

CJ Platform ရဲ့ Entertainment' အစီအစဉ်ကနေ ပြန်လည်ကြိုဆိုလိုက်ပါတယ်။ ဒီနေ့ မတ်လ ၄ ရက်နေ့မှာတော့ တစ်ကမ္ဘာလုံးက အားကျရတဲ့ တေလာဆွစ်ဖ် နဲ့ ဆီလီနာဂိုမက်ဇ် သူငယ်ချင်းနှစ်ယောက်ရဲ့ လျှို့ဝှက်ချက်တွေအကြောင်းနဲ့၊ ကိုရီးယား အဆိုတော်မင်းသား Rain ပါဝင်မယ့် ‘Bloodhounds' Season 2 သတင်းတွေကို တင်ဆက်ပေးသွားမှာပါရှင်။"

#CJPlatform #Rain #Taylor_Swift #Selena_Gomez #ကိုရီးယား #Entertainment

Youtube တွင်ကြည့်ရှုရန်>>>https://youtu.be/5tAwR1mSYes

မြန်မာက နျူကလီးယားကုန်ကြမ်းတွေကို မှောင်ခိုကူးခဲ့သူ တာကီရှီအီဘီဆာဝါကို ထောင်အနှစ် ၂၀ ချမှတ်

CJ Platform

နျူကလီးယားကုန်ကြမ်း၊ မူးယစ်ဆေးဝါးအပါအဝင် လက်နက်မှောင်ခိုကူးမှုတို့နဲ့ တရားစွဲဆိုခံထားရတဲ့ ဂျပန်နိုင်ငံသား တာကီရှီအီဘီဆာဝါ (Takeshi Ebisawa) ကို ထောင်ဒဏ်နှစ် ၂၀ ချမှတ်လိုက်ကြောင်း အမေရိကန်တရားရုံးက မနေ့က မတ် ၃ ရက်မှာ ထုတ်ပြန်ထားပါတယ်။

အီဘီဆာဝါဟာ လက်နက်ထုတ်လုပ်နိုင်တဲ့အဆင့်ရှိတဲ့ ပလူတိုနီယမ်နဲ့ ယူရေနီယမ်တွေ အပါအဝင် နျူကလီးယားကုန်ကြမ်းတွေကို မြန်မာနိုင်ငံကနေ တခြားနိုင်ငံတွေကို မှောင်ခိုကူးမှု၊ နိုင်ငံတကာ မူးယစ်ဆေးဝါး မှောင်ခိုကူးမှု၊ လက်နက်မှောင်ခိုကူးမှု၊ ငွေကြေးခဝါချမှုတို့နဲ့ အမေရိကန်က တရားစွဲဆို ရုံးတင်စစ်ဆေးခဲ့ပြီးနောက် အပြစ်ရှိကြောင်း ဆုံးဖြတ်ကာ အခုလို နှစ်ရှည်ထောင်ဒဏ် ချမှတ်ခဲ့တာ ဖြစ်ပါတယ်။

“မူးယစ်ဆေးဝါးနှိမ်နင်းရေးအဖွဲ့ (DEA) ဟာ အမျိုးသားလုံခြုံရေးနဲ့ ပြည်သူဘေးကင်းရေးကို ဦးစားပေးလုပ်ဆောင်တာပါ။ အခုလို ကမ္ဘာ့အန္တရာယ်ရှိဆုံး ရာဇဝတ်မှုကွန်ရက်ကို ဖြိုခွင်းနိုင်ခဲ့တာဟာ DEA ရဲ့ စွမ်းဆောင်ရည်ကို ပြသလိုက်တာပါပဲ။ ဒီလိုကျူးလွန်သူတွေ ဘယ်နေရာမှာပဲရှိနေပါစေ DEA အနေနဲ့ ထိရောက်တဲ့ အရေးယူမှုတွေ လုပ်ဆောင်သွားမှာပါ” လို့ DEA အကြီးအကဲ တာရန့်စ်ကိုးလ် (Terrance Cole) ကလည်း ပြောကြားထားပါတယ်။

အီဘီဆာဝါရဲ့ နိုင်ငံတကာရာဇဝတ်မှု ကွန်ရက်အဖွဲ့အစည်းတွေဟာ ဂျပန်၊ ထိုင်း၊ မြန်မာ၊ သီရိလင်္ကာ၊ အမေရိကန်နဲ့ အခြားဒေသတွေမှာ ရှိနေပြီး DEA တာဝန်ရှိသူတွေက အသွင်ယူစုံစမ်းစစ်ဆေးမှုတွေကို ၂၀၁၉ ခုနှစ်က စတင်ခဲ့ပြီးနောက် ၂၀၂၂ ခုနှစ်၊ ဧပြီ ၄ ရက်မှာ လက်ရဖမ်းဆီးနိုင်ခဲ့တာဖြစ်သလို အမေရိကန်က သူ့ကို ၃ နှစ်နီးပါးအကြာ တရားစွဲဆိုစစ်ဆေးမှုတွေ လုပ်ဆောင်ခဲ့တာလည်း ဖြစ်ပါတယ်။

အီဘီဆာဝါအပေါ် အမေရိကန်တရားရုံးက တရားစွဲဆို စစ်ဆေးမှုတွေ လုပ်ဆောင်ချိန် သူဟာ နျူကလီးယားကုန်ကြမ်းတွေ၊ မူးယစ်ဆေးဝါးတွေကို မြန်မာနိုင်ငံထဲက တိုင်းရင်းသားလက်နက်ကိုင်အဖွဲ့တစ်ခုနဲ့ ချိတ်ဆက်ရယူခဲ့ပြီး လေယာဉ်ပစ်လက်နက်အပါအဝင် စစ်ဘက်ဆိုင်ရာလက်နက်တွေနဲ့ အလဲအလှယ်လုပ်ဖို့ သဘောတူလုပ်ဆောင်ခဲ့တယ်လို့ အမေရိကန်တရားရုံးက ထုတ်ပြန်ခဲ့ပါသေးတယ်။

အီဘီဆာဝါကို အခုလို ပြစ်ဒဏ်ချမှတ်နိုင်ခဲ့တာဟာ မူးယစ်ဆေးဝါး၊ လက်နက်နဲ့ နျူကလီးယားကုန်ကြမ်း မှောင်ခိုလုပ်ကိုင်ပြီး အမေရိကန်ကို ခြိမ်းခြောက်နေတဲ့ နိုင်ငံတကာရာဇဝတ်မှု ကျူးလွန်သူတွေကို ရှင်းလင်းတဲ့ သတင်းစကား ပေးနိုင်ခဲ့တာဖြစ်ပြီး တာဝန်ယူမှု၊ တာဝန်ခံမှုရှိစေဖို့ DEA တာဝန်ရှိသူတွေက လုပ်ဆောင်နိုင်ခဲ့တာ ဖြစ်တယ်လို့ တာရန့်စ်ကိုးလ်က ပြောကြားထားပါသေးတယ်။

ဓာတ်ပုံ - Southern District of New York
#CJPlatform #နျူကလီးယား #DEA #အီဘီဆာဝါ

၂၀၁၅ ခုနှစ် ဝန်းကျင်ကာလတွေမှာ ဟိုးလေးတကျော်ဖြစ်ခဲ့ရတဲ့ “ဦးတေဇ ယူရေနီယံ ဓာတ်သတ္တိသင့်နေပြီ" ဆိုတဲ့ သတင်းတွေ ပျံ့နှံ့ခဲ့တာဟာ အကြောင်းမဲ့ မဟုတ်ပါဘူး။ လွန်လေပြီးတဲ့ ၁၉၈၂ ခုနှစ် ကာလများကတည်းက Technical Service Cooperation (TSC) ကို ပညာရှင်များနဲ့ ဖွဲ့စည်းခဲ့ပြီး ယူရေနီယံကို မန္တလေးတိုင်း၊ မိုးကုတ်မြို့နယ်တစ်ဝိုက်၊ ကချင်ပြည်နဲ့ ရှမ်းပြည်၊ တောင်ကြီးဒေသတွေမှာ ရှာဖွေခဲ့ကြတဲ့ အထောက်အထားတွေ ရှိခဲ့ပါတယ်။

နိုင်ငံတော်အေးချမ်းသာယာရေးနှင့် ဖွံ့ဖြိုးရေးကောင်စီခေါ် နအဖအစိုးရလက်ထက်မှာလည်း သိပ္ပံနှင့် နည်းပညာဝန်ကြီးဌာနက ယူရေနီယံဒြပ်စင်ကို အခြေခံပြီး နျူကလီးယားစီမံကိန်းကို စတင်ခဲ့ကာ ယူရေနီယံထွက်ရှိတယ်လို့ သတင်းထွက်နေတဲ့ မိုးကုတ်မြို့နဲ့ မနီးမဝေးမှာရှိတဲ့ သပိတ်ကျင်းမြို့ အနီးတစ်ဝိုက်မှာ တပ်ရင်းတစ်ရင်း ဖွင့်လှစ်ပြီး ဗိုလ်ချုပ်တစ်ဦးက ဦးဆောင်ကာ ရုရှားပြန် တပ်မတော်သားပညာရှင်တွေနဲ့ ကိုယ်ထူကိုယ်ထ ရှာဖွေလုပ်ဆောင်တာမျိုးတွေ ရှိခဲ့ပါတယ်။
Website တွင် ဆက်လက် ဖတ်ရှုရန် >>> https://cjplatform.com/6089t/

FBI ၏ ဒေသတွင်း နှိမ်နင်းမှုများရှိနေချိန် တာချီလိတ်မြို့ပေါ်မှာ ကျားဖြန့်လုပ်နေသူ ၄၀၀ နီးပါးကို စစ်ကော်မရှင် ဖမ်းဆီး

CJ Platform

စစ်ကော်မရှင်ရဲ့ ထုတ်ပြန်ချက်အရ မတ်လ ၃ ရက်နေ့မှာ တာချီလိတ်မြို့၊ မယ်ခေါင်ရပ်ကွက်၊ မယ်ခေါင် ၂ လမ်းထဲက ဟိုတယ်အမည်ခံ အဆောက်အအုံတစ်ခုကို ဝင်ရောက်စီးနင်းခဲ့တာ ဖြစ်ပါတယ်။ အဲဒီနေရာဟာ လုပ်ငန်းလိုင်စင်မရှိဘဲ တရားမဝင်ဖွင့်လှစ်ထားတဲ့ဟိုတယ်တစ်ခုဖြစ်ပြီး အွန်လိုင်းငွေကြေးလိမ်လည်မှုတွေ လုပ်ဆောင်နေတဲ့ စင်တာတစ်ခု ဖြစ်နေတာကို တွေ့ရှိခဲ့ရတယ်လို့ဆိုပါတယ်။။

#CJPlatform #ဟိုတယ် #ကျားဖြန့် #တာချီလိတ် #FBI

Youtube တွင် ဆက်လက်ကြည့်ရှုရန် >>https://youtu.be/tKAwoRf3OZ0

မနက်ဖြန် မတ်လ ၅ရက် ကြာသပတေးနေ့အတွက် မိုးလေဝသခန့်မှန်းချက်
စစ်ကိုင်းတိုင်းက တောင်သူတွေ နှင်းကို နှုတ်ဆက်လိုက်တော့

CJ Platform

CJ Platform ကနေ ညစဉ် တင်ဆက်ပေးနေတဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါမယ်။မနက်ဖြန် မတ်လ ၅ရက် ကြာသပတေးနေ့မှာတော့ နွေအပူရှိန်ဟာ အမြင့်ဆုံး အဆင့်မှာ ဆက်လက် ရှိနေပါဦးမယ်။ အထူးသတိပြုရမယ့် အပူဆုံးဒေသကတော့ "ကရင်ပြည်" ဖြစ်ပြီး နေ့အပူချိန် (၄၀) ဒီဂရီဆဲလ်စီးယပ်အထိ အပူရှိန် အပြင်းထန်ဆုံး ခံစားရမှာ ဖြစ်ပါတယ်။

#CJPlatform #နွေဦးကာလ #အပူရှိန် #မိုးလေဝသခန့်မှန်းချက်

Youtube တွင် ဆက်လက်ကြည့်ရှုရန် >>>https://youtu.be/nUqJcNoyYh4

မြန်မာကို လာနေတဲ့ စက်သုံးဆီသင်္ဘော အရေအတွက်နဲ့ပတ်သက်ပြီး ဇော်မင်းထွန်း ပြောဆိုချက်နဲ့ စွမ်းအင်ဝန်ကြီးဌာန ထုတ်ပြန်ချက် ကွဲလွဲနေ

CJ Platform

မြန်မာနိုင်ငံတွင်း စက်သုံးဆီ ပြတ်လပ်မှုဖြစ်ပေါ်မှာကို မစိုးရိမ်ကြဖို့ စစ်ကော်မရှင်ပြောခွင့်ရ ဗိုလ်ချုပ်ဇော်မင်းထွန်းက ပြောဆိုထားပြီး ဝယ်ယူထားတဲ့ စက်သုံးဆီတင်သင်္ဘော ၁၄ စင်း လမ်းခရီးမှာ ရှိနေသလို ရက်ပိုင်းအတွင်း ရောက်ဖို့ရှိတယ်လို့ မနေ့က မတ် ၄ ရက်မှာ စစ်ကော်မရှင်ဝါဒဖြန့် သတင်းဌာနတွေကနေတစ်ဆင့် ပြောဆိုထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/5320261-2/

ဒီကနေ့ မတ်လ ၅ရက် ကြာသပတေးနေ့အတွက် မိုးလေဝသခန့်မှန်းချက်
ဒေသသုံးခုမှာ မိုးရွာနိုင်ပြီး မိုးများနိုင်

CJ Platform

ဒီကနေ့ မတ်လ ၅ ရက် ကြာသပတေးနေ့အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။လာမယ့် မတ်လ ၆ရက်နေ့ကနေစတင်ပြီး အရှေ့မြောက်လေစီးကြောင်းတွေ အားကောင်းလာဖို့ ရှိနေပါတယ်။ အားပျော့တဲ့ လာနီညာအခြေအနေဟာ ပုံမှန်ရာသီဥတုကို ကူးပြောင်းနေဆဲ ဖြစ်တာကြောင့် လာမယ့် "မတ်လ ၉ ရက်နေ့ကစတင်ကာ မြန်မာနိုင်ငံအတွင်း မိုးရွာနိုင်ခြေ" ရှိနေပါတယ်။

#CJPlatform #နွေဦးကာလ #အပူရှိန် #မိုးလေဝသခန့်မှန်းချက် #လာနီညာ

Youtube တွင် ဆက်လက်ကြည့်ရှုရန် >>>https://youtu.be/MLwX6GYZD_Q

ဗဟိုမိုဘိုင်းစက်ပစ္စည်း သက်သေခံမှတ်ပုံတင်စနစ်က ပြည်သူတွေကို ဘယ်လောက်ထိ ဒုက္ခပေးနိုင်လဲ

CJ Platform

မြန်မာပြည်သူတွေ သုံးစွဲနေတဲ့ မိုဘိုင်းဖုန်းတွေကိုပါ စစ်ကော်မရှင်က နည်းပညာနဲ့ ပိုမိုစောင့်ကြည့်ထိန်းချုပ်ဖို့ လုပ်ဆောင်လာနေတာကြောင့် ပြည်သူတွေအနေနဲ့ မိမိတို့ရဲ့ လုံခြုံရေးကို ပိုမိုဂရုစိုက်ကြဖို့ လိုအပ်ကြောင်း မြန်မာအင်တာနက်ပရောဂျက် (MIP) ဒစ်ဂျစ်တယ်လွတ်လပ်ခွင့် လေ့လာသုံးသပ်သူ ကိုသစ်ဉာဏ်က CJ Platform ကို ပြောပါတယ်။
Website တွင် ဆက်လက် ဖတ်ရှုရန် >>> https://cjplatform.com/5320262-2/

ဟိုပင်မြို့မှာ ၆ လောင်းပြိုင် လူသတ်မှု ဖြစ်ပွား

CJ Platform

ကချင်ပြည်၊ ဟိုပင်မြို့၊ မြို့မတောင်ရပ်ကွက်၊ မြသာယာနယ်မြေ (၅) မှာ မတ် ၄ ရက်၊ ည ၁၁ နာရီခန့်က ၆ လောင်းပြိုင် လူသတ်မှု ဖြစ်ပွားခဲ့တယ်လို့ ဒေသခံတွေဆီက သိရပါတယ်။

ဖြစ်စဉ်မှာ မြို့မတောင်ရပ်ကွက် ဦးကျော်မြတ်ဦး နေအိမ်မှာ အခင်းဖြစ်ပွားရာနေ့ ညပိုင်းက ဆူညံအော်ဟစ်သံတွေကို ပတ်ဝန်းကျင်က ကြားသိခဲ့ပေမယ့် လင်မယားအချင်းချင်း ရန်ဖြစ်တယ်လို့သာ ထင်မှတ်ခဲ့ကြပြီး၊ မတ် ၅ ရက် မနက်ပိုင်းမှာ ရေခပ်ပေးနေကျဖြစ်တဲ့ ကလေးငယ်က နေအိမ်တံခါး ပွင့်နေပြီး နေအိမ်အတွင်း ရုပ်အလောင်းတွေကို တွေ့ရှိရာကနေ ပတ်ဝန်းကျင်ကို အသိပေးခဲ့ရာ နေအိမ်အတွင်း ဦးကျော်မြတ်ဦး အသက် (၄၂) နှစ်အပါအဝင် ဇနီးဖြစ်သူ ဒေါ်အိဖြူ အသက် (၂၇) နှစ်၊ သားဖြစ်သူ မောင်ဘုန်းခန့်ကျော် အသက် (၁၁) နှစ်၊ သမီးတွေဖြစ်သူ အသက် (၉) နှစ်အရွယ် မယုဝတီကျော်၊ မယွန်းဝတီကျော်နဲ့ အိမ်ကူဖြစ်သူ ဒေါ်မီးမီး အသက် (၄၂) နှစ်တို့ သတ်ဖြတ်ခံထားရတာကို တွေ့ရှိခဲ့ရတယ်လို့ သိရပါတယ်။

“ဓားပြတွေ ဖြစ်နိုင်တယ်။ မီးခံသေတ္တာကို ရိုက်ဖွင့်ထားတယ်၊ ပွင့်တော့ မပွင့်ဘူး။ ယူသွားဖို့ ပြင်ရင်း အိမ်ဝအနားမှာ မီးခံသေတ္တာ ကျန်ခဲ့တယ်” လို့ ဒေသခံတစ်ဦးက ပြောပါတယ်။

သေဆုံးသူ မိသားစုဟာ ကုန်ကားမောင်းနှင်တာနဲ့ သစ်သီးရောင်းချတဲ့ လုပ်ငန်းကို လုပ်ကိုင်နေသူတွေဖြစ်ပြီး ငွေတိုးချေးငှားတဲ့ လုပ်ငန်းကိုလည်း လုပ်ကိုင်နေသူတွေ ဖြစ်တယ်လို့ သိရပါတယ်။

လက်ရှိအချိန်အထိ ကျူးလွန်သူတွေကို ဖမ်းမမိသေးဘဲ ဒေသခံတွေက မှုခင်းဖြစ်စဉ်တွေ ထပ်မံဖြစ်ပွားလာမှာကို စိုးရိမ်နေကြတယ်လို့ သိရပါတယ်။

ဓာတ်ပုံ - လူမှုကွန်ရက်
#CJPlatform #Hopin #KachinState #CrimeNews #LocalNews #CJReport

မဲဆောက်မှာ တရားဝင်အထောက်အထားမရှိသူ မြန်မာ ၂၁ဦး ဖမ်းဆီးခံရ

CJ Platform

ထိုင်းနိုင်ငံ၊ တာ့ခ်ခရိုင်၊ မဲဆောက်မြို့၊ မယ်ကုကျေးရွာအနီးမှာ တရားဝင် အထောက်အထား မရှိသူ မြန်မာနိုင်ငံသား ၂၁ ဦးကို ဖမ်းဆီးရမိခဲ့တယ်လို့ တာ့ခ်ခရိုင် လူဝင်မှုကြီးကြပ်ရေးဌာနက ဒီနေ့ မတ် ၅ ရက်၊ ညနေပိုင်းမှာ ထုတ်ပြန်လာပါတယ်။

မဲဆောက်မြို့၊ မယ်ကု-မယ်တောင် ကားလမ်းမဘေး ငှက်ပျောစိုက်ခင်းအနီးက ကားတစ်စီးပေါ်မှာ မြန်မာ ၂၁ ဦးကို ထိုင်းနယ်ခြားစောင့်တပ်ဖွဲ့နဲ့ ဒေသအာဏာပိုင်တွေက မနေ့က မတ် ၄ ရက်၊ ည ၈ နာရီခွဲဝန်းကျင်မှာ ဖမ်းဆီးရမိခဲ့တာပါ။ ဖမ်းဆီးရမိသူတွေထဲက ၄ ဦးဟာ ဗီဇာသက်တမ်း ကျော်လွန်နေသူတွေဖြစ်သလို ၁၆ ဦးဟာ အထောက်အထားမဲ့ ဝင်ရောက်လာသူတွေဖြစ်တယ်လို့ သိရပါတယ်။

ဒါ့အပြင် ပန်းရောင်ကတ် ကိုင်ဆောင်ထားတဲ့ အသက် ၄၃ နှစ်အရွယ် မြန်မာအမျိုးသားတစ်ဦးကိုလည်း ထိုင်းအာဏာပိုင်တွေက ဖမ်းဆီးနိုင်ခဲ့ပြီး တရားမဝင် ဝင်ရောက်လာသူတွေကို ခေါ်ဆောင်ခဲ့တာကြောင့် သူ့ကို လူကုန်ကူးမှုနဲ့ အမှုဖွင့်ထားတယ်လို့လည်း တာ့ခ်ခရိုင် လူဝင်မှုကြီးကြပ်ရေးဌာနက ထုတ်ပြန်ချက်မှာ ဖော်ပြထားပါတယ်။

မယ်ကုကျေးရွာအနီး ဖမ်းဆီးခံရသူတွေထဲမှာ မြန်မာ ၂၁ ဦးအပြင် အသက် ၂၆ နှစ်အရွယ် ဘင်္ဂလားဒေ့ရှ်နိုင်ငံသားတစ်ဦးလည်း ပါဝင်တယ်လို့ ဆိုပါတယ်။


ထိုင်းနယ်ခြားစောင့်တပ်ဖွဲ့နဲ့ အာဏာပိုင်တွေက ဖမ်းဆီးရမိခဲ့တဲ့ မြန်မာနိုင်ငံသား ၂၁ ဦးနဲ့ ဘင်္ဂလားဒေ့ရှ်နိုင်ငံသား ၁ ဦးတို့ကို မဲဆောက်ရဲစခန်းကို ပို့ဆောင်ခဲ့ပြီး လိုအပ်တဲ့ အရေးယူမှုတွေ ဆက်လက်လုပ်ဆောင်သွားမယ်လို့ ဆိုပါတယ်။

ဓာတ်ပုံ - Tak Immigration
#CJPlatform #MaeSot #ThailandNews #MigrantWorkers #IllegalEntry #MyanmarCitizens